尋晚又陪阿哥暴走

12點出去送左佢女朋友走之後

就係馬鞍山兜大圈

海陌－＞新港城－＞頌安－＞聽濤雅苑－＞頌安－＞馬鞍山公園－＞雅典居－＞烏溪沙－＞利安－＞帝琴灣－＞泥涌

行到３點∼

落大雨=.=好彩有帶大摭

不過都係飛左的番屋企

餓到死∼食飯

之後沖涼訓覺都４點幾

今朝１２點幾起身

都係去左生命樹溫書

溫埋本ＥＣＯＮ上冊

之後ｈｅａ，食歡樂既下午茶餐

６點就搵埋呀哥去探呀爺

推呀爺行左個圈

指下指下∼

指穗禾苑，畫舫

阿爺成日亂咁ｕｐ

都未見過阿哥個女朋友又話佢好黑

真係唔知點諗出黎＠＠

不過又笑左∼

返老還童吧∼

經過幾日既睇戲，打牌，去ｃａｍｐ，放榜

好似荒廢左學業咁

今日開始溫番了

點半去到生命樹

口輕輕咁應承左少梨聚會

不過都無咩所謂

當唱下歌都好

仲為勢所迫做左人生第一次既禱告

ｏｈ∼又講得有板有眼（因為聽得多．．．）

期望倒是真的∼∼

今日溫ｅｃｏｎ

係生命樹溫左頭４章

飲左好多水

之後同billy去左吉野家食野

７點幾就行左去濱景繼續努力

呢個地方都唔錯

間唔中有Ｄ水聲聽下＠＠

又溫多２章

突然諗起去ｃａｍｐ既事

"重慶大廈賣咖哩"

"旺角殺左人"

"坐左兩年監"

"生左兩個仔"

"我好緊張"

真係笑死

相比之下，一個人溫書既時光真係有Ｄ漫長呢∼

好了吧∼

寂寞半點假如不能承受

這生命註定過得不易

笑與淚∼亦有時候

始終要努力努力呢∼！

消仙升到中６了∼！

真係一件開心既事

不過都無諗過佢會唔得

所以本身都唔係好緊張

但到左就派個時就真係緊張了

ａｎｙｗａｙ∼下年要努力努力呀！

多Ｄ問我野啦∼∼

開學之後我要組織溫書團啊啊啊啊啊啊啊啊啊啊啊啊啊啊啊啊

講番去ｃａｍｐ既事

呢個ｃａｍｐ真係幾好呀！

大家玩得好投入

麻痺拳－＞麻痺雞－＞麻醉雞

真係笑死＠＠

幾有屋企既感覺

去沙灘，ＢＢＱ，一齊係房玩集體ｇａｍｅ

好似搬左入長洲住咁

真係一個好既回憶

出左ｃａｍｐ仲爆裂去唱ｋ

其實真係好累

不過覺得仲有呢種動力去同班ｆｄ爆裂埋落去

呢件事又幾開心

唱完真係累透了

番屋企諗住早訓又唔得

嚴重唔夠訓

不過我覺得已經比之前好了

我想做得更加好

直到有一日可以負擔得起．．．

星消失午夜天  最後和你  哭著痴纏 

心今天請你諒解  經不了考驗 

她即使有弱點  卻願和我  跨步走前

心偏偏多配合點  彼此掛牽

留給這世上我最愛的人  留低深刻熾熱吻 

今天起你獨自生活  要多珍重不要感晦暗

離開這世上我最愛的人  從此不必掛念我

不必嗟怨命運不幸  愛可不是憐憫

這一雙破落心 偶遇浮生  彷若星塵 

彼此欣賞縱陌生  終於也走近 

哭聲飄過夜深 再度撩起  失落心神 

心愉愉給給你著緊  祝福這生

留給這世上我最愛的人  留低深刻熾熱吻 

今天起你獨自生活  要多珍重不要感晦暗 

離開這世上我最愛的人  從此不必掛念我

不必嗟怨命運不幸  愛可不是憐憫

孤單的心愛的只是我  我卻愛她一個  人無緣留下缺陷

留給這世上我最愛的人  從此不必掛念我

不必嗟怨命運不幸  愛可不是憐憫

岩岩完成左單人半夜由烏溪沙行番屋企既第一次旅程

要記一記先∼

話說夜晚係旺角睇完海盜２之後

就撘火車轉馬鐵去到烏溪沙

睇睇時間都１２點７

無車了

咁就行行行行行

經過帝琴灣遇到龜車

我係Ｄ龜旁邊經過都唔過黎查我

都幾瀟灑∼∼

之後繼續行

心諗如果有人出黎打劫既話應該點做

之後同阿哥講好如果２條友遇到一個渣刀打劫既

就夾定出手ｋｏ佢

一個人又搏唔搏得過呢

如果個樣係渣把刀仔出黎嚇下你個Ｄ

都搏得過∼

因為佢根本無諗過你會反抗

好∼廢話講完

總之係差唔多９個字之後我就番到屋企

結果慳番廿幾蚊

順便練埋身體同意志

幾好幾好∼

尋日極大風

係生命樹送ｍ記外賣上消仙屋企都比Ｄ風吹到後移左一步

好彩唔大雨∼

之後用手揱打太鼓

之後ｂｏｂｏｃａｃａｍａｎｌｅｅ又黎左

之後睇海盜１

又得到消仙家姐既熱情通粉款代

海盜１都幾好睇

睇睇下ｃ奶都落埋黎睇＠＠

睇完就太鼓大亂鬥

然後番左屋企

今日就朝早出左禾輩打牌

發生左Ｏ磷大ｆａｋｅ事件

佢地打得多∼

我睇下都幾過隱ｃ．ｃ

本地理景觀太重

去左第一城交托比billy

之後同馬嬲ｏ磷出旺角

係朗豪ｆｏｏｄ　ｃｏｕｎｔ會合阿奶同患左"紅眼症"既消仙

等埋補完習既牛丸ｃ奶就食野

同消仙ｏ磷變左水果飯３人組

又驚遇"循環再用風雲"

最後去左睇海盜２

劇情都ｏｋ∼

不過我覺得打得麻麻地

最後又係焗人睇埋３．．．．．

都無計∼

下年５月∼考完ａ－ｌｅｖｅｌ就ｋｏ佢

yahoo換左個新版面

好唔慣∼

搞到我成日都仍住整錯左首頁＠＠

講番尋日既動漫展之旅

予展者：消仙大勤倫ｃ奶我+路人甲乙丙丁．．．．．

消仙訓左半個鐘就比人叫左去．．．．

比我就死都訓

唔係去左都無意思

一定眼訓到咩都睇唔到

係個會場度其實都係迫

不過預左都無咩野

只係５個人既行動頗難一致

最後我地都分開左行一輪

我就走左去高達個邊影相

之後既cosplay冠軍係渣大刀佬

真係估唔到

聽講佢自己整左架電單車

後來我地行到無野行就走左

去左尖沙咀食韓燒

搵左好耐呢

大家都好累∼

終於都搵到既時候

突然一堆警車殺左出黎

一共有３架

唔知咩事呢？

ｃ奶話：如果再黎一架就真係大件事啦

呢句話都幾令人費解．．．

大家都一齊入左百樂自助餐既電話

原因？都幾吸引∼

無論如何我地真終於有得食韓燒

呢間都幾正

有人參湯∼

Ｄ涼粉又係幾爽

傾下入ｃａｍｐ玩咩

"我愛你，唔知醜"都應該可以玩得幾瀟灑

食到１１點∼

消仙要趕去番工

好奔波＠＠

之後同大勤ｃ奶行去撘火車又兜左個圈．．．

今日都係離唔開行路

好彩平時行得多又唔怕

今日呢？３號風球呀

不過都係上左生命樹

撘車既時候撞到何偉儫

同一條村都可以幾年之後先撞到

傾左陣

佢做ｍ記呢而家

幾勤力丫∼我上年暑假都係頹廢左去

阿俊升左去西貢＠＠

係自修室溫左陣

又睇左陣ＩＱ

溫埋呢２日就應該會暫時放低地理

ｃａｍｐ之後就溫下ｅｃｏｎ

係啦∼ｃａｍｐ之後就放榜囉

希望消仙掂啦！

今日同照舊一起身搞下野

食D野就出去自修室溫書

"大家都好勤力

個個坐晒係入面溫書"

呢句係billy講既

之後即刻見到２個人出左黎

"Ｄ人開始曳啦"

呢句都係billy講既

個刻覺得呢個ｇａｇ都幾好笑

今日都係睇pastpaper

發現左ｃ奶１４分同１８分既地理ｅｓｓａｙ

都幾勁∼

"其實我都未囉過１８分"

不過個時無講到呢句

因為講左就要冒住"比ｃ奶笑"既風險

到時搞到我要走去波士頓避風頭就唔好啦＠＠

我既食物盒似乎開始取代生命樹食物盒

尋晚買既朱古力條麻麻地

失策失策∼

希望阿雞都ｋｅｅｐ住溫書既鬥志啦∼！

畢竟佢地都想你係呢個地方繼續努力

後來去左游水

６ｓ團都有去∼

同佢地游左陣

又同阿哥游左陣

狀態都幾好

之後食完飯送左阿媽撘車

仲同阿哥係馬鞍山兜左陣

食左個糖水之後行番屋企

番到屋企都２點幾了∼

不過幾好幾好∼∼”

聽日去漫畫展呢∼

仲成班人去ｃ．ｃ

係惠州番黎

臨走之前

居然首次係呢個地方見到真正而簡單既善意

卻又毫無疑問咁引起老豆既傷感

令我汗顏∼

個時因為要去撘大巴番深圳

我地上左去汽車站既巴士

好迫∼當然無位坐啦

我地都打算企係度既時候

賣車票既小姐居然問某個坐係度既男人

"可唔可以讓位比老人"

而個老人就係指老豆

呢種對陌生人既善意係惠州呢個地方簡直係一種奇蹟

最後個男人讓左比老豆

但見到老豆坐係度個個唔自然既樣

我實在有Ｄ心酸

不知不覺間

老豆真係變得蒼老了

歲月催人，時光可一不可再

係呢個關節深深咁刻畫．

惠州既屋總算退租了

宵夜既美味炒米依舊係咁美味

滿足了∼

過去的總要過去

今次影左Ｄ相

有一個"非物質文物展覽"

都唔知即係展咩＠＠

當然唔會晒錢入去睇

話明非物質

入到去咩都無都唔出奇

好難講．．．．．

入左夜市

個度Ｄ管理員仲認得老豆＠＠

連剪髮個個人都認得

真係好記性∼

最後番左香港

換左首流光飛舞

好好聽架∼！

呢幾日成日睇billy借比我本ＩＱ書

好多題目玩∼

好正呀＠＠

不過睇得太多會唔夠訓．．．

去自修室除左睇本ＩＱ書之外

就係睇地理既pastpaper

睇完都唔係話記得好清楚

不過保持住印象都好

聽日要大陸呢∼

同老豆上惠州囉番Ｄ野

因為惠州間屋退租了

上埋今次應該唔會再上去了

一定要食個度宵夜既炒河

童年既回憶都唔少呢∼！

離開都係遲早既事

算係最後既懷緬吧∼

後日就番黎了

想去漫畫展湊下熱鬧

問下消仙得唔得閒先

番屋企時好大雨呢

一段路仔都行到濕晒＠＠

風沙中長出這個我

沒折斷沒有倒臥

誰人付過力氣太多

定要每一相擁過！

近排既我．．．真係一個字－－－－瀟灑（ｓｏｒｒｙ係２個字）

個人好似精神左

感覺都ｏｋ積極

偶爾都會發下癲∼∼”

總之都幾瀟灑∼

好奇心都係一種動力

希望可以ｋｅｅｐ得到下啦＠＠

講下近況先

今個暑假總算唔太頹廢

因為無野做既日子都上左生命樹溫書

雖然講唔上有咩進展

總算有點寄託

唔會失去過日子既充實感覺

咁耐無打日記

好多野都想打一下

不過又未去到非打不可既地步

講起黎都幾乎合我既性格

曾經係我既日記入面寫過：

有Ｄ野我會想得到

但又未去到非得到不可既地步∼

呢種心態係好係壞呢？

對於依家既我黎講應該係好既

但到左一個時候

我一定要改左去，一定∼

除左去自修室之外

做得最多既就係游水

成日同阿媽+哥+佢條女去馬鞍山游夜水

感覺唔錯∼對身體健康

對個病又有Ｄ幫助

可能可以令我無咁渴睡

係就正啦

消仙近排都有事要忙

今日仲第一日番工

送左個"開工大吉"比佢

要大吉大利呀∼！

除此之外，

向你送上一點祝福

其他既就要靠自己了

珍惜！

之前同６ａ男仔去長洲ｃａｍｐ

間屋就麻麻地

活動都頹廢左Ｄ

不過都係幾鐘意

可能鐘意呢Ｄ遠離市區感覺既地方

爬左張保仔洞

大家都唔使驚過唔到

要知道我地一行人入面有大頭係度∼∼

世界盃終於都係意大利捧走左

巴西８強止步．．．．

真係比較傷心

施丹告別賽未免瀟灑左Ｄ＠＠

買左新電話ｔｓ３０

都幾ｏｋ∼好薄呀∼

削弱左我既頹廢ｆｅｅｌ．．．

都好∼唔可以太頹廢了∼！

可以聽下歌仔係一件賞心樂事呢∼

總覺得人與人之間既關係唔應該太過脆弱

隔膜同誤解實在係討厭既東東

希望大家都可以少一Ｄ啦∼

每個人都有自己既價值觀

而價值觀可以影響很多東東

令你和我和所有人不同

可能基於自我認同的需要

人們都喜歡堅持自己的價值觀

在對對錯錯中爭取領地∼

據說，這是一個不絕對的世界

因為絕對的世界就是完美的世界

完美的世界就不是世界

而是一場夢了∼