今日要番學補課

成日都訓唔醒

今日７點幾先扎醒

匆匆沖個涼之後出門口

用左新既番學方法

９９+４０ｘ

４０ｘ兜好耐

雖然係學校對面

不過都要幾耐下

唔係一個好方法

番到學校９點２到

岩岩先開始做ｐ．ｓ．

咁就做做做

１個鐘零９個字

做一篇有關去大陸交流既project

一般啦∼做唔得晒

listening就慘囉

應該係咁耐以黎最差既一次

可能大概有十份一既分．．．

放學就行左去禾輩家興買豆漿飲

原來上面天花住左隻貓

又幾特別

幾Ｄ閣樓依家都好少見

之後就行去生命樹

做２篇ｅｓｓａｙ

少梨又走黎聊我傾計

終於都發左張証比我＠＠

我做做做∼

估唔到頭先做英文個時精神咁惡劣

黎到生命樹都終可以完成２篇ｅａｓｓｙ

好成功呀∼

真係諗起都笑

亦可能因為咁

所以之後都幾精神

不過篇ｅａｓｓｙ似乎都一般

唔睇書做∼

因為睇書就慢好多．．．．．

之後見到貞貞∼

佢落左黎溫書

消仙就係屋企溫＠＠

不過消仙後來都因為免卻係屋企偶爛左出左黎陪我食ｔｅａ

去左ｍ記

出現左"連環出錯事件"

先係錯餐

再係食錯∼

都真係唔笑都唔得

消仙都係溫緊ｍａｔｈ

據說消仙差中史同世史未溫

進展都唔錯了∼

加油啦∼！

上左消仙屋企

本身都風平浪靜

之後阿雞落左黎比本吶喊我

都唔該晒＠＠

唔記得比番本唐山你ｔｉｍ

係啦∼之後就開始出現起哄場面

不過都好耐未試過

又幾好玩∼

消仙囉件簽名恤衫出黎

又惹來"無簽風波"

之後飲橙汁又突然講起"阿奶屋企大碗蛋漿風雲"

都真係好似蛋漿．．．．．

之後我又諗起個日ｃ奶病左都比我地玩

其實都幾唔好意思＝．＝

終於係消仙屋企ｈｅａ到８點幾

阿雞回家吃飯

消仙落街買飯

我都番屋企了

今日又行落濱景撘巴士

長路漫漫是如何走過∼

都係諗下野

不覺間就番到屋企了．

今日終於係消仙屋企囉番本紀念冊

一年前既各位

有Ｄ人已經離我遠了

有Ｄ人依然如是

有Ｄ人更熟絡了

睇番佢地寫既野

就好似將時光凍結左∼

可以回味一下∼

但世事又點會為誰凍結呢？

睇番個個讚過我知足既人

大概已經唔再對一年前既自己有同感了

好多野唔到你唔睇淡

就算唔睇淡又可以點

唔通渣住本紀念冊周圍同人算帳

話"以前你係咁講，依家又唔同晒既"？

人會變，世事更會變

究竟自己變定係人變邊個分得清

亦都無意思∼以往既事

美麗既，始終係一段好既回憶

不快既，亦都過去了吧∼

只係，年輕人

睇得太淡，總係好似衝勁缺缺咁

自己就係一個例子啦∼

始終都係有應該去執著既事吧

或者應該平衡一Ｄ

咁樣∼咁樣會比較好∼∼”

本來諗住今日去自修室做功課既

點知一醒就２點幾

出到去都做唔到幾耐

又晒左十幾蚊

所以都係留係屋企

不過留係屋企又係衰

無心機

問左人ｅａｓｓｙ既題目

都係未做到＝．＝

又走左去打機

之後打打下又係電腦睇番殘酷一叮

有Ｄ真係幾搞笑

個心心人同埋上黎搞爛ｇａｇ既阿叔

睇睇下又成１點

點知都係訓唔著．．．．．．

今日就番香港了

起身之後再去多次間屋影相

中午就係芳村直接撘番深圳

係櫃台賣飛個個小姐

係難得既好態度＠＠

１點１５分上車

４點１８分落車

本來２個鐘既車程塞多左一個鐘．．．．．

不過總算番到黎

之後火車－＞大學－＞小巴

番到屋企

完成左３日２夜既大陸之旅∼

潘碧龍生日快樂！

可惜係大陸黎唔到同你慶祝．．．

不過聽講同你慶祝Ｄ人都順利咁進入左搞事狀態

應該係一個唔錯既生日吧

講番我既生活

係廣州既第二日

朝早起身之後就同阿媽＆舅母＆"而"媽去左睇間屋

係芳村的∼

間屋入面都算係咁

個窗廉做得幾靚幾好睇

張木椅咁快就比我刮花左－０－

窗外就唔太好

有Ｄ污濁既感覺

不過都比想像中好了

中午去左飲茶

無咩胃口

求奇食左Ｄ野就算

之後番舅父度坐左陣

又落去幫阿哥睇珠

睇左十幾間都無佢想要個隻

咁就算了∼

有趣既係夜晚１２點幾名舅父+表姐係樓下食宵夜

街邊風味

３個人ｋｏ左３隻燒雞脾+３串燒雞翼+３盒燒茄子+十幾串燒羊肉+一大盒炒河+一支大啤酒

真係正∼最後食完仲飽過食飯

番舅父度就大覺訓

閒時睇左一篇文章

話二次大戰個時

有個英國既空軍比德軍既炮彈射中左架飛機既油箱

諗住死硬

點知又無爆炸

個空軍就咁順利咁脫險左

之後解剖射中油箱既炮彈先知

原來入面係無炸藥既

有張字條同捷克文寫住：

我能做的只有這些．

原來個時德國佔領捷克

迫Ｄ捷克人幫佢地整炸彈

捷克人就偷偷地咁係一Ｄ炸彈中唔落炸藥

希望可以幫到盟軍

佢地唔確定咁做係咪真係幫到忙

但都冒險咁做左

然後留底左咁既字條

或者係人生中都會遇到Ｄ咁既事

做一樣野，但卻睇唔到個成果

唔知道自己咁做究竟係咪有用

但如果依然有一種信念既話

就堅持落去吧∼

可能係你見到唔到角落

某人正因為你做既事而受到莫大既幫忙呢∼！

今次過關出現左少少阻滯

話說我既身份證申請左仲未囉得

得張臨時身份證

以為都過到關

點知去到先知係過唔到既

要其他旅遊證件先得

鬼有咩∼

好彩個值日主任唔知係咪見我靚仔（其實係開心終於有Ｄ野做－０－）

就發左張臨時出境證比我

就咁就順利就過左關

亦都順利咁番左上廣州

係廣州都係差唔多咁生活

都係睇下書

阿媽就同舅父傾下計

其實主要都係陪阿媽番去

我發覺自己有一個唔知係好係壞既習慣

就係自己做緊野（例如睇書）既時候成日不自覺咁聽左人地講野

呢日就成日聽阿媽同舅父講野

大致上都知道佢地講咩

係關於親戚之間既爭端

我成日都唔知點解會發生Ｄ咁既事

一場親戚

就算唔熟唔岩ｋｅｙ咪各有各生活囉

點解要搞到好似有仇咁∼

或者講到尾都係同個情字有關啦

親情反而成為爭端既根源．．．

聽聽下∼平靜既一日又過了

等陣番大陸了

不過後日就番黎啦

主要都係睇下個單位同埋探下好耐無見到舅父一家

其實話就話好耐都係２年o者

但以前有假期就會番去住

呢２日都爭取少少時間

帶本書番去睇下

原來真係有好多野做

吶喊都未借=.=

好啦∼都係時間出門口∼∼”

今日又有少少荒廢左

起身打完飯又打機

打爆左機戰@@

之後夜晚8點幾同收工既阿哥行出緊鞍山

阿哥都幾多野講

咩都講下咁

又講下食咩好

聽阿哥講西貢有間餐廳幾抵食+幾好氣氛

有機會都想試下∼

佢仲話小學個時見過人跳樓

不過個時覺得無咩野

話只係頭向下個地下淺左撻血咁

出左馬鞍山都去食野

食抵制左好耐既廣島

果然Ｄ質素好番

２個人食左魚生飯同打邊爐

個湯底幾正

有Ｄ藥材味但又係甜既

食完就係馬鞍山兜下圈

同阿哥睇下人地地產Ｄ盤

之後行番去

又行左一輪

番到屋企都成一點鐘

好累呀

食得太多肉了

真係要食多Ｄ菜

今日都行左１０公里到

算係一個小暴走啦∼

復活節假既第三日

起身已經係１點鐘了

一放假就係咁

真唔健康

不過如果放假都仲要早起又係頂唔順．．．

呢幾日又凍番

今日都真係幾凍

唔知幾時先會真係熱

不過熱又怕熱

凍又話凍

都好難話好唔好既

控制一下就好了∼

打左一陣機之後都沖涼出街

細姑姐番左黎請食飯

有好多細路仔

不過都係４叔個２個仔感覺最"健康"

睇住佢地係追逐既時候係自己腰間轉黎轉去

就覺得自己真係唔可以算係一個細路了

不過講到青春∼

都還可以挽救一下＾＾

今日去左梁子健屋企玩

大約１點半上到廣源

係７－１１食左好耐無食既糯米飯

飲左好平既野飲

之後上去梁子健消仙邦邦都係度

消仙同邦邦打緊三國無雙

呢隻ｇａｍｅ都係狂斬狂斬

一陣之後就因為夠腳而開枱

上半場都無咩運

三家係咁自摸

未出過沖都變左一家輸三家

不過下半場又拉番平

最後輸左５毫子ｃ．ｃ

後來潘碧龍黎埋

大勤就好醒咁無黎到＠＠

佢地打ｓｅｅｄ

隨機對戰好搞笑

抽正Ｄ騎呢機就搞鬼

我睇梁子健打ａｏｃ

都真係好勁

我發覺如果要打得勁

除左要熟ｈｏｔｋｅｙ之外

就係唔好貪戀於一個鏡頭

要係咁轉係咁搞其他野

不過講就易其實都好難－０－

邦邦練笛

識個樂器又幾正

不過自問無天份亦無心機

所以都係做聽個個好了∼∼

夜晚佢地打三國無雙

好搞笑呀真係

打左十幾次都比呂布２野ｋｏ左

最後終於都逃過魔掌

之後又狂比人打死

又笑餐飽

世龍少有咁打左比我

都係傾下大家Ｄ近況

睇黎佢都幾勤力溫書

仲幾有自信

希望佢都真係升到啦

不過係一件事上面佢又好似有Ｄ誤解

都同Ｄ感情問題有Ｄ關係

不過已經係過去左既往事了

可能年輕人啦∼

不過如果可以少Ｄ憎恨，少Ｄ厭惡

咁就好了∼

最後成十一點幾先閃

極速狂閃落畫舫

最後都係要等＠＠

個段路如果慢慢行既話都幾長

聽過一段男仔每晚送左女朋友番屋企之後獨自行一段路既故事

設想一下

其實都係一段寂寞，但必須走過既路．

發左一個夢

我同哥同佢２個ｆｄ唔知點解去左一個好多喪屍既地方

好似係一個ｇａｍｅ

不過又好似真係有危險咁

一開始都係用槍射

之後無子彈仲要用拳頭打

有其他人都真係比Ｄ喪屍ｋｏ左

終於打到朝早

話Ｄ喪屍已經比我地打到好虛弱

加上朝早佢地會無行動力

之後個個類似主持ｇａｍｅ既人同我地講

如果你地可以係一個鐘之內唔比我發現而又番到沙田既話就算你嬴

之後佢行走左

我地係度諗點算好

點知一行出去竟然係一個都幾多人既新市鎮咁既地方（類似東涌）

有個大巴士站

我諗如果上沙田個架巴士實比佢捕到

見到有架唔知咩巴士就黎開

我就衝上去

叫埋哥同佢２個ｆｄ一齊上

諗住出左呢個地方等佢搵唔到我地先再轉車番沙田

哥同一個ｆｄ上左

但佢另一個ｆｄ就面帶尷尬咁無上到

架巴士就咁開左

我開佢地咩事

佢地講到模糊不清咁

總之就大有責怪我之意

後來先知個個ｆｄ有怕陌生症

好害怕一Ｄ唔知會點既野

所以唔敢上一架唔知去邊既車

竟然係咁．．．

之後係市區落左車

搵緊車番沙田既時候

哥另一個ｆｄ又唔見埋

我地搵佢

之後搵左一陣都唔見

佢ｓｅｎｄ左個ｍａｓｓａｇｅ比我大概又係嬲我撇甩左個個ｆｄ之類

咁我同阿哥就撘左車番沙田

不過因為阻滯左一陣

亦都過左一個鐘

所以最後都輸左個ｇａｍｅ

成個夢就係咁

好少會記得咁清楚．．．