聽日就係我生日啦啦啦啦∼∼

咁就１８歲

真係歲月如梭

我哀悼之前１８個年頭既逝去

但亦對往後既日子抱有希望

呢個生日，為免一個常見問題發生

本打算微型活動

不過最後經典既始終都係出現了．．．

但都似乎解決左

只係對一Ｄ人感到抱歉

我實在低估左你地既熱心

承蒙錯愛了∼

今日時間有限

只記一件搞笑野

嘉欣話佢尋晚發左個夢

個夢既內容實在太耐人尋味+爛ｇａｇ

所以我唔講

只係夢既人物有嘉欣，會長，++，ｂｏｂｏ同埋我

情節如何大家大可以任意猜測

不過我打賭你一定估唔到ｃ．ｃ

希望一切安好＾＾

今日早左D番學校

係樓下食左包

睇陣報紙就上番去

但今日又要早會

所以又要落番去

星期３既早會硬係特別漫長既＠＠

講ｐｅ獎個個女仔個份鎬肯定唔係佢自己諗既

居然可以將"公喜公喜"講得咁死氣沉沉．．．．．．

ａｎｙｗａｙ

又係早讀分享既時候

阿ｐｉｎｇ講小氣都講得幾正

ｋｅｙｌａｍ講登月既吊詭＠＠

之後上ｍｓ睇"集"

派左微分份ｎｏｔｅ

都唔知咩黎－０－

睇黎之後一排上ｍｓ都唔可以訓住了

所以就訓多半堂ｃ．ｃ

又精神晒∼

同ｃ肥落去食野

又行多幾層．．．．．．

之後中化做閱讀理解

都唔想做

做到好呆．．．

地理堂同３人組討論星期６食咩

佢地真係野餐＠＠

今日係派左一堆ＳＱ

有Ｄ都ｏｋ

不過唔太滿意

有待改進∼∼

ｌｕｎｃｈ去飲茶呢！

消仙囉左位先

佢今日又番黎

４個人食左勁多野

飽到咩咁

每人＄４４換黎飽到嘔

另外又有一Ｄ不太快樂既事情

大概係喜惡而形成既一點問題

不過，喜惡都好難避免

所以．．．．也罷∼

ｌｕｎｃｈ之後英文填ｖａｃａｂ

好難呀

遲Ｄ仲ｄｉｃｔａｔｉｏｎ

唔理了∼

班會堂睇下書

放學之後去左幫健關野

打完第１類個Ｄ簡單野就開始打難野

要跟佢食左咩早餐對番張表既ｃｏｄｅ入

騎呢到死

有Ｄ人又食包又食面又食麥片又飲奶

係咪食到咁多呀

仲要廿幾份人人都有食－０－

最後打到５點幾就走了（態度，ｎｅｘｔ？ｉ　ｄｏｎ’ｔ　ｋｎｏｗ，也許不應在意）

落下面睇社排

氣氛都幾熾熱

蜜蜂鬥雞同ｌｕｎ都有番黎

咁齊人∼

６點就同ｌｕｎ同消仙撘８３ｋ

ｌｕｎ番屋企

我同消仙係鐘樓下面捉左陣棋

捉左陣阿雞都落黎了

多謝你既生日禮物

不過仲未睇∼∼

Ｄ　ｎｏｔｅ都希望有用啦

最後都係輸左比消仙∼

無事做就回家了

今朝早係巴士訓得著

都幾正∼

朝早番到學校又爬４層

不過都覺得無咩野

換下感覺都好

隔離廖愷盈踩個單車唔係腳痛係膊頭痛

變左鏈骨仔－０－

空堂睇英文個本魯賓遜

之後訓左陣

又去囉左本菇類大全

原來有咁多咁多種菇＠＠

不過最後係借左"集的故事"

係用Ｄ有趣既例子講集

都幾得意

其中講左人追唔過龜既詭論

大約就係講龜係比人前１米既地方同人起跑

假設人既速度係龜既２倍

人追隻龜

當人跑到１米時

龜已經再拋人半米

人追半米

龜又拋４份１米

最後人都係追唔到龜

關於呢樣野最後都諗到

雖然係無限數列

但距離會愈短

經過時間愈短

公比小於１既等比數列始終會有limit

所以只要人跑得快個龜

就總會追到龜

小息同ｃ肥落去

佢當值都食野

仲要囉人Ｄ野食－０－

見到ｂｉｌｌｙ

比佢飲左熱朱奶

我無得飲－０－

之後上ｅｃｏｎ堂

都係咁上下

不過氣氛好似有Ｄ唔同

史太都燥燥地咁

但大致上都好正常咁過了

地理堂睇左好多past paper

之前生態個份野又衰左

不過又唔緊要

衰得起ｉｓ　ｏｋ∼

之前econ geog++係咁話去邊食

最後礙於時間關係

都係泰華

不過泰華Ｄ快餐都係有點強差人意

食完好快都番左學校

佢地去開會

我上４樓

又開左門ｗｏｒ

真早∼∼

睇多陣"集"

之後２堂空堂

好比心機咁做英文

之後又訓左陣

第一次訓到打左鐘都唔知

比人拍醒的

落去上英文堂

miss chan少有咁教ｇｒａｍｍｅｒ＠＠

不過好難

做完都係唔識．．．．．

放左學之後去新翼電腦室幫手入ｄａｔａ

入左５０份

有Ｄ都幾搞笑

學生性別又男又女．．．．．．

填寫人父親母親都係．．．．．

如果漏寫就打９９９係個項

ｂｉｌｌｙ搞左個ｇａｇ就話係咪寫漏野要搵警方協助．．．．．．

打完同ｃ龜落左ｓｕ室擺校嬲

會長係度講電話

之後又話校園節要我地幫手

－０－？

去搵消仙

原來佢９點就番左黎溫書＠＠

我地走左去ｍ記食野傾計

叫左個個飯餐

加４蚊個杯野飲．．．．．

呢個組合預先成為左本年度我最糟糕ｍ記組合

同消仙傾左Ｄ大學野

之後又傾投資野

又傾搵野做

又傾左．．．．．．

之後番好運

消仙買card reader

個sales既樣都幾似miss麥＠＠

之後就番左屋企了

天氣又回冷啦

真係暖下又凍下∼

第一日搬上４樓

真係行都行餐飽

大家朝早上到黎既反應都係一樣既．．．．．

原來ａｐ　ｒｏｏｍ就搬左去２號室

以前課室係下面就要上４０１

依家上左黎又要落番去－０－

今日開始ｆ５走了

消仙都無再番啦

食ｌｕｎｃｈ就變左３個人了

都有Ｄ唔慣

ｍｉｓｓ　ｌａｕ朝早番左黎

不過下午個２堂又係去聽講座

留左２條ＳＱ比我地做

求奇啦∼做下都好既

上ｐｅ堂考１０００ｍ蛙艇

蛙完一陣勁想嘔

不過都係無嘔到

小息諗住食Ｄ野填下個空肚

點知食左Ｄ雞翼又想嘔

第２隻都食唔落

之後都係上番去了

ｅｃｏｎ堂教新一課

後尾既勞力曲線

++都係度ｌｏａｄ緊

windy同emily係後面斷背＠＠？

英文堂落左英文堂打projectＤ野

windy都真係幾眼訓

釣晒魚

我地打打打

++都差唔多打晒

之後我打左一半到

又食飯了

同++BOBO去左一面館

BOBO話照舊

唔知照舊即係咩．．．．．．

食左擔擔面

不過唔辣的∼

食完番去又要行４層

真係食完飯行幾層

盲腸都快斷過人

不過要趕住溫中化

就無計啦

中化小測匆匆睇左次

其實都無咩關係

但今次都幾難

做錯晒=.=

唔緊要∼小測o者

地理堂就做做做

比人問野

自己都做唔晒－０－

放左學就即被莊叔仔趕走

同會長落左ｓｕ室做埋Ｄ地理去

之後ｋｅｙ　Ｌａｍ，邦邦，ｃ肥同ｍａｒｙ

期間發生左好多"事件"

有會長爆發事件

ｃ肥扮大佬入ｓｕ室事件

邦邦ｋｅｙ　Ｌａｍ比會長溫柔地問"星期日得唔得閒"事件

大混戰爆谷花生等睇戲事件

數不勝數

終於有驚有險，又到６點．

落雨呢∼

６個人３把遮

邦邦同ｋｅｙ　Ｌａｍ走

ｍａｒｙ同會長走

我用把爛遮遮左ｃ肥去健康院就閃了

番屋企

番到屋企隻大貓又將Ｄ貓仔周圍擔

真係．．．又嚇餐飽

今日有Ｄ小事令我更覺得

一些人生既經歷之中

最令人痛心既都係個種有心無力既無奈

無辦法去解決一Ｄ野

無辦法去改善一Ｄ野．．．．．．

人生總係會有無奈的

悠然面對係好重要既態度

不過，如果可以既話

我還是想人生少一點無可奈何

多一點歡欣喜樂．

今日阿雞打黎問我Ｄ野

同佢傾左陣

雖然無咩特別

都係傾下Ｄ學校野

不過又覺得幾好

可能大家近排無咩聯絡

但又唔覺得有陌生既感覺啦

我又諗起關於朋友之間既事

我地呢個年紀

友情佔好大部份

堅持固然重要

但有時候當你既朋友有左新既生活

有新既圈子

而佢又樂在其中既

少不免會忽略左你

我覺得應該懂得將你佔有對方既一部份地位釋放

朋友之間，彼此友誼既執著重要

理解都好重要

對方既生活不可能滿滿都係屬於你，同你有關的∼

視界廣闊一點，風景可能會亮麗一點

呢番話我同朋友講，亦同自己講

當然，接受與否

又係一件很個人既事了．

今日同６ａ班男仔出旺角唱ｋ

甩底者：昆．．．．．

大頭都係唔出現

不過就多左威女∼

１２點幾唱到４點

都ｏｋ既∼

比較記得就係唱左２次好人同命硬

同埋強∼

番沙田見到潘碧龍

同佢去自修室

我睇新買既ｅｃｏｎ書睇左一陣

之後同佢同ｃａｃａ一齊行左陣

再搵埋消仙

就一齊行去禾輩

去五十嵐打邊爐呀∼！

仲有ｌｕｎ

我地等ｂｏｂｏ

係影碟店出面睇ｘ元甲

仲要係２間輪流睇ｃ．ｃ

６個人打邊爐

不過Ｄ前菜都鬼咁多

又sushi又天婦羅又小食又炒飯

食完飽左一半

打邊爐個冬菇突然浮上黎個一下好搞笑

爛ｇａｇ又係難免ｃ．ｃ

打完之後去左石春路個邊坐

玩下Ｄ白痴ｇａｍｅ

大話啤，潛烏龜，行石春路

後尾仲搞笑

扮彊屍跳仲玩花式旋轉跳

最後仲玩捧球，哈哈∼

不過都真係幾開心

玩到１１點先走

聽日耍留係屋企苦幹了＠＠

出左世既4隻貓仔之中

有一隻總係好虛弱

成日爭唔到位飲奶

我地不斷放佢係Ｄ靚位度比佢飲奶

但都成日好快被逼番出黎

終於隻貓係夜晚死左

阿媽掉出去時

我都問一個問題問左幾次

呢個問題後來番黎既阿哥都不約而同咁問左我幾次：

係咪真係死左？

大概我地都諗或者隻貓個時只係訓著左無反應

或者咁岩身體凍Ｄ．．．．

當時，其實死左就真係死左

事實上平常一胎貓都好可能會有一部份夭折

所以都只係覺得．．．有點失落吧∼

朝早同消仙ｃ奶去大家樂食早餐

講起我Ｄ貓

ｃ奶話佢以前有養倉鼠

講左一輪大肥小肥

最後ｃ奶都變左ｃ肥．．．．．．

早會時譚ｓｉｒ又爆ｓｅｅｄ講深圳書城

都掛住溫地理

無聽到

ｅｃｏｎ堂做題目

咁又２堂

地理堂ｔｅｓｔ土壤ＳＱ+ｅｓｓａｙ

又做餐檬＠＠

ｍｓ又係做下數

訓陣覺

無驚無險又到一點

ｌｕｎｃｈ　ｔｉｍｅ４個人食魚米家

都係有講下譚ｓｉｒ

不過我無咩意見

英文堂就ｕｐｓｔｒｅａｍ

聽listening，教書

放學之後要搬Ｄ野上４樓

星期一就上去上堂了

成座山咁高既書

嘉欣同會長Ｄ存倉都幾多＠＠

我個Ｄ搬落又反而唔多

比較輕便

但都行左幾次

搬埋一Ｄ其他野上去

之後都係留到５點幾先走

同消仙去左仙跡岩飲野

傾下計

講下佢個班Ｄ恩怨

有時針對真係幾唔好既一樣野

衝突未必足以把各人之間既關係搞得咁差

只係連鎖反應

可以既話，我寧願唔將自己對其他人既感覺擴大

只做著自己應該，或者想做既野

咁會比較好∼

今朝早發覺大貓係個箱到生左４隻貓仔＠＠

好細隻呀∼

大貓仲有喂奶

終於出世了＠＠＠＠

不過今日番學都剩係同消仙講左

其實係擔心Ｄ貓仔又死左

不過夜晚番到黎睇下Ｄ貓仔都幾穩定

所以應該無問題＾＾

今早譚ｓｉｒ講通識教育講左成個早會+早讀

都有聽下佢講

算係知多Ｄ野咁啦∼

頭２堂空堂上去

睇左陣書

有關統合論同多樣論

過去同未來

又係睇下都好∼∼

ｅｃｏｎ堂都係聽書∼聽書

同++講番Ｄ問題又比史太疾到

哈哈∼

中化就小測，都係狂吹

之後小組討論又係狂吹

情∼食∼權∼邊樣最能形容到中國傳統文化

都講得ｏｋ∼

ｌｕｎｃｈ又係３缺１

不過係缺消仙

我地３個去泰華食

食完去開健康大使會

叫我地幫手做野

入電腦既ｄａｔａ

之後英文堂就都係present

空堂上去做ｅｃｏｎ　ｎｏｔｅ

但又變左吹水

昆爺．．．．．哈哈∼

放學之後做埋ｅｃｏｎ　ｎｏｔｅ

消仙落左黎

同我地影相

我地合體技失敗左．．．．．．

原來會長想轉科＠＠

似乎會長都係文學人多Ｄ

不過就真係幾大代價．．．

後來走了

同消仙行下中央

又做番ｆ４做過既野

傾下計

join左麥樂會

都幾正ｃ．ｃ

之後我地都番屋企了∼

今日放學學校既節目係社際辯論比賽

信社(正)對忠社(反)：做人切忌出風頭

儉社(正)對勤社(反)：注重外觀是無可厚非

windy今日ｌｕｎｃｈ之後話信社台下發問唔夠人

所以就搵左我去

不過都無咩貢獻．．．．

信社都係輸左

至於儉對勤就儉社嬴左

其實都正常∼

會長嘉欣佢地諗得好周密

所以都真係應該無咩理由輸

不過無緣睇到又有Ｄ可惜

最後佢地擔心個個大逆轉都係無出現

其實真係唔會

如果我係勤社都一定唔會冒呢個險

總之辯論都幾有趣

不過叫我上台講就一定淆底，哈哈∼∼

今日燥ｌａｕ無番

譚ｓｉｒ代點名

佢個人都幾幾人ｏ嘴

佢好唔好就唔敢講

不過我都會聽下佢講野既

都唔係好差o者

ｍｓ堂都係做一陣ｍａｔｈｓ

訓左一陣

呢堂都可以話係比較自由既一堂

呢概率一時就幾易

不過一時諗唔通就真係唔識＠＠

小息同消仙落去食野

又食左好多野＠＠

之後中化就作實用文

建議書應該又係作到一堆野=.=

我作呢Ｄ文都真係唔多掂

地理堂係空堂

變左係library上

做功課∼不過都唔係好做到－０－

ｌｕｎｃｈ++去同三八食

３缺１既我地去左一面館

要自己買飛

學生餐一個去排隊只可以買一個=.=

都燥燥地∼不過都明白既

佢都係照規距做野o者

英文堂小組present

我又廢到咩咁－０－

班會堂做少少社辯既準備

之後放學就去社辯了

今日本來我ａｐ當值

多謝阿貝替我更∼∼

社辯之後佢ａｐ　ｒｏｏｍ都冷清清

提早走了

呢日都幾疲累

早點回家了∼

一番到屋企就訓覺

訓到朝早４點－０－

起身做埋Ｄ地理

同阿哥打左陣機

就番學了

當然，呢Ｄ就係另一日

即係３月９日既事了

今日既大新聞都可以話係miss lau（今次終於改口ｃ．ｃ）收到９９枝紙摺花

我地早會個時輪流出去送

由細ｂ同阿貝先

最後會長仲黎個感性說話時間

場面都幾感人既

女仔們今次又係做得好好

Ｄ花都幾靚∼

另一件事就係lunch既貧富宴

都料到又係做赤貧仔

生梗３個面包

都好飽＠＠

龜仔邦邦大頭佢地竟然係富＠＠

聽Ｄ富同中既反映我地呢Ｄ貧既連枱都無

睇落都真係幾"貧"

番到去仲比隔離位"新好同學"奚落一番＾％％＾＃＄％＃％＄

ｃ奶又抽到富＄％＾＄％＾＃＄％＄％＾？？？？

係度吋咀－０－

好啦∼兩件事講完就講番今日既上堂情況

頭２堂空堂

先落左去寫天氣

之後上library做筆記

有個情況，都．．．謎

++去唔到肥仔同我既生日，有點可惜呢∼！

然後既ｅｃｏｎ堂

都係聽書聽書

不過就釣左魚

精神不振，實在唔係好得

好似講左Ｄ又ｖｍｐ又ｍｒｐ之類

地理堂小測之後就教書

不過我又係勁釣魚

太眼訓了今日

睇ｒａｉｎ　ｆｏｒｅｓｔ既片

好深刻既就係個個屍花同埋個條食動物死屍既白色野

睇住個條白色野咬昆蟲屍體既樣

簡直好似幻想出黎畫面咁

ｌｕｎｃｈ之後２空堂

真係唔掂

訓左一覺，咩都無做=.=

英文堂教書

又好似以前咁要present

放學之後我就回家了．．．．

番屋企５點幾訓覺訓到７點幾

起身同岩岩起身既阿哥打左陣鬼武者

食飯∼

之後消仙打黎傾左一個鐘到

好似未試過同佢傾咁耐電話了

聽佢既講法∼佢地個班都好似幾好玩

都係值得珍惜既時候＾＾

當一個人對自己身處既情境感到開心快樂時

就絕對係一個值得珍惜既時間．