今日又唔使上堂
又唔使考試
又無活動
但就著左校服番學∼
因為要做ｐｒｏｊｅｃｔ
呢個理由都有點．．．．．．
番到學校見到消仙同++都係小食部
落去坐左陣
蔡ｓｉｒ黎撘訕
消仙話佢係電車男
戴左眼鏡個ｓｔｙｌｅ又真係有Ｄ似ｃ．ｃ
之後消仙去上堂了
就同++上去３樓會windy
佢地２個都考完歐洲史黎
++講左件白痴事出黎
半個鐘當一個鐘．．．．．．
佢尋日又溫通頂
如果係我既話，仲唔一早訓覺咩∼
所以張可嘉既呢個行為實在係可嘉不可減
係library傾中文project既野
決定做中國文化之風俗禁忌
分個３個ｔｏｐｉｃ
飲食，日常生活，節日儀式
之後++提議我地３個猜包剪ｘ
第一個嬴就做第一個
第２個嬴就做第２個
第３個"嬴"就做第３個
都真係唔知第３個應該點嬴．．．．．
總算分配好工作
之後我地就動議去食ｌｕｎｃｈ
因為唔想食太近
最後行左去連城食
係元祿出面見到勁多人排隊
不過原來佢地唔係黎堂食
而係用報紙既優惠卷黎換一盒盒既sushi
後來windy同++去廁所時睇到一盒盒既sushi原來係堆積左係廁所門口．．．．．．
我地入左去食ｌｕｎｃｈ
食左雜錦sushi同手卷
都幾好食∼嗯嗯
呢個ｌｕｎｃｈ又軒起左校工潮
又莊新ｂａｂｙ又賓叔仔又英姐
我地３個既大學都有系了
分別係++既室外環境保育系（學琳花）
windy既環境衛生系（學掃地）
同我既保安系（學開門）
ｏｋ∼咁又無端端笑左成粒鐘＠＠
食完windy去搵番電個電壓不足既頭
之後就同++繼續搜尋物品
佢通完頂都幾精神
輾轉係沙田兜左一個好大既圈
都係一無所獲
++每次都係撲向charmmy kitty
而忘記初衷．．．．．．
到最後，唯有衝出沙田
去左大埔
平時去大埔都係踩單車
今次去大埔就見識左大埔超級城
都幾超級．．．．．不斷兜圈＠＠
有吉之島，暴龍樂園，元祿同埋吉之島，暴龍樂園，元祿
我剩係記得呢３間野個名=.=
暴龍樂園一聽個就知好吸引６－７歲既細路去玩啦
元祿．．．又見到大排長龍
佢地個廁所門口唔會又一堆堆掛=.=
睇黎睇去都係十分苦惱
最後去左ｒａｉｎｂｏｗ食糖水
咁都撞到++既熟人，真係．．．．．
又惹誤會了．
怪唔之得彩虹要進化成新彩虹=.=
唔知從何講起中學既野
暫時我既想法係無論如何都要盡力嘗試升大學
如果走左入第２條路
要升大學就要走好遠了
然後就係溫書既問題
都想早Ｄ開始溫下書
消仙，不如一齊溫下書？
之後係大埔行多左陣
終於暫時放棄
搵路番火車站
行到去某天橋既時候
就發生左一件ｏ嘴事件
亦係大埔之旅既高潮點
話說我地係商場行上天橋
見到有個姐姐拖住個小朋友行路趺下趺下咁
一開始我仲同++講呢個小朋友係咪佢細個既倒影
當我地諗住繼續向火車站之路前進時
我突然覺得件衫好似比野拉住咁
回頭一睇，再低頭一睇
見到頭先個小朋友突然拉住我件衫
一開始仲以為佢拉錯人
之後睇到個個姐姐一副無奈既表情先發覺唔對路
了解後先知原來個姐姐係義工
幫手帶個小朋友係商場行街（由此判斷小朋友應該係有Ｄ問題既）
但個小朋友突然發脾氣走左出黎唔知想走去邊
拉都拉唔住，又唔肯番去
之後我地３個人就無奈地比一個小朋友拉住走左一小段路
佢係天橋上面想睇風景
不過勁驚佢趺，所以我抱住左佢=.=
我地講咩佢都好似聽唔到咁
只係做自己想做既野
我睇下佢名牌個名：黎芷君＠＠
都ｏ左嘴
之後出左絕招
係我袋囉左盒野食出黎
佢即刻係咁食
隻手渣住都仲係咁囉
好為食呀
之後慢慢引番去番商場既方向
呢個方法原始得黎都幾有效
之後個義工ｃａｌｌ左人黎幫手
有個人過左黎，似乎同個小朋友係幾熟既
之後就乖乖咁跟左佢走
我地既介入亦都完畢左．
後來同++討論番
呢個似乎係患左自閉症既小朋友
拉住我既理由大概係唔太鐘意個義工帶住佢走
所以就拉住另一個人表示抗拒
而我就咁岩係個個人．．．．
佢真係完全注意唔到其他既野
只係專心於自己想做既野
我諗第時生仔都真係要諗清楚
因為實在無法保證自己個仔唔會好似佢咁
如果有個唔健全既仔
都唔知應該點照顧同點教佢
其實都幾不幸．．．．．
後來行過大埔舊墟
感覺都幾舊
不過++好似成日黎呢度
行過之後就見到火車站
佢就撘番粉嶺了
我撘去大學撘轉去馬鞍山買野
之後回家∼∼
頭先同雞+文人傾msn
佢地２個拍埋一齊都幾．．．．．搞笑 |
