今日早會冇咩野宣佈
潘sir係度講天氣好ｃ．ｃ
其實我都覺得得閒去郊外玩下都唔錯
不過有好多時間同技術上既問題就是了
早讀∼燥ｌａｕ似乎都仲燥緊
星期５睇英文書
就睇"查理和巧克力工廠"啦
睇得個３板．．．．
咁既進度都應該睇到下世
第１，２堂ｅｃｏｎ∼
今日教埋預算線同埋等優ｍｉｘ預算線
都開始難∼要諗諗
如果物品ｘ既邊際替代率ＭＵｘ／ＭＵｙ(等優曲線觀察)＞物品ｘ既相對價格Ｐｘ／Ｐｙ（預算線觀察）
即係ｘ既相對於ｙ既功用＞ｘ相對於ｙ既價格，情況就好似ｘ既ｍｕｖ＞Ｐ就繼續買咁，應該放棄ｙ而買ｘ
反之，ｘ既相對於ｙ既功用＜ｘ相對於ｙ既價格，咁就應該放棄ｘ而買ｙ
兩者相等既時候就係最大功用，即係消費者會選擇購買既組合．
幾何計法明白了，慨念都搞清楚了∼
唔錯唔錯
小息同++＆邦落去食野，佢地都分別比人fd底撘單買野
太多ｆｄ底有時就係會出現咁既情況
又係去個度食野∼講起邦呢個人其實我都有Ｄ內疚
記得暑假既時候邦邦生日
佢話約我地上佢屋企玩
我問佢有咩人去，之後佢講左一Ｄ我麻麻地熟既人
咁我諗住去到又唔係好岩channel，好似唔係好ｍａｔｃｈ個氣氛
咁就話唔去啦∼後來原來冇人去＠＠
其實我都應該去同佢慶祝既∼
不過過左去，只好講聲ｓｏｒｒｙ啦
好！講完呢樣野∼
食完野之後就上去啦，今次我記得囉報紙啦ｃ．ｃ
ｇｅｏｇ堂∼又係教新野
教河流好似比較有趣Ｄ
係度數支流級數同畫分水嶺
我跟唔到個channel又比++笑=.=
記地形個個星期一又要全班再ｔｅｓｔ過
都ｏｋ白痴=.=
上星期四個份ｔｅｓｔ派番落黎
完全搞錯左∼ａｆ寫左ａｍ
不過好在兩個氣候既特徵都唔係差好遠
但個度Ｄ雨水分佈咁唔平均，唔明點解可以係ａｆ．．．．．
就係咁又２堂∼
小息健關要搵人去做野
不過聽日好似好多野做咁＠＠
Ｄ人都唔係好得閒
後來後來∼都總算搵到
ｍｓ堂都係教新野
用更加方便既方法表達２項展式
用加埋一齊個個符號，項數就係變數
然後又整左幾條式出黎
最後佢話：呢Ｄ其實只係慨念，考試個時係唔會出既＾＆％＆＾＄％＃％＄＆
今日等埋ｂｏｂｏ先落去
本來話同潘碧龍食，但佢有事臨時甩底
雖然係咁，但都不改我地食五十嵐既決心
照去！
ｂｏｂｏ都係行得最悠閒既一個
不過有時覺得可以好似佢咁做人都唔係一件壞事
去到要等位，８８號飛∼
撞到ｍａｎ ｌｅｅ同佢Ｄｉｖｅ ｆｄ
佢地食下午茶，原來五十嵐１點半就有下午茶＠＠
唔係應該３點３咩？
我地等左一陣入去，今次真係唔記得Ｄ餐啦=.=
我記得自己係ｉ，鍋蛋牛柳粒飯
好熱呀∼不過又真係幾好食
好白痴咁講起學校應該為左配合呢個五十嵐既下午茶又改ｌｕｎｃｈ時段
不過我都係少發言∼慣左食野少講野
所以好榮幸咁第一個食完！
之後就番學校啦
++同我講左樣野，除左ｏ嘴之外都係只可以ｏ嘴
真係唔知可以有咩反應∼
而家咩都唔知
２條友對於呢件事都真係百思不得其解
又講左Ｄ關於我既野，其實我都明白既，不過始終未改善到．．．
我同佢傾得太入神，唔記得左同消仙＆ｂｏｂｏ ｓａｙ ｇｏｏｄｂｙｅ
ｓｏｒｒｙ＠＠
之後英文堂上４０１室ｔｅｓｔ
有５０分鐘，個個都好快搞掂
我拖慢黎做都係廿幾分鐘搞掂左
其實唔係因為太少，係因為唔識=.=
係度撞，咁咪好快囉＠＠
ｔｅｓｔ完落番去，ｍｉｓｓ ｃｈａｎ講兩句就落堂了
放學之後++又為健關既野跑上跑落
我呆左一陣就開始做ｅｃｏｎ份功課
都係未問史太第３題發生咩事∼一種物品既需求彈性同另一種物品既供應彈性比較到底有咩意思呢？
唔理了，做住另一題先∼
６ｓ班又進駐＠＠justice都黎左
又好嘈，索性出去平台做∼
做左一陣就比++拉左上４樓搵ｂｏｂｏ
之後落番黎，就同++ｂｏｂｏ一齊走
係地下見到ｂｉｌｌｙ個樣都幾累＠＠
ｂｏｂｏ果然係主席，話食雪糕就真係食雪糕
係新城市間ｍ記食麥轉轉
ｔｈｅｎ就撘火車
都係同++傾番ｌｕｎｃｈ個樣野
胡亂估左一通，都係無結論∼
總之依家就要先了解左情況先，就係咁．
後來出到火車站都係８０７ｂ閃過．．．．．
記下今個星期六日要有咩做先
ｅｃｏｎ功課，週記，拉筋，練重量，寫信，有時間既話搞下Ｄ ｐｒｏｊｅｃｔ
不過ｅｃｏｎ ｐｒｏｊｅｃｔ都係唔知點做，要傾下啦=.=
之後聽日同消仙出街，後日同老豆飲茶
隻白貓真係無出現啦＞＜唉．．．．．
p.s.今日個個ｏ嘴事件似乎有結論了，樂觀黎睇都總算係唔錯既，雖然感覺怪怪地． |
後來佢話佢熄左好多人個鬧鐘＠＠
！
好耐無暈過了．．．．．
