雖然仲係假期既時候

不過今日要番學補課呢∼！

又係陽光燦爛既一日

我朝早１１點起身

打左個日記

食左個撈面做ｌｕｎｃｈ

沖埋個靚涼

換上久違了（其實只係１０日）既校服

就出門口了

係車上面

陽光又照落黎

冬日既陽光總係柔和的

所以我終於少有咁係早上番學既車上訓著了

仲訓到流晒口水

左望，右望

無人睇到∼哈哈

番到學校上６號室擺底個袋之後

行出去去廁所

見到++

無見一排，好似唔同左Ｄ∼

只係後來上堂既時候心裡又講左句：無見一排，都係咁

我出去買左支水

見到係樓下度ｂｏａｒｄ既windy

又好似唔同左＠＠

之後番去上堂

做listening∼

呢份無考試個份咁難

不過都係．．．．．．

之後對埋sectionｃ

第一ｐａｓｔ有認真做岩左１２／１６題呀＠＠

都幾勁∼不過係查左字典先可以咁－０－

記得對listening個時miss chan狂問我地個面Ｄ人

試問以我地既水平，又點會識答呢？

之後奇蹟地

３點幾就放我地走人

因為我同消仙係聯絡上產生左Ｄ誤會

所以最後無睇到戲

放學之後打比消仙佢話而家出黎

我就同ｃ奶阿奶主席牛丸嘉欣去左仙跡岩

佢地係度講８卦野

又比我無意中咁聽到Ｄ野ｗｏｒ

消仙黎左，但佢似乎唔太有心情

佢話出到黎之後無咩心情

然後佢今日成日都真係唔太有心情

呢個我都理解既

有時我都會咁∼∼

我同消仙其後就去左睇衫買衫

都有買到∼

又去左買紙．．．．．

最後係ｍ記落腳

又見到有人interview做ｍ記

原來係問Ｄ咁既問題

你識唔識招呼客人呀？

我都幾想知如果答唔識個經理會有咩反應．．．．

之後我地去中央廣場個間野度

等等下夠一半人就入座

之後等左唔係好耐Ｄ人都到齊

大家竟起勢咁食

ｃ奶唔識出聲都依然係度指指點點

大勤同馬嬲係度ＡＪ黎ＡＪ去

後來都終於知左點解

陳家衍將我個布甸糟蹋左＞＜

唉∼讀左ｉｖｅ就學識左恰人啦

全場最有氣氛個句都莫過於馬淑如同陳家衍講：

陳家衍你都唔得大既

立刻引起各位既無限暇想

後來亦被一Ｄ人加以擴展．．．．．

總括黎講今日都算ｏｋ有氣氛既∼∼

走個時又影左Ｄ相

ｃ奶渣機同我同消仙３人自拍

最後影得半個ｃ奶，哈哈∼

都係消仙穩陣Ｄ∼

都影得幾好

又發生左昆爺肚痛臨時落車事件

又係得啖笑

不過都真係幾好笑ｃ．ｃ

最後既最後我告別佢地會合阿哥

去百佳買野食

買左支梅酒呢

又奢侈左∼

不過間中都要試下新野既

去撘火車途中又撞番ｃ奶阿奶牛丸

之後匆匆地道別

回家了∼∼

今日消仙終於回來了

同佢出去食飯

佢話前幾日番大陸係學車@@?

終於比左本日記佢

我都無咩點寫......

無辦法∼呢一排真係係屋企渡日

成日隱蔽青年咁

同消仙兜左好多間

又連城又紅葉之類

一係就無咩好食

一係就貴

星期日晚市都幾難平

之後諗住去五十嵐食大碗面

點知長途拔涉過到去先發覺

星期日係無既=.=

真係傻左∼

咁就去左維苑据扒

今次Ｄ服務態度唔錯，嗯嗯∼

我食左牛+魚柳

魚柳有他他汁點ｃ．ｃ

消仙食大蝦+雞扒

佢隻大蝦真係好大呀＠＠

之前我地係偉華度發現好多扭蛋機

我地都扭左部車

我係郵車

消仙係唔知咩車

真係唔知咩車，哈哈∼

都幾得意架

我地食完番沙田ｕａ睇下聽日魔幻王國幾點場

之後通知人

不過後來因為某Ｄ原固

所以聽日都係唔睇住∼

又落左新基地睇下打機

有個人打鼓機反轉支棍黎渣

又有個鬼佬玩劍個個ｇａｍｅ玩到滴左汗

消仙睇人賽車

唔通要偷師？

３００ｋｍ都應該渣唔到∼呵呵

差唔多１１點就去百佳搵埋我哥

買左Ｄ野食

就去撘巴士

告別消仙我同哥就上左２９９

番屋企仲開左大餐＠＠(其實唔大，不過我覺得好多野=.=)

又換歌了

比較鐘意頭個幾句

可不可與你放膽嬉戲

忘掉日與夜那些限期∼∼∼∼

大概很難呢∼！

聽一下歌就好∼

諗起阿雞同文人

應該都幾適合，哈哈ｃ．ｃ

就這樣∼∼”

今日訓到12點既時候

阿雞已經打黎嘈醒左我

佢話今日做義工放lunch中

用文人個電話打比我

佢地係馬鞍山搵緊地方食野

似乎佢都知我仲訓緊

存心打黎嘈醒我∼哈哈

我呢度好靜

電話既個一面就十分熱鬧

阿雞同文人都係度狂笑

有時就爆Ｄ唔知算唔算ｇａｇ既野出黎

不過佢地都係係咁笑

最後佢地都係食ｍ記

頌安個間∼

我去個頌安幾次

已經納入左我既人生地圖了∼∼

收線之後我都係覺得意猶未盡

訓到１點

起身∼食左個丁丁肉醬意粉之後

就開始做英文

都無咩心機做

好多都係估估下或者撞

但都做左好耐

先完成到個sectionｃ

ps已經無心機做了

又開電腦打番尋日篇日記

之後同Ｄ貓玩下

去到６點幾阿雞又打黎

話要唱歌

係一首"打開雪櫃,打開雪櫃"既英文改篇歌

都ｏｋｏ嘴

之後又聽佢地講下Ｄ無厘頭野

佢地又真係幾類近，哈哈∼

文人原來唔似我∼∼

之後我又睇下小說

阿哥出去了∼

我又同Ｄ貓相依為命

食左個丁丁飯

又開始無聊了∼∼

個感冒終於都完全好番了

開心既同時

又開始受牙痛既困擾了

有一隻大牙成日都痛

研究過之後

隻牙又好似無註到ｗｏｒ

可能係牙肉痛之類？（我又唔係牙醫，點知=.=）

有時都幾痛

雖然唔係無法忍受既痛

但就係不斷持續著

令我提唔起勁，無心機去做野

有時會索性抱住貓兒躺在梳化睡一覺逃避一下

不過睡醒了還是繼續痛

記得前一排都試過的

不過之後唔知點解又消失了

依家又鑽出來煩擾我嗎？

算啦∼暫時唔理了

反正又死不了人=.=

放假既日子感覺上真係有點浪費了

一起身又係點幾了

其實都算係還下睡眠債啦

不過起身之後又係對電腦

對住部電腦又唔係有特別野做

只係按下按下，消磨時間

其實諗諗下

都應該出去行下

去一Ｄ平時無去既地方

擴闊一下眼界

不過一條友周圍走有時又不免白痴左Ｄ

所以都係．．．下次啦∼∼

下午老豆打黎問我上唔上去食晚飯

既然係咁就去啦

大約６點出去馬鞍山兜一兜

再出沙田搵埋岩岩放既阿哥

就一齊撘小巴上阿麻度

上到去老豆都出左去

留左飯比我地

今日我食左２碗

食完∼等阿哥沖個涼就閃人

最後都係見唔到老豆

同阿哥落沙田睇衫

阿哥想買條牛仔褲

不過＄７００

所以都係算啦∼

我地一齊行左去河畔

講番起一Ｄ以前既往事

同老豆係黃屋公園玩

５蚊３個既迷你包

有點懷念呢∼！

後來行去第一城撘馬鐵番馬鞍山

原來第一城到馬鞍山係９分鐘

都幾快∼

係新港城既惠康買左波仔飯

就番屋企了∼

今日去搵阿哥時

阿哥帶左我去排頭個便一檔買牛肉乾

同其他地方對比

都算幾平

我既人生地圖亦從此多左一個"廿蚊半榜牛肉乾"既地方

我想，每個人都有唔同既人生地圖

就是平時生活，又或者熟悉既地方

２個人的人生地圖有重疊既時候

就可能會認識

然後熟悉

再將對方人生地圖既一部份歸入自己的人生地圖

甚至一起擴展新的人生地圖

２個本來不認識的人

他們的人生地圖重疊的部份愈多

大概就算愈有緣了

當然，有緣亦不一定可以熟悉起來

有時我們不會去在意這些小小的"緣"

讓它們一一流逝

讓人生地圖中的另一個人繼續扮演著匆匆走過的陌路人

那就應該算是有緣無份了

緣份緣份．．．．．．

有些人廣交結友

就是因為他們往往抓緊了一點點的"緣"

我卻是個很容易感到疲累的人

無論在身體上還是精神上∼

很多的緣

都任由它們淡走了

所以，我的人生地圖很小

也沒有很多的朋友

有時候，在獨自一個走著的人生地圖中

想想為什麼

大概就是這個原因了．

今日約左billy上生命樹

本來佢話大約食完飯就上去

即係1點到啦

點知我一覺訓醒

已經1點半＠＠

之後醒左一陣

billy打黎，以為佢問我點解仲未黎

點知．．．．佢話佢岩岩先訓醒

同我個情況一樣∼哈哈

我地今日去生命樹

原意係點大家都唔係好清楚

不過最後都係變左打乒乓波

分２次打都打左好耐下

中途billyＤ舊同學又入黎打

不過billy打走晒佢地（係咪應該咁講呢）

有個叫read7

有個叫林子鋒

read7呢個名好熟

好似從前玩石器既時候見個呢號人物

唔知佢有無玩石器既呢？

好∼總之就係咁打乒乓波

今日我都係以局數嬴左比利ｃ．ｃ

夜晚阿哥出左黎之後一齊係第一城探下阿爺

阿爺依然係好激動咁

無變過∼

不變既事情總連帶我諗番起從前一Ｄ流逝左既野

都好∼回憶係好既

之後同阿哥撘８７Ｄ出太子買衫

對於呢樣野我就無咩研究

亦無咩興趣研究

不過衫就始終要著既

最後選左一件∼都幾靚丫

之後阿哥落下面機鋪打機

見到阿ｎｅｗ＠＠

阿ｎｅｗ打鼓機好堅ｗｏｒ

勁過我阿哥了

睇佢地打左一輪之後

終於就同我阿哥去撘火車

係月台等火車時同阿哥講

如果我地２個都意外死左

咁阿媽一個都幾慘

其實真係幾慘

一個人．．．．．．

後來火車去到九龍塘過大圍個條隨道時

突然有廣播話隨道有濃煙

但又叫我地不必驚慌＠＠

真係都咪話唔驚

突然爆炸仲有得剩既？

不過大家見到呢篇日記

就證明我又無事啦

真好呀∼又可以坐係度打日記

後來都只係虛驚一場

到左大圍站我地就落車了

番馬鞍山廣島食魚生飯

幾好食既

不過就奢侈左Ｄ啦

都係耍慳番Ｄ

之後就番屋企．

係屋企無野做

整左D歌．．．．．

係度抄原始碼出黎再改=.=

電腦白痴搞Ｄ咁既野真係死唔少腦細胞

不過都唔知得唔得

大家有黎到就幫手聽下啦∼

好柔和既陽光呀

今日２點幾出馬鞍山時

因為要借唐山大地震既關係行去圖書館

經過馬鞍山公園

陽光照得很美

彷彿一切都很好

我不禁自言自語咁說左句：今日真係好呀∼

ｃｈｅｃｋ過電腦

馬鞍山同沙田都借出晒

不過西貢有

所以諗住聽日去西貢借

希望未借出啦到時

其實我都未去過個個圖書館

不過有地圖王都實無死

幫呀媽入埋錢之後就撘馬鐵去第一城

途中有個阿爸係度搞爛ｇａｇ

佢渣住個膠袋同個仔講

如果隻耳仔掛到"膠袋"就即係凡事有"交代"

掛唔到就即係無交代

都．．．幾爛

之後比個阿媽怒啤

大概係話佢教壞個仔咁上下啦

去到第一城買左個ｍ記４號餐蜂蜜雪梨茶上去食完

之後就開始做功課

今日ｂｉｌｌｙ唔得閒

消仙離開左香港

所以得我自己一個（其實可以搵ｃ奶，不過唔記得左=.=亦唔知佢得唔得閒）

不過∼一個人效率會高Ｄｃ．ｃ

今日去自修室之前訂下既目標就係要做晒地理既ｅｓｓａｙ同ＳＱ

果然惡戰２個鐘之後就ｋｏ左

完成到目標既感覺真係好呀＾＾

做到７點就走

聽日再努力∼！

返到馬鞍山去百佳入Ｄ貨先

阿媽唔係度要食自己

新年之後朱古力禮盒裝趺晒價

十幾蚊有交易

當然唔包括金莎個Ｄ啦

ｅｃｏｎ都有學，幾時都有人買既野係唔會減價既=.=

不過個Ｄ禮盒裝計番都仲平過平時散裝個Ｄ朱古力

ｓｏ都買左２盒番屋企擺下

突然有隱都可以有得食

之後我就番屋企了

阿哥都出左街∼

依家屋企得我一個人同３隻貓渣＠＠

有點尋回感覺了

順其自然吧∼∼

比較適合我

我需要的還是一對翅膀

傲翔空中，靜靜咁看著一切變遷

從容面對∼

畢竟得失難料

只有態度，先係可以控制既∼

年初３赤口

阿媽最後都係番個大陸

我點幾起身既時候已經唔見左人

又上網打番Ｄ日記同睇下野

消仙今日去左佈道會

阿媽走左我夜晚個餐又無著落

所以就約消仙係出面食

原先諗住係沙田食∼

諗諗下又想去亂咁食sushi

當然亂黎既最佳選擇就係西九龍啦（任食）

雖然質素就有點強差人意

不過唔理啦∼都係貪佢可以亂黎ｃ．ｃ

係沙田撘火車去九龍塘

唔知點解勁少人

唔通真係赤口個個係屋企？．？

諗住係九龍塘既地鐵會合消仙

點知陰差陽錯之下．．．．．要係太子等

我地去深水涉

有睇地圖王呀∼所以識行ｃ．ｃ

個度始終都係勁多人

要等６０幾張飛

當然都有好多混吉飛

不過都要等一段時間

我地不斷係個層兜圈

又係冒險樂園睇人玩野

Ｄ人玩打魚個個玩得不知幾開心

都睇得津津有味

又上左去最上個層

撘扶手電梯觸電．．．．都ｏ左嘴

雖然話電唔死人

但都咪話唔痛

大家小心Ｄ西九龍Ｄ扶手電梯

最上個層有個地方比Ｄ親子用有顏色既沙整圖

都幾得意

最後差唔多等左半個鐘多Ｄ

終於可以入坐

任食真係任食

係條ｌｉｎｅ度轉個Ｄ都．．．．

唔知擺左幾多個鐘

唯有自己叫

ｗａｉｔｅｒ們又勁有性格

得閒都唔應下你

算啦∼最後都唔係食左好多

消仙叫左個大擰樂

最後佢唔記得寫單

唔使另收錢ｃ．ｃ

同消仙說東扯西下咁

消仙話佢都有出擊

都好ｗｏｒ∼ｇｏｇｏｇｏ∼

我就．．．哈哈∼

又係個句，順其自然啦

其實我就覺得呢樣野暫時都唔多適合我

坐隔離既首先係親子團

之後又有個鬼佬

都各有各風格

話說個度有個鐘Ｄ１點２點３點係用sushi黎表示既

之後個鬼佬指住個鐘既其中一舊sushi話要呢隻

幾得意∼∼”

最後我地都係一路飲綠茶一路傾計

又幾寫意

食到十點先埋單走人

每人＄５０

都算係咁啦∼

之後張婷打比消仙話要約人打邊爐

又講左勁耐

我就去第一城搵埋呀哥番馬鞍山

買左糧食之後就海濱行下

傾下Ｄ大計

阿哥總係好多野講

我就只係少講多聽

不過咁都唔錯

到左１２點就番屋企了

番到屋企又見到Ｄ貓

好狠∼又比佢地抓到隻手多左２條痕－０－

今日又係訓到黃朝白晏

下午2點起身

上網睇番以前Ｄ日記

其實所謂以前都只不過係９月幾到依家o者

不過４個月∼

但真係有好多唔同呢

我可以點講呢？

一切都變幻得好快？

可能以後睇番呢４個月

其實都只係一個小階段

一年後或者我可以笑笑咁講番呢段時間既點滴

然而，我還是很激動

因為我永遠無法知道

呢段日子裡

我錯過了什麼，失去了什麼

最後又換取了什麼．．．

我走在每天必須面對的分岔路

．．．

心中感嘆 似水流年 不可以留住昨天

．．．

夜晚同阿哥上阿麻度食開年飯

都算ｏｋ齊人了

有利是逗ｃ．ｃ

都幾好送

阿哥願望成真

有豪豉食∼∼

食完坐係電視前睇煙花

呢個時間消仙就係尖東海旁睇緊

後來佢仲ｓｅｎｄ左個好有詩意個ｍａｓｓａｇｅ黎

哈哈∼

之後阿哥話想去買衫

陪佢出左聯合

點知全場休市

勁多初幾啟市個Ｄ

番到馬鞍山想食下又係休晒

無奈．．．唯有番屋企煮蘿白糕食=.=