係呢段時間
突然我覺得我應該去記錄多Ｄ有趣既小事
即使係小事都好，都想記錄低．．．
今朝一早∼燥ｌａｕ又黎燥
我隔離同後面都無番
都幾多人有問題
燥ｌａｕ叫我地跟學號出去講番成績既野
我坐前面都大概聽到
差唔多個個都有野鬧．．．．．
頭２堂空堂
地理學會開會傾埋一個自己搞既活動
不過因為龜仔未番
++似乎無咩心情去傾
所以都係同巴西龜傾
大致上都諗好要點做
不過地理學會都無咩錢
禮物個方面．．．都唔知點
第一個小息落去撞到ｂｉｌｌｙ
陪佢落去食野
不過我又唔太想食
咁就一陣就上番去了
ｅｃｏｎ堂都係持續教書
史太既發問．．．．都無人有反應
咁樣都．．．幾傷心
第２個小息又同消仙落左去食野
今次飲左包熱朱奶
不過完全都唔熱既=.=
留意到miss許係隔離聽到都笑左一下．．．
地理堂燥ｌａｕ完全係搵野黎燥既
佢今日都真係燥到爆
我都無話可說了．．．．．
教左各景觀生態系統既差別
同埋個個桑基魚塘
都算有聽到了∼
ｌｕｎｃｈ要留係學校食
出去買左飯盒番黎食飯
威哥話想當年ｆ２佢坐係我隔離個時聊我傾計我都會講２句
依家反而仲沉默左
原來有Ｄ咁既事．．．．我都唔係好記得ｆ２同佢坐既情況
食完就ｇｒｏｕｐ埋巴西龜上去釘地理室外面個ｂｏａｒｄ
不過其實都係釘底紙
所以好快釘完了
多謝windy既關心
不過呢方面．．．．我大概同你太唔同
我發覺自己係毫無能力既
而你有．
ｌｕｎｃｈ之後又係２堂空堂
上左去libaray溫地理
呢２堂勁少人
因為好多人去左睇josy唱歌
聽講係校長特許既
都真係溫左１堂幾，訓左半堂
英文堂又去睇朱古力
又諗起個時miss lam話：好啦同學去睇朱古力啦
都幾搞笑
後半段都算好左Ｄ，嗯嗯∼
不過都仲未睇得晒
可能聽日再睇
miss chan又講左project既野
不過我聽唔明佢講咩
放左學又同巴西龜上去整埋個ｂｏａｒｄ去
整完又上ａｐ室同阿貝傾史地
set題目無啦啦變左玩世界之最
不過都幾搞笑
落番去同邦邦講多陣世界之最之後
過３號室見到消仙同ｃ觀
消仙係度同ｃ觀講緊ｅｃｏｎ
之後一齊走
ｃ觀又去自修室溫書＠＠
行到自修室門口竟然企係度傾左半粒鐘
都係講下考試既野
ｃ觀都係衰英文．．．．
英文真係殺手黎架=.=
佢問我點先讀得好
我都唔知點答
剩係話：諗多Ｄ啦
講左好耐之後佢入左自修室了
我同消仙２丁友又行下傾下
阿奶既事．．．．都希望你好Ｄ啦∼！
我地去左禾輩既維園据扒
個度既人手都幾不足．．．．
我要左燒汁牛柳
消仙就龍利柳+牛扒
佢個龍利柳都幾好食（突然諗起一句：坐這山望那山，一事無成=.=哈哈）
又傾左好多野
突然知左Ｄ野＠＠
都好難得可以攤開咁傾下
近排．．．都幾多事
講真∼只希望一切還好
其他既，都唔重要了
消仙又大談牛油刀既用法
我又大談９把刀既小說
佢又大談佢地班既人
最後終於談到埋單
出到去撞到林文麗同佢ｆｄ
佢指住我同佢個ｆｄ講左聲：就係呢個男仔啦
即係咩呢？即係佢之前已經同佢個ｆｄ講緊我=.=
落左家興睇下Ｄ賀年糖果
又去左萬寧，睇到有１８包既熊仔餅
個盒都幾大＠＠
最後去左西田，消仙買左２個罐裝糖
落去睇多陣衫
之後都仲未走
大冷天時去左黃色帳莫傾計
見到有個人大唱日文歌．．．．．
去到１０點幾先去車站撘車
沿途又自創左個鬼估
都應該幾掂，哈哈∼
之後就回家了． |
