最後一次既商校夥伴計劃

其實呢個活動如果比到心機落去

真係幾好的

其他個Ｄ咩企業家職能暫且唔講

可以練到presentation既能力就係真既

present呢Ｄ野

做得多，無論技巧也好，信心也好都會增加

而且我相信技巧同信心唔係獨立存在既

無技巧，好難有信心

又或者說信心都係一種技巧條件．

往後大概好多時會需要present

練下都好既∼

今早又遲起身

急急忙出左門口

都係趕唔到預期個班車

諗住行１個字去大洞撘小巴

點知行到去最後都係巴士黎先，咁就上左巴士=.=

到沙田，好彩都唔算遲到

言西組入面差左豬ｗｉｎｇ，家霖＆龜仔

後來家霖同豬ｗｉｎｇ都係火車上會合

龜仔又訓遲左，自己撘６８１去怡和=.=

咁我地５個人就係沙田食ｍ記早餐

windy個麥樂會卡一個餐送一塊薯餅

最後３個餐送左３塊＠＠

仲外帶左２塊比豬ｗｉｎｇ同家霖

我地傾番present要點講

我都係要問２條問題∼

搞左一陣就啟程了

係沙田既月台等火車時好凍

凍得不自覺地震了

冷鋒又來了吧∼

也好呀，畢竟要感受多一點先好

後來係中環出地鐵站後更呵出白氣了

很妙的感覺呢∼！

好似換左個新環境咁

突然我諗起２年前玩既牧場物語

牧場變成冬天之後彷彿同之前３季完全不同了的感覺∼

到左從前既康樂大廈

上到律師樓，係一個大會議室度坐

個Ｄ圓窗原來都幾大

望出去，景觀幾好∼∼”

開始present了

我地係第一組出去present

ａｌａｎ係主角

佢隨機吹出黎既野都令氣氛自然好多

我地組都做得幾好，嗯嗯∼

之後有幾組都係就咁講

所以都幾沉悶．．．．．．

係有一組又係做話劇

佢地又無啦啦搞下Ｄ唔知算唔算ｇａｇ既氣氛

都睇得幾開心∼

ｏｋ∼之後就參觀律師樓

原來有中國部

即係專理中國案既部門

然後Ｄ文件係用轉轉盤既形式放的

同埋星期六係casual wearing day

之後又影相∼ａｌａｎ企係佢女神隔離影ｃ．ｃ

然後，呢個活動就算圓滿結束了．

之後同++windy豬wing龜仔去左大家樂食

不過之前坐係度聽人講野大耐，無胃口

所以就無食了

一路講左Ｄ寵物既野

windy隻雀仔都真係幾搞笑

又講左Ｄ蕭漢森既野

咁岩龜仔豬ｗｉｎｇ同我都係讀呢間

不過呢Ｄ話題就唔係咁"泛文化"

所以其實都唔係咁好．．．

之後就原路線回去了

地鐵中係咁迫同係咁趺趺撞撞＠＠

同++係沙田落

多謝你既諒解呀∼

之後++去搵人了

我打比消仙，後來佢話佢去打壁球

打壁球又得＠＠？

我都應該會比壁球打番轉頭

之後我食左野了^^

去商務睇左一陣書

好想買科學人

不過無咩錢了，無計．．．

撘２９９回家

２９９坐係隔離個排有４個應該係初中既女仔係度講是非

講Ｄ野又無聊

仲要講到成車都聽到咁大聲

都幾難頂．．．．

番到屋企，電話無電

想去充，點知．．．．

睇黎個充電器報銷了

星期一買個吧

呢２日都唔會有電話用了

如果真係有事，就打去我屋企搵我啦∼∼

之後玩左陣google earth

去了梅窩，夏威夷，長城依然搵唔到

boston都去過了，下次問下ｏ璘佢大約係邊先ｃ．ｃ

又上網睇左量子力學既一Ｄ介紹

好似係講空間係微觀世界中唔係平滑連續既

而係極小既粒子間隔組成

以前我一直覺得微觀世界只係宏觀世界既縮影

只係將比例縮小放大，都係一樣的

但原來唔係咁

係微觀世界中觀察係有困難既

因為"觀察"呢個行為本身都會對觀察物例如極微小既電子產生巨大既影響

所以誤差係無可避免

之後Ｄ理論無端端而整個１１維度既世界

都Ｒ爆頭，Ｄ物理學家個腦都唔知咩事

我對科學既野都ｏｋ有興趣

如果唔係該死既英文

當初中４選科我可以選理科去了

我既人生又可能唔同了

不過選文科都未必唔係好事

可能我真係去讀ｐｈｙ既野時

我就會對佢地失去興趣了，哈哈∼

反正我無覺得遺憾

這樣就夠了∼

大概，每個人都有軟弱既一面

我都唔例外

今日，我體會了．

其實咁樣很不好

令我回想起以前的．．．大概就係因為咁而離開吧

我好想改，但而家既我都依然係咁．．．

因為咁，我一直都．．．．

其實，

有個最直接的解決辦法

但，真的好嗎？我會後悔吧∼

但我真係唔想再傷人了．．．．

夜之中
喜愛倚星塵
從頭重讀我的心裡日記
遲遲才去睡
原因每日都有你

你是我全部往昔往年
也是我來日每一天
這日記由從前寫到目前
篇篇是愛言

願心中那日記
隨年變厚
而當中的角色
從無分手
齊編織歡笑聲
和諧詩篇
為彼此抹掉愁
是暖的手

願心中那日記
長年暖透
藍灰灰的冷冬
黃黃的秋
而當中的兩顆
紅紅的心
在戀火裡逗留

人海中
只有你一人
為何如是我不需說道理
旁人難細讀
藏於我內心那日記

你是我全部往昔往年
也是我來日每一天
這日記由從前寫到目前
篇篇是愛言

願心中那日記
隨年變厚
而當中的角色
從無分手
齊編織歡笑聲
和諧詩篇
為彼此抹掉愁
是暖的手

願心中那日記
長年暖透
藍灰灰的冷冬
黃黃的秋
而當中的兩顆
紅紅的心
在戀火裡逗留

好懷舊呢∼！

但的確幾好

無論曲同詞都有一種依家既歌少有既感覺．

好累呢∼！

今日都係一路落住粉雨

朝早番到學校，都ｋｏ左個餐蛋治

但第３－４堂已經發覺無料到

好肚餓．．．．．．

頭２堂係空堂

不過都幾多野做

要print番個ｍｓ　ｐｒｏｊｅｃｔ出黎

又幫昆同windy打埋感想同目錄

之後print出黎

依？個printer搞咩鬼壞左呀！！！！！！！！！！！！！

又print唔到，另外我岩岩又發覺我唔記得左囉番張証=.=

之後第１個小息落左去搵李ｓｉｒ搞掂左

不過就未交到住

另外我又發覺近排成日比人話我唔掂

都唔知咩事∼

ｅｃｏｎ堂繼續教書

Ｄ野．．．．明就易明

不過有時真係幾難講番出黎

有時間真係要睇多Ｄ諗多Ｄ先得

見到windy個sony貓

又諗起個首"泛起了漣漪"

哈哈∼

ｅｃｏｎ堂都好累，一路都恰住眼訓．．．．

第２個小息開會

傾好左做話劇

同埋角色分配

我係警長．．．．如果真係警長都幾ｏ嘴

中化堂出埋總成績

Ｄ分都無計錯到

原來又唔係太差，都ｏｋ既

之後竟然做天殺的閱讀理解

已經好累，都仲要做Ｄ咁既野

都無心機睇，Ｄ答案作的．

ｌｕｎｃｈ本來同輔導組食飯

不過消仙話大勤話同我地食

咁就去左食吉野家

大勤都幾正，放好多假

雖然太多又唔好

不過都真係想休息一下呀＠＠

無端端佢又講龍族

又有得掛網－０－

之後又話佢呀媽叫佢買揮春番黎補番Ｄ色落甩左色既衫度

都聽到我同消仙Ｒ晒頭

大勤話佢自己都Ｒ頭．．．．

ｌｕｎｃｈ之後英文堂

都係聽番listening

邊度有心機聽丫

咪等待空堂囉

空堂即刻上去訓覺

++，我都知你訓得仲少過我

但我真係眼訓丫嘛

呢Ｄ野我都控制唔到

訓左堂幾醒番就備下ｍｓ既慨率

都．．．應該會成日做錯

放左學就等人開會

不過等黎等去

都係得我同阿貝，仲有後來加入既++

傾左工作既分配

決定係++同邦做ｍｃ

都要好好咁做∼！

之後又諗左幾題地理

暫時覺得都ｏｋ

聽日再開∼

係窗口見到街外有個男人成手都係血

無著鞋係度截的士

都幾嚇人．．．．．．

等消仙等到５點幾就一齊走

消仙今次ｅｃｏｎ第１

都幾勁∼

傾下以後既問題

我都係個句：搞掂眼前既先啦

消仙話去美心食公司三文治

售票員就話有，之後囉張飛去囉野

岩岩好比前面囉埋最後一份

之後無奈地換左個立雜野餐，都幾傷心．．．．．

食食下隔離鐵板餐，都幾香＠＠

幾想食，不過都係番屋企了．

今日都比較忙呀

上頭２堂先知道ＭＳ個ｐｒｏｊｅｃｔ最遲最遲都要係今日５點前交

剩係搵左資料，做都未做過．．．．

就開始左今日既繁忙旅程啦

ｍｓ堂教新書，慨率

都應該會幾難但又幾好玩

教左"集"既慨念，有Ｄ興奮ｔｉｍ

又問左個ｔ向無限大時，ｔ既２次方ｘｅ既－ｔ次方點解係零既問題

ｔ既２次方向無限，ｅ既－ｔ次方向零

但因為後者既ｔ係擺係次方

所以向零既速率會快過向無限

結果答案係會係零

中化堂派埋剩番個Ｄ卷

都係一般般．．．

其實中化整體黎講係比想像中差

我覺得做得幾好既文化專章同實用文都唔係好得

中化係遜色既一科

第２個小息據++講係５ａ同５ｂ之間發生左強烈既爭執

無非都係因為兜路事件．．．．

呢Ｄ野我地都幾難插手

所以++都話佢都只係維持下安全

同埋當唔知

地理堂燥ｌａｕ又使出飛書大法

好快咁教左好多頁書

又無端端問我ｅｃｏｎ．．．．

其實我係睇住本地理書睇下佢想我帶出Ｄ咩

然後照答番

事實上我都唔知佢想問咩ｃ．ｃ

之後佢比我地睇番Ｄ地谷既相

佢話係之前同一個教數學既同事一齊去既時候影既．．．．．

ｌｕｎｃｈ因為要做ｍｓ

所以都唔諗住出去食了

估唔到佢地真係桶餐外賣番黎食

都幾正∼∼

食左無牛油既粟米，好痴牙．．．．

強勁地ｋｏ晒一個桶餐之後就去搵齊人做ｐｒｏｊｅｃｔ

好彩之前上堂都諗左大約點做

一黎就開始畫圖先，共畫左６幅

都算係咁啦．．．．

英文堂派埋最後既作文

都ｏｋ　ｗｏｒ

之後又有英文總分同總名次睇

估唔到合格之餘仲有多＠＠

都幾感動

班主任堂又玩白痴遊戲

不過燥ｌａｕ都幾有心既∼

放學又開始趕工做ｐｒｏｊｅｃｔ

搞埋Ｄ畫

我又上去地理室做一陣ｂｏａｒｄ先

做做下又去library打野

一路打到５點都未得

死人啦∼library都收工

唯有走．．．．

同ｍｉｓｓ許講數

終於講到聽日第１個小息

好！加油

落去等消仙捉埋棋就走得

佢係ｋｆｃ換左個數獨機

ｋｆｃ．．．數獨機．．．

都幾９唔撘８

之後一齊去食下野

見到陞同陞女

都錯過左．．．．．

講左ｍａｔｈ既技巧

又去左商務睇書

之後就番屋企

番到屋企仲有野做

做埋ｍｓ既文字

ｓｅｎｄ左比ｍｉｓｓ許先

之後突然勁多個ｍｓｎ＠＠

商校開會，小學同學，billy，emily，++，家霖．．．．．

ｂｉｌｌｙ都因為成績而幾灰呀

一時之間又係幾難復原既

不過希望你快Ｄ好起來啦

小學同學．．．都想快Ｄ出去玩下，好耐好耐無見啦

但我知道，同佢一定唔會覺得陌生，就係有呢種感覺．

之後就同++整下個中化project

都幾多版下＠＠

我想快Ｄ清晒呢Ｄ野去呀

project，學會，商校等等

唔係都好難專心讀到書．．．．．．

阿雞生日快樂！！！

１８歲啦∼大個女ｃ．ｃ

祝你開開心心啦∼

今日落雨呀∼

又係鋒面雨

都幾清涼∼∼”

晏左起身又晏左番學校

近排成日個鬧鐘都鬧唔醒

睇黎我都失失地靈

可能真係疲累了．．．

頭２堂空堂

上去睇左陣ｍｓ之後

訓了．．．．．．

唔知訓左幾耐醒番

又去睇下++做project

不過就變左睇８卦新聞

ｅｃｏｎ堂教書

新一課，受價者市場

都備左課∼

所以無大問題，幾好幾好

++又黎拮大脾=0=

第２個小息講起要留係學校食ｌｕｎｃｈ

windy暴走了．．．．．

emily++同我都陷入一片吉野家既恐慌之中＠＠

地理堂上去見到ｈｅａｄ－ｐ　ｋｉｔｔｅｎ係度鬧人

都幾有氣勢∼∼

地理堂又教書，其實都眼訓了

不過又聽下，燥ｌａｕ支咪都幾難頂

不過後來又無用了∼

係度不斷講能量會減少而物質就唔會

其實咁樣有Ｄ誤導成份

熵個度都應該講埋去

之後．．．．．迷迷糊糊又過２堂

ｌｕｎｃｈ　ｔｉｍｅ商校開會

大家一齊食飯盒

上去個Ｄ差燒的確比較好食

不過又各有風味∼∼

食完就出去開會

又有一輪風波

傾左一陣就決定做警察，ｏｋ∼

散會∼

見到消仙又傾左陣

之後就番去課室了∼

ｌｕｎｃｈ之後又２堂空堂

本來諗住做下ｅｃｏｎ　ｎｏｔｅ既

不過又訓左．．．．

今次訓得異常地琳

訓左一堂醒番既時候有種唔知身在何處既感覺

大概都係因為累，訓到雲遊晒

之後一堂ｔａｋｅ左少少ｎｏｔｅ

又睇下ｎｅｗｔｏｎ

英文堂對埋份ｌｉｓｔｅｎｉｎｇ

都灰=.=

落堂消仙已經落左黎了

都幾快手

等埋++就一齊閃

行過新運同瀝源之間條車路

見到有架小巴著左火，仲要燒得好勁

Ｄ煙散得好勁，好難聞呀＠＠

快快入商場了∼

選蛋糕∼好多間都唔太岩

最後＝百佳

其實個蛋糕幾靚

不過後來因為某些事故而整到．．．．

++上左廣源先，我同消仙買完蛋糕就跟上

經過時見到火已經熄了，空氣亦清新多了

上到去消仙番屋企先

我買左野就係鐘樓坐下先

坐坐下見到一個人係度望下望下我

好似幾熟面口ｗｏｒ

原來係文人＠＠幸會幸會

握下手先∼

傾左Ｄ學校野

之後消仙黎左，主角同++都黎左

見到１８歲既阿雞，ｈａｈａ∼

我地尋覓地方尋左好耐

最後係某乒乓波枱落腳＠＠

生日蛋糕出場

唱左生日歌呢∼

阿雞許願啦

食蛋糕既時候

又唔記得開戰，真係失策

食完大家無野玩

都冷一冷場

不過文人同壽星女自得其樂

又ｏｋ∼∼

之後發動生日行路團

沿落愉翠苑條路一路落去

後來演變成ｍ記叔叔探訪團

再後來演變成唱歌忘記歌詞團

其實壽星女一路都係同文人甜蜜蜜緊ｃ．ｃ

最後竟然行到去新城市

消仙同佢地２個番廣源

咁我就同++撘火車去

２條友都累死了

之後８０７ｂ又釣魚

番到屋企有飯食

花貓跟左我入黎

佢依家又變得有活力了

不過肥左好多

變左肥貓

又係新一個星期既開始

要灌注希望呀∼

不過都仲係有好多野要去諗

例如project，學會既野，仲有關於朋友既一Ｄ野

我唔知自己算唔算係一個鐘意諗野既人

但我就唔太鐘意係有壓力既情況下去諗

可能人就係咁傻仔

寧願係一堆虛無縹緲既思想中遊蕩

都唔去好好思考下不斷湧來等待解決既問題

但，的確，我實在唔太鐘意呢種壓力既感覺．

今朝係ｎｅｗ　ｔｏｗｎ行番學校既時候

見到之前ａｐ　ｒｏｏｍ不斷死纏ａｐ既ｆｏｒｍ１學生

同佢傾下，發覺佢都唔係想像中成個傻仔咁

講下佢小學讀邊度，同埋升左中學之後既困難

我又講下自己既經驗，就咁就過左一段番學既路

今日係學校既影相日

亦都係燥ｌａｕ既燥底日

早讀堂已經係度燥緊

之後ｐｅ堂，不過因為我地就黎要影相

何ｓｉｒ佢地都要影

即係唔使上，安置左我地一班人係３號室

燥ｌａｕ睇左一陣我地，又係勁燥

第２堂入影相，都係一如以往啦

所謂既Ｑ版相

後面一班男仔轉左９０度企

都唔知影左個咩效果出黎．．．．

如果話今年既影相日同往年有咩唔同既話

就係我除左影班相仲要影其他相

健關，ａｐ同地理學會

呢Ｄ都係往年無既∼

所以上完第３堂ｅｃｏｎ之後

就入左ｈａｌｌ等影相

健關廿幾個大使３個男仔．．．．．

ａｐ有得坐，同windy個４號一齊坐，哈哈∼

地理學會個Ｑ版都有夠爛ｇａｇ=.=

消仙同人講佢隻手係電親既

居然有人信

呢個咩世界．．．．．．

搞到第６堂既最後５分鐘先返去上英文堂

派左ｌｉｓｔｅｎｉｎｇ

呢份野都炒硬架啦

不過都比我預期中好Ｄｃ．ｃ

ｌｕｎｃｈ團４人組去左ｍ記食

消仙好消咁跟左ｂｏｂｏ飲雪碧走冰

++係咁１號２號３號定４號餐

最後答案：４號

我食左板燒包，其實都麻麻地好食

不過又試下囉∼

食完去睇沙田中心新開個間章魚燒

真係好大粒

不過又係好貴

三十幾蚊得十粒

有閒錢時偶爾試下都好既．．．．．

中化堂派左實用文同閱讀理解

原來實用文作到離左題

陳碧華話離題既就實炒

果然佢岩岩好咁炒左我－０－

閱讀理解，不過不失啦

中化果然係難以預料既一科

文化專章同鈴聽會點呢？

地理堂教新野

生態系統，一開始勁眼訓

不過畫熱帶雨林又幾搞笑ｗｏｒ

畫畫下我都去加幾筆

都話係個地下係咁點就一定無死，哈哈

又畫左毒菇∼∼”

都幾好玩∼開始教啦

生態系統是生物群之間和它們與環境的一連串物質和能量交換形成的關係

都唔係好記得ｔｉｍ∼

之後講生物同非生物組元

陽光唔係呢２類，係作為整個系統既推動力，有超然既地位

係咁上下啦

之後又玩食物鏈

黃雀食變色龍，都Ｒ晒頭．．．．．

關於食物鏈唔會太長既問題

呢個答案已經解開左啦∼哈哈

放學之後要等消仙補完課

去打左陣乒乓波

著長衫同著左鞋都係無最好既狀態

之後番課室又諗下Ｄ　ｐｒｏｊｅｃｔ點做

ｍｓ同中化．．．．都幾苦惱

消仙落左黎∼又去打左陣波

之後閃人

同消仙去左大眾行

睇左本魔術書

有Ｄ白痴有Ｄ得意

有一個都ｏ嘴

個作者講得出個方法但又唔知點解可能咁

都唔知係咪真既．．．．．

之後買左要買既野就走了

都好肚餓∼

番屋企有飯食，太好了∼

我係一個樂觀既人

唔知由幾時開始我就深信呢一點

因為深信，所以樂觀．

雖然為人比較消極，總會係不覺間錯過很多的

不過基於強大既"睇得開"和"知足"特性

我總算可以係人生中架起樂觀之帆，乘風破浪∼

識我既人都知我唔係一個多話既人

不過有時都不免會長篇大論地勸人樂觀咁面對無奈，挫敗既事

當然，唔係所有人都會接受呢一套

事實係，大多數人聽到呢Ｄ話都只會有"你講得咁輕鬆，明白咩丫"之類既感覺

當我感覺到其他人有呢種感覺既時候

大概就係我要收口既時候了∼

的確，我又唔係佢

佢既處境我未必理解

我既樂觀理論亦未必適用於其他人既人生，性格

係呢Ｄ過程中，我體會到自己既力量實在好有限

我既說話，真正可以幫到人既，少之有少∼

呢個都係一點無奈．．．

當然，一點點既無奈還得接受

自己既話說完了，無論岩唔岩聽

也算盡過力吧∼

我無法強迫其他人都好似自己咁諗野

不然，所有人都會變成自己，好可怕呀＠＠

也許，一百次之中有一次

有個人聽了我的話，真心地笑了

已經係一件值得快樂安慰的事了∼

哈哈∼又到左星期日啦

星期日往往都係比較乏善陳足既一日

因為成日都係唔出街丫嘛

留係屋企可以有咩做呢？

咪又係開下電腦，聽下歌，做下功課等等（近排懶了，沒有鍛練身體，真糟）

廢話少講∼今朝未訓醒又聽到Ｄ貓既白痴野

阿哥係度同阿媽講同隻花貓出去散步點知隻花貓走左入樹林

搞左２個鐘先令佢返黎

其實原本我地一家人之間都無咩話題

所以無咩講野

Ｄ貓都令我地一家人多左話題

其實都係一件好好既事

雖然都唔講得上係溫馨

但可以講多Ｄ野，總係好的∼

１２點起身，訓左１１個鐘

總算訓夠了，好滿足呀＠＠

一起身都係開電腦

無忘記要做中化既ｐｒｏｊｅｃｔ呀∼

不過因為星期日都幾多人睇樓

成日有客入黎，搞到搵搵下資料要行開

好多阻滯，索性行落村下面海邊走下

其實講環境都幾好既

不過總係好少行

白天係屋企既時間少吧∼！

得閒都應該行多Ｄ先∼∼

斷斷續續搵左陣資料

又要諗下點打番落wordpad，搞左好耐

總算做左Ｄ野∼

夜晚睇勁歌，有Ｄ歌都幾好聽

不過無ｗｉｎｍｘ要搵又好麻煩

ｓｏ都好少聽新既歌了．．．．．

聽日返學，要好好咁讀書了∼

溫書既事，應該點建立一個有效持續進行又唔會嚴苛到難以實行既計劃呢？

都要好好既諗下先得∼有無建議呢？．？

好耐無見既商校今日又出場了

不過為左黎呢個商校

放棄左去大掃除

ｃ奶都幾難做，係度講聲ｓｏｒｒｙ先

星期一我會比家長信你架啦

今日既商校過得比較輕快

一開始就係律師講下佢地既架構既事務

原來上庭戴假髮係因為以前驚Ｄ人秋後算帳＠＠

今曰莊生ｂａｂｙ成日上黎睇++＠＠

之後玩角色扮演

我變左好例子－０－

第３個就係分享新興趣

不過唔知點解我地組又唔使

最後係另一個律師講野

就完左了

下星期去律師樓呢∼！

完左之後同++消仙行去圖書館等阿雞黎

我睇到Ｄ兒童書都幾好睇ｗｏｒ

阿雞黎左，一黎就比++ｋｏ左個頭．．．．

阿雞今日頭痛，不過後來有一段時間又唔痛

究竟咩事？等陣咪知囉

我地一齊撘火車去旺角

中途講左呀雞既中化ｏｒａｌ題目

鑰匙．

我覺得都幾好講∼

去到旺角之後

我用英文同電話入面既肥仔溝通

終於會合埋佢

就一齊行街街

去左朗豪坊食ｌｕｎｃｈ

阿雞無胃口∼我個炒河好油=.=

之後上上面行∼都幾多野睇

不過都係睇下

消仙同阿雞又玩到上電梯，都無眼睇．．．

兜左好多個圈又落番去

++都真係幾畏高

之後就係旺角行

呢一ｐａｒｔ恕我形容唔到太多

因為我實在係旺角路痴．．．．

後來阿雞同++去睇衫

我就同消仙肥仔周圍行下

睇下野，又去左一個專賣玩具既地方

睇下都幾搞笑

後來係街頭睇魔術

玩得好勁＠＠

消仙都買左黎學玩∼

２個鐘之後會合番++阿雞

佢地已經被洗劫一空

而阿雞就係係呢段洗劫既時間唔頭痛．．．

佢地都真係瘋狂

不過可能咁先會開心Ｄ啦∼

ｔｈｅｎ我地去左影貼紙相

又黎，次次都係影得好白痴，哈哈∼

影完佢地又畫∼

最後我地買左野食同野飲去球場坐

個度搞食盤菜∼

我又囉地圖王出黎啦∼∼”

大家坐左一陣之後就走啦

後來一些經過之後就分別撘唔同既車走

同++撘火車，佢趕住去補習都幾心急

我就火炭落車再上去同老豆食飯

都唔係太多野講．．．

個蕃薯糖水，如果係好凍既時候食真係幾正

不過我太熱了=.=

ｔｈｅｎ回家∼

今晚真係要好好咁訓呀

考完之後都未盡情咁訓過夠

太疲累了．．．．

聽日遲Ｄ起身都係咁話