１１月過去了
我地有時總會搞亂一Ｄ事件既時序
例如覺得上一次打邊爐係上一次踢波之前
但其實上一次打邊爐係１個月之前而上一次踢波係３個月之前咁（呢個只係亂吹既例子=.=）
記憶好多時只係模糊咁以事件變化黎量度時間
有Ｄ野過左好耐都無咩改變，就覺得係無幾耐之前既事
有Ｄ野只係過左短短一段時間變化就好大，就覺得好似過左一世紀咁
今個月都有類似既情況∼
好多野只係一個月內既野，但感覺卻像遠久既回憶
或者咁講係誇張左
但我確實有咁樣既一種感觸
１２月，彷彿象徵冬天既月份
可能聖誕臨近啦
因為怕熱∼以前我唔鐘意夏天
今年夏天，我開始欣賞陽光燦爛既一日
我欣喜
而家又係踏入冬天既時間啦
我諗，我都係要對未來抱有希望
咁樣我都可以為冬天噴出既白氣而快樂．
今朝早行過沙田廣場個段路度見到有交通事故
係有架小巴撞到人
離遠望到一個阿伯訓左係地下
仲有架推紙皮既手推車
紙皮散落地下
我以為只會係電視見到既一個場面
今日卻一下子滲入我既生活
感覺都有Ｄ震撼
番到學校
winnie一大清早就醒一句：死變態！
嚇到隔離個同學彈開３尺
個場面都幾搞笑
今日係世界愛滋病人關懷日
好多人有紅絲帶扣∼但我早左番無囉＠＠
winnie指住紅絲帶話：我關懷你．．．．．．
調左做門神之後出入都方便Ｄ
但我都係期待下一次調位
或者咁樣唔係一個好方向既諗法
但我就係一個咁樣既人
偏執卻消極
燥ｌａｕ今日都燥燥地
唔記得左簽回條
之後今日番到屋企又發覺唔記得左帶定唔見左=.=
聽日佢又應該燥底
第１，２堂空堂∼
問++借左little twinstar諗住上去做econ note
但上都無心機寫野
依然好累∼訓左一陣
都唔夠幾分鐘又比library個miss戴用必殺技ｋｏ左
之後．．．．直頭坐係度恰左陣
都幾勁＠＠
之後睇左陣ｅｃｏｎ既新課題
都愈黎愈多野要睇同諗
小息++同winnie有野做閃左
我落去斟水∼撞到消仙就一齊食野
見到３．３泊車
食左菜肉包∼
之後３．３又買左黎食
整整下變左食包團＠＠
３．３渣住個包係度笑
消仙同我講佢一定心諗個菜肉包咁抵，仲平過泊車！
後來我同消仙研發出一個問題
到底菜肉包同新地筒有咩關係？
ｅｃｏｎ堂開始教生產成本
今堂係將會考個個機會成本既慨念重溫同深入Ｄ咁講
又教左既往成本
ｌｅｔ ｉｔ ｂｅ
但諗番現實上，我地既行為都往往受既往成本所影響
人其實都係唔理性
ｅｃｏｎ都係廢廢地
係啦∼李ｓｉｒ借左機比我了
不過今日仲未錄到∼希望盡快啦
中化堂測埋最近一次文化趣談
果然睇唔睇都分別唔大=.=
有Ｄ內容係關於中史既
都未掉底晒∼∼
之後就玩辯論∼諗都冇諗過＠＠
不過winnie仲慘做主辯要好早講
嘉欣又唔出場=.=
之後我照嘉欣講過既大約方法
take低左對方既錯誤
然後又講左自己既一Ｄ論點
就咁就結左．．．．
都無咩氣勢－０－
不過都無想像中既一面倒
都唔錯了∼∼
ｌｕｎｃｈ因為ｆｄ底輔導員
所以都係食飯盒∼
ｂｏｂｏ整親腳無番∼希望你隻腳快Ｄ好番啦
ｌｕｎｃｈ４人組仲等緊你^^
消仙就同５ｂ同學食ｌｕｎｃｈ
後來佢話本來都係食飯盒
但佢同學話：今日難得咁人齊，去籣香閣啦！
我都係諗唔通人齊同籣香閣有咩關係．．．．．
++都係炒飯細零
ｃ龜話專一，都算係掛＠＠
同眾輔導員一齊食都有Ｄ格格不入
唔係好跟到個channel
今日東記某小學又好多學生黎
一下子好似洪水泛濫咁＠＠
佢地去左輔導員我就落地下兜個圈∼
見到ｃ龜話搵佢既ｆ１組員
都似托兒所多Ｄ．．．．
唔通以前我地都係咁＠＠？
應該未至於吧
都不敢想像=.=
又係１樓見到一隻鮮黃色毛既雀仔飛左黎平台
慢慢惹來好多人圍觀
佢Ｄ叫聲好得意
我諗應該係家養之後唔知點解飛走左既
後來係點．．．．已經唔知了
ｒｏｌｌ ｃａｌｌ上左去追尋日無當值既ａｐ請假信
都預左無∼之後就講番個情況就係再係咁就可能會炒
之後就係咁就係咁．
英文堂都係做ｓｅｔ３
後面主席同林柄洲都傾得興高采烈
我間中撘下訕，之後又做番自己野咁啦
２堂空堂上去paint econ project
你相信１８頁紙
２堂７０分鐘唔間斷咁paint可以paint唔晒嗎？
我本來唔信，依家信了=.=
中途２大勢力又發生衝突
巴斯都燥左＠＠
我都唔知點理好=.=
只好睇我既地圖王．．．．．．
原來沙田係有一個叫麥當勞叔叔之家既地方
仲要係都幾隱蔽既地方
如果我細個Ｄ都可以幻想下個度係麥當勞叔叔隱居既地方
其實都唔關細唔細個事
我係願意咁做∼只係世界唔允許
只會講一聲：無聊
終於paint好既時候
emily走左∼winnie社籃∼++輔導員開會
++叫我出去買個file入好Ｄ野佢交比史太
有Ｄ野，比左人一個印象就真係根深柢固
撫心自問都實在唔覺得係咁
我無奈，亦唔知可以改變到Ｄ咩
衝左出去買左番黎
搞掂晒落副校室
史太唔係度∼
我放左入佢門口個公文袋度，留左言
就落去睇左一陣社籃
見到winnie
上番去消仙，方，大頭，ｃ龜，巴斯，威哥佢地層層疊開緊波
都玩得幾搞笑∼
我睇下小說∼winnie上番黎又大戰左一陣
都嚇疾左方個女同學＠＠
消仙自己同自己捉棋
都幾有熱誠
通常一樣野去到可以"自言自語"既時候都係幾有熱誠了
++開完會番黎∼唔見左銀包
佢都幾急．．．
搵左一輪∼原來係佢個袋後格
不過佢心情似乎都係麻麻地
但．
走了∼今日燥ｌａｕ叫我地聽日比個ｓａｍｐｌｅ佢睇下先
同++道別之後
就同消仙巴斯去左百佳（真係百佳=.=）睇野
白痴左一輪之後
終於選左萬字夾同螢光帶２樣
聽日比燥ｌａｕ睇睇
之後係好運見到梁浩銘（唔係３．３呀各位）
無見一排佢都係咁熱情
傾左幾句∼之後就走左
同消仙就新城市行左陣
入左錢之後上去睇左Ｄ電話，相機，ｍｐ３
有部ｍｐ３都真係唔講唔知係ｍｐ３＠＠
其實又想換左部關機自動化，又有Ｄ想買ｍｐ３
不過都無錢．．．．．
係５樓見到４樓既林歧同廖愷盈
遠距離對話左幾句
舊生無得去christmas ball
都幾傷心∼
我又唔知去唔去好了．．．．．
最後消仙買左ｍ記
就回家去了
|
