各位中秋節快樂呀!!!!!

估唔到話咁快又到左中秋節啦∼

今年天氣唔係咁好，污雲蓋頂

希望唔會落雨啦∼

我依家仲係ｈａｌｌ呀∼

不過等陣就會番屋企食飯

晏ｄ似乎會有不少人黎我屋企附近玩＠＠

至於玩咩呢，就我都唔清楚啦∼

唔駛玩手指都好開心啦

不過我都好期待同一排無見既ｆｄ聚下∼

既然仲有時間，就打下近排既情況啦

話說開左學都３個禮拜

到依家多數活動除左上堂，走堂，院慶，食飯，訓覺等等之外

多數都係同細ｏ組ｍａｔｅ，特別係宿生分子

仲有就係ＣＵＦＴ既春夏秋冬（尋晚見到荃官中同聚，只係ｙｒ１有三十幾人。。。）

都有衝出中大同消仙，ｃ奶，++，ｅｍｉｌｙ，ｂｉｌｌｙ，洋哥等等食下飯吹下水

當然唔小得番下屋企搵阿媽阿哥同埋３隻小貓兒啦∼！

大學既生活其實又無想像中咁精彩

可能我自己都係比較摺啦∼

我諗過如果好多野玩但好忙同埋好多野煩

或者無咩野玩但好悠閒

究竟邊樣比較好∼

呢個問題我都真係認真考慮過

但，哈哈∼我都係傾向成為後者

畢竟我唔係可以被壓力推動既人∼

清閒點都可以自得其樂

當然，如果真係可以操縱既話

我想既有閒情又有精彩ＸＤ

事實係點，也許多多少少都要憑點運氣和際遇了∼

 陳宿晚上既自然風太好了∼

我好鐘意靜靜吹住風既感覺

係一種難以形容既美好∼

大概本質上我都係鐘意平靜

或者有時會想玩，好似近來熱衷於上莊∼

都會有時想認識多ｄ人，多ｄ事

但始終都唔喜歡煩擾吧∼

今日同消仙ｃ奶牛丸ｆａ食ｌｕｎｃｈ∼

好耐無見消仙啦∼

其實一直都想搵你∼只係時常無機會

之後我會盡量多ｄ搵你架啦∼！

又同ｂｉｌｌｙ食左個ｔｅａ

似乎佢既學習生活都跟到∼

見到呢班朋友，發覺大家依然係大家

呢個實在係令人安慰既地方∼

開學既呢一排都從唔同人口中聽到一些有趣既事

話說我細O組媽阿B(講都無人信佢係組媽.....)F.5會考之前病倒了

阿B既阿媽竟然完全唔比佢溫書,要佢去跑步

仲出左一句名言"農夫都好開心"∼我真係笑左ＸＤ

原來係想講條命最緊要∼其實呢點我都好讚同

更詭異既係阿Ｂ考前１個月無溫過書考出黎既成績竟然係２７分。。。

一個字：強

另一件事係我上天文學∼

呢個大通竟然係所以ｌｅｃｔｕｒｅ之中最有趣

唯一我唔會訓著既堂∼

個教授話佢係度教左幾十年

試過用唔同既方法由本部行落火車站

最勁係本部行上逸夫再由環迴路落火車站＠＠

呢條路真係要成個鐘

又試過同另一個人比賽日日食同一款早餐可以維持幾多日

呢ｄ真係要有漫長既歲月先做得到呀＠＠

有一日當我既生活步入穩定同平淡

我都要搵ｄ野去維持一下生活既新鮮感∼

當然∼依家我仲係一個中大新鮮人∼

對好多野都仲有一種好奇

好奇ｈａｌｌ既生活會係點

好奇同大學新朋友既相處

好奇自己會囉到幾多ｇｐａ

好奇莊務∼好奇院慶。。。。。

我會盡量令大學既生活有趣o的

各位係中大既∼其他大學既∼ＡＬ既或者其他其他既朋友

記得都要保存你地既生活一點趣味，保持心情愉快呀！

開學第5日啦∼終於有電腦用下∼！ 大學既生活。。。。暫時黎講都真係頹頹地 上ｌｅｃｔｕｒｅ真係好易訓左 希望快Ｄ可以適應啦，我都唔想做頹人∼ 雖然ｅｃｏｎ方面都算有信心 但英文就極之無信心∼ 所以都想快Ｄ追一追 等過耐Ｄｓｅｔｔｌｅ好晒就要開始做野了∼   ｈａｌｌ既同房都幾好∼ 至少無咩特別問題，又唔係太早訓 不過就係靜Ｄ囉∼ 其實連我都覺得靜既，都真係幾靜架啦∼ 宿舍既生活都習慣既 只係平淡左少少，但都幾岩我∼ 尋日層聚，哈哈∼從來無食過咁多西瓜的∼ 其實本身話想買西瓜食∼ 不過暫時都係唔好了＝。＝   大學既生活開始了 我希望呢個會係一個美麗新世界∼

睇左一個朋友既ｘａｎｇａ

佢係一個用情好深既人

一篇ｘａｎｇａ只係好普通咁講出佢同情人去過既地方，一齊經歷過既野

但呢Ｄ都係佢地愛情既印記

好佩服佢可以愛一個人到咁義無反顧

然後，近排又見到一套愛情觀：

當兩個人強烈咁感覺到彼此需要對方時

愛情既系統就會自發咁啟動∼

曾經戀愛既感覺都淡忘了

都無咩興趣去思考"愛是什麼"等等既哲學問題

但呢兩樣野令我諗起好耐以前

對戀愛有過既幻想

都係一種幾清新既感覺∼

尋晚組聚∼去左近九龍塘既藍山村食飯 呢餐都可以叫自己組既開學飯啦 都唔錯幾好食∼ 不過人就麻麻地齊啦 之後去左ＭＫ登打士上面個ｐｕｂ飲酒 第一次飲芝華士溝綠茶，好易入口∼ 大家玩大話骰，猜玟，２１點，７８９等等 後來唔知飲左幾多∼ 哈哈∼有大Ｂ係度既情況都應該係咁ｃ．ｃ   今日入宿囉鎖匙∼陳宿７１７ 其實都唔係海景，應該係開闊既山景啦∼ 仲未見到ｒｏｏｍｍａｔｅ 不過知道佢係ｙｒ４ｓｅｍ既內地生 希望容易相處啦∼   聽晚同消仙佢地食開學飯 大家都有一段時間無聚首一堂啦 開學之前整番餐都好∼ 期待．   後日就開學啦∼ 完全未有開學既感覺 其實都未覺得自己係一個大學生 之前覺得大學與自己無關 呢２年慢慢有點概念 然後．．．９月３號．

尋日遇見左好多人呀∼

其實主要都係因為好多人都番中大打針同買ｐｅ３

話說約左祉蓓同牛丸係火車站

第一個遇見就係係大學個小巴站見到細ｏｍａｔｅ阿ｔｅｌｌ

佢應該岩岩打完針掛

之後牛丸原來同佢細ｏｍａｔｅ上左

咁我就同祉蓓上去啦

祉蓓同我講左一件事∼聽落去都覺得大件事＠＠

不過後來了解過又好似無想像中咁大件

係校巴遇見係生命樹自修室認識既同學

佢入左語言學系

又遇到我細Ｏ組爸康師傅

之後我同祉蓓上左ｃｌｉｎｉｃ

就落體育中心買ｐｅ３

點知又撞番康ｓｉｒ同阿泰

再撞到會考時已經係自修室共同作戰（打乒乓波）既細ｊ

最後佢都如願以償入到ＲＭＳ

證明打乒乓波係唔會令成績倒退既∼

買完ｐｅ３又番ｃｌｉｎｉｃ

細ｏｍａｔｅ既女仔都差唔多係齊度

之後佢地走先∼

我又遇見大ｏｍａｔｅ　ｋｉｋｉ

佢都要睇醫生啦∼

唔知醫生會唔會開小童配方比佢呢ＸＤ

呢度我居然撞到個估都估唔到會係度出現既人

就係梁浩銘（唔係３．３）

原來佢媽媽係中大做

所以佢可以免費黎睇醫生

又會咁岩∼∼

而家佢讀緊ｉｖｅ電機

出到黎做下中電個Ｄ都幾好丫

不過千祈唔好做地盤裝修個Ｄ呀

辛苦之餘長期做生活好頹廢

後來同銘行落去火車站

又撞到細ｏｍａｔｅ呀彬．．．

之後去細ｏｍａｔｅ組聚

係沙田ｇｒｅｅｎ　ｂｏｘ唱ｋ

當然我就唱唔到啦

不過都幾開心∼

之後去左打機同務險樂園

阿恆既殺手簡一石二烏！

細ｏ組聚玩到差唔多６點

之後諗緊做咩好時

ｃ奶打黎∼引發左食糖水事件

咁我就食下飯行下路

９點上到廣源同呢個係歐洲遊歷番黎既ｃ奶

同埋係屋企閉關出黎既消仙會師

大家傾左Ｄ９唔撘８既野咁啦

Ｄ西餐原來唔好食

佢地去歐洲要去中菜館食飯．．．

有機會既話我都想去下歐洲

係自由行∼

前提當時係要儲錢同埋學好英文（雖然法國人未必會應你=.=）

希望係畢業之後可以做到∼

順帶一提∼到最後我都係糖水鋪度撞到阿雞個ｆｄ阿ｒｅｄ．．．

知道一個好朋友近排有唔開心既事

雖然唔清楚係咩事

亦知道有D野我都幫唔上咩忙

不過我都想同你講

雖然我入左u

大家既生活圈子有D唔同左

不過我永遠都會留一席位比你呢個知己

當你想搵我時就唔好猶豫啦∼ｏｋ？

大ｏｃａｍｐ終於都完結左

總結一下，大ｏ的確係無細ｏ咁好玩∼

有幾個因素啦∼

第一就係悶場太多

第一日個開幕禮居然開足３個鐘

我地就坐係度睇足３個鐘．．．

第３日下午個個學生會時間又係ｆｏｒ訓覺既

不過女工同心合作社個宣傳真係好掂

大家得閒就去下啦ＸＤ

呢２個係ｆｏｒ宣傳就無辦法啦

但第３晚既晚會本來應該係高潮既所在

但實在離個台太遠，前面既人又成日企起身

都睇唔清台上做緊咩

有一個環節係組花草係度食吊係架上既食物

我連個Ｄ係咩食物都睇唔到

最後選出黎個院花草個樣都睇唔到=.=

第２就係過度玩祟拜

大組會師又好∼細組之間玩又好

不斷咁鬥讚自己大組長

又作beat又作47

雖然我都覺得個大組長幾nice

而且咁樣可以增加下向心力

但似乎太過火了=.=

第三就係有時覺得Ｄ　ｇａｍｅ悶悶地

不過呢個可能係因為玩完細ｏ

而大ｏ又有Ｄ同細ｏ重疊左啦

ｃａｍｐ　ｆｉｒｅ又係跳番個Ｄ（多左黃金戰士同勁愛你）

不過我發現同一首歌既演繹係有少許唔同

當然都有好玩同開心既野

終於我都玩到city hunt

不過都係去左尖沙咀，ｍｋ同紅磡

最搞笑既ｔａｓｋ係要係紅磡火車站個大堂度扮馬玩馬術

之後用普通話大聲叫歡迎來香港看馬術比賽．．．

仲有就係終於都食到似樣既宵

去左金沙角食∼都算係咁啦

最後就係自己個細組玩得幾開心

雖然唔係特別團結，不過幾多笑料

同埋組媽ｃｉｎｄｙ好好呀

雖然細組係無組長既

不過佢明顯就係帶領我地組

玩得好勁∼又真係好似個媽媽咁好照顧我地

相比起大組長，我更加想讚下佢∼

之後講起原來佢都係８８年出世的＠＠

因為佢阿媽係佢２歲時嫌佢係屋企太得閒

就早左一年讀幼稚園

其他值得一提既野就係我個Ｄ組ｍａｔｅ好鬼勁

９個有４個係ｂｂａ既

聽佢地講ｂｂａ個細ｏ同一般好唔同

組與組之間真係鬥得好勁

食飯鬥快食，之後鬥快ｄｅｍ食完飯個ｂｅａｔ

佢地唔ｄｅｍ一般既肚餓ｂｅａｔ同ｓａｔｉｓｆｙ　ｂｅａｔ

全部都有自己既ｂｅａｔ

可能係ｂｂａ既傲慢情懷啦

係啦∼仲有一個係拔尖上ｍｅｄｉｃ＠＠

仲有就係４院互片∼無想像中咁好玩

都係輕輕片一片

可能輔聯管得太嚴啦

藝墟好多既行，但我一個ｓｏｃ都無入

剩係同祉蓓去左睇ｄａｎｃｅ　ｓｈｏｗ

再搵埋牛丸同佢細組爸一齊食ｔｅａ

仲有就係我３晚加埋只係訓左７個鐘

ｌａｓｔ個晚訓左３個字（算唔算訓左．．．）

而且我第２晚就失左聲－０－

無論如何都真係無後悔玩大ｏ既

算係一個體驗，一件特別既事

聽日係細ｏｍａｔｅ組聚ｗｏｒ

雖然ｋ我就唱唔到

不過我都會出現既

大家齊齊玩下＾＾

１８號個日補左個ｏｄａｙ比我地

朝早８點半係大學等

好早呀=.=都未訓夠

組仔女加埋６個，好彩可卡黎左

唔係就真係陽極戰隊．．．

朝早既書院時間玩ｇａｍｅ都有點無聊

可能因為補ｏｄａｙ再開始過無左個感覺

不過識到似乎幾玩得既人

遲Ｄ應該會同阿恆一齊上莊

希望ｈｅａ少少啦ＸＤ

下午玩ｍａｓｓ　ｇａｍｅ

一生人一次同埋戰車都幾特別

前者就唔講啦，後者見識到咩叫瘋狂＠＠

表演．．．今次真係陽極戰隊

跳跳下唔知做左Ｄ咩

新人王簡直就係壓軸

ｅｃｏｎ真係咩人都有，大開眼界

食宵就有點不予置評啦，地點問題吧∼

後來泰空船仲去左ｋ通宵

大家都顛左

雖然我好眼訓，不過都顛下恰下咁

如果shirley知道泰空船唱ｋ點唱法同埋新既yo beat都應該嚇親xd

但大概會幾開心∼

最後聽番組爸媽既sharing

愈覺得我地都係相近既

１９號晚就去左同大勤慶生

十幾個人去烏溪沙ＢＢＱ

Ｄ炭勁濕狂彈炭屎都傷心

大家成晚係度不斷中招

後來既蛋糕都幾好食

今次坐入左感覺真係窄窄地．．．

大家都係燒野食野同飲野

無玩到ｇａｍｅ∼

高潮應該係離開既時間係黑路大家起哄

有２個人行過都引發哄動

個２個人都比佢地嚇親

之後就．．．．．完．

點都好∼生日快樂啦大勤

仲有ｏ璘都係呀！