似乎真係開始進入溫哥華的冬季

好早天黑,落雨的頻率愈來愈高

其實凍又唔算太凍

不過落雨呢件事有點麻煩

事關我發現我對converse又唔知邊度穿左洞

落雨著出去就滲水,比冷雨水整濕左對襪的感覺真糟=.=

好彩我都有帶另一對鞋黎

不過個對靴我唔係好著得慣,太厚重的感覺

話雖如此,如果聽日都係落雨的話我一定要換鞋=v=

我似乎又開始變得愈黎愈夜訓

由岩岩黎溫哥華12點左右,變成依家早則1點,晚則2-3點

特別係放假成日3-4點先訓

所以星期一的堂特別難捱

上Macro上到釣晒魚

不過落左堂之後都迫自己去左library

今日都算有恆心,係library溫左6個鐘

雖然效率唔係話好高(扒係枱上訓左幾次xd)

不過總算清左大部份Macro的note

黎到溫哥華先發覺生活無想像中咁悠閒

好多野都幾花時間

當要兼顧生活時就無法全副心機讀書

但暫時都OK

至少今年有明確目標,就係考好暑假個comps

務求唔使比人踢出校xd

係垃圾桶上沉思的人生意義的哲學鳥

下午5點的天色

菜心炒牛肉成功!

冷雨夜

天氣開始變差了

尋日都仲係好天

今日突然翻風落雨,趺到得6-7度

睇forecast似乎之後一個星期都會keep左呢種天氣~都傷心

雖然橫風橫雨,但都阻止唔到我出行的決心!

今日alan岩岩考完math final

就二人同行去richmond征戰!

首先去我上次發掘的港式商場食野

我食左呢個

$5.5(hk40),價錢以溫哥華物價黎講都算ok平

其實佢就係正常的港式茶餐

不過因為好耐無食所以覺得好正xd

同埋飲到凍檸茶,真幸福

alan無食lunch所以叫左炒貴刁,我食左少少都好有獲氣

的確係一個食野的好地方!

之後就去daiso(溫哥華版日本城,好多野都係ca$2好抵)買左錫紙同罐頭刀

then就去超市買野

係超市見到好靚的雪花牛肉

不過我呢d窮學生食唔起xd

最後係買左呢個

ca$4.xx (hk$3x左右)一大塊新鮮牛肉,真係好抵!

經過一輪激烈搏鬥之後

可以食好多餐!

不過未試過炒牛肉,希望會成功la!

係星期五暫時放下學習的晚上

靜靜的上網打blog

難得尋回從前喜愛落雨的感覺

窗外的風大雨大更顯出內心的安寧

真希望可以一直這樣

 又有好幾日無打呢個blog啦~

果然留學生活都係有點乏善可陳xd

不過都正常o既~

專心學習,專心生活

Micro Midterm終於派左,都叫做above mean

不過我都唔係話太滿意

始終Micro如無意外都會成為我本業

應該要做好d的

不過考試成績又唔使太介懷o既

重要的是所反映的research能力

我都唔係好清楚自己的長處

math唔太勁,又唔算太creative

比較好的是analytical still

但我都唔係好sure可唔可以靠呢樣野成為一個好的researcher

尋日無意中係facebook的mutual friend見到李sir

add左佢~ 李sir都係我econ 的啟蒙

個時econ的世界無咁複雜

一條demand curve都可以憑一點理論加common sense derive到好多野出黎

依家我的econ世界都多左好多野

當然有趣的都不少

但不得不承認太多technical上的要求有點濛糊了當初清澈的世界

磨損我對econ的熱誠

但點都好,呢條路都應該值得走落去的

原來李sir退休之後做左義工同參加中樂團

都真係幾充實的生活

如果我退休後都可以咁都唔錯

不過實在有點想得太遠了xd

阿媽頭先打黎問我尋日係咪唔開心

佢話尋日打比我時聽我語氣好似好唔開心咁

搞到佢唔安樂所以今日特登打黎

睇黎我真係好少同阿媽講電話 (以前多數面對面,我過左呢邊之後多數skype)

導致佢比我把低沉的聲線同平板的語調嚇親

以為我唔開心~

之後佢就開始同我講人生道理

叫我做好自己就得,唔使同人比較

其實我一直都實行緊呢個"農夫理論"架!

所以真係唔使擔心我

but anyway, 都好開心收到一個咁o既電話

令我諗起近排都幾鐘意聽的一首歌

無論外面的世界有幾多少紛紛擾擾

有一個避風港真好

外面的世界

在很久很久以前
你擁有我　我擁有你
在很久很久以前
你離開我　去遠空翱翔

外面的世界很精彩
外面的世界很無奈
當你覺得外面的世界很精彩
我會在這裡衷心的祝福你

每當夕陽西沉的時候
我總是在這裡盼望你
天空中雖然飄著雨
我依然　等待你的歸期

外面的世界很精彩
外面的世界很無奈
當你覺得外面的世界很無奈
我還在這裡耐心的等著你

我依然　等待你的歸期

又到左星期五出去買野d時候

今日Alan要留守溫書

所以我第一次獨自出遠門!

難得係落左幾日雨之後,今日天氣都唔錯

就去左Richmond

Richmond係當地o既小香港

有好多香港人同華人

所以亦有好多華人超市可以買到想買o既野

不過離UBC都幾遠~要撘一個鐘車

今次比我係Richmond發掘到一個食野o既好地方

係一個小商場入面的foodcount

有好多香港野食呀~~~而且都算幾平

呢個商場根本就同香港d小商場一樣

仲會聞到陣中藥味xd

反而係香港呢d商場愈黎愈少啦

另外好得意o既係呢間酒樓

第一次見到酒樓個門面咁細xdd

都真係無其不有,有趣有趣

本身想行耐少少

先5點半,個天竟然黑成咁=.=

之後條街變到好少人行

搞到我都唔敢行太耐

去超市買完野就返去了

原來呢個歷史遺跡引發左一宗"交通意外"...

在此特別鳴謝++對考古學作出o既貢獻xd

岩岩上完空手道

本來又係有D懶唔係咁想去

不過都係堅持去左

結果都係正確o既抉擇

今日除左基本練習之後

我地白帶後來學點對付人襲擊

例如比人從後勒頸

同個high level白帶女仔pair up

我練習好怕同人pair up, 尤其係低級帶同女仔

可能我未學到control之餘又可以有力度同速度

成日同人練就軟手軟腳咁,都練唔到d咩

不過好在呢個high level白帶都幾tough

練練下都唔使咁縮手縮腳

都有認真勒同認真爭扎,而唔係做個樣

後來又係咁摔人同比人摔

今堂比較暴力,但又幾好玩xd

不過返黎之後又要面對令人苦惱o既RA work la orz

p.s.今日又有個TA病左tutorial 都無開,似乎我都要注意健康了

經過Alan個宿幾次走火警之後今次終於輪到我啦

話說頭先訓緊晏覺(終於忍唔住訓左)

點知岩岩訓著無耐就比d極刺牙d警鐘聲嘈醒左

聞到小小燶味仲以為係我間房出左咩問題

點知原來係有人係我個層個common kitchen煮燶野

成條走廊都有煙

後果消防車都黎埋....

d消防員居然係地下度開吹風機打開條後樓梯吹上去想吹散番d煙....

真係有用嘛=.=?

搞左一輪終於散水

但我個晏覺就咁就無左sosad

前個排Ashton唔舒服連midterm都無考

今日上上下堂Bert又突然頭暈

最後仲好似去左醫院@@

真係要小心身體

一個人生活如果病倒了真係幾麻煩

唔好話大病,就算只係感冒個d都好難搞

一方面又要休息,一方面又要繼續料理日常生活,煮飯個d

好彩我暫時o既健康指數應該同牛差唔多(唔係有瘋牛症個d)

所以只要keep going應該無問題吧!

尋晚Kim生日幾個人同佢去左一間法國餐廳食

野食都唔錯

我幾欣賞Bert叫的羊鞍,好惹味

大家東拉西扯傾下計

我都係間中講一兩句,始終英文唔好

有時都唔係好聽得明佢地講緊咩

同埋好多野都唔知點表達

希望會進步啦 (不過都要靠自己抽空聽多d睇多d)

另外就係我發現個間法國餐廳最多o既顧客竟然係香港人

我隔離個枱係講廣東話o既

後來入黎o既一班人,佢地同個waiter既對話中聽到香港口音

原來港式英文真係聽得出xd

岩岩上完堂返黎有d眼訓

但如果訓晏覺又唔知會訓了幾點....

人生好矛盾呀!!!

考完ｍｉｄｔｅｒｍ之後ｈｅａ左一個星期

終於都要開始忙啦

一來要開始跟返幾２個星期教ｏ既野

二來要還ＲＡ債

黎溫哥華之前幫緊中大ｏ既一個ｐｒｏｆ．做ＲＡ

仲未做完我就要走

但佢已經預支左錢比我

所以都要繼續做

雖然依家比較忙真係唔係好想分心做ＲＡ

但錢都收左，點都要負埋個責任ｏ既

而且如果做到ｄ成績出黎將來同個ｐｒｏｆ．都可能有機會合作

所以都要比心機做！

 岩岩上完空手道返黎

出返身汗的幾開心

報呢度的空手道都係一個正確抉擇

一個星期keep住兩日有一定運動量

又可以有d細藝

講起空手道

我都唔係好記得我以前到底學過幾耐空手道

本身以為高form之後就無學了

但睇返d舊blog好似中六七都仲有學下

可能斷斷續續上下堂掛

不過因為d野都唔記得7788

加上呢個d style又有d唔同

所以都係一切從頭黎過

有d基本動作都真係唔係好習慣

好似d block個d以前係學彈走對方隻手/腳

依家係學拖向一邊

不過聽阿哥講好似依家呢種先係正統

anyway,總之就慢慢黎keep住學啦!