微風中歸家,人疲倦得可怕
誰願意再增加心裏的牽掛
唯求一壺濃茶,來平靜內心的風沙
沉默地躺下,誰料電話嚮起
他方的你的話,這一剎那
人完全像不懂說話, 唯講一聲你好嗎
在那天 為你哭過恨過
在那天 留下傷心的我
當初一切,重逢時再不講它
今天你好嗎
在這天 若你竟掛念我
在這天 搖電話給我
知不知道 愁緒仍在天天增加
唯講一聲你好嗎
無言地對話,延續這牽掛
如窗邊偷偷消褪的落霞
情不能談時,傳來流淚聲音沙啞
回覆一聲你好嗎
在那天 為你哭過恨過
在那天 留下了傷心的我
當初一切 重逢時再不講它
今天的你好嗎?
在這天 若你竟掛念我
在這天 搖電話給我
知不知道 愁緒仍天天增加
唯講一聲你好嗎
終於再打番呢個日記
已經過左半年
呢半年都經過唔少事
大事小事都有
講下Ｄ比較大既事先啦
高考終於過去
成績係點真係好難估計
反正已成事實
因為英文既緣故
已經有重讀一年既覺悟
其他科．．．．
除左ｍｓ，另外三科都覺得未做得好
遲Ｄ放榜之後再睇成績考慮下好唔好ｒｅｔａｋｅ
不過呢∼既然考完就暫時放低佢啦
另一樣野就係我番左工
已經番左半個月啦
係咩工呢？
簡單Ｄ黎講就係去中大做地盤佬
總之就係體力勞動既工作啦
唔信？我有平安卡架ＸＤ
呢份工對身體既講就係辛苦Ｄ
不過勝在無咩野煩
都係擔擔抬抬∼用做下運動
唯一就係悶左Ｄ啦
不過番工都好難話唔悶架啦
係番工等食ｌｕｎｃｈ
食完ｌｕｎｃｈ等收工既日子裡
都搞出唔少有趣既事
倒碎天花上泥頭車時
幾條友抬住一桶重到死既泥頭衝上個"泥頭山"
好似搶灘咁
a math仔（一個考ce amath之前個日仲去考平安卡，考完amath就番工既"同事"）由泥頭佬升左做水喉佬（因為懶）
同billy無聊時玩既無聊ｇａｍｅ
猜測老細會唔會請食ｌｕｎｃｈ
阿雞同++居然黎探班＠＠？
好似番工一下子佔據左生活咁
不過都係做到８月到
如果再咁做真係戴口罩都矽肺病
一陣真係變左個Ｄ地盤佬
口音都講唔正咪大獲？
呢半年都有開心有唔開心
屋企既貓由５隻變左３隻
估唔到白貓同波波都過唔到一歲
同人唔同
佢地既生命一閃而過
都無留下過咩痕跡
極其量只係銀包入面既一張相
同埋間中既思念
個時睇國家地理雜誌
話非洲Ｄ象世世代代都受人類獵殺既威脅
但佢地都依然好活潑咁生活著
雖然呢份活潑可能只係來自無知
但呢個就係無知既力量
呢個就係動物既生存方式
高考時成日去左西貢市中心既圖書館自修室溫書
又留下左一Ｄ回憶
每日都溫書之後食飯（好多時買包去運動場食）
之後又排隊入去
有次遲左去無位
仲係西貢遊蕩左幾個鐘
仲試過對住個大海溫書既滋味（不過無咩效率就係了ＸＤ）
仲有陪伴住我一個人既歌
上面既你好嗎（ａｔ１７版）就係其中一首了
最後一日４月２９日之後
我就再無去過西貢市中心了
個度既一Ｄ面孔
雖然從未傾過計
但都認得了
我諗，或者以後已經再唔會有咁既一個月了
|
