而家係西岸時間清晨6點幾，我竟然起左身！
昨晚飲左少少酒，睇完新一期第一集陸版running man之後2點左右訓了
醒了之後有點訓唔返著，就起身吧（不過等陣一定會回籠，哈哈）
剛在床上發呆，對於未來的一陣徬惶感覺突然襲來
關於那些無法逃避的現實，原本想打日記宣洩一下
不過後來起身去下廁所煲下水，打開電腦之後又覺得沒什麼好寫了
畢竟客觀來說都是一些每個人都要面對的大同小異的事
況且情緒都已經過了
但既然諗起要打日記，就打吧
話說呢兩、三個星期完成了2個presentation、一份paper、一個考試、同埋改左一百份卷
都算做左幾多野
接下來返香港前還要做多一份paper和找prof.傾summer paper
總覺得個research idea唔係好踏實
present bias+precautionary saving motive=self infomation blocking ．．．
當初剛想到時覺得幾特別
但諗深一層就連自己都唔太說服到，個reasoning自己講出黎都有少少心虛嘴軟
不過一時都好難再找新的idea
至少summer paper都會用呢個idea了
昨晚睇左d關於藝人郭碧婷的八卦
當初知道呢個人係因為上年方大同首新歌「特別的人」，佢係MV女主角
幾鐘意個MV的懷舊氛圍，又有點像夢裡的感覺
郭碧婷都幾靚同有氣質
佢有份演「小時代」系列，電影係大陸都好似算幾紅
不過我無睇
據說佢屋企養左廿幾三十隻寵物，有貓有狗有鳥
全部都係係街上拾回去養的，都幾勁＠＠
講返個八卦，其實都無咩特別
只係傳出佢其實係les，話網上一直流傳的一篇中國女留學生和藝人姐姐的戀愛故事
故事中藝人姐姐的直正身份係郭碧婷（另有一說係劉心悠）
引起大陸網友返炒一陣討論
不過我覺得這些事作為觀眾也沒什麼好介意吧
呢個年代應該無咩人會幻想同藝人偶像之類有發展機會
既然如此，佢地鐘意男或女都無咩所謂了
特別的人
另外，睇新聞話前兩日另一個台灣藝人因為受到網路匿名霸凌而自殺
又可惜了生命
我係youtube睇片或者睇facebook的報紙、節目、藝人page時
都覺得網友的評論有時都幾負面和刻薄，作為公眾人物壓力都幾大
雖然話唔可以期望所有評論都係讚美，批評都可以作為改善的動力
但有唔少批評都真係講到人一文不值
有時我不禁好奇
唔通這些網友係現實中都係咁偏激？
但係現實上又唔多覺有咁多偏激的人
或者因為網路的匿名性吧
就算唔完全係匿名，至少公眾平台中大部份人唔認識你
網上發表言論時其他人無辦法審視你真實生活中的行為品格
所以每個人都可以將自己塑造成道德高尚的人
透過批評別人，獲取其他人的讚同來建立認同感
我覺得想係網上爭取認同感係無可厚非，但真係無必要咁負面同偏激
其實我道德標準都幾低，好少會有批評人的想法
可能因為我自問都無幾高尚
當設身處地去諗自己都唔見得做得好時
對於別人做的那些看似不好的事，有時都會覺得可以理解 |
（不過我應該好平，唔會係貴人
）
