一直都想食西瓜

但一大個買返黎又食唔晒

尋日出去比我係超市搵到小西瓜

CA$2一個都幾合理,所以就買左

雪一晚之後拿出來

切開一半

睇落唔錯,皮薄肉厚

另一半包好放入雪櫃留返明天

直接用羹食

食落感覺良好

雖然唔太甜但透心涼

清晒!

起身就開始做pastpaper

食lunch都係叮d野食完就即刻繼續做

無咩浪費時間,所以是日進度唔錯

希望可以keep住落去啦

小時候睇百科全書時有睇到全世界最小的鳥類係蜂鳥

最小的品種成年後重量只有1.8g

大約等於一個1毫子咁重而已

因為會像蜜蜂一樣採食花蜜所以稱為蜂鳥

估唔到今日比我係窗外見識1到一隻蜂鳥係度採蜜!

可借佢太快飛走我影唔切相

不過就同呢隻差唔多

窗外的花都有點似呢種花

佢會好似昆蟲咁不斷拍翼停留係空中

雖然佢雀仔小小,但飛行速度可達100km/h

估唔到係ubc會見到傳說中的蜂鳥

真係幾多野生動物

我諗緊有咩動物係香港有呢度見唔到

暫時諗到有猴子

經常係美田對面山坡出沒一大群

不過d猴子好惡,又會搶人野

經過要多多注意

開始做comps的pastpaper

d題目都幾難...

好多都專登為難你,唔似一般考試咁正路

都真係擔心唔pass

希望pass啦啦啦啦啦啦

上一篇提到的新歌小方近日捲入抄襲風波

副歌原作者李春波話無授權

但方大同公司又話有授權

成為羅生門事件

話時話我都係近排先知羅生門係解撲朔迷離,各執一詞不知誰對誰錯的意思

不過我係覺得應該有買版權啦

要抄都唔會抄到quote埋原唱人又成日提起佢

大概係過程中有出錯了

話說12月個時去滑雪

唔知係咪對雪鞋我選得太緊

頂得我D腳趾勁痛

尤奇係食指,因為我隻腳食指係長過拇指的(好似有唔少人係拇指長D)

滑完兩日之後左腳食指的指甲黑晒,好似壞死左咁

我無理到佢,一直都無咩留意佢變成點

但係昨晚我準備訓時

突然覺得有D野吉隻腳指

一睇成隻左腳食指指甲甩左出黎

我摸下食腳趾,原來入面已經長左一層薄薄的指甲

長到咁上下逼甩左上面壞死的指甲

感覺都幾有生命力

好似變左自然界的一部份,D蟹脫殼個類XD

搬屋個幾日溫哥華都幾熱

有成二十度

中午時分係外面有太陽晒住真係有種香港夏天的感覺(當然又唔會真係咁熱o既)

不過呢幾日天氣又轉凍返唔小

得返10度左右,仲落雨

可能係冷鋒到

又係時候龜係房內好好讀書啦(<----但這人極懶無心機)

要加油呀~~~~~~(無力)

因為房內好有氣氛的昏黃燈光

搬左黎新地方呢2日早訓左唔少,1點左右就訓

亦都早起左

兩日都9點幾起(算好早架啦!)

哈哈,今鋪仲唔早睡早起身體好!

原來我有一個housemate係香港人

不過佢10年前左右就跟家人去左北京住

之後undergrad過黎溫哥華

話說頭先佢問我有無黑色marker,我話無

之後佢話我有無“餃子"

我當堂呆一呆,心諗個channel轉得太快了吧

但我都答無

之後諗左陣先諗到佢應該係想問"膠紙"

可能佢太少講廣東話,生疏了xd

今次我終於追上潮流聽新歌了

方大同出左新碟危險世界

暫時聽落最好聽係第二主打"小方"

講方大同自己成長的故事

感覺唔錯,幾鐘意佢rap小時候個段

同埋副歌"謝謝你給我的愛 今生今世我不忘懷 謝謝你給我的溫柔 伴我渡過那個年代"

呢段好似係改編自一首舊歌"小芳",都幾有趣的

今日終於都搬屋了

離開依依不捨的Somerville

去隔離的St. Andrew Hall

今日暫時見到2個housemate

可能仲有一個

新房間

係地下黎

個窗完全係輕鬆可以出到外面

好想直接係窗出入

不過可能會比人當賊XD

另外有個好大的問題是......

成間房竟然得盞咁o既燈!!!

家下想點?

迫我日出而作,日入而息嗎=.=

無計...個幾月忍佢...

執屋計劃來到第4日有突破性進展

衫已經大致收好了

食物食具收拾中

東西都開始入紅白藍袋

唔錯唔錯~~~

執執下發覺都真係幾多野

一個大口急+一個大背包+2個大紅白藍都唔夠放

睇黎6月離開前要丟好多野,始終好難寄放太多野係人地度

只留下重要的(衣服/被),其他唔太貴的就9月再買過吧

今日開始pack野

先將notes,藥物,雜物之類的pack成一袋袋

遲d再一次過放入紅白藍袋

另加一張依然混亂的角落

今日天氣好出去跑步

今次跑左邊

經過一段路唔知點解覺得好有香港的feel

感覺好似香港的某d地方

唔知大家又覺唔覺呢?

另附上詭異巨木照一張xd

是日進度更新

飯枱clear (因技術問題請把頭逆時針轉90度以便看圖)

進度緩慢,因為發覺好多野都仲要用,唔執得住

例如衫褲,沙煲罌罉,同埋擺係度幻想呢幾日會溫的notes

所以變左集中先丟晒d唔要的野

我諗someville入面應該好多人都做緊同一樣野

因為我頭先去丟兩大袋垃圾時發現垃圾房都就爆

大家都係考試後搬屋前執屋清垃圾

過兩日我執衫時仲要洗一趟衫

希望唔使大排長龍啦~

近排常聽朱俐靜的存在的力量

係一首幾適合開夜車的人聽的歌xd

睇朱俐靜參加超偶3時已經係4-5年前了

個時仲係undergead year 3

依家佢都終於有自己的歌

呢首歌都係呢有意思

存在的力量

你又晚睡了嗎? 帶著早餐回家?
又是一個人 一盞燈黃下 看著天亮了
他說應該這樣 無謂猶豫掙扎
太多吵雜 卻沒有個聲音給你 支撐的力量

你只要 一個屬於你的地方 
能用力 喊出你靈魂的真相
是簡單平常 像孩子一樣 沒有該不該講

為了 這一個屬於你的地方 
就願意 不顧不想一切的代價
就全力嘶喊吧 為你 存在的力量

別說只有這樣 我想我們都一樣
太多說法 只是因為害怕隱藏 最深的渴望

你只要 一個屬於你的地方 
能用力 喊出你靈魂的真相
是簡單平常 像孩子一樣 眼神透明閃亮

為了 這一個屬於你的地方 
就願意 不顧不想一切的代價
就全力嘶喊吧 飛翔 就算逆著光
(就全力嘶喊吧 為你 存在的力量)

今日開始一連幾日將進行一項機密任務

行動代號:執屋

先上傳before photo

暫時進度係半張枱同一袋垃圾

進度將每日更新

請密切期待!

打日記了

今日終於考完最後一科final

暫時可以緩一緩

呢幾日執下屋

5月1號搬屋settle down之後又要開始溫comps啦

final都算順利,似乎還可以

今次三科裡面考個時比較有壓力的反而係micro

因為另外metrics同macro考試時間都比較充足

micro2個半鐘做4題,要計唔少數

始終都唔擅長計太多數,又慢又易錯

有時間壓力之下就更加load唔到

不過最後都叫做得晒

都算係咁了

希望comps時間充足d,唔好咁多複雜數要計

加油,好嗎?

前幾日係房溫書時見到外面d小朋友爬上屋簷頂玩

諗起以前幼稚園同小學時係穗禾苑都成日爬上走廊屋簷上跑黎跑去

有幾個位可以爬上去

上到去就好似有另一個新世界咁,感覺好正

係寶貴的回憶

依家係香港應該好少細路會咁玩啦

一來多左其他野玩(打機,ipad等等)

二來依家d人太保護小朋友,好少准佢地咁玩

總覺得有點可惜

不過每個年代都有屬於自己的回憶o既

覺得舊時代比較好呢種想法大概係一種情意結吧

又話說前幾日經過main mall見到呢架重機車

應該係d工人晚上要趕工所以整來照明

真係好光,似係大球場個d燈

今日考完出去買野,見到呢個藍莓批好似幾正,就買左啦

點知返到去....

壓扁左....都傷心

今日暫時咁多先

繼續做運動