呢個BLOG充滿著過去的點滴

見證我預科的生活

雖然多數係日常瑣事,但都令人回味

回憶之所以美好係因為從前苦惱的,今日唔再感到苦惱

從前感到快樂的,今日依舊令人會心微笑

不禁哼起Beyond的再見理想

舊日的知心好友 何日再會

但願共聚 互訴往事

 今日難得2堂都cancel左

同3個PhD mates 去左downtown飲茶

d點心都唔錯,同係香港食一樣

但價錢就比香港貴啦

4個人叫左10樣點心左右

埋單連tip要每人$20

即係大約hk$150

不過係Vancouver 食個快餐都要$10

所以相比之下呢個價錢都唔算貴啦

當然我呢d窮學生就只可以間中出外食一餐

呢個價錢夠我自己煮6-7餐了

之後同其中兩個去左睇一套叫flyover Canada的4D短片

係模擬你坐係架飛機上飛越加拿大唔同地區

都幾正架,算係我睇過最真實的4D

4D係佢個座位都會動同埋有時有d水氣同香氣

呢個都值得一睇

第一次去downtown的waterfront

對面海係North Vancouver, 仲有Stanley park

係煙雨濛濛之下都幾靚,可惜影相影唔到個種感覺

搵日天氣好要去下Stanley park踩單車!

終於又寫日記了

到了溫哥華二個月,大概建立了一套生活模式

朝早起身(8-11點,視乎幾點上堂), 上堂, 中午返房食飯, 之後再上堂

放學後有時去圖書館溫書做功課

晚上煮飯食飯(多數煮埋第二日午餐)

之後上下網,訓覺

通常星期五會出去會一個星期的食物

星期六日就有時HEA下有時溫書

仲有就係星期四同星期日的空手道

KEEP住做下運動以免太頹廢

尋日岩岩考完Midterm

呢度d PhD考試都真係幾難

題目幾习鑽而且時間好緊迫

無時間可以慢慢思考

心亂了就更難思考

真係感受到考試的壓力

當然,雖然考試當下要處理題目細節(計數)係一個問題

但如果我可以更透澈地理解個full picture

應該可以做得更好的

看來要努力了

同學的水平都普遍幾好

大家都有一定思考同變通能力

有個巴西人好勁

除左幾乎所有上堂教o既野都學過之外

仲要係背得出d formula 同conditions

如果我都有咁強記憶力就好啦xd

背野似乎都係我死穴

雖然話唔好死背書

但記低學過o既野其實係好重要

因為咁先可以累積知識

係需要運用時好快咁從記憶抽番出黎

UBC有趣的地方除左係好大之外

仲有好多松鼠

佢地雖然唔會親近人

但亦唔會特別怕人

成日見到佢地係條路慢吞吞咁行

又係度食松果,好搞笑

最近搵番d舊歌黎聽

所謂舊歌係指以前阿哥聽的歌

我都耳濡目染記得唔少

j-pop有speed的long way home

do as infinity 的 yestarday and today, desire, Oasis...

仲有蕭亞軒的最熟悉的陌生人,突然想起你

帶我重溫唔少從前的回憶同感覺~

一個人係溫哥華生活

唔算特別困難

亦唔算太寂寞苦悶

但總有點掛念香港

那些我熟悉的人和事

希望再見時同樣是如此熟悉

 一次機緣巧合之下我居然搵番呢個blog

仲要撞岩左login ID同PW,真神奇!

本來我連呢個blog叫咩名都唔記得了@@

睇番一D過往既記錄,中學的時光都幾懷念呢!

回首往事,會心微笑

前方還有很大的挑戰,加油!

 岩岩係msn不經意打左句:特別之所以特別就係因為無得選擇嘛∼∼

諗諗下又好似幾岩咁wor∼

如果每個人對於每件事都可以選擇

即使大家就算唔會係完全相同

總會比依家相似得多

但因為每個人都各自有自己既不得已同埋無奈

每個人可以選擇同埋無得選擇既事都唔同

先顯出每個人既特別之處

同埋每個人既寶貴之處∼∼

如果一個人有遠大既理想，強烈既欲求

無論佢係幾堅強

當受到挫敗，失去應有既時候

都難免會失望傷心

但當一個人心入面無一樣非得到不可既野時

就真係無咩可以挫敗到佢

呢個就係"無欲則剛"

想來我既人生大致上都過得幾輕鬆愉快

可能就係因為呢個原因

少有既唔開心既時期幾乎都係因為太有想法，太執著同埋太依賴

其實人生好多野無左都唔會死既

依然可以好好咁過活

只要咁諗就會輕鬆好多∼

有時有Ｄ野好想得到

得到左又唔係真係好開心

但期望得到又無辦法得到既感覺係好難受

有Ｄ野就算無左都唔會覺得唔開心

但得到左又會覺得係一種簡單既幸福

而呢Ｄ野往往就遍佈係每個人既生活之中，垂手可得∼

 頭先係九把刀既小說度睇到一句:

突然有毛病的人，就算突然好起來也......也很前後對稱吧？是吧！

笑了∼真係一句幾搞笑既安慰人既說話

諗諗下∼好多地方都用得著

突然唔識做既題目，就算突然識做，也很前後對稱吧？是吧！

突然覺得唔開心，就算下一秒突然開心番，也很前後對稱，唔出奇吧∼

呢種信念真係好適合我呢Ｄ人ｃ。ｃ

 今日落雨呀∼天氣又轉涼了

我係中大既山頂Ｄ霧大到咩咁

陳宿後梯直頭被濃霧包圍

可以想像如果係火車站望上黎係仙霧纏繞既情境

落雨總係令心情平靜

呢種感覺幾好∼∼

ｍｉｄ－ｔｅｒｍ完左

嗯∼麻麻地∼

比預期差，又無差到致命既地步

ｍａｔｈｓ　ｂｅｌｏｗ　ｍｅａｎ其實有點過份

不過都無辦法啦

正如友ｓｉｒ既ｌｏｇｉｃ：高分唔到就低分架啦∼

星期日終於圓左去哈佬喂既心願！

泰空船向海洋公園出發∼

雖然事實又真係排多過玩

不過一班人都好開心

鬼屋就唔係好驚

不過越礦飛車又幾好玩

街頭嚇人既鬼怪。。。。

話說阿ｂ係大家都見證之下被嚇到了∼

阿花仲同佢地進行１００米賽跑

不過佢就讓賽著高跟鞋

撘吊車真係幾驚架

我諗到每一秒都有機會趺落去

人生就咁再見就慘啦

according to the theory of farmer:都係命仔緊要

後來我地仲去左ＭＫ食晚餐同宵（分左兩餐食架）

之後先番中大

今日仲睇左ｓａｗ２同３

諗住聽日出去睇ｓａｗ４

而家既生活真係幾休閒

幾適合我

想讀書又有書讀

想訓覺又可以走下堂

想玩又有得玩下

真係令人有一種"幾多光陰也花得起"既錯覺

畢竟奔波勞碌既生活真係唔岩我

雖然最終或者係無可避免

但至少，都可以擁有過咁樣既一段歲月

我自問自己係幾乎對一切都十分之無所謂既人

大部份既野我都可以接受

亦無去規範為自己既行為

可以話係待己以寬

只係有一樣野我會經常反省

細個既時候會想成為一個大好人

對所有人都好好

但慢慢發覺自己都唔係做呢種人既材料(因為我好怕累)

但至少都想做一個對人無害

唔被人討厭既角色

然後輕輕鬆鬆咁過人生

有時覺得自己做既野過份左

都會諗諗：或者而家有人唔妥你呢

於是我就會好好反省一下∼

希望討厭我既人唔多啦∼

我去考天文mid-term了＠＠

明眸皓齒　找不到替代　不過　

美麗事情無絕對　標準有待我改∼

近排留意到２個ｆｄ既電話鈴聲

咁岩聽番首歌

似乎唔多唔少反映緊佢地既心情

同埋對於一些遭遇既態度

一個係悲觀積極，一個係悲觀消極

當然，呢ｄ只係我自己好片面既感覺

實情係點我都唔清楚

但都希望大家開心快樂啦

美麗事情無絕對　標準有待你改呢！

發覺真係幾鐘意上天文

除左本身有少少興趣

同埋黃永雄講得幾搞笑之外

佢仲成日會講Ｄ幾有趣，有時又會令人深思既野

例如尋日上完佢堂，我就係度諗：

當我地問點解

係咩情況下係問"點解係咁"岩Ｄ

係咩情況下係問"點解唔係咁"岩Ｄ呢？

即係成日都會聽日個類對話呢

甲："點解你要咁衰？"

乙："點解我唔可以咁衰？"

其實邊個問得有道理Ｄ呢？

不過講真，原來天文都比想像中難

個地球已經唔係平啦

自轉又要斜，公轉又要斜

真係轉到頭都暈∼

細個成日話要讀天文地理

依家總算讀齊晒啦（雖然天文讀一個學期而地理足足讀左７年）

我發覺天文地理擺埋一齊講都唔係無原因

兩科都係要map-reading的∼

只不過地理就睇地圖，天文就睇星圖

呢排好多人去海洋公園

我都未去過海洋公園既哈路喂

話說我由中五話想去講到依家都未去得成

呢個係一個耐人尋味既問題∼

好多事都會想試一下

要實現亦唔係一件幾咁困難既事

但總係成日都無做到∼

我自己住係西貢

成日都話想坐係西貢海旁食個ｔｅａ

吹吹海風睇下書

又或者撘船去西貢附近既離島兜個圈

呢Ｄ行為只係花費一個下午同幾十蚊

但我住左入西貢十年，就係未試過

你話奇唔奇？

有Ｄ野好難，要付出好多代價同心機

但總係係不知不覺間完成了

３，４年前我就絕對唔會諗到依家自己會入左大學

仲要坐係ｈａｌｌ入面打ｘａｎｇａ

當時大學對我黎講係幾咁不切實際既一回事

1賠100我都唔會買自己入到大學

竟然∼仲奇過kinder出奇蛋∼

大概我係做得太多正常人應該做既野

太少自己想做既野。