今日真係好頹廢呀
好耐都無試過咁頹廢
朝早同呀媽睇完恆安個單位
因為太低同近學校太嘈
阿哥訓唔到所以決定唔要
點都好啦∼我無咩大所謂
希望下次都分到馬鞍山啦
之後去左第一城搵billy
佢岩岩買左nds就一齊玩下
不過其實佢同我係玩唔同既game=.=
後來又去左震業屋企
ps3又真係好似無咩特別game好玩
之後番左屋企
總括黎講今日十分之頹廢
不過都應該唔會有好多咁既日子
大學既生活要過得充實Ｄ呀
想好好認識一下新既同學同朋友
嘗試下新既事物
當然都唔可以遺忘從前既好友知己
即使大家各奔前程
總可以有屬於彼此共同既時光
特別係消仙
有事無事都記得搵下我呀∼
連續３晚有３個聚會呀∼！
１２號晚同係泰國番黎既消仙佢地同埋ｃ奶食飯
Ｄ手信好搞笑∼ａｎｙｗａｙ多謝晒
有一段時間無一齊食飯啦
聽佢地講去泰國既野又幾搞笑
原來泰國Ｄ野食咁差勁
最後都係無緣係ｏ璘走之前見下佢
不過你成日番黎∼無所謂啦
１３號晚係中大裝修佬既慶功宴(？)
老細請就去一去啦
我諗呢晚之後９成都唔會再見到老細同班師傅了
師傳都差唔多到齊，有Ｄ仲攜眷
而年青人就爭高佬同埋阿禮
同我想像中既情況唔同
見到老細個細仔
唔覺得同我有特別相似既地方，不過對佢印象唔錯
其實我有時會諗究竟係有錢家庭成長既後生仔係點既
佢地既生活同心境同普通人有無唔同呢？
會多左Ｄ咩又會少左Ｄ咩呢？
唔知點解我真係有興趣想知道
尋晚就係同細ｏｍａｔｅ組聚既時間啦∼
今次係ｆｏｒ阿顧去荷蘭之前既送別+生日會
廿幾個都算幾人齊啦（不過希望唔會係最人齊既一次∼）
去左旺角一間ｃａｆｅ
見識左咩係玩暴力７級豬
原來７級豬已經係次要啦
主要係暴力o者xd
康ｓｉｒ既表演十分之精彩wahaha
後來既Ａ／ＮＡ又知道左好多野
每個人都有自己既故事啦
仲有好多估唔到既野＠＠
後來蛋糕環節
阿花整既蛋糕好好食wor∼
最後玩到１２點幾散場
原來阿顧係住錦英既
一齊撘小巴走
講講下∼居然講左禾輋既２５蚊鋸扒＠＠
可惜要落車了，下年再見啦阿顧！
p.s.reg科reg得好差=.=但期待下次既組聚！
又係隔左好耐之後既一篇日記啦
因近排都有Ｄ唔得閒呀
番工同搞大學既野
我應該會申請ｈａｌｌ住一年
感受下大學既生活
唔知往後一年會係點呢？
應該會係一種全新既體驗
個細ｏｃａｍｐ都幾過隱丫
可惜我個組相對地唔投入
應該係大家較為慢熱啦
希望以後組mate之間可以混得熟Ｄ
我都要加把勁啦
開學之後就有更多既野要顧及
好多野我都唔想放棄
好多野我都唔想錯過
之前放棄太多錯過太多
好想去彌補
始終真正既青春已經無幾
要加油了！
心中一直存留一個唔知係咪真係發過既夢
夢中係一個夜晚既山坡
吹著微風落著細雨
我係山坡上望向山坡下
有一個營火
一群人係下面好歡樂咁聚集
山坡上感受到個份熱鬧
又存在隔離既寧靜
只係都忘了身邊有無人∼
想來或者我一直都想遇到山坡同營火
我喜歡熱鬧中既寧靜
但除了飄流隨風外
也想不到有甚麼辦法去營造了．
連續好多日都晴天啦
係高壓脊既影響
雖然好熱
不過總好過落雨對鞋入晒水
工作唔辛苦，但單調重複
係同工作既朋友吹下水既時候
同埋放工之後咩都唔理悠閒既感覺比較舒服
係工作既環境真係人都粗俗Ｄ
不過都只限係個度∼．∼
都差唔多做左兩個月
再做多大約一個月就完工
近排精神都唔多好
可能又唔夠訓
平時番學都總有星期六日可以訓晏Ｄ
又或者上堂恰一陣
但依家幾乎日日番工
中間仲要無咩時間訓
都幾囉命
所以話眼訓真係無藥醫
不過唔緊要啦
都係暫時性而已∼∼
近排出現左一隻叫輝煌群俠傳既新ＧＡＭＥ
有多個角色選擇
仲有好多新元素
唔使錢
玩一日仲有＄２７０
我日日玩架＝０＝
呢排諗過以後既生活應該點安排
包括學習，工作．．．．
當然唔少得玩啦∼！
關於學習
終於（居然）將要成為大學生了
呢個結果係３－４年前既我始料未及既
不過既然成為左事實
終於都要面對一樣拖延左好久既問題
就係英文
上到大學咩都英文
自己個底又差
ＡＬ個ＵＥ都係靠份唔使點考英文既ｐｓ僅僅過關
咁搞法真係死人
要諗諗計．．．．．
除左自己多Ｄ睇多Ｄ聽多Ｄ寫多Ｄ講之外
我都諗緊仲有無其他野可以做
如果另外上英文ｃｏｕｒｓｅ當然好啦
話晒都唔使咁虛無
但時間同金錢又係問題
所以真係要考慮清楚
至於工作
因為上左大學之後我都唔打算問阿媽囉錢
所以呢個亦係重要既一環
學費，生活費
學費可以貸款
不過盡可能既話都唔想借太多
生活費．．．．
自己唔係好慳既人
車馬費加飲飲食食都去左唔少
份工要係part time之餘又唔可以太低收入
就條件而言
私人補習當然係一個唔錯既選擇啦
可以平日放學之後補
唔太晒時間
如果補ce或者a-level
收入又幾好
不過就驚自己唔係太識教人
誤人子弟就唔好啦
++提議既ＫＣＲ亦都幾好
畢竟無咁大壓力
最多比人鬧下
不過一個星期番２日全日既話就好似無晒其他時間咁
唔番全日既話呢？
收入又唔知足唔足夠
或者先試下補習
唔得再黎ＫＣＲ
唔知大家仲有無其他工好介紹呢？？
咁我都唔會填到自己既時間表密晒
總要有時間比自己ｈｅａ下，緩衝下
畢竟我就係唔迫得∼∼
要玩下，同班ｆｄ聚下，休息下
唔係會死的∼
事情應該會慢慢明朗化
總之就要好好生活啦
大家都係呀
人總需要勇敢生存丫嘛∼！
總算打日記了
之前唔係無時間就係懶同眼訓
而家岩岩沖完涼
雖然都有D眼訓
不過都打下日記啦∼
今日放假呀
因為中大停電
本身話同阿雞++踩單車既
不過漲價太多
可能暑假開始既關係啦
最後無踩到
去左旺角嘉和睇史力加３
其實都ｏｋ既
唔好理Ｄ劇情，笑下都唔差
後來行左一排好多好多人既旺中新之城
就同++bobo去左食飯
任食日本野
不過真係麻麻
又要＄１５０
個waiter走之前仲問我地滿唔滿足=.=
bobo去完台灣番黎
好似幾好玩咁
自由行又係正既
行到邊玩到邊
食野買野又正
有機會我都想去
不過唔知何日
BOBO個手信真係正XD
多謝晒
講番放榜
話說我居然有３ａ
英文亦比我緊緊過關
最奇蹟係ｐｓ份卷有ｃ＠＠（雖然ｏｒａｌ渣兜=.=）
其實３ａ又唔係無諗過既
不過都真係諗下就算
而且多數既想像版本都係炒左英文
真係有夠悲壯
同學們出黎既成績都普遍比想像中好ｗｏｒ
我地班地理有６ａ３ｂ７ｃ２ｄ１ｅ＠＠
認真猛料
ｍｉｓｓ ｌａｕ之前仲成日恐嚇我地
佢都應該幾高興
其實今次我囉到呢個成績
真係幾開心
尤其令我心裡感動既係
我知道好多人係真心為我感到高興
親人，朋友，同學，老師．．．．．．
始終讓我感覺到我係一個幸運既人∼
今日又有空閒既時間同心情打下日記
又講下番工既野啦
近排既工作係以產地板為常規工作
有其他野做就再叫我地
我就係天花上左D鋁框，畫左"平水"（即係岩高度既水平線用黎上邊）
今日仲溝左水泥
搞下搞下咁都幾好玩
我地年輕組同Ｄ師傅既關係好似變得麻麻地
不過個別一兩個師傳又幾好
好忠厚又無架子
話時話我做呢份工到依家岩岩好一個月
終於開始由破壞過渡到建設啦∼
起野既滿足感真係大Ｄ
不過工地發生左失竊事件
我地５個年輕人撥款既零食基金買既威化餅一包唔見左
之後今日阿煦唔知係邊度囉左張"偷竊是嚴重罪行"既貼紙貼係放野食個櫃筒度
我諗：萬一工人唔識字，咁點呢？
聽日同袁錦亮食飯
佢考緊試呢∼加油呀
地盤佬支持你！
早這樣降生 如基因可以分解再裝嵌
重組我 甚麼都不要緊．．．
有時都不免會對一Ｄ人產生厭惡既感覺
最近既例子就係圖書館既個別工人
不過事實上令人討厭既人本身先係不幸吧
如果天生有得選擇基因，環境，性格
邊個想做令人討厭既人？
每個人多多少少都會有缺點
大家都無得選擇
唯一可以做就係包容了∼
番左好一陣子工
習慣了啦∼∼
時間亦都感覺無之前咁漫長
都有ｄ新既工作做
大家開始變成唔同既"佬"
有磚頭佬，天花佬，鑽洞佬，木工佬，落墨佬等等
當然我地做既"佬"實際上都只係助理
真正既佬係個ｄ師傅（我地唔係師傅，雖然成日比人咁叫）
雖然番工的確幾悶
不過既然唔番工都係悶
睇住悶既一日化成＄２７０
都算係一種安慰
呢排開始起野都有諗住偷下師
不過情況唔樂觀
因為Ｄ師傅講既話聽得明既唔多
之前既謝師宴都搞得幾好
雖然一Ｄ都唔隆重
不過咁都有好處
就係幾輕鬆
好似一班人聚一聚咁
我覺得咁樣幾好
可能離愁別緒唔係好岩我啦∼
果然不枉我係源禾路沖涼ＸＤ
謝師宴之後
我突然諗：可唔可能維持呢班人既關係呢？
至少間中有半班以上既人出到黎聚下既關係
因為依家係一個時機
趁住大家心境上存有"一班"呢個概念
以後或者再做唔到了
不過我想大概我都無足夠既號召力
７ａ∼就此告別了嗎？
無打日記既呢幾日又發生左唔少事
阿爺終於過身了
九十二歲
仲記得我小學個時阿爺仲好似正常人咁
又出街又煮飯∼
阿哥話依家仲有種錯覺會覺得係番個間老人院既個個床位
就會見到阿爺
我唔係成日去探佢
但我大概體會到
當你經常係某個地方見到某個人時
即使佢依家已經不在
四週熟悉既環境仍然會比你呢種人在既感覺
無論如何我地都無太傷感
畢竟係時候了
６月２同３日我同班男仔去左ｗｉｌｄ ｃａｍｐ
本身諗住去咸田既
不過原來高估左隊伍既耐力同機動力
最後浪茄扎營
我咁大個仔都係第一次ｗｉｌｄ ｃａｍｐ渣！
感覺都ｏｋ
雖然又熱又黏
不過都預左係咁
第２日行番東壩既上坡都唔係講少
又同威哥蝦餃完成多１０ｋ既萬宜之旅
都幾爽
今日番番下工番到去愉翠＠＠
做Ｄ野真係好有咕喱ｆｅｅｌ
不過我覺得呢份工感覺漸入佳境
做野又慣左
同Ｄ人又熟左
特別係我地既阿頭阿偉
今日又飛左個髮
終於飛左
清爽Ｄ啦∼∼
眼訓了，遲Ｄ先打∼
