seattle time--6月1日 凌晨1點27分－－

  

  

真係討厭..

e+入親黎自己呢個blog,

d圖全部都係死圖,冇一幅睇到...

我問過其他人..佢地話唔怕喎...~

咁點解得我一個係咁架!!

呢個blog係我自己架喎!!

竟然完全睇唔到自己個blog d圖!搞佢個錯!

其他網都唔怕死圖...

得個死人qooza係咁...!!

唔通連個blog都唔鍾意我?

我對你唔好咩e+?

我徙咁多時間上載d圖,背景,較哂d字既顏色同大細仲有字型...

個鼠標都改埋做向日葵..

上網搵左咁多語法去幫你改頭換面...

你竟然咁對我...

搞到我e+入親自己個blog都好冇心機,

全部都係死圖...一張都睇唔到!超空曠!

e+我對你唔好咩??我徙咁多時間去汁靚你...

你就咁玩我...

差唔多兩年喇...

我開左呢個blog差唔多兩年..

難道兩年既感情就是如此..!?

忍左你3日...你3日都係咁..

頭先我又用左幾個鐘問人點搞好...

為左你down過個 I.E 7.0落黎...

為左你宵夜都唔食...

係咁re set希望你好可以唔再死圖...~

點知一切都係照舊....

真係整到我超心淡超氣餒超想喊....

我連圖都上載唔到啊..

你叫我點打blog...

我做錯d咩啊..點解要咁對我....~

兩年喇...有咩開心唔開心,嬲或者無奈既野...

我就會打blog...

我對你真係有感情架!

我真係好鍾意你!唔想冇左你!唔想轉blog!!

你係我既心血黎架!我兩年黎既心血!

呢4萬幾人流統計係我地呢兩年黎一齊創造既結晶品!!

但係點解你唔生性!係都要咁玩我!!!

搞左咁耐你都係死圖!!圖又唔比我上載...你想點jek~!

等埋聽日星期日...

如果你都仲係咁既我唯有搬哂所有野去xanga....

好多謝你呢兩年黎陪我過左開心,失落,抓狂,苦悶既日子...

我真係好希望可以同你一生一世...

到我做左fashion designer之後都仍然用緊你呢個blog....

天意啊!命運既作弄...!

原來呢個世界係冇一生一世架...!

就連個blog都冇長長久久呢回事......

唔係講笑...我e+真係好想喊...

希望有奇蹟出現...我已經盡力喇....

我愛你啊! http://blog.qooza.hk/teo2  !!!

聽晚12點前...我會一直等你答覆架...!

我等你...

  

  

p.s.雖然我打到好肉麻咁但係我妻係好鍾意呢個blog!!

 

 

你好蠢你好蠢你超蠢!!!

點解你就係唔明jek!!

係ar!係辛苦咁又點!!

我呢排係好攰..

咁又點!!

我都冇所謂!!!

如果你連小小野都唔比我做!

我就真係會崩潰!

呢樣野係我精神上既支撐...

我唔o係澳門..但我又想做番小小野..

點解咁都唔得喎!

又唔講點解!

獲獲都係咁...

咩辛苦jek..都唔關事..

你明唔明jek?

 

 

岩岩收到個電話...

係把好沙啞既聲,

戈一剎那我幾乎認唔出...

原來戈個係我媽咪...

佢話佢只係感冒...

叫我唔使擔心...

之後佢同我講左一件事....

如果佢冇打黎我真係唔知澳門發生左件咁大既事....

之後佢竟然喊左出黎...

聽唔聽到..?

我日記成日提起戈個好煩,好囉嗦,好tough,又要面,但又好鍚我既母親大人,

竟然喊了...~

我冇聽錯丫嗎?

「真係好對唔住呀阿敏...連累埋你...

真係好擔心你會冇地方住..

到時真係唔知點算...

真係覺得好對你唔住...

如果我聽你家姐講叫繼續住個阿姨到就冇事啦...」

呢番說話,佢邊喊邊講...

聽到佢喊,我都唔知點解d眼淚湧哂上黎,

但係o係呢個時候,我唔可以同佢一齊喊,

因為我知如果比佢知道我都喊,

佢一定會擔心到訓唔到教,覺得好內疚...

d眼淚流左出黎,

但我就同我ar ma講:

「hey!傻啦~!都唔關你事~

我自己想搬出去之ma~!

同埋今次件事都唔係你既錯~!」

媽:「但我好擔心你冇地方住...冇人照顧...」

我:「起~得架啦~我聽日番學同學校講下囉~

      唔使擔心我既~!你小心d身體仲好啦~又病左~

      有咩同阿愛講啦~~我冇野既~唔使擔心咁多~」

媽:「唉...真係對xx同對你唔住...累埋你兩個...」

我:「傻既~都話唔係你錯落~!件事又唔係你想咁既~」

媽:「唉..咁你自己記得保重身體喇,」

我:「唔!」

媽:「飲多d水呀..係咁啦..小心d呀」

我:「得架喇~!係啦~byebye~!」

但係一收左線就忍唔住嚎啕大哭....

因為我真係徬徨,又好擔心我ar ma...

我以為我過左黎美國之後唔會再有機會喊...

點知無啦啦發生d咁既事...

我可能o係未來呢3個月都冇地方住喇...

咁點算??

點解會咁...事態真係咁嚴重咩??

大家一場親戚,點解要搞到咁?

點解係都要搞到大家都唔開心?

痴線架...我地咩都冇做錯喎..

我ma媽冇做錯,你個女冇做錯,我都冇做錯...

我地一直都安守本份...點解要咁對我地..?

我e+真係好擔心我ar媽...

好想即刻買機票番去搵佢,安慰佢...

但我又冇錢...

又好擔心XX...

因為佢都被牽連...

我終於明白佢點解咁down....

我完全明白佢心情喇....

希望我地大家都唔好怪大家...

因為..冇人想件事變成咁...

 

好辛苦...尋晚通左宵冇訓過教...

頭先喊戈陣又太用力...e+真係好頭痛好辛苦...

救命啊..?有冇人可以救我..?

我覺得自己真係崩潰喇...

頭先我真係好需要有個人可以比我搵到聽我喊...

但係我根本一個都搵唔到...

黎左美國真係完全被隔離被孤立...

我未試過咁徬徨..

真係差d虛脫喇...~

一個人都搵唔到既感覺..你地試過未..?

點解可以咁多野煩..?

岩岩先可以暫時解決一單野..

e+又再黎多獲...

媽咪戈把喊緊既聲音仲o係腦海盤旋...

佢又病緊...真係覺得自己好冇用咩都做唔到...好廢..

未來3個月住邊又要再諗過...

仲有好多好多野...

好多野又要再煩過....

 

 

k先生份禮物...亦趕唔切了...

對唔住..

 

seattle time--5月26日, 夜晚8點40分－－

 

 

其實我真係好唔想將件事打多次...

但我真係好希望件事可以快d告一段落....

 

長話短說啦..~

香港高登論壇尋日有條友開左個貼,

post左我個xanga上去~

問我個xanga個model正唔正~

(我xanga既背景圖係一個澳門女model著住我件設計)

跟住d人無啦啦就消埋我戈答,

(戈陣我xanga個icon仲係自己張相..)

又話我好樣衰~爆哂粗咁踩我個樣~

最深刻戈句係:

「如果係個model既都ok,但如果係個xanga個主人就樣撚衰到好似個西生左塊面到咁」

我睇左兩次都識背..=.=

更難聽既都有~

之後仲連我d設計都踩埋,

總之就...乜都踩~

連我xanga用英文打都鬧一餐..

有人問我:「係咪你得罪左人ar?」

有人又話:「乜你唔知高登係人稱網絡黑社會架咩?」

我可以發誓我從來冇得罪過佢地...

高登論壇d人不嬲比我既感覺都好得人驚~...

同埋覺得d人好似好惡...

而且係香港既論壇,都唔關我事..

所以我跟本就冇玩開...廢事唔小心招惹到人地~...

而且我不嬲都好有自知之明,

識我既朋友都清楚我為人...

我從來都冇覺得自己個樣好靚好掂,

而且自己又冇身材...真係飛機場咁...又似男仔..~

又帶眼鏡~....自卑就有份..何來自信爆登到覺得自己靚?

而且我xanga一早講明專登開個英文blog係想practice下d英文,

正因為自知英文唔夠好先想打下英文blog,

improve下自己同埋分享自己既作品...

同時o係美國呢邊唔同國藉既同學or朋友都可以睇得明我d blog..

點知高登d人又有好嚴重既幻想覺得我o係到懶係英文勁以為我想曬命...

我咁既英文程度,有咩好曬..?

所以真係好唔明囉...

你睇中戈我xanga個model...關我咩事姐...

你咁鍾意佢咪search下佢d圖囉...

我又冇得罪你,又同你地3唔識7...又冇招惹你...

幹麼要擺我上台...?

姐係你話我樣衰我真係冇咩感覺~

就好似呀曉話齋我又唔會痛既,

最多咪再自卑多少少..

不過老實講d人唔知頭唔知路就踩我件作品我真係好傷心..

因為條裙係得到robert sir認同既一份功課,佢仲比左滿分我,

亦都係我最鍾意既一份功課...

我亦都想講條裙入面既黑色bra top同埋對人字拖唔係我既主意囉...

係個model戈日既其中一部份衣著...

佢只不過係負責著一著我地既功課,我覺得我冇必要迫佢除左佢...

同埋條裙點解要全白?係因為呀sir唔比用其他顏色...

係咪應該多謝你地令到我個xanga一日內竟然有1300幾人瀏覽呢?(呢個係最後數字)

唔信?呢個係事實...有人仲經我xanga入埋黎我qooza到睇~

qooza既人流尋日一日就有440人次....

手提電腦冇得key圖,或者有但係我唔識啦...

所以我key唔到個人流比你地睇...

而且今日已經係睇2日,

xanga既我唔識點樣轉番去尋日睇人流,如果我識~

我一定會攞手提影低佢...

所以我淨係影低左qooza尋日既一日人流...

係咪覺得好恐怖?

淨係qooza都有440人...

xanga有1300幾人...又有咩咁出奇?

係呀,我個xanga冇整到咩sign in lock同埋friend lock,

第1係因為我唔識整,因為我對住電腦呢d野真係好唔曉...

第2係我希望多d人可以睇到我既作品,比d善意既意見我,

同埋robert sir講過想食時裝設計呢行飯,

就冇可能要低調...

要識多d人~比多d唔同既人睇到你既設計,

先容易d成功...

所以我都冇問人去教我lock xanga...

直至今次發生呢件事,我先冇辦法唔整friend lock...

off埋個rss...

真係多謝你地迫我低調d,

迫我唔比自己既作品比人睇...~

迫我難成功d~.....

真係好搞笑..冇得罪人都要無啦啦比人圍攻...

如果係因為我樣衰而招惹到你地既,

咁我講聲對唔住~

我唔知原來樣衰真係有罪既...

我知錯喇~天生係咁都冇辦法....

尋日本身o係qoos到開左個topic講呢單野~

點知qoos真係有內鬼又將我個topic post左上高登...

為左唔連累qoos d人我唯有del左自己個貼啦...

係我一個人既事姐~我樣衰招惹番黎...

廢事搞到其他人啦....

 

雖然尋日一知道發生d咁既事就即刻問人將個xanga整左friend lock

但係就開始好多唔識既人為左睇我xanga d圖invite我做fd囉...

仲有人用d唔知咩手法o係google到search我個xanga,

想破解我個friend lock...

真係好恐怖...~

你地想睇靚model相g ma..~

上yahoo打"bling girl"就搵到bling girl個論壇架喇~

入面全部都女model黎~佢地每個人都有個專區~

個個都好靚架~!

有排你睇~

我就最鍾意ar rain同cherry~~

佢兩個最好~

總之我只係一個好平凡好普通既女仔...

唔好再做埋哂d煩既野黎阻住我為理想努力同奮鬥啦~...

而且你地想起我底都冇用架喎..

我又唔係香港人...~又唔o係香港...

就算比你搵到我d相都冇用架喎...

又係你地話我「樣撚衰到好似個西生左塊面到咁」既...

搵出黎咪盞嚇親你地~...=.=

真係為左呢單野又事成晚都冇訓過,

今朝9點半先訓咋....

真係買你地怕喇...~

你地嬴左囉...

我已經夠多野煩架喇....希望呢件事快d告一段落啦...

唔該哂.....

 

 

seattle time--5月25日,凌晨1點17分－－

 

 

尋晚o係qoos開左個topic問野,

問問下傾到好深入咁..=.=

佢地都叫我唔好再徙時間,

叫我放棄算...

其實都不少人叫過我放棄...~

係我一直都當耳邊風之ma~haha~

你估我想咁架咩?

成日叫d人唔好徙時間,但係我自己都做唔到,

你明唔明?

鬼叫我既優點就係努力不懈,堅持,唔易放棄...

如果唔係佢一直都唔比確實既答案我,又唔拒絕我...

就唔會搞到我一直都仲有幻想...

你估我想咁架咩...

我講過n次話有咩咪直接講,

想拒絕咪黎囉!

我又唔會受唔住刺激病發!

我似係d咁弱既人咩?我講過我可以好快就冇事..

點解唔信我呢?

點解係都唔講真話,唔比答案我唔拒絕我...

我都好想死心,好想心死...但係我暫時都做唔到啊...

有人叫我快d轉移目標~唔好再浪費時間..

快d搵過第2個target...

je係呢d野我唔想突登去搵囉...~

又唔係發姣...

我都想有人可以令我轉移到視線,

但係暫時都冇..你叫我可以點jek...

其實我都知自己好白痴架喇~...

都走左黎美國啦...仲記掛住澳門d野做咩...~

身邊雖然唔係冇人對自己好,但我想要既唔係呢d呀...

我都唔知自己應唔應該寄咩生日禮物...

話唔定人地根本就唔想收,覺得我好煩好無聊好多餘..!

只不過係怕hurt到我而唔同我講...!!

咁我仲搞咁多低能野做咩..

你好多餘呀黃敏嘉,聽唔聽到啊..

有時真係覺得自己好弱智~..

唉...

 

其實我知你諗咩架..

「我覺得我暫時仲未有可以令人依靠既能力」

你講過既野...我都好記得..~

你問我明唔明,

咁你又明唔明jek??

你覺得我介意d咩???

你覺得我唔明你想點丫ma..~

咁你唔講我鬼會明咩...係你自己成日咩都唔肯講!!

我點諗你又明咩?

我覺得你都冇企過我立場諗過,

淨係識o係到逃避個答案,逃避我...

一句ja喎...有幾難啊..?

你叫我唔好再成日為你唔開心,

咁你又唔講清講楚你叫我可以點啊...~

係啊,係人都會好怕個答案唔係自己想要既..

但一早都已經作左最壞既打算架啦..

你唔好諗到我咁弱...我好硬正架!!

 

突然記番起~

前年仲讀緊聖若瑟戈陣,

cathy同我講過一句野:

「有時學識放棄,都係一件好事...」

佢話佢好鍾意呢句野,

呢句野.,..唔知點解我一直都好記得..~

 

我諗我都係時候啦係咪..?

固執完,硬頸完...

係時候清醒下...~

 

期待d冇結果既野真係好辛苦...

就好似埋舊石頭o係d泥土入面..

你成日幫佢淋水,施肥...比佢曬下陽光~

都冇可能會有花生出黎...~

莫講話花, 綠苗都唔會有..

haha...~種戈個人真係好白痴....係咪?

 

 

----------------------------------------------------------------------------

唔想再講d咁傷感既野!搞到個blog d氣氛咁悲哀...!

呀~!!!!

真係愛上左Dr.Martens喇~~!

佢d boot真係好靚~!

咁岩我真係好想買對boot夏天著wo..

因為帶得一對黑色boot過黎..入面仲要有少少毛毛..=.=

夏天點著ar~唔好玩啦~!

跟住o係呢邊行左幾次mall都搵唔到岩心水...

尋日無聊得online search~

見到d dr.martens既boot好靚ar!T^'T

不過貴到嘔...靚戈d都要成100以上美金...

我o係澳門UCB份糧o係我ar ma手上....

o係呢邊又唔比工作wo..!真係不幸~...!!

有幾對都好靚架!

我覺得呢對最靚~!

仲要o係American store onsale緊~!

做緊半價~$65.00美金!~.~

Dr. Martens
Mods Lace 14 Eye Boot

 

跟住就係呢對~~

不過呢對貴到嘔血...好似$129.95美金

Dr. Martens
Mods Laser Cut Out Boot

 

then呢對係之前o係澳門見到~

覺得都幾靚既~XD

 

跟住有對豹紋同虎紋幾靚架~~

不過可惜個筒唔係14孔高啦....~.~

如果唔係一定更靚~XD

Dr.Martens
1460 WOMENS
TAN LEOPARD   MACULATO

Dr.Martens 1460 8 eye boot

 

係咪好靚呢~XD

愛上左Dr.Martens d boot了~

你等我啊~!XD

我要草錢買onsale緊戈對!!

不過都係同我ar ma商量下先...

始終我份糧o係佢到+e+用緊ar ba比我既美金...~.~

 

---------------------------------------------------------

前日又自己煮面食~~

湯底都係煮番上次戈個~

不過今次呢碗叫做teo式沙爹芋絲肉丸芽菜雲吞面~!

張相影到d芋絲有d似3條肥蟲....好核突...~.~

不過好好味~~

除左包心丸同龍蝦丸~~

最中2食就係芋絲~~

因為佢咬落去d口感好正~!XD

不過冇左強記既咖喱汁始終冇咁好味...T口'T

 

 

跟住前日睇番手提d相,

發現左原來自己上次粵華校慶聚餐有張自拍照~

因為戈陣個look好旱有地唔帶眼鏡又化左d妝又斯文又著裙,

完全唔似平時既自己,,

so就影低左留念~~XD

我都差d唔記得左自己影左張咁既相~

 

 

都係鍾意自己直頭髮多d,

 

e+個頭都唔知似乜..

----------------------------------------------------------

令外post張作品比你地睇~XD

第一條design既男裝裙...haha~

為左令幅野懶係有fashion d既感覺我將佢用PS整左d咁既效果~

整左兩個效果,唔知邊個好d呢??~.~

 

-----------------------------------------------------------

原來4川既死亡人數已經過左5萬...

10日前1萬幾...

10日後5萬幾...~

唉.............

----------------------------------------------------------

唔打喇~~

打左超耐...=.=

今日篇blog內容好豐富~haha~XD

byebyes~

 

seatlle time--5月21日, 5:43 pm－－

 

 

我諗多數人都知我o係澳門戈陣,

o係生產力到學fashion design~

而因為我決定左黎u.s既關係,so戈個course我未讀完架...

所以我亦都玩唔到個畢業fashion show...

跟住呢..原來佢地今年畢業fashion show o係威尼斯人搞呀....

聽唔聽到呀!係威尼斯人~!唔係macau tower啊!!

我冇幸唔能夠o係個咁正既地方搞fashion show...嗚...

覺得自己真係好白痴!

e+如果vancouver間college收我,我都係9月先可以去讀...

咁我黎美國呢半年根本就係廢既...

早知一早發現vancouver間野,我娘親一早應承同我交換條件既咁咪好囉..

如果我唔好咁衝動咪好囉!

如果我冇黎u.s...我e+已經o係到準備緊畢業fashion show d野喇...!!

真係痛心!!

點解我成日都咁衝動做埋d低能既決定!~

點呀teo!!e+冇得參加畢業show你開心啦!今次你嬴哂!

 

 

真係好想郁自己一獲...

睇住黎啦,我4年之後都要黎個好好睇睇既畢業fashion show!!~.~

班長同MudQ!!

唔該你地畢業fashion show要努力d~~

我睇好你地囉獎架lo!~.~

如果你地令我失望我會笑你地架~

haha~~

 

_____________________________________________________________

我最後都係決定左搬出去...

亦都同左Julia講了~...

我會成日番黎同你傾計架!

...

 

Jennifer又喊喇,

今次佢唔係普通既喊,

係喊到天花板都穿戈種喊...

仲勁過ivy戈隻..!=.=

真係超大聲,我都未見過人喊得咁大聲架...

原因咪又係為佢bf囉...~

睇黎佢仲係接受唔到佢bf同佢分手既事實..

仲係抽唔到身...唔肯放手~..唉...~

咁又何必呢!

做女仔都要有尊嚴架!

都係戈句啦!愛佢愛到尊嚴都冇哂?

e+係人地唔要你ar!你再打比佢你再搵佢佢都唔會理你架啦!

就算喊到人干咁佢都係要同你分手!

唔好成日攞d咩「愛一個人係咁架啦~」「鬼叫我仲愛佢咩!」「你唔明架喇!」黎達人!

問題係人地唔愛你喇..你愛佢有屁用呀?

咁樣折磨自己!搞到自己咁cheap去求佢咁!

你自己覺唔覺得好樣衰架!??

自己都唔愛有咩資格去講咩「愛一個人係咁」?

喊到個樣殘哂,都唔知似乜...

喊幾次咪算囉,

日日係咁喊,喊到拆天咁!徙哂d眼淚!!

你一日戈8杯水就係咁樣比你浪費哂架喇!

唔該你清醒d啦!!~

 

好想咁樣同Jennifer講,不過唔識翻譯做英文講....

 

唔單止佢囉!你地有好多人都係咁!

做女仔比人飛都要有尊嚴架!

唔係淨係男仔比人飛先要有!

搞到自己咁樣衰咁魚皮..都唔自愛既!

 

 

唔知點解又講到咁興....~.~

唔講呢樣先~~

前日要自己煮晚餐~

then我就自己整左面食~...

原來...我可以煮面煮到咁好食架...!

唔係煮公仔面wo!

自己整湯底自己煮~

個湯底煮到好正~!

一食入口自己突然有種好感動既感覺...!T^'T

賣相雖然好普通,但真係覺得好好味囉!

幫佢改左個名,

叫做Teo式沙爹海鮮芽菜小辣雲吞面~!

(不過入冇雲吞,係戈種面叫做台灣雲吞面..=.=)

haha~XD

 

_____________________________________________________________

呢幾日都成日日夜顛倒哂d時間咁...

VCC間野d報名入學既野又好鬼麻煩...~

真係搞到人都就黎痴線...

順便post兩張我呢兩日博殺既成果比你地睇啦~

呢張就係我將會寄過去VCC既作品集既封面~~

跟住下面呢張就係d作品入面既其中一張~~

突然覺得自己個簽名好核突..=.=

因為我冇咩咁多時間去諗呢d野~

但係個名簽到咁又一d feel都冇wo...!

 

 

原來四川既死亡人數已經過左3萬...

唉...

睇下呢個世界幾化學...~

咩都睇個天咁..

唔通真係個天要你死,你就一定要死...?

_____________________________________________________________

我唔係幾中2 d人成日因為四川呢單野,

要人將d頭像改哂做黑白色~

又話qoos唔改黑白色等於唔哀悼唔尊重死者...

我覺得人地唔做唔代表唔尊重唔哀悼~

學有人話齋~

有d野唔一定要做到咁表面先叫尊重~

如果唔係發自內心咁將個頭像改做黑白色,咁就真係好唔尊重喇..~

就好似做左好事~捐左錢都唔需要成日擺上口~

成日報導d咩藝人咩富豪捐左幾多幾多~

我覺得好作狀...~

雖然我都有將msn頭像轉黑白色,

但我唔會好似某d人咁~

突登o係到講d說話黎暗串戈d冇改頭像既人~

真係超幼稚...最憎d人講野有骨+串串頁咁迫你!

咁得閒o係到迫人改頭像,不如呼籲下多d人捐錢~

or做d實際d,真係幫到人既行動啦...

雖然我冇比人話過,

但見到其他人比人話真係好無奈!~

我覺得有時d野唔使咁做到咁出面,

真係有心就得啦...

冇心既做咩都假~

 

 

 

唔打喇~

byebyes~~

 

seattle time--5月18日, 2:45pm

 

唔知由幾時開始,

我覺得同我表姨好難相處咁~@@

(其實我唔想再叫佢表姨,

佢only大我一年,好似叫老哂佢咁..=.=

都係叫佢Anca啦~XD)

以前細個戈陣,

我~我家姐同埋anca,

3個成日一齊玩架~

仲記得我地去過珍珠樂園,

一齊去過公園玩..

不過佢轉左校之後,大家就好似慢慢疏遠左咁,

可能因為我開始都覺得佢好識打扮,

又越黎越靚,

總覺得大家開始唔同世界咁...

之後見到面都好似冇咩野講~

仲會有種感覺就係佢好討厭我咁...=.=

即使過到黎美國見到佢,

都仲係會有咁既感覺...

不過e+我諗,我真係想太多了...=.=

我又冇做d咩~佢又點會無la la討厭我呢~XD

haha~

加上尋日同今日去過佢個blog睇~

發現左一d我一直誤會左既真相...

戈陣聽我ar ma講戈件事,

我仲以為係你已經唔鍾意佢,係你唔要佢...

原係唔係架..

原來係佢變左心..?

唔知有冇get錯...

我終於明白點解我ar ma成日贊你~=.=

其實我覺得你都係一個好女仔黎~~

又識煮野食,bo湯,又中2小動物同小朋友,又唔怕大使~

又靚,身材又好wo...

拿...~

又一個好例子..

好女仔總係冇人識珍惜...

正一衰男人..

 

_____________________________________________

尋日跟左我host family去佢地church搞既bbq,

好好味ar d野食...!

跟住就同peggy and fang係咁周圍行,

又得知到一樣野,

點解咁多人都唔係因了解而一齊..~

而係因了解而分開呢..?

一開始諗清楚..咪唔會搞到最後咁傷心囉...

 

Julia係咁o係佢d fd面前讚我呢~XD

佢話我又hard-working,又話我畫畫好靚~

話我係artist~

kaka~~

Julia話如果搬出黎可以慳到錢既,

佢都贊成我move out,

不過佢話佢會好掛住我同唔捨得我...

我都係啊...

我會超極度唔捨得佢....

因為Julia真係對我好好...

唉~

但係move out可以平差唔多一半wo...

so我諗我今日要考慮清楚佢喇...

繼續住定move out同anca一齊住好...

 

尋日同Julia個fd個孫女玩戈陣影既~XD

呢個B係double mix~~=.=

(佢ar ma係美國+台灣既mix, 跟住佢ar ma又嫁左比個台灣人,
mix完再mix~XD)

佢拎住我隻手呃唔肯比番我~=.=...haha~

 

_______________________________________

今日冇去到church ar!

因為我起唔到身...!>口'<

Julia點解你唔叫醒我....T^'T

_______________________________________

唉~Jennifer又黎料喇...~

又同佢ar ba ar ma嘈...

Julia有病仲要同佢o係到激心...~唉...

好慘...~

嘈夠未啊你..!

 

_______________________________________

我真係好憎人抄我跟我學我..

你明唔明?

我唔鍾意咁啊!好討厭咁!

以前畫畫又比人抄,

之後又比陳x雯個ar妹學我,抄我改我名,

(你要知我個名係以前一個ar sir幫我搵番黎既葡文名..
我好中2架個名..!)

不過佢抄都抄錯個串法...

e+又再黎,

我唔明wo!真係超唔明wo!

我又唔係靚又唔係明星又唔係特別好都唔明你地乜好學...

我只係一個好有理想既年青人!

要抄就好似我咁確立自己既目標同理想啦!

每個人都有自己既性格,處事手法,思想同埋style!

抄人學人既就唔係自己啦!~

真係煩!

我係好介意呢樣野架!

鍾意design既人既心態係咁..

你咁做只會令我討厭你!!~_~

 

_____________________________________________

有人下個月生日呀~

應該送咩生日禮物比佢好呢??

最衰唔o係澳門..

如果唔係我一定會比個surprise你...

死喇,我突然醒起...

o係美國寫中文地址寄唔寄到出去架...?=.=...

.....

 

_____________________________________________

今日好多野做呢..

我諗我又要黎個久違了既通宵開夜車了...=.=~

唔打喇~byebyes~

seattle time--5月14日, 6:09 pm－－

 

 

其實有冇人真係對死亡一d feeling都冇?

尋日有條on豆o係qoos開左個topic,

話:「地震關我咩事喎~痴線架~」

內容大約如此:
「今日上堂阿sir 討論呢個地震問題.

我咪順口講下.下.唐山大地震20萬人.

佢而家先得戈1萬人.

跟住俾人勁插. 我唔明. 甘係事實呀ma. 點解 要插我.

我只係講左:
1萬人炸喎

即係好似楊承林甘je~ 甘都要珠9族,無奈中~

唔知點解我見到d圖片冇咩感覺~仲好開心tim................」

大約係咁啦~

呢個人真係勁~咁既野都講得出,我比個叻佢~

佢嬴左!

 

1萬人同20萬人聽落去~

1萬人緊係好似冇咁多啦....~

但1萬人已經等於10間中學既學生人數...

e+唔係話人唔人多既問題..~

而係戈d係人命黎囉...

冇錯呀~未震到我地, 話唔關我地事係冇錯~

但係e+唔係齋地震wo...~

係有人死!

睇唔睇到我打咩?係有人死呀!

唔係有一萬人受傷,係有成萬人死左!

仲要係暫時搵到既屍體數到有1萬人!未搵哂架!

講到真係完全置身事外咁~..

跟住條白痴仲話:

「點解個個都向住利益出法.

插我 只係為左 威望 提高一聲.

插我只係覺得 自己有一份正義感.對得住天地良心.

不對?」

真係on豆到無倫..~

好可憐.....點解佢可以有d咁嚴重既妄想...

我想講人地鬧佢冇錢收架...

人氣亦都唔會高d...~

亦都唔會覺得好型架好冇~....

冷血到冇得再冷血..你真係超有型~

你有幸冇親戚冇朋友係受害者姐..

如果有既我唔信你真係咩感覺都冇囉...~

你話你見到d相咩感覺都冇都算,

竟然話好開心...

見到呢句知唔知我諗起d咩?

我諗起d變態殺人魔殺完人之後影低d死人相,

之後收藏佢,得閒攞出黎睇戈陣陰陰嘴笑戈個樣...@口'@

唔覺得諗起都好心寒架咩!??

條友真係賤到冇瑕疵...~

又多一件完美既傑作~

佢可以擺入去博物館了!

 

___________________________________________

經過4川地震呢件事...

好多人都o係到講預言呢樣野..~@@

d人話預言話08北京奧運會搞唔成~

有預言7月18號菲律賓會有8.1級大地震,造成數千人死亡..

又有預言話9月13日中國南寧,海南島戈邊會有超強9.1級大地震,

仲會因此引致30米以上既海嘯...

virgin話如果真係會發生海嘯,

成個澳門都會被浸沒..澳門咁就玩完...

雖然話預言呢d野只會製造恐慌,

令到人心惶惶...~

但係真係寧可信其有~不可人信其冇...

雖然呢d野未必會發生~

但係我覺得做人要居安思危~...

e+天氣變化得咁奇怪..

又多天災...真係好奇怪..唔覺得架咩..??

seattle 4月份都竟然仲落雪,

Julia話真係好唔尋常好奇怪...~

所以我地真係要好好珍惜地球...

----------------------------------------------------

有人話:「曾經有一個人咁對我講過!!!

            
             其實人就係好似地球身體入面既癌細胞一樣,

             係等於我地身體入面既癌細胞!!

             我地一直係到破壞,,   

             而地球就一直係到同我地打杖!!

             大自然既天災...就等於我地食藥睇醫生打死既癌細胞...」

好似形容得幾貼切咁...~唔知點解睇完呢番話有d感觸..

x:「其實地球資源有限~~但人不斷增多~~
係要用自然災害整死d人~~if not資源就唔夠用~~」

y:「咁我諗人身體入面ge癌細胞都唔會想死!! 」

z:「又或者地球自己亦都係一頭高等生物...~~
識得定時定候去(食藥或同自己醫病)來確保繼續生存下去呢~~」

我就理解成~天然災害所以殺人係為左想減少人類既數量...

減少人類既數量--->污染少左,唔環保少左

污染少左,唔環保少左--->溫室效應下降

溫室效應下降--->由溫室效應引致既災害減少

最後--->地球可以得救...

je係地球要救自己就唯有要減少人類數目??..

一係你死一係我亡..

好似好恐怖咁...

 

如果預言真係應驗...

咁我點算..??

 

講真!我唔想咁快死!

我仲有好多野未做..!!

我未做fashion design!

未入到Chanel做designer!

未開自己既品牌..未成為好top既designer!

未比discount比你地!

仲未好好考順屋企人...

未搵多d錢買自己想要既野!

仲未拍第一次拖!

仲未幫virgin設計婚紗!

我同virgin有好多約定都未實現!

我仲有好多野都未試過架!!

唔要咁快就所謂既玩完...

我仲有大把野未做ga....

.......

 

_______________________________________________

算啦..

唔好講d咁消極既野喇!!>口'<

人生係有希望架~!

成日咁擔心可以擔心到幾時...

 

 

大家輕鬆下,玩個冷gag啦~

(點解叫冷gag呢?因為我唔知佢係屬於冷笑話定爛gag...=.=)

好!去圖!XD

移動兩支火柴, 將佢變成一個三角形~~

 

係我一個net fd之前問我既~~

諗下啦~答案會o係呢篇blog既最尾~~

 

_______________________________________________

我開左個xanga英文blog~=.=

不過呢個xanga係用黎練多d英文既~~

and for我e+戈班既同學or o係呢邊既fd睇既~

(不過o係呢邊都冇咩fd..=.=)

so我會全英文咁打~~XD

記得好耐之前都話要試下用英文打blog~=.=

不過都係冇咁既恆心去做~~

e+可能已經慣左打英文~

因為d homework同埋sd email都要用英文~

so打英文blog已經變得不是太吃力~而且幾順手,

(我冇自誇既意思架! 希望某d人唔好又斷張取義!~.~)

不過我都係仍然以e+呢個blog為先~~

有咩都係會打o係呢個blog到囉~@@

因為用得耐係有感情的...

你睇我d blog成日都打咁長就知~XD

haha~~

冇法啦,有時好多野想講~打開真係停唔到...=.=

so個xanga d blog通常都會好短~=.=

簡潔為主囉~ kaka~~

有興趣可以去睇下~XD

www.xanga.com/teo1989

 

_______________________________________________

尋日Julia個老公攞錯左我個飯盒走!~.~

因為我地尋日個飯盒咁岩一樣樣~~

不過入面d份量唔同ga...~.~

佢戈個大份好多!

但冇辦法我都係要拎番學...T^'T

最後緊係食唔哂啦...

我已經好努力係咁塞落口,

但真係飽到無法再忍受,好想嘔戈陣先放棄...=.=

最後食唔哂戈d要扔左佢...

好似好唔環保又折墮..但我都唔想...

(Julia話食唔哂既野要扔,唔係擺得耐會冇營養...)

_______________________________________________

好喇~唔打喇..真係太長了~

byebyes~~

 

p.s.
差唔記得左個冷gag既答案tim..=.=

去圖!

|
|
|
|
|
|
|
|
V

明唔明呢~XD

haha~

seattle time--5月12日, 7:08 pm －－

 

 

因為時差關係,

呢邊尋日先係mother's day~

我唔o係macau同唔到我ar ma慶祝,

only同佢講左母親節快樂~

同埋話左比佢知我英文test全班最高分~!XD

唉,除左咁我已經咩都做唔到了..

 

________________________________________________________

尋日係sunday,

又跟左我homestay去church~~

好搞笑~

成班細路o係到唱歌比佢地d父母聽~XD

超得意~~

之後在場既每個媽媽都有份小禮物~

好搞笑~唔知點解我都有...~=.=

我又唔係媽媽...~.~

入面原來係d朱古力s同埋糖s~~

之後又同d細路玩~~

elyde係個3~4歲到既o靚仔~

佢一時好乖~一時有d調皮~超得意~!>.<

下次要影佢相!haha~

jacob都係3,4歲到~金髮藍眼睛~~

大個左一定好靚仔~haha~

不過因為佢真係太曳,曳到無倫!

簡直令人抓狂...希望佢大個左唔好咁!~.~

so我成日嚇佢如果佢再唔乖d就會有蜘蛛搵佢...

跟住佢就會大叫:「no! no !  i afraid spider!」

小朋友真係易厄=.=~.. 

 

________________________________________________________

本身諗住整朵玫瑰花送比Julia~~

因為佢對我真係好好~~

好似我第2個媽媽咁~

不過尋日見到christopher(佢個仔,14歲)送左紮花比Julia,

好似係香水百合~~好靚架~

so如果我only整支rose比佢~好似好普通咁~=.=

then我就即時畫左幅畫~

整左朵rose陷左o係幅圖入面~~

以下就係我既最新作~

我自己就覺得幅圖畫好唔完美...~_~

不過朵玫瑰今次整得幾好~冇失水準~XD

尋晚送比Julia戈陣~

佢收到好開心and好surprise咁~~!

kaka~

就係呢種感覺喇~

就好似我當年親手整左部3角琴比virgin~

見到佢收到戈陣好開心好surprise既感覺~~

人地鍾意自己親手整既野~真係好開心~~

戈種feel好正!

等遲d我做左fashion designer之後~~

我就唔會再畫畫,整模型送比人~~

因為我會親手design件衫or dress送比人~!

haha~~XD

不過只限good fd and best fd bo~~kaka~

 

________________________________________________________

其實我覺得自己真係太懶..

講勤力,e+既我根本比唔上好多人...~!

其實有好多野只要我肯努力既都可以做到~

以前比賽,做功課都係咁...

可能因為未有design讀,e+既我好似冇咩衝勁~

提唔起勁+好頹廢咁...

呢一個月就係咁白白過左..~=.=so!

為左自己光明既未來~!

為左將來有機會入chanel!!

我決定由下個week開始將chanel咁耐以黎既fashion show由頭睇到落尾!~.~

同埋由下個week開始有有咩idea就即刻畫佢落黎~!

畫簿要隨身帶!

要行動喇!唔可以再咁!~.~

 

其實突然間咁諗,又係有原因~~=.=

尋晚發左個白痴夢~

見到自己仲o係粵華讀緊書~

then到我地班搞show,佢地決定左搞fashion show~

跟住一跳就跳到去開show戈日~

我見到自己拎住條自己design and自己一針一線親手整既婚紗...

仲要係自己有份做model,要著番自己整戈件婚紗~(好似好白痴...=.=)

then個個見到都話件婚紗好靚~個個都好鍾意~

冇錯喇!我一直追求緊既就係呢樣野~!

我想所有人都認同我既design,鍾意我既design~!

戈種感覺真係超正!XD

so,我要加油!

唯有可以叫自己加油~~=.=haha~

 

________________________________________________________

Julia真係好慘..

原來Jennifer同佢bf分左手~

佢bf提出架~

搞到Jennifer又日日都唔開心咁款,

d抑鬱症狀又黎~...

Julia為佢好,帶佢去睇心理醫生,見社工,

佢又話唔關佢事,話唔想去見...

仲覺得全世界最重要既事就係fall in love in her boyfriend,

其他所有有都唔重要~..

真係白痴..e+係人地唔要你呀..唔該你清醒d啦!

好想咁樣同jennifer講不過唔識用英文點講..

Julia已經有病,好辛苦架啦...

尋日mother's day Jennifer唔單上冇表示...

仲一句野都冇同過Julia講...

平時仲係咁同佢bf個ar媽講佢同Julia d野,

搞到戈個女人以為Julia好衰,

仲想幫Jennifer暪佢ar ma車佢同佢d fd去disney land玩..!
(Julia唔想Jennifer去因為好貴,佢想Jennifer草錢去讀college..)

Julia對Jennifer真係好好架...

真係旁觀者清...Jennifer一d都唔清醒...

仲成日鬧Julia,

Julia有病架...佢e+日日都好痛...

就算唔係你ar ma,係一個朋友~

你都唔應該咁同佢講野刺激佢啦..~

今日Julia車我去Asian Store戈陣同我講:

「you know?I have illness I have pain, I'm so tired for Jennifer.

it's nothing to do to make our relationship better.」

聽到佢咁講真係好sad...

 

________________________________________________________

應該冇野要講了~byes~!

 

seattle time - 5月9日, 4:55 pm－－

 

 

X:「你唔o係澳門喇?」

「係ar~」

X:「咁去左邊?」

「美國」

X:「哦~真有錢」

 

 

Y:「你e+讀邊呀?」

「EDCC~@@」

Y:「咩黎架??唔o係澳架?」

「係ar~唔o係澳門」

Y:「咁o係邊?」

「美國..」

Y:「嘩..有錢人~~」

 

 

Z:「你幾時走架?唔o係澳門讀書咩?」

「3月尾走,
  係啊~唔o係澳門讀書」

Z:「咁去左邊」

「美國」

Z:「=.=~有錢人~」

 

 

 

有錢人有錢人有錢人...

真係little that star...

我可以話比你聽我老豆只係一個o係venetian渣賭場的士既司機仔,

而我ar媽就o係國美做清潔,

得閒o係我姨婆間小食店到幫手~

何來有錢?

只不過係我ar爸ar媽比好多父母都負出更多, 犧牲更多...

佢地o係我家姐出世戈陣(姐係22年前)~

已經開始o係到諗佢將來既出路~

我老豆戈陣仲係個o係碼頭做苦力做散工既搬貨佬,

而我ar ma就o係工廠到做,

o係當時呢兩份工都係d好辛苦既low status工作..

佢地覺得係因為讀書唔多先要做d咁辛苦既工~

所以佢地由我家姐出世之後就好慳,開始草錢~

我出世之後就仲慳,

我ar妹出世之後就更加更加慳~

因為佢地希望我地將來可以好似其他家境比較好既人咁,

一樣有選擇可以去到其他地方讀書,

將來可以做d比較高薪既工~...

終於我家姐幾年前去左canada讀書,

又係一個過渡期, 佢地開始更加更加慳,..

(that's why我以前成日同我ar ma嘈~=.=

因為我比較大使~雖然我都係自己搵自己使,

但佢就係唔中2我大使~=.=)

我ar媽試過最高峰戈陣打3份工,

朝早做清潔, 晏就出大陸行水貨~夜晚就去我姨婆間小食店幫手..

老實講..=.=

曾經我會覺得比人知道我ar媽出大陸帶水貨賺錢,

係一件好魚好樣衰既事~=.=

不過自從我睇到佢點帶貨戈陣,

我就唔係咁諗..

因為佢唔係普通帶煙酒戈d~

係用架車仔拖住好大箱貨, 差唔多有佢個人咁高既貨~..

佢個人又瘦又矮過我, 拖住咁大箱貸...

佢話因為戈d可以賺多三五七蚊..~辛苦少少都冇所謂..

我戈陣仲話佢「多得戈幾蚊~不如做其他工好過」..

不過佢e+好少拎戈d咁重咁大件既野lu~..

因為以前拖貨拖得太多,佢隻腳d靜脈開始曲張,

仲突哂出黎,都幾核突..=.=

e+佢得戈46~47歲人...

但睇落又瘦又殘皮膚又黃...

好似成50歲人咁...

好內疚...

我老豆心臟唔好,又有少少血壓高..

一個月有4日假,

佢會用其中兩日黎兼職咁渣的士, 仲要渣夜更...

我ar爸ar媽之所以供到我去外國讀書,

只不過係因為佢地一直以黎都好慳咁草錢草錢草錢...

我ar ma完全未諗過話keep好自己個樣,

想自己睇落唔好咁老既野...

佢亦都唔會同d fd去打牌,去賭場玩,

出去食野出去玩,o係佢個腦入面除左工作都係工作...

而我ar ba唔會食煙唔會飲酒,

除左超間唔中咁成班同事出去食飯,

同埋同經理去松山跑步...都冇咩其他活動~

佢地兩個1個月搵到既錢2萬都冇...~

仲有3個女要供書教學...

咁都叫有錢人...~?

總之, 就係因為多年來既節儉草錢, 先有今日!

我已經揀seattle仲要唔係市中心黎讀架啦!

因為佢生活指數低!買野冇咁貴, (雖然都係貴..)

但我o係呢邊都好慳架囉!

係真係有錢既我一早去左Parsons同埋英國間St.Martin讀fashion design啦!

所以唔該你地唔好再o係到攞有錢呢2隻字黎諷刺我...

人地忍耐係有限度....!

見到聽到呢幾隻字都令人火大...

咁都叫有錢,咁戈d父母加埋一個月搵成二三四五六七八萬既人叫咩?

成日有錢人前有錢人後...~超諷刺,好似突登串人咁!

我好有理想架!唔好累到我比人綁架!~.~

陣間比人撕票fashion design都冇得我讀!

 

你地明唔明我興咩ar!?

我興係因為明明自己就唔係有錢...

明明自己都好想有錢但事實真係唔係有錢人...

但就比人串串共咁成日「有錢人」前「有前人」後咁講呀!!!

睇開我blog既人都知架..

我成日都講埋哂咩「有錢真係大哂?」「有錢人真係好..」之類既野!

唔該有d人咩都唔明咩都唔清楚就唔好亂講啦!!!

好討厭呀!!!

妖!!!!!!!!!!!!!!!!!!!!!!!!!!!!!!!!!!!!!!!!!

 

 

 

呼..舒服哂...~

___________________________________________

 

呢排成日都發生d令人好煩好抓狂既野!

再係咁我真係爆血管...

你地放過我啦好冇!

係咪想激死我先安樂!

 

___________________________________________

Julia佢好慘啊...

佢果然病了...

原來佢子宮生瘤啊...><

不過好彩係最早最發現到囉,

只要食藥同埋o係適當時候cut左佢就得...

不過佢e+日日都好痛好攰...

成日都痛到煮唔到晚餐...

佢個仔同個女又激氣wo...!

見到佢咁辛苦真係覺得佢好慘....>口'<

then前日佢帶左我去食韓國菜~

好好味呢!!><原來韓國泡菜真係幾好味~~

不過Julia就好痛...冇咩胃口...

so sad....

 

___________________________________________

clare之前介紹左套日劇比我睇,

"life人生"~~

唔錯ar~幾好睇~!XD

因為唔係平時咩情情答答既背景~

個題材幾有新鮮感!

講校園生活~

朋友與朋友之間因誤會妒忌等等因素而導致比全班同學攻擊~欺凌..

個女主角好慘...但又好堅強!

比全班同學蝦戈陣真係感覺好真實!!

睇到佢低落到想自殺戈幕好鼻酸...T^'T

不過佢真係好堅強,

and之後都make左兩個會出手相助既真心既朋友,

同埋入面女主角好鍾意向日癸~~

個男同學(女主角其中一個真心朋友)話:

「你知道向日癸的花語嗎?

是－－『你很出色』」

令到我更加鍾意向日癸了~

 

不過我尋日用左大半日既時間就bo哂套野...=.=

 

___________________________________________

唔打lu~今次打到好長~

再唔post陣間部腦又突然熄機就百佳...

byes~XD

 

 

p.s.
我終於影左兩張近照擺左o係相簿~
你地掛住我可以去睇....
haha~
不過只限friends同埋form.6既人, 所以要pw...