呢排追東山飄雨西關晴又有所感觸...

男女主角又係因為不同世界,

因為父母,

因為唔係竹門對竹門,

又被迫要分開~...

點解?點解d電視劇成日都咁鬼過份架!

下次睇下係邊個做編劇,罷睇佢d劇集~

講下姐...~

入番正題~=.=

其實我覺得電視劇同現實都係一樣...

唔同世界既人根本唔可能一齊~

就算一齊到都唔會長久...,

唔會真係過得幸福...

有錢人同窮人,

靚人同樣衰,

受歡迎同犯眾僧~

有才華同一事無成既人...

仲有認為自己冇前途, 同埋對方有前途既人等等...

唔通呢個係永恆不變既定律..?

突然又諗起頭先套珠光寶氣~

2妹同個年紀大佢成倍咁制既人一齊~

身邊既人好多都反對佢地..
(雖然我都唔係好接受到..~.~
但如果真係相愛既冇咩所謂啦...~.~....)

呢個世界太多約束了...

 

 _________________________________________________

又到左秋天了~O.O

其實我呢邊o係9月既時候就已經涼到好似秋天咁~

haha~

不過macau戈邊e+應該好有秋意了~

記得一年前既差唔多既呢個時候~

我都有打過一篇blog~

就係每逢入秋既時候~

就唔知點解好有一種戀愛季節既感覺~

會突然好想去拍拖仔~hahaha~XD

其實係每年入秋都好自然有咁既感覺..= =唔知點解...

不過呢d都係轉季比人既錯覺黎姐~

我覺得秋天簡直係戀愛既季節~

冬天係熱戀~

春天就感情穩定~

夏天就開始感覺變淡....面臨分手既危機...! @口"@

nonono! =.=咁諗太悲觀喇~!

夏天係給情侶考驗既一個階段~

因為virgin講過,

唔知點解一到左夏天,

d男仔會開始唔多想拍拖咁~0.0 開始比較冷淡,

導致:

--->女仔亂諗野,

--->男仔覺得女仔亂諗野好煩,

--->女仔覺得男仔已經厭倦了自己,

--->男仔覺得女仔冇野搵野黎講

--->女仔覺得男仔唔關心自己

--->男仔覺得拍拖好累

--->大家不斷因為呢d咁既野嘈....

--->最後結果: a)道過難關, 感情更穩定    b) 分手收場

 

haha~覺得自己好似分析得幾唔錯咁~XD

真係睇唔出自己未拍過拖~!

 

  _________________________________________________

就快又到聖誕節節lu~0.0

o係呢邊冇朋友既我,

已經對聖誕節提唔起興趣...= =feel唔到佢!~.~

學ar Joe話齋,

我地呢堆唔o係Macau既人留o係屋企online,

宅宅地過聖誕算啦..=.=

我諗我真係要快d開番個skype acc~!0.0

到時邊個要獨自一人過聖誕戈d一齊開skype既X'mas party~~haha~XD
(好似好低能咁tim=.=..haha...)

 

 

尋晚因為做hw做到朝早差唔多6點先訓~

so今日o係上堂戈陣就忍唔住釣緊魚,

點知miss超級突然咁問我野!!=.=

因為太突然既關係,岩岩o係釣魚中嚇醒咁,

我唔明佢問乜,唔識答....=.=

咪話:「下!!??~.~下!?」「I don't know!= =」

跟住就比alison笑我=.=...

仲扮我個表情比Ho Chi睇...~.~!

不過佢話我好cute好搞野,哈哈~

佢同Ho Chi都成日話我好搞笑同可愛架... --->(暗爽)

都係淨係接受到女仔既稱讚,

因為女仔冇d男仔咁口花同輕佻~

男仔戈d係不可信既! <---我覺得!~.~

所以男仔d所謂既稱讚我通常都唔會信~0.0

而且聽左亦都唔會有開心既感覺...(心理本能反應...)

講真架喎!

我係要女仔讚,心情先會唔知點解好飄飄然!呵呵~

(心理本能反應...x2)

 

其實呢,,點解我成日都咁受女仔歡迎... ?
(每次比女仔讚完都會囂一囂0.0...)

o係macau戈陣係咁,

玩台灣戈個online game戈陣又係咁~=.=

好多台灣妹一開始都以為我係男仔!= =

雖然我性格係男仔頭左d...0.0

但係我講野d語氣真係有咁似男仔咩=.=?

有戈句講戈句咋喎...~.~

而且我性取性正常架喎!

(好似有d離左題了=.=..)

 

算啦~唔打喇~=.=要溫習同畫紙樣...= =

唔知點解覺得今日篇blog有d亂同埋9唔搭8~~O.O...

 

  _________________________________________________

  _________________________________________________

 

前一篇blog都有講我地要做shopping report既...

係一組組咁做present,

report就要分開一人做一份自己既report...

咁我部手提上星期一開始已經 short左~

所以我去到H&M都影唔到相~

都係我d組員影既...

咁之後我地先知原來report要分開個人做~

佢地話會sd番哂d相同notes比我~

係啊~係有sd啊..

不過我尋日present戈陣先知佢地跟本冇sd哂d相比我,

只係sd左一部份,

我睇番佢地d report先知原來有d相得佢地有,

我冇架...

so尋日present戈陣我幾乎冇講過野...

因為佢地sd番比我d料都唔夠~

so基本上都係佢地講哂...

我就成個白痴咁企o係到唔知做咩...

搞到我好似冇做過野咁...

真係覺得好魚...~

係我多心丫..定益或你地真係突登架呢...?

好憎分組做野...

同以前o係高中戈陣真係好唔同~

以前一group咁做野邊會咁架...

好憎!!超憎!極度憎!!

如果唔係我部手提壞左,我就唔使靠人地...

個天係咪突登架!!

 

------------------------------------------

不過好彩我online 狂search左好多野,

份report做得夠多料~= =(雖然d相唔夠多...)

miss後期埋黎檢查戈陣睇下我份野,

都有話我做得夠詳細~

通宵都係值得架!!= =

 

跟住尋日fashion history個mid-term排左lu~

我以為我一定唔合格,

點知都有70分~0.0!

都算係咁上下啦...通宵都係抵架!!

 

-------------------------------------------------------

呢排睇緊qoos某網友介紹既一套日劇~0.0!

"My Boss My Hero"

幾好笑啊套野~XD果然冇介紹錯~!

個女主角又靚....

集集都好好笑~~e+睇到第5集~

有人問:「點解你仲有時間睇劇~=.=」

緊係啦!我好善用時間架!~.~

我成日都係一路畫圖一路睇,

再唔係就一路縫野一路睇咋~!=.=

因為intro. to fashion呢科太多生產套要畫,

車野戈科除左學車野之外又要學埋用手縫野~=.=

so.......O.O 一有機會我就會一路做hw一路睇劇~XD

haha~

戈套東山飄雨西關晴睇到好激氣!

個2少奶好自私好黑人憎!

大舊木好慘!

 

唔打喇,其實我e+真係好眼訓...=.=

 

-------------------------------------------------------

 

我又唔記得左今日幾多號了=.=...

不過我記得今日係星期日!~0.0

 

E+係凌晨差唔多3點了,淨番4個鐘ja...=.=

死期就到..

但係我又好想打blog喎~O.O

haha~XD

 

 

我發覺e+ d男仔好矛盾,

成日o係到踩d女仔~

講到好似全世界d女仔都好拜金,貪錢,港女化咁...

又話比d女仔當水魚咁禁~0.0

真係睇到火都黎埋~

(為免有d人仍然會誤會,o係到解釋下港女2字...

港女唔係指hk既女仔,係指所有貪慕虛榮,拜金既女仔0.0)

講真,d港女都係要靚女,身材有番咁上下,

先有呢個條件去做港女~

你地d男仔唔係成日想溝靚女,又點會咁易中招~

牛唔飲水唔禁得牛頭低~

如果你唔係自願使錢o係佢身上~

又點會有所謂既"比d港女當水魚咁禁"~

唔好講咩「咁我愛佢....冇辦法」黎駁~

既然你愛佢就係你自己攞黎既,冇得怨~

有d人比港女厄,

就好似全世界d女仔都得罪佢咁,

講到陷世界d女仔都貪錢咁~

又話d純既女仔越黎越少,

車~大把女仔又乖又純啦~淨係我身邊d fd都不少~

不過人地個樣太平凡~又或者唔夠靚,

身材又唔夠好~你地d男仔又睇唔上眼wo~

再唔係就見人地純,欺騙人地既感情~玩女~

怨得邊個?

明明自己都係「女人不壞男人不愛,女人越壞男人越愛」

又係都唔面對現實唔肯認~

淨識話d女仔鍾意壞男人~你地咪又一樣~

而且有貪錢既女仔,

亦都有貪人地靚既男仔~

越黎越多女仔港女化,

同樣亦都越黎越多男人睇樣睇身材~

我始終覺得呢個世界係公平既~~

係唔係就心照啦~

我唔係認同港女化架喎!唔好又斷章取義哦O.O

我都好睇唔起戈d貪慕虛榮,拜金,當d男仔水魚咁禁既女仔~

因為我覺得影衰我地d女仔...!~.~

但係真係好憎d人比港女厄完就o係到踏到所有女仔一文不值咁~

趁住踩人地既同時懶係扮到自己好清高咁..

你當d非港女既女仔死架?

成日話咩「大6 d女仔越黎越靚,又純~」

「娶老婆娶大6妹仲好啦~」

講真,有不少大6女仔嫁港澳人,咪又係為左居留~

講到咁實牙實齒~

我就放長雙眼睇下~

o係未來會有幾多講過話娶大陸女仔既人真係娶大6人~

有講過戈幾個~我記得你地架~

講得出,就要做得到~

唔好成日好似講到我地澳門d女仔冇左你地澳男會死啦~

見到d自大男真係好令人抓狂!

 

又係一講就把幾火~!!

 

不過當然我當然冇話所有男仔都係咁啦~=.=

一半半啦~

我都相信呢個世界仲有好多好男仔既~ 

只不過好男仔身邊都已經有另一半之嘛....=.=

就等於好多好女仔身邊都已經有另一半~0.0

我相信我o係剩下既日子裡面會遇到一個,

唔介意我冇樣+冇身材+衝動+冇記性+硬頸+....................既男仔既~

不過可能到死戈刻先遇到~0.0

如果遇唔到咪算囉,我疊埋心水為我既理想+事業奮鬥!

 

______________________________________________________________

其實我真係冇時間打blog架喇...= =(但係又有野想講喎~0.0)

因為我仲未做完個shopping report啊!

星期4戈日miss要我地去H&M到睇衫,睇完做番份report..= =

我地o係到懷疑miss係咪突登架...

突登揀星期4,

因為戈日係H&M個designer,

Comme des Garcon 既promotion~0.0

d人排隊等開門排左成條街...= =

我miss一定好早去到,因為我見到佢排頭10個位~

o係我地同d人迫,搶衫拎去更衣室到攞料,就係為左份report既時候..
(比d人迫到好似夾餅入面d餡咁..
戈陣真係好想同佢地講:
「可唔可以冷靜少少...分幾件比我..!T^'T
我淨係想做report架ja...」 =.=)

miss佢竟然o係到掃貨...

所以,佢一定係突登揀戈日既!=.=

 ---------------------------------------------------------------------------

戈日我仲見到陳文媛!=.=

帶住副黑超,白jacket+牛仔褲,同佢bf(未婚夫)一齊!0.0

佢地o係我格黎行過,

唔知佢係咪見到我望實佢,係咁哩o係佢bf後面遮住自己..= =

點解我咁肯定戈個係佢...

因為戈個的確係佢黎!~.~

同埋我認得佢bf~之前o係報紙見過~!

o係Qoos開topic有人唔信我..話冇圖冇真相..!

最衰我部手提short左...唔係實影低佢!!~.~諗起就好唔開心!><

亦都有人話佢唔係o係美國咩?

有人話有報導話,佢bf呢排成日飛去溫哥華戈邊,

so..我更加sure!= =

不過見到佢心情真係好興奮!

因為佢真人靚好多~!皮膚又好好咁~

而且我未試過咁近距離見到d藝人架~!

香港人應該好多機會見到~O.O

 

 

好喇,真係唔可以再打....冇時間了...=.=~

byebye~!XD

--------------------------------

p.s. 附上兩張上星期去食壽司同細我4年既表妹影既相0.0..

我表妹好靚女架~!XD

跟住呢張全身照!O.O不過好矇....=.=

好了~byebye~0.0!

今日篇blog好長好長...0.0 

 

X(某親戚) :

「拿,我不嬲都好錫你地3姊姊既,

我唔要求你地將來會報答番我架,

你將來搵到錢戈陣唔好唔記得我就得架喇~」

Y:(某某親戚):

「我地對你地幾個好你會擺o係心入面就得架喇~

我e+都冇話望你將來會報答我~

你將來大個搵到錢唔好扮唔識我就得架喇~」

Z(某某某親戚):

「我不嬲當你地好似自己d仔女一樣!

你睇下我會唔會偏心丫!

我買衫比我d仔女,咪一樣會買比你同你家姐!

你話邊有人既姑姐做到好似我咁架?

我都唔奢求你將來會回報我喇~

你搵到錢出身戈陣唔會唔記得我就得架喇!」

 

好偉大啊可?

 

10個親戚,

有8個都講同一番說話,

又話唔望回報,又叫人唔好搵到錢唔記得佢地,

想暗示比我聽d咩?

 

呢排聽某某某親戚講得太多同一番說話,

我先突然發覺到~

原來冇同我講過呢番說話既長輩只有兩個人,

就係我老豆同媽咪~

 

老豆:

「你將來搵到錢,唔好亂咁使錢,記得草個錢就得架喇!

得閒陪下我飲茶我都心足架喇!」

我(開玩笑地=.=):

「哈哈~如果你到時好似嫲嫲咁老人痴呆又長氣,

我扔你入老人院算~ 」

老豆:「(苦笑)」

我:「講下笑姐~我點會咁不孝!

唔使咁認真既~哈哈~~將來我一定唔會比你辛苦~

請工人服侍你~XD」

老豆:「牙刷刷啦你,我聽住先啦~」

 

 

媽咪:

「真係唔明你點解係都要咁辛苦揀"花徇地徙"(fashion design=.=)黎讀,

咁鬼辛苦,

我真係寧願你去做d文職,坐o係到打下文件,

安安定定咁過世就好啦..」

我:「hey~話唔定到時我可以成功~

真係可以出頭呢~

你d師奶fd到時實好羨慕你~哈哈」

媽咪:

「我就真係唔望你搵咩大錢喇~

你食少d熱氣野,保重身體,唔好再咁大頭蝦,我都心滿意足架喇

阿媽真係唔望你地回報我,只係希望你地將來生活好d,

唔使好似我地戈個年代戈陣捱得咁辛苦就得架喇....」

 

真真正正唔會要求回報既,我覺得真係只有自己既父母...

雖然我阿媽睇錢真係睇得好重要,

以前o係macau成日同佢嘈都係嘈我大使~=.=
(雖然我一直都係自己做part-time搵零用錢~)

但係佢真係從來都唔會好似某某某親戚咁,

成日將"到時搵到錢唔好唔記得我喇"掛o係咀邊~= =

人大左,諗野係會唔同左~

我覺得我大個左,成熟穩重左!

(我家姐:「ha~= =」)

--------------------------------------------------------------------------------------

我諗我真係好快會頂我某某某親戚唔順...

你知唔知我最憎佢d咩?

我最憎佢成日扮偉大...

持住我同我家姐住o係佢到,

就成日暗示/明示要我地幫佢手做野,

我明架!寄人籬丫ma~我明架wo!

你想我地幫你做家務,

你咪直接講囉~

o係到轉彎抹角做咩~?

有咩咪直接同我講直接話我囉~

暗地裡同某人講做咩jek~?明知某人一定會話番我~

你博咩?

又成日比語氣比面色人睇,

最黑人憎既唔係呢d...

我最憎佢成日o係我面前批評我啊媽唔識教女!!!

你食屎啦!!

e+你戈3個仔女好巴閉啊!?

一個一日到黑淨識上網吹水同扮靚!成日同d fd講仔~!

日日o係到bo電話嘈Q住哂!!有書又唔好好讀!!

第2戈個又小器又超有機心~!又煩!

仲要超記仇(比我還要記仇N多倍..)

第3戈個都就10歲仔啦!

仲成個3~4歲bb仔成日無啦啦發脾氣!(佢絕對係一個正常的男孩)

無理取鬧,

揀飲擇食!d行為一d都唔似10歲!

作為啊媽寵到個仔咁!

仲敢大大聲同人講你絕對冇偏心~ha~..

你真係好叻wo~!叻到教到d女偷人野都仲要死口唔認~

我唔敢話我地3姊妹好叻,

但至少我覺得我媽咪好叻!

可以教到我家姐讀書成績咁好!冇行差踏錯過!(雖然煩左d..)

可以比我學咁多野,識咁多野!(雖然懶同衝動左d..)

可以教到我啊妹又純品純讀書又幾好!(雖然收收埋埋左d..)

起碼教到我地3個都比你戈3個識諗!

我啊媽仲可以一日好辛苦咁做幾份工,

做到隻小腿都靜脈曲張....為既就係想我地有好d既生活,

我覺得我啊媽好叻,真係好叻! I'm proud of my mum!

話我啊媽唔識教女,你又教到d咩出黎咁巴閉?

唔該你自己都做得唔夠好就唔好鬧我媽咪!

仲要o係我面前話好唔鍾意我啊媽,

你中唔中2佢關我鬼事?

e+又唔係要你同佢結婚~

每次聽到佢o係到話我啊媽!

都好想同佢講:「我小你啦!」...

你憑咩話我啊媽!??

你可以鬧我,但係就唔準鬧我啊媽!

真係唔講由止可,一講一幾十萬把火.....

 

--------------------------------------------------------------------------------------

唔講佢喇!

其實我呢兩日因為手提壞左呢件事,

真係諗左好多好多野~~

讀完fashion design,

我真係可以成功,

可以搵到好多錢黎填番我徙左o係呢科上面既錢嗎?

我係好鍾意時裝設計啊,我真係好鍾意...

有一直睇開我blog既人都知道我對fashion design既熱愛有幾深...

但係我開始o係到諗,

我係唔係好自私?

好多人都為左將來可以搵到一份搵到錢既工,

放棄自己既興趣...

咁我呢?

我為左一個求極都求唔到既未知數,

揀左自己既興趣黎讀...

我讀既係專業,將來搵唔到工戈陣,

我可以做咩工?

尤其e+ d經濟開始變差...

我諗到我畢業戈陣已經踏入經濟低潮既時候...

到時,

我搵唔到工,

就真係真真正正咁敗家lu...

我真係覺得好煩...

唔知點算好...

我有o係到諗好唔好轉科..

但係我已經開始左,

又轉科既會又再徙時間架喇...

我到底可以點做....

 

--------------------------------------------------------------------------------------

好想將來可以搵多d錢,

等老豆媽咪可以早d唔使再為我地捱..

早d享福~~

亦都等d人後悔曾經睇唔起我...

搵到錢,就唔使再寄人籬下..

唔使再受氣..

唔使再睇人面色....

唔使再汁行d低能既定規....

 

--------------------------------------------------------------------------------------

白痴架!我問你地~!

你地有冇人沖完涼洗完頭之後,

要親手將地上面d頭髮逐條汁??

係咪聽到都覺得噁心...

我e+就係日日都要做d咁既野,

仲有...

食飯戈陣又唔比人講野,

我以前同老豆媽咪就係食飯既時候大家先可以傾下計,

因為佢地要搵食..我又要番學同做part-time,

食飯戈陣先可以好好咁傾下計溝通下...

洗碗又要分埋哂咩左邊係沖水,右邊係刷洗潔精...

仲有好多煩野,

煩到你想死...

真係好鬼煩....

 

 

算啦,唔打喇...

 陣間你地都睇到煩埋~=.=haha~

手提事件我會努力去recover...

信我!!

我好快可以開心番~!

星期2啦~!!星期2我會正常番!

 

 

我都好想開開心心咁打篇blog,

好似以前d blog咁..

每篇都充滿住鬥志,快樂同埋搞笑...(這是別人跟我說的= =)

但係最近真係發生太多不如意既事..

真係提唔起勁去打篇開心d既blog..

 

部手提壞左真係好唔開心,

戈種唔開心既心情我諗冇人會明白...

因為我諗冇人會好似我咁將部提睇得咁重要...~

記得之前戈部手提唔見左,我喊左好耐...

因為我對任何事物都係一樣..

用耐左就會有感情,將佢當係身體既一部份..~

而且e+呢部手提仲有特別唔同既意義...

佢壞左我又點開心得落...

最重要既就係我姑姐唔比我拎去整..~

 

我可以怪得邊個?

咪就係怪自己唔好彩囉...~

鬼叫我又唔係人地個女~

比著人地個女手提壞左,一定即刻車佢出去整...

如果o係macau戈陣,一早就拎左去整lu...

 

自殘身體?

我冇啊..

我只不過係做左個小小既記號,

希望自己可以時時刻刻一望到,

就會諗番起e+寄人籮下,成日受氣,冇經濟能力戈種矛盾同辛苦..

就連重要既野壞左都唔可以拎去整戈種難受...

怕就怕個記號太細,遲d唔會有疤痕..

會忘記..

 

其實我真係冇咩心情打blog..

話唔定又會好似幾個月前咁,又事唔再打blog...

個blog又荒廢番,....

 

唉...

唔打喇..~..

 

我的快樂也隨著手提的壞掉一拼走了...

我只係想整番部手提,

我都冇要求你幫我開個電話number用...

亦都冇要求你買過部新既比我...

我淨係想要番e+戈部..我淨係想佢好番ja..

你驚我將來冇錢還番比你?

定係驚我唔記得?

 

 

今日mid-term,

死左...

頭先部手提又無啦啦..

壞左....

好唔開心,

真係好唔開心...

呢邊又冇ctm,

又好少有賣sony機...

可以拎去邊到整...

更何況就算有地方整...

佢地都一定唔會理我,.....

 

唔打喇..原原想開開心心打篇blog,

點解部手提又無啦啦short....

e+真係好冇mood勁冇mood,

好想大喊一場..

 

但願一覺醒來手提奇蹟似地痊癒了...

不過這是不可能的事...

 

 

妖!!真係好Q火!!@口'@

唔打出黎發洩下我真係溫唔到習!!

點解d人咁Q鍾意玩要脅!!!

頭先凌晨12點!

我家姐叫我去訓教,

我:「唔得啊,我要溫習」

佢:「我理得你,你一係聽日早d起身溫」

我:「我不嬲都諗住聽朝7點起身溫~

但係我e+想繼續溫耐d」

佢:「我講過話星期6日唔使番學一定要12點前訓

總之你3分鐘內同我去訓」

我(開始敏...):「我彩你都傻,

你自己第日冇堂唔使番學,

咪一樣溫mid-term溫到半夜先訓~

我e+夠要溫mid-term啦,點解我唔可以溫夜d~

我自己都唔夠t時間溫啦」

then佢係咁話「邊有啊?」「冇wo!」

死話自己佢冇溫到咁夜wo!

我x佢啦!明明自己第日唔使番學到溫到成2點幾!

仲死話冇!

跟住佢話:「總之你3分鐘內唔去訓,你一個星期唔使旨意上到網~」

一聽到呢句真係火都黎埋!!

d火由腳趾尾扯到上頭頂!!

我最最最最最憎人要脅我架喇!!!

一次係咁兩次又係咁!

次次都玩要脅!

人既忍耐係有限度架囉!!

好丫!~我就唔訓比你睇!咪以為夾硬黎就得左呀!

你要我12點前訓!

平時星期5同6第日唔使番學我都有12點就去訓啦!~

我e+要溫mid-term啊!!

要溫10個chapter!

唔好又話我:「咁你頭先又o係到睇戲?」

大佬,我由今日晏就起身溫到e+囉!

(雖然中間有間歇性上qoos覆下貼..

但都冇吹水!)

溫到咁上下都要relax架ma!而且我都係睇得1個鐘多d!

你自己溫mid-term戈陣啊~!

我o係到睇東山飄雨西關晴~

你夠o係到睇埋一份啦!~

我話:「你溫你個mid-term呀,咪痴埋黎睇~=.=」

你記唔記得你點答我啊!?

你話:「我溫左好耐喇,要有番d娛樂架~」

妖!好似你做咩都得~

我做就唔得咁wo!

咁你嬴哂啦!e+成個地球你玩哂喇!

頭先臨入房前佢仲彈多句:「由聽日開始你唔使旨意上網喇~」

仲o係到火上加油!!

好丫!你要玩要脅丫ma~!

一齊玩囉!

反正我d功課10份有7份都要online search or 查字先做到!

冇網上~

咪唔使做功課囉~!

我history mid-term完左我晚晚10點正訓比你睇,

反正都唔使做功課~^^

成個星期冇網上wo~!

我咪拎部lap top番學校~

放學留o係學校上網上到天黑先走囉!~

冇得上網wo!

我冇胃口呀e+!

夜晚戈餐唔使煮我戈份喇!我淨飲水唔食飯!

頂多咪最後餓到暈囉~

唔好以為我唔敢啊!!我份人要面~你知架~

我講得出但又做唔到就好樣衰架喇!~

所以你要脅我既~!我死都會忍住唔食晚飯!!!

睇下邊個玩嬴囉!!

咁鍾意玩要脅!

唔好以為一次比你要脅到就次次都用到呢招先得架!

有料就唔使用到要脅呢招啦!~

 

真係好想爆粗粗粗粗粗!!!!!!!!!!!!!!!!

唔打住啦!

mid-term之後再打..

 byes...

 

呢張係我家姐o係我埋頭苦幹既時候偷影我~=.=

我覺得自己好似畫到廢寢忘餐戈d人咁~haha~

支筆都仲郁緊~~XD

以上係畫完出黎既其中一部份=.=..

份功課係要畫唔同種類既衫既生產圖~

畫之餘又要設計埋~= =

d同學話我畫到好似print出黎既咁~XD

 

因為連續好多晚捱夜,

所以雙目無神了...=.=

衫都求其著...

不過個頭係絕對唔可以求其!~.~

今日個頭~~

不過其實都有d求其=.=..今日因為就遲到所以紮到咁亂~

頭髮係我既命根~XD

haha~

就算個樣幾殘都好..頭髮唔殘得!~.~

 

好喇,唔打喇~=.=好累~byebye~

 

____________________________________

p.s

頭先沖完涼,

睇到自己戴浴帽個樣,

發現左一樣野!0.0

就係可能我短髮look都接受到!XD

我剪哂d頭髮之後應該係咁既樣~

hahaha~唔知點解自己差住左個腰影啊~XD

 

係咪好奇怪點解我沖完涼都仲未剝浴帽~XD

因為我d頭髮好怪=.=~

沖完涼d頭髮好暖熱咁

如果即刻剝,d hair會唔曲唔直咁~

要得d hair攤凍番先剝得= =...

so...=.=

 

 

hello~!!

我都知呢個blog係荒廢左好耐架喇...

其實一個月前我已經解決左一件之前我所講既錯事...= =

所以~

戈陣我已經開始打番blog架喇~

不過因為我e+ o係Vancouver~

一個月前戈陣突然間連唔到qooza個網~

連自己個blog都去唔到..><

所以真係好灰心~=.=

呢一個月多都轉左o係xanga到打blog~

---> www.xanga.com/TeodoraTEO

今日我終於可以連番qooza呢個blog喇~XD

仲見到好多唔識既人o係到留言~

真係好開心~

話哂呢個blog都同我同甘共苦左兩年...

我始終都係比較念舊~XD

想用番qooza呢個blog~!

我都知我令好多人都好失望架喇...= =

仲令好多人都好擔心...~

好對唔住~= =

成日換黎換去個blog好似好麻煩人咁tim~=.=

不過唔知點解o係qooza打blog會開心d~XD

好似見番以前既自己咁~!

haha~

係真架...可以連番qooza呢個blog~

我今日真係好開心~!T^'T!

不過為免有d外國既朋友同我有同一個情況出現~

(就係突然會連唔到qooza=.=)

以後兩邊blog我會一齊post架喇~~

kaka~

唔打住先喇~

岩岩先連番個blog~

有好多野要搞搞佢~!XD

 

我好辛苦啊...怎麼辦?

  

想不到事情會變成這樣,

我快找不到以前的自己了...

對不起家人,對不起朋友,

對不起robert sir..

對不起自己....

但我可以怎麼做..?

  

這次真的沒人可以幫到我了...

我應該怎麼救自己..?

心情太矛盾...找不到平衡點...

我討厭現在的自己...

因為我做了自己曾經不喜歡的事...

  

錯了..真的錯了,

錯的好利害...

沒面目再見你們了...

補救也補救不了吧..?

我想回去了...

不想再待在這裡..

誰能拯救我..

誰能帶我走出這個世界..?