見到個標題就心虛戈d人你可以選擇唔睇~

我講野係咁直接,不留餘地

 

 

首先講番聲聖誕快樂先~

Super Merry Christmas~XD

 

 

我真係好想知點解d人咁鍾意明知固犯~

點解可以咁厚臉皮?

佢塊面係咪膠做架?

 

我都唔知應該由邊到開始講起好~

你唔好以為我同你好岩channel得唔得?

應該話你唔好懶係做到同我懶係岩channel,

懶係同我好巧合地同聲同氣得唔得?

唔係特登學我?

係咪既你自己心照~

你唔好忘記你一年前衰咩黎~

你唔好忘記你自己講過d咩黎~

如果你e+話你唔係得特登學我~

咁姐係證明你一年前講大話~

唔係我自大..

我講野方式不嬲有自己一套,

用字同用詞好多都係自己諗出黎~

咁你都可以同我一樣,

咁真係好岩wo~

我仲block緊你msn戈陣又唔見你講野同我差唔多?

我冇o係qoos同你吹水戈陣又唔見你同我講野差唔多?

唔好以為你曾經同我一樣讀過yw,

就懶係比其他人知得多我既野咁,

唔好以為自己好了解我,ok?

明知我憎d咩都仲係要做,仲要扮到懶係巧合咁,

我真係火都黎Q埋...!!!

你唔好以為我唔知你有睇我個blog~

我知就算我block左你msn你一樣可以睇到我個blog~

所以扔左你入blacklist之後先冇block你msn,

但係既然你咁想歷史重演既我都冇辦法~

 

仲有,唔該你唔好成日o係唔同人面前講唔同既野~

我覺得你咁樣好假,

o係人地面前就扮可憐,懶委屈,

好似係我o係到無理取鬧屈Q你咁~

小,越講越火...

係囉~反正我都比人屈慣,

唔爭在今次囉~

你要扮可憐扮委屈你扮飽佢,

我最多咪又做多次衰人~

唔好成日搵d同我熟既人黎代你求情~

男人老狗o係到扮可憐博同情...

咁只會令我更加憎你~

我決定左既野冇人可以改變到我~

你可以話我講野絕~隨便你~

我憎一個人既時候絕對唔會比面佢,

更加唔會若無其事咁當冇事,

先生,你唔好忘記你已經唔係初犯

 

唔好當我講笑wo~XD

我從來打親o係blog既事都係咁認真~

 

唔打喇~

自己唔o係澳門一丁友咁過聖誕已經好冇feel~

d雪厚到腳膝頭咁高,

街都出唔到...

手提short左又影唔到雪景!!

今年聖誕真係過得最無feel既一年...

仲要過多3年咁冇feel既聖誕...真係唔開心!

大家聖誕快樂啦~!byebye!>口'<

 

呢排都成日好多野諗,

訓教戈陣又好多野諗...

搞到成日訓極都訓唔入~

尤其係呢幾日..唔知點解成日都諗番起以前d野..

諗番起以前d唔開心既野就會更加唔開心,

諗番起d開心野就會覺得好可惜...

因為開心既時候已經成了過去...

 

點解要放低一樣野真係咁難?

 

因為呢排諗番起太多野,

又睇番以前d blog~

突然又睇到有人上年同我講過既一句野~

「你比我既感覺係神聖不可侵犯」

呢個形容真係,有d搞笑...

唔知L先先e+點呢?O.O

 

有人話我做事/講野好絕,

係啊~我認架~=.=

我份人真係唔鍾意轉彎抹角徙時間...

係就係,唔係就唔係,

靚就靚,核突就核突,

特別就特別,普通就普通,

鍾意就鍾意,討厭就討厭

但係亦都因為咁所以曾經好hurt人同令到人地好唔開心...= =

有時都會o係到諗其實直接係咪=衰...

直接又比心話衰,

掩飾自己諗乜又比人話虛偽~

做人真係難~

 

有好多野都好想做~

好想去睇日出日落,

咁大個女都未睇過!

好想去沙灘玩~

好想食盡全澳美食,

好想買dr martens 戈對boot!

好想搵part-time!

好想出年玩到theatresports!

好想可以同virgin一齊參加XX比賽,然後條裙由我黎design~!

好想去台灣玩~去hk玩!!

好想平安夜唔使自己一個人過!

記得上年我地成大班人上左billy屋企玩~

幾開心~~

好想去遊樂場玩過山車!

好想打籃球,好想玩鞦韆!!

有好多野都好想好想做~!

但係就全部都做唔到...

要等到出年summer番去先有機會...

 

唉!!!等呀等...等死人...!!

唔打喇~byebye~T^'T

 

之前o係qoos見到有人開topic介紹一隻內地版既Webgame~

因為放假放到超頹廢既我真係太頹廢~=.=

所以我就開左個acc黎玩~

一玩....真係救命...~

d內地人/大陸人既口德真係出乎我意料之外~

講野超粗魯...超惡...超冇禮貌...~

郁d就一大串髒言穢語~=.=...姐係粗口=.=~

仲要係好多好新鮮既粗口+d淫野咁...~

好恐佈...= =

so我就係咁search,睇下戈個game有冇台灣版~

終於比我search到係有既~

台灣人講野真係有禮貌得多!

好nice~唔會郁d就講粗口~

起碼我會夠膽同佢地講野><!

所以其實真係好難怪d外地人對大陸人都冇好感~..= =

而且仲會睇唔起大陸人~

因為我覺得一個人冇文化都算啦,連禮貌同口德都冇..~

你問我係唔係中國人?

ok~我會承認我係一個中國人~

但係o係呢個moment我係唔會承認「澳門人同中國人都是一樣的」~

更加唔會承認「澳門人同大陸人係咪差唔多」呢樣野~

你可以話我戴有色眼鏡睇人~

但我只係想講~

就算某個冇文化冇禮貌冇口德成日講粗口又自大又唔識自己檢討既係澳門人,

我都會同樣好討厭佢好唔想承認自己同佢係同一個國家既人~

我愛中國,唔代表我要愛哂所有中國人~

事實上回歸前~

中國人=大陸人,澳門人=澳門人,香港人=香港人~

好~你話回歸咪回歸~

「大家都係中國人」~

但係成日驗出d咩食物有毒咩玩具含有害物質咩商品超標,

10個有9個都係中國搞出黎既野~

中國人(d內地人)係咪應該檢討下?

內d地學校成日發生d暴力事件,

幾十個女仔圍毆一個女學生~(好多單都係咁!)

性虐待等等~

唔信既自己上網search下...

真係成日睇到扯哂火....

咪成日以為香港澳門回歸左比中國大陸你地就懶係巴之閉又串嘴咁~

成日講咩澳門有今日都係靠中國,

咩澳門冇左中國會唔掂,

岩既~

e+澳門陷街都賭場~

多得中共~

一堆高中畢業/高中都未畢業/初中都未畢業既人晨咁早唔讀書去做賭場~

多得中共~

澳門拜金化~港女化~

多得中共~

合法輸入一大堆外勞同澳門人爭飯碗~

多得中共~

e+金融風暴,

賭場炒左咁多人~

當中一堆中學都未畢業就做賭場既人突然失業~

多得中共~

搞埋哂咩道路交通法~

樓價升到砰砰聲~

物價通漲,

多得中共~

罪案率越黎越高~

變態佬越黎越多,

多得中共~

澳門繁榮戈陣就淨識o係到搶功勞爭飯碗~

用中央政府黎欺壓澳門人~

又up埋哂咩50年不變,最後5年就已經開始變~!

e+仲立埋哂咩9唔搭8既23條阻礙澳門人既言論自由~

澳門e+真係好繁榮好開心啊~

多得你咋中央政府~!

冇左你我地真係唔掂架喇~!

講我真係寧願番番去比葡國統治戈陣!

戈陣普普通通穩定既生活有咩唔好?

澳門真係冇左中共就唔得?

你都識講咩大家都係中國人,

你地憑咩講到自己懶清高?

憑咩去欺壓我地?

咁唔係擺到明只係當我地係棋子,

幫你地中央政府賺多d錢既棋子,

得不到公平對待既棋子!

算係見到我地地方細,人又少就踩住我地上?

一句:「大家都係中國人」唔係大哂架!

下下都用呢句黎達人!真係火都黎埋!!

越講就越火大!!

__________________________________________________________

 

澳門人都係啊!!真係要學好d英文讀好d書~

提升番澳門人既水準!~

尤其係e+ d 12~17歲戈d,

有書讀真係好心你地比機去讀!

唔好成日掛住去玩去蒲溝仔溝女啦!~

比人踩到上心口喇!~仲玩~!

仲有一堆淨識扮靚玩自拍仲打埋哂咩火星文侮辱中文既潮童~

真係唔該你地清醒d啦!!!!!!!!

社會既新一代...不過如此?

__________________________________________________________

 

我好似打得太激動....= =..~

冇辦法,真係好睇唔過眼好抓狂!!但又咩都做唔到!!

唔打喇~!byebye~!

 

 

可能不是咒語,

是詛咒..

 

我不能喜歡人,我不能愛人。

 

從前我喜歡人,

無論我有沒有向喜歡的人表達心意,

在特定的時間之後他一定會突然疏遠我。

19年來我不止喜歡過一個人,

而是最奇怪的是...

明明跟他們是很要好的,

明明是經常聊著開心與不開心的事的。

為了可以一直都像朋友那麼好,

我幾乎都不會向對方表現出我的心意,

把這份感覺收藏起來。

可是每次都只有一個下場,

某天開始他們會突然莫明奇妙地討厭我,疏遠我

弄的越來越生疏,

最後變成陌生人。

我經常會在想,

一定是我長的太醜,

一定是我沒有好身材,

一定是我太不像女生..

所以他們不想再看到我。

不然你說是為什麼?

 

對了,一定是被詛咒了。

 

你知道嗎?喜歡我的人都不會有好下場。

19年來喜歡我的人不止一個,

有把感覺收起來的,

有轉自朋友口中的,

也有跟我告白的。

我知道他們是真心喜歡我,

因為我沒有漂亮的臉蛋,

也沒有S形的身材,(我是飛機場沒錯!)

既不溫柔也不像個女孩子。

真心那又怎樣?

我連累他們也一拼被詛咒了。

因為喜歡我的人,我注定不會喜歡上他。

即使剛好有一個對他有好感的,

那個人好快又會莫明奇妙地疏遠我,

然後對我說已經無感覺了。

對不喜歡的人我從不拖拖拉拉,會直接拒絕。

有人會從此之後莫明奇妙地開始憎恨我,

有人會說要等我,說相信時間可以證明一切,

有人會死纏爛打。

然而我不想給他們任何希望和幻想,

總是很殘忍地避開他們,

跟死纏爛打的說人不要煩我,不要迫我討厭你。

很無情很痛苦很過份是不是?

看吧,無人可以愛上我,

我亦不可以愛上任何人。

我愛的不可能愛上我,

愛我的我不可能愛上他。

這是一個定律,一個無人可解的咒語。

我是個無瑕疵的,完完全全的愛情絕緣體。

也許我不能擁有愛情,也許愛情討厭接近我。

好多跟我剛認識的人知道我沒拍過拖之後,都會問我為什麼。

有人說是我眼光太高,

有人說是我在裝清高,

有人問我是不是同性戀。

今天我向你們詳細解釋了,

甚麼原因都不是,是因為我被詛咒了。

 

有時我會像是不是上帝作出的安排,

希望我專心讀書..= =

 

為什麼會那麼痛苦?

為什麼總是無故地被重重的傷害?

因為我想企圖打破詛咒,

所以受懲罰了。

只要不愛人不被愛,

大家都會開心,不是嗎?

或許我是個不祥物...

還是不要接近我比較好...~

 

______________________________________________________

 

今天真的很大感觸..因為看了深雪的小說,

令我腦子裡不斷重重複複的在想東西...= =

即使她寫的東西與我無關,

亦談不上跟我的過去有甚麼聯系,

可是就是會想起好多好多東西...!

從不輕易受人影響的我,

現在竟受一個小說作家影響...

 

看完了深雪寫的《月日，別消失》, 《二姝夢》~0.0

《月日，別消失》比較好看啦~而且題材很新鮮~

virgin說的對咧~0.0

看到女主角為了不讓要吃掉她的人得逞,

她決定要先下手為強~

「要是讓你來吃掉,不如,我自己吃掉。」

然後她親口咬自己的手臂,

把手臂上的肉一口一口吃掉..!

深雪把女主角吃掉自己手臂的那一幕形容的很真實,

一邊在讀一邊想像,彷彿口中嚐到了血腥味!

深雪是我最喜愛的女作家!

她的小說很科幻,很具感染力~當中加插了誇張的愛情~

真的很好看!

 

因為看完了深雪的小說太大感受~

所以要用書面語打一下日記~

代表我對她的尊敬~

 

不打了~

因為放假的關係我每天都過的很腐敗...=.=~

我要繼續腐敗了~byebye~XD

 

 

今日媽媽打電話比我,

聽到佢把聲,

忍唔住哭了..

原諒我咁冷淡咁同你講野,

因為我唔想比你聽得出我喊緊..

其實我真係好掛住你,

我o係呢邊真係生活得好唔開心,

日日都苦瓜乾咁既樣...

e+佢地叫我做咩我都會做..

有時一日3餐d碗我都要洗哂,

日日餐晚飯都食唔飽...

d衫摺完一籃又一籃...

雖然做到好煩,但我會忍..

以後佢地叫我做咩我都會做,

但係你想我笑住做我真係做唔出..

我冇向ma ma解釋番某人扭曲事實同佢講戈d野..

唔知點解我覺得好攰...

唔想解釋....~

雖然我唔知ma ma會信我定信佢,

但係我已經唔想再講咁多野...

 

 

經過上一篇blog同埋qoos個topic,

我終於知道咩人唔適合我,

知道自己需要既係d咩~

 

 ------------------------------------------------------------------

 

呢幾日我都好少講野,

(幾乎係唔講野=.=..)

把聲又開始變沙了....

日日o係到睇日劇,台劇,

睇到冇野好睇戈陣漫畫都睇埋~0.0

我諗我就黎變左宅女+腐女既混合體~

變左宅腐女...= =

 

岩岩睇完個《少年刑警》同埋《神探伽利略》,

《神探伽利略》真係超好睇!!!=.=好刺激~XD

睇到人好緊張!= =

最鍾意睇查案,偵探,懸疑戈d電視劇~!

e+仲追緊《廢物老師》,台劇就睇緊《鬥牛要不要》..~.~

動畫就睇緊《櫻蘭高校男公關部》0.0

 

因為睇得太多日劇,

對日文既興趣又大大提升左~!O.O

岩岩search到個online 學日文既網~有埋發聲tim架~!XD

我要自學日文~

不過日文真係好難學...~.~

分左咩50音,又咩撥音濁音拗音等等...多到無倫!d字又難記!

要學番d有意義既野,等我有番個寄託..= =

ばか--->解笨蛋,白痴等等~~

呢個係o係d日劇到學番黎既~XD

讀「ba ka」~

因為日主角成日用呢個詞鬧人蠢,所以就學識了~XD

寫日文都好好玩架~~!哈哈

わだし愛きみ ---> 呢個係 「我愛你」~

讀做wa da shi X ki mi~

個愛字唔肯定點讀所以打左交叉~~XD哈哈~=.=

成句冇估錯應該係讀wa  da  shi  i  ki  mi??~.~

唔知啊..=.=

等我學到戈到再話比你地聽 = =...

 

唔打喇~0.0

byebye..

 

 

上一篇既blog話已經搵番自己,

幾日後又迷失了..

 

 

其實我一d打blog既意欲都冇,

唔知點解突然覺得打blog好似好多餘...

可能因為e+又開始放假,

我o係呢邊又冇fd..

半年前戈種feel又番番黎....

o係屋企一d地位都冇既感覺,

被屋企人出賣既感覺,

不被重視,可有可無既感覺...

+上前幾日單野,

某人同我阿媽講電話既內容,

o係房入面既我真係聽到好無奈,好失望...

那叫甚麼?

張大眼睛說謊?

將一d我唔係咁講既野扭曲左另一樣野同我媽咪講...

佢一定對我感到好失望喇...

戈種感覺真係超難受超想死...

e+寄人籮下,

我覺得自己唔似人地既姪女,唔似人地既親戚,

似一個工人多d...

 

呢幾日既事..o係呢個所謂既家入面我真係笑唔出...

好似就黎精神病咁...~

前幾日有一剎那好想殺死一個人...

戈一刻仲o係到思考點殺死佢..~

殺完佢之後我會點殺死自己...

戈種會行動既真實性...

e+諗番起都覺得戈陣自己好恐怖!!

我竟然會諗d咁既野..

我真係唔敢想像如果我有一日受左d咩好大既刺激...

我會唔會潛意識真係好唔受控制咁做左出黎....

係咪覺得我好恐怖..?

哈哈...係啊..~我就係咁恐怖架喇...

可能有一日忍唔住頂唔順某d人,

真係殺人都做得出...

就算做唔出,

我遲早一定會有精神病,精神分裂,思覺失調...

唔需要驚訝!

我本來就係一個咁既人!

一個可有可無,冇地位,冇尊嚴既人!

呢個家,呢個家族,呢個世界根本就唔需要我!

有人好想我快d消失tim..~

我係咪消失左會好d?

我真係唔想扮樂觀..!!!

今日所打既野係我呢幾日心入面諗既野!!!

冇錯啊!我係好想死!!我真係好想死!

唔想再見到某d人!!

唔想再咁辛苦咁落去!

做人做得咁辛苦為乜?

做人做到成隻狗咁為乜?

點解要咁作賤自己?

咁樣既話死唔係會開心d咩?

死左就咩都唔使煩,

父母唔使左因為我而難做...

亦唔會因為我而對我姑姐有錢銀上既拖欠,

我家姐亦都唔使囉呢個黎做藉口話我令到佢好難做,

就算死左又點?

呢一刻d人實會講話咩一定會好唔捨得你之類既野...~

咁又點?

過一排咪又係會比人遺忘~

屋企人會為左我好傷心?

我信啊!我信佢地一定會好傷心,

但係過一排又係會比人遺忘...

因為死戈個係我之麻!

我又冇出息!又敗家!又冇用!又一事無成!

既然你都講到咁,

姐係我死唔死對你地,對呢個世界都唔會有壞處,

都唔會有咩改變...

我既存在根本就唔重要...

我好辛苦,

我搵唔到平衡點,

我好想死,我真係好想死...

救我..

有邊個可以救我?

 

呢幾日諗左好多野~

 

無論今個學期fail唔fail,要唔要重讀都好,

我發誓我下個學期都一定要博哂老命咁追上+超越同班同學既所有進度!

就算我病都得番半條命,我都一定唔會absent任何一個堂課!

想整死我?

想線我一獲?

你地唔使旨意~

mid-term exam戈日先收到mid-term既練習紙?

發生咩事?

都要exam喇,你e+先比番d練習紙我有咩用..?

妖,究竟你係咪突登架姐?

不過算啦,我唔會怪你~

係我自己既問題~

所有野都係我既錯~XD

___________________________________________________

 

今日因為聽日個final homework,

要去Vancouver Art Gallery到睇人地d作品,

好似做report咁~

去到的確係幾多野睇既~XD

不過有d個miss要我地搵既作品搵極都搵唔到...

死緊喇今次...T^'T

then!!!=.=

睇睇下,

見到有對情侶入左黎睇,

佢地唔係普通既情侶,

係gay架!!

一個又靚仔又高既鬼仔同一個冇咁鬼,好有肌肉既鬼仔,

拖住手入黎睇...

本身都算啦,我真係好希望係自己眼花...=.=

但係佢地之後仲一路睇一路kiss,好親密咁...

個場面d氣氛幾咁怪...= =

我冇眼花!

你明唔明!!?

最衰手提壞左,影唔到相!!

如果唔係一定又有圖有真相...

___________________________________________________

 

多謝Raul既一句話,點醒左我~

「No matter how unhappy, how depressed you are,

just smile,then you will feel you are happy, you will feel better,

then everything will be ok.」

無論你有幾唔開心幾失落都好~

你都要keep住笑~

因為咁你會覺得舒服d~會覺得開心少少~

跟住所有問題都可以解決到~

 

悲觀既人先會諗:「唔開心點解要強顏歡笑?

咁樣唔係仲辛苦咩?」

如果笑可以掩飾自己既不快樂,

如果笑可以令到身邊既人開心,

如果笑可以減少人地對你既擔心,

何樂而不為~?

 

有問題戈陣淨係識o係到諗好辛苦好唔開心,

成個down樣做哂出黎,

我覺得咁先係逃避緊現實~

要笑住去面對,笑住去解決~

咁先係唔逃避~!

 

係人唔開心既時候都總係會做出d好衝動同埋未必岩既決定~

呢個亦都係我=.=..(<---冇腦筋既衝動派)

去咩台灣姐?

都黎左canada啦,

兩年姐,忍兩年就可以脫離寄人籬下既生活...

忍兩年就可以自己決定轉去邊間大學到讀大三,

兩年之後,我相信所有野都會唔同哂~!

我唔可以再因為衝動而再浪費自己d時間架喇!~

忍多一個學期,我就可以出去搵野做~

到時就唔使好似做咩都要靠佢地咁,

搵到工,就可以自己搵自己使自己草...

忍啊忍!!百忍成金!!

___________________________________________________

o係我打到呢到既時候,我姑姐同我家姐打電話番黎,

話叫我自己去買marker,買bristol紙,(聽日夜戈份功課要用到..)

話佢唔夠time幫我買wo..~

真係好無奈...咁你就唔好講到咁肯定你會去幫我買到啦?

又唔早d講,

你早d講我今日中午戈陣咪可以順便自己去買囉..~

e+先黎講有鬼用?

話要幫我買叫我唔好自己去買野既係你,

e+話幫唔到我買既又係你,

你想點啊e+?

你估我好多時間?

不過算啦,咁駁佢地又盞比人鬧番轉頭~

反正我就係冇地位冇出聲既權利,

講親咩佢地都一定會講到最錯戈個係我~

問心係咪丫..?就算一年事你係有錯,你會認咩?你會say sorry咩?

最後咪將屬於你既錯都推埋落我到~

nevermind,聽日冇功課交咪算囉,

今個學期咪由佢fail囉~

唔係可以點?

 

真係好無奈,

頭先打blog打到咁有鬥志,

一個電話就好似比佢地打沉左咁..~

 

終於又到weekend...

今日一科final exam,一科mid-term exam,

仲要交戈個大大份既死excel!

真係攰到想嘔...!!!

仲要今日份mid-term又虧左...!

唉......

 

 

捱埋下個星期就放假喇~我要加油~!~.~

god bless me,希望我會大步纜過....(<---冇咁易...)

 

我發覺Alison, Ho Chi佢地成日捉我字塞=.=..

根住就笑人地!>口'<

咁我普通話又唔係好勁...=.=

英文又唔係好勁..唔小心發錯音同用錯字g ma~

尋日連Raul同Alpha都係咁...!~.~

點解我成日都比人當左做笑柄!=.=

 

不過多謝Alison今日早左番學教我excel,我愛你啊美女!

仲有Ho Chi,比你地笑下冇所謂na~

 

我發現左原來我部macbook有得影相~!0.0

仲要可以影好多白痴相..

之前見到Alpha戈部macbook pro有得影,

so我自己又研究下咁~0.0

 

以下係我影既白痴相~

(內容有可能會引起部份人士感到噁心!)

首先正常d既~

"把初吻送給自己"~

"有人想害我...有人想害我...",扮思覺失調~0.0

好似白髮魔女~O.O

再黎...0.0

 

有冇嚇左一跳~XD

再黎~!

 

自己睇番覺得真係好樣衰~XD

除左可以影面容扭曲既之外,

仲可以set背景~

不過質素麻麻地~=.=

月球漫步~!0.0 摸到地球~XD

但係我個身唔見左~=.=

好驚啊!XD

夕陽無限好...

窒息喇窒息喇!0.0

玩完白痴相,影番正常相~

影張串串共既0.0----v

不過macbook影相d色水好怪~_~

<---icon相~0.0

d色水影到隻眼好似大左少少咁~

完了,

一待續一....

 

 

唔打喇~byebye~=.=

 

 

如果你問我知唔知自己做緊乜野,

我真係只可以答你我唔知...

 

黎左canada已經兩個月,

呢兩個月,

我由唔知自己做緊乜野,

之後開始知道自己做緊乜野,

到e+..

我又唔知自己做緊乜野了...~

 

我連續3日做左壞學生...O.O

 

唉...

我都唔想...~

你明唔明啊?

比老師討厭戈種感覺真係好難受...

 

history, computer, sewing

呢3個class個miss,

我覺得佢地都唔鍾意我...

點解?

佢地同我講野既語氣同埋望我既眼神...

之前visa整遲左,所以我遲左3個星期先番到學,

有好多野要追番...

無奈電腦個miss根本冇sd番d notes比我,

又冇話比我知d quiz係做咩...我點知我要做d咩..?

 

sewing class個miss成日都好冇禮貌,又一d笑容都冇..

搞到我有野唔明都唔敢問佢..

做錯少少野又淨係得識話人做得唔岩,

又唔解釋番點做先岩...

定係佢對住我先係咁...?

 

history個miss都係差唔多,好似唔多想理我咁...

係咪覺得我會拖慢佢地教書既進度所以唔想理我?

 

其實我終於知咩叫冇咁大個頭唔好戴咁大頂帽...

我d英文跟本就仲係差...

讀英文既fashion design對我黎講真係好吃力,

因為我上堂跟本聽唔明,抄唔到notes...

想問d miss,佢地又好似唔多想理你咁..

成日問問題好似又會拖慢成個班既進度咁...

以前仲成日話好想去法國讀fashion design..

e+諗番起都覺得自己好可笑..~

英文既fashion design都聽唔明,

更何況係法文..?

唔怕講埋,我e+面臨緊呢個學期會唔合格,

pass唔到去下個學期既危機...

 

其實係咪一開始form.5畢業就即刻考去台灣會好少少..?

 

點解我好似做親咩決定都錯咁..?

我e+真係覺得好亂,好辛苦,好有壓力,我唔知自己想點啊!!!

 

我家姐:「如果你成日都要通宵做homework,

你唔好讀呢科喇」

 

有冇人睇得明佢係同我講緊條件定係又係要脅..?

 

我係一個好需要自由既人...

有自由得黎又要有少少管制,

就好似o係美國戈陣住o係寄宿家庭戈到咁..~

我會自動自覺溫習,做功課,

娛樂就係online睇劇集同埋上qoos吹水..

戈陣我覺得自己真係好乖=.=

咁大個女未試過自動自覺咁乖= =

so戈一個學期d成績真係好好,

o係我戈班入面排頭3位...

戈陣真係好自由~想做咩就做咩~

但係因為我份人好要面~=.=

我個host覺得我好乖,

而且佢對我好好,好似真係媽媽咁~= =

所以我都要自己keep住乖,唔會比自己差~

我又會幫我個host洗碗汁台,

有時就自己煮野食,

又有狗仔玩...

好懷念那時候的日子~

之後搬左出去同人租屋住,

因為過份地自由,so我先開始放肆...= =

 

e+黎左canada,

同我姑姐一家,同埋我家姐一齊住,

佢地真係管到好嚴好多規距...

包括上次有提到既

1.)沖完涼要張w.c地上面d頭髮親手汁起扔落垃圾筒

2)洗完碗要按佢規定既方式擺碗碟,
  擺錯位又比人話

3)食親飯,夾親咩送都比人望實哂,好似驚死你食哂佢d好野咁...
  搞到我食親飯都好唔舒服..餐餐都未食飽就當食完..

4)食飯時間唔比講野傾計

5)d 煲蓋一定要反面擺,唔係又比人鬧冇腦

6)成日話我d衫擺到好亂(又冇衣櫃又冇衣架你想我點...?)

7)中午好累訓晏教又會比人話

8)就算放假,朝早12點前都一定要起身....夜晚一定要12點前訓

暫時打咁多先,有d突然諗唔起..

e+做功課做通宵又有人唔滿意...

仲話如果我再咁成日通宵做homework,

比人趕走就我自己好自為之..?

有冇人可以話比我聽,

佢係咪姐係叫我唔好讀fashion design啊?

我好討厭呢到...好討厭冇自由,

討厭冇經濟能力既自己...

討厭!!!好討厭!!!

 

讀一科自己既興趣唔係會好開心架咩??!

點解我覺得咁唔開心..???

我究竟係為咩而讀fashion design架?

黎canada果然係一個錯...

果然台灣既實踐會比較好吧..?

 

其實我根本唔鍾意鬼仔!

我鍾意食中餐多過西餐!你明唔明啊!!?

 

e+金庸風暴,d經濟咁差...

如果我再繼續o係canada讀design係咪好徙錢?

會唔會轉去台灣既實踐會好d..?

 

我越黎越唔明自己講緊乜..做緊乜..

真係好亂,好煩...你明唔明啊?

 

我需要朋友,我需要你們!!

我怕寂寞..

我討厭沒有朋友在的加拿大!

我討厭沒有相熟的人陪我一起讀書!

我討厭被老師討厭!

我討厭沒自由!!!

明唔明??!明唔明我講緊咩???

 

我頂唔順,我透唔到氣...我要自由,

我要freedom..我要朋友...我要上堂聽得明!我要抄到notes!

我要好似以前咁比miss同啊sir讚我有天份啊!!!

 

 

有冇人可以救我..?話我知點做...?

 

因為要做hw,

so今日要去圖書館搵資料,

o係我沿住條直路行緊去圖書館途中,

有個中年鬼佬走埋黎問我路喎...

咁我又唔係canada既居民,我緊係唔識..= =

咪同佢講話我係international student,所以我唔知佢問緊咩,

then佢又話佢都係international student...

開始同我傾計...(其實我唔想同佢傾,因為圖書館就黎關...)

跟住佢就係咁問我d野,

問問下又問我住邊,問我會唔會成日出街,

問我o係邊到黎既,

又問我讀緊咩,

我就開始覺得越黎越不安...= =

咪同佢講我趕時間,

then佢又問我係咪去圖書館,

仲話佢可以同我一齊行..(唔好喇掛.. )

我話唔使..,

then佢又問我之後仲有冇時間,

話咩「I just want to be friend with you, maybe we can meet later?」

我就話:「I think I can't, because I'm hurrying,

I have too much homework to do..sorry= =」

跟住佢又問我有冇咩聯絡方法,

緊係答冇...(的確我係冇=.=手提都壞左)

之後我就急急腳咁走左=.=..

真係好恐怖...嚇死我喇..!

因為個鬼佬個樣太猥瑣,又著住件黑色大褸wo...

又胖胖地,而且仲要係中年鬼佬,件褸仲露出埋佢d心口毛...

所以真係覺得好驚好噁心....!!

之後搭巴士番home,

竟然咁岩佢又o係架巴士入面!!!>口"<

嚇到我即刻搵d人遮住自己個樣!

但係架巴士唔係好多人,

最後都真係比佢見到我囉..

不過我扮見唔到佢,費事佢又走埋黎講野..

之後落車幾驚佢跟埋我落車啊!

so一落車我就以超快既走路速度行番home!~.~

希望唔好再見到戈個野..~_~!

________________________________________________

聽日history有份大homework要交,

我今晚又要通宵了....

________________________________________________

附上兩幅最新既新作~

第一幅,

係我幻想中既女神~XD

呢幅畫我係想畫出戈種令人一見到都會有心動既感覺既女神feel~

我姑姐同姑丈睇到都話好靚!O.O

唔知你地有冇少少心動的感覺呢~!呵呵~

唔知點解scan左之後同我本身幅畫有d唔同左..~.~

個眼線明明冇咁黑,

scan完之後唔知點解咁深色...=.=

 

女仔呢幅係咁,

男仔戈幅都唔例外...

scan完之後唔知點解眼線真係好深!

再黎男仔!去畫~!

啊...= =唔使理我幅畫入面戈句英文..=.=

我無聊加上去既..~.~

我都知係有d白痴...=.=

唔知點解~可能太有心機畫女神,

之後畫呢個男既時候有dd求其~哈哈~

因為男仔真係太難畫喇~

我之所以會畫多個男~

係因為我想畫多個人同女神一對~

等女神唔怕寂寞~XD

不過畫完先發現我唔記得幫個男既畫喉核...~.~!

同埋佢好似瘦左d~_~!

不過算啦~0.0呵呵~

 

唔知點解覺得個男既有d似一個人...~.~

但我又講唔出係邊個..~_~!

 

突然間諗到一樣野!~.~

男仔心目中既理想女性就叫女神,,0.0

咁男仔叫咩?=.=

點解女仔心目中既理想男性唔係叫男神??!~.~

諗極都好唔明~

唔打lu!~0.0

又做功課~=.=byebye~

 

________________________________________________

p.s

聽唔聽到首background music~!XD

係我呢排既新寵~!O.O

覺得首歌d feel好正~

戈種感覺好特別~好觸動到我個心!

不過如果覺得背首歌好煩既,

所以kick停佢,o係左手邊..0.0

 

byebyes~=.=