喂~盧X媛, 呢個係我為左你設計既Baby Skeleton~XD

其實我facebook都有post~=.=

o係facebook已經睇左既可以唔使理我~= =

我用Illustrator畫的~~

佢個樣係咪好搞野~

我希望你見到呢隻野個樣戈陣會有想笑既感覺~哈哈~XD

我幫呢隻野改左個名, 叫Virteogin~!

 紫色係你鍾意既顏色~

藍色係我鍾意既顏色~

點解叫Virteogin呢~?

我都唔知點解...=.=

我知個名有D白痴同有D難聽,但係我覺得..好襯隻野~

至於呢隻野, 係由一隻Skele.Teo--

再加一隻Skele.Virgin--

而產生的~~

你唔好睇少呢幾隻野啊!~.~ 我畫左5~6個鐘架~

希望你唔好比d死賤仔既小人行為影響到你~~

希望以後你唔開心戈陣就睇下呢隻野~~XD

KAKA~

無論發生乜野事~我永遠都一定會企你戈邊~

會支持你~

因為我地永遠都係BEST FD~!

其實我覺得個蝴蝶結好姣...

但係唔加d野o係個頭到佢個樣會仲低能=.=...

and見唔見到我個Skele.Teo係著褲?XD

因為我唔鍾意著裙所以畫左條褲比佢~

畫完之後我好希望將來有一日呢款Baby Skeleton可以以我地既名義面世~

呵呵呵...

and我又玩改圖了,

今次個theme係海盜.. hahaha~~XD

唔使理我戈舊對白, 我無聊加的...= =

Baby Skeleton仲有個海盜款架~

呢個係冇牙既~0.0

呢個係有牙既~=.=

比D意見我.. 有牙好睇D定係冇牙??=.=

唔打LU~BYEBYES~XD

 

 

 

所有傷害v小姐既人我都絕對唔會放過佢!

 

妖佢!我真係好鬼火大!!

好賤好賤你真係好賤格!

我未見過d男仔咁低莊咁陰濕咁小人咁賤格!

比人飛左就唔甘心,

同圍作野講是非唱衰人!

仲口口聲聲話仲好愛v小姐wo..~

乜愛一個人會做d咁賤既野架咩?

你有冇腦架到底!!

將自己個sad樣自拍做msn icon都算啦!

仲做埋哂d咁小人既野!

你真係影衰哂所有男仔囉!!

你咁賤格,

我e+懷疑o係qoos到冒認我陷害我戈個都唔知係咪你黎架囉~

因為我開過topic問

「點解d人分左手話好唔開心,但仲有心情自拍自己個sad樣擺黎做msn icon?」

你覺得我係針對你黎講丫ma~

你憎埋我又有咩咁出奇

男人老狗做野咁低莊,

做左又唔敢認,你係咪男人黎架?

乜做埋哂d咁既野你良心真係過意得去?

你真係覺得自己一d問題都冇?

如果係既話,你真係一個冇瑕疵既賤男人~!

仲要係一個扮好男人既賤男人~

i curse you now, till the end of my death!!

 

最衰我又唔o係澳門,..

best fd比人陷害我又做唔到d咩,

我覺得自己既存在好似好冇作用咁...唉...

 

我只可以o係日記到詛咒戈條友,

除此之外我甚麼也做不到了..

 

 

等我回來...!>口"<

 

 

我已經決定唔玩Qoos了,

廢事又比人屈我突登開個帖黎博人留住我,

d咁幼稚既野我當然唔會做,

我做任何野都好認真~

唔會玩玩下~今次都係~

不過謠言可謂~...

亦到令人感到好煩,

中學時代已經承愛過了,唔想再黎多獲~

 

Qoos好多人都話唔使理人點講~

你地又點會明~=.=

我夠知唔使理d人講咩~

但係我真係好介意人點睇我~

我真係好憎好憎d人o係到亂作野講是非侮辱人地既人格,

中學戈陣無啦啦比中文部d人唱,

講到我好濫交,又話我成日痴埋d男仔到,連我條邊紮幾高都講一餐...

我自問自己又冇拍過拖,而且好潔身自愛~

但比人講成咁你明唔明戈種感覺有幾難受?

我自問識親d男仔fd都係當佢地兄弟,當自己係男仔咁..

小學開始已經成日同男仔玩,仲比人話我男人婆=.=

我唔係好似某d女仔咁同男仔玩又嗲人姣人咁囉,

d咁既野你比錢我叫我做我都做唔出囉咁噁心!

我係真係當大家都係brother咁, 攞個心出黎做fd,

而且男仔比女仔玩得起,唔會少少野就嬲,發脾氣,

加上我身邊又冇咩女仔fd打籃球,

咁中學戈陣識好多男仔fd都打籃球既,咪同佢地一齊打囉,

點知d人又可以唱一餐,

真係好鬼煩,

仲諗住中學畢左業之後咁既情況可以改善,

點知原來去到邊都一樣~d人都係咁Q中2作野講是非~

乜你地咁Q煩架~!我都唔明白點解d人係都中2講是非!!

喂!比著比人講戈個係你,你都會好難受啦!

點解仲做得出d咁既野架~!

我唔明囉,我真係唔明!

 

既然係咁,以後有人又亂作野唱人戈陣,

我只好當d人唔抵得我妒忌我先講我~

吹咩~鬼叫你作野陷害我啊~

唔該以後有人唔妥我既直接同我講,

等我知道你做咩唔妥我,

唔好做埋哂d咁cheap既野,貶低自己既人格~

有咩就直接講啦,

最憎人o係到兜圈拖拖拉拉咁~

 

________________________________________________

今日唔使番學~姑姐同左我去飲茶~

仲有cindy姨and sam叔叔~

我覺得sam叔叔真係好傻,

對cindy姨咁好,

成日使好多錢o係一個已經屬於人地既女人身上,

但係呢個女人只係o係到利用緊佢,當佢水魚咁~

真係覺得sam叔叔好慘...~

點解世間上會有d咁傻既男人...

 

 

下個月開始就可以試下幫自己整衫了~

因為下個月開始會度身~要學畫自己個size既紙樣~!

畫完就可以開始試下整自己設計既衫比自己著了~!XD

一諗起心情就好興奮!~

haha~~

~

 

________________________________________________

 

(DEL)

有唔止一個人話我呢張相影到d feel好似小朋友

有人仲話似d幾歲既小朋友..

有冇搞錯,

雖則我知我keep得好...

不過你太誇張喇掛!

分明笑我白痴

同埋原來呢,

戴左眼鏡個人會睇落仲後生~...

咁我都係唔配con喇,

繼續戴眼鏡算啦~

 

唔打了~byes= =

 

________________________________________________

 

________________________________________________

 

Qoos呢幾日出現好多冒牌會員囉~..=.=

何謂冒牌會員?

即係抄人地個會員名,抄到差唔多一模一樣,

之後就係咁開埋哂d低能膠貼粗口貼咸濕貼,

搞到其他會員誤會以為係個正版會員做埋哂d白痴野~

 

除住其他會員既A貨s不斷出現,

冒認我既A貨都出現了...

詳情請去以下網址,

 

http://bbs.qoos.com/viewthread.php?tid=1574473&extra=page%3D2&page=1

 

真係多得戈兩條友唔少,

搞到我又比人誤會,

有人話係我自己開d冒牌出黎博出位,

哈..又比人屈喇,你兩條友開心啦~

真係好無奈,

我都冇得罪你地,做咩又針對我?

唔通真係因為我樣衰?

我樣衰關你地鬼事咩...

做咩係都要招惹我姐?

係咪玩得好開心?

究竟有冇理人感受架?

你地又唔係讀design既你地又點會理人感受!

最憎抄襲, 冒牌, A貨-->我相信所有鍾意設計既人,

讀緊設計既人,

同埋已經係設計師既人都會有咁既心態...

點解有好人唔做,要做copycat..?

唔好再講埋哂d咩「你又知人地抄你~」「咁唔玩得~」黎達我,

我唔受呢套~

係咪惡意冒認人地抵毀人既自己心裡有數~

唔玩得?

我係唔玩得啊,so?

每個人玩都有個底線,

你係都要過哂界博咩姐?

唔妥我咪直接同我講囉,

做埋哂d陰陰濕濕既野做咩?

你係咪男人黎架?

唔夠膽同我講你唔妥我啊?

係邊個就心照啦,

我係咪要多謝你冒認我?

將來如果我開品牌出到名,

我一定會番黎多謝你~

如果我個品牌衰左,

我死左都一定番黎搵你~

 

-------------------------------------

 

唔講d A貨住,

今日教我表妹畫畫~

以下係我地畫畫既途中~

佢驚我影到佢,

所以用佢長長既頭髮遮住左自己塊面...

因為qoos既事頭先好鬼慶,

so教教下就自己有自己畫o係到發洩~=.=

但係畫得好馬虎...睇佢d hair就知!

以下係完成圖~

 

qoos戈幾隻字係用膠擦擦出黎~=.=(<---好無聊..)

因為頭先諗緊冒牌既事,

so就無啦啦畫埋自己qoos個acc名出黎=.=~

跟住我又改圖改成咁~

本身仲影左一幅係我本人+呢幅野,

不過e+非常時期,o係必要既時候我先會拎呢件secret weapon出黎...

 

-------------------------------------

 

唉, 睇完the hottie and the nottie之後,

超想要佢入面戈首歌 -- Castaneda 既cyanide,

真係好好聽,好鍾意首歌個feel!!

但係我搵極都搵唔到首歌,

戈對band其他歌我又唔想要,淨係想要戈首...

搵唔到首歌真係好唔開心!

 

-------------------------------------

 

我諗我真係要超級勤力先得,

啊sir講過e+好top戈d fashion designer全部都超勤力!

我相信Karl Lagerfeld都係咁勤力的!

人地又勤力又有錢先出到名,

我冇錢得個勤力有咩用呢?=.=...

所以我諗我應要比佢地努力n倍先出到名...

 

 

有時都會o係到懷疑自己係咪真係得,

點樣先可以o係全世界 n個designer入面突圍而出,

令到Karl Lagerfeld知道我既存在,

等我將來如果有幸可以去Chanel到見工佢會欣賞我,

然後就開始把希望寄託在我身上...

最後o係佢退休既時候決定推薦我成為Chanel既設計總監,

之後時裝界就係我既天下了....哈哈哈哈哈...

(呢個夢真係完美....)

 

都係廢話少講~=.=..

我e+咁既態度,

真係煎1萬塊牛扒都未有一塊熟..(姐係10劃都未有一撇~haha~)

 

-------------------------------------

 

唔打喇,聽日仲要番學~=.=

今次真係去發夢了~haha~

byebye~XD  

 

星期4戈日miss派番上一個sem d功課比我地,

真係好唔滿意...

10分係滿分,

o係20個design入面我得8個係10分,

其他既有3個9.5分, 5個9分, 同埋4個8.5分...

姐係平均每個design得9.375分...~

唔知點解覺得自己好失敗....

同埋miss d眼光同我都唔同既,

我覺得靚戈d佢又比得8.5~9.5,

我覺得唔好睇戈d佢就比10分,

咁搞法點算~

又唔知其他同學d分wo...

究竟我o係我班入面係屬於咩level !!!

 

--------------------------------------------

仲有就係上一篇blog提到戈個幾日都冇番學戈個同學,

原來佢退左學了...

真係唔開心,太浪費了!

佢明明都係好有料,

明明咁勤力咁比心機,

究竟點解要退學...

Raul,我唔會忘記你的!

其實正常我係應該要開心,

因為我冇左一個好強既對手,

但係唔知點解我真係冇開心既感覺...唉

 

如果Raul可以番番黎就好...

 

--------------------------------------------

尋日睇番d舊相,發現左有一幅係我一年前o係3號巴士上偷影人地既~

因為見到兩個男仔訓著左,

跟住其中一個挨左落去格離戈個個博頭到,

覺得個畫面好曖昧就忍唔住影低左~ XD

 

原來咁快就已經一年了....

時間點解可以過得咁快?=.=

一年前我仲o係UCB到做緊part-time~= =

唔知maggie同evans e+點呢?

 

--------------------------------------------

 

過多半年,我就可以番澳門了...0.0

忍啊忍!!

 

--------------------------------------------

其實男仔介唔介意女仔大過自己呢,

女仔又介唔介意男仔細過自己呢...

 

我諗其實我同V小姐一樣,

都係接受唔到男朋友對象係細過自己...= =

因為一直都未拍過拖,

所以我一直都以為自己接受到,

雖然e+仍然都係未拍過..=.=

但我發覺原來自己都會有d介意,

唔係介意人地點睇~

而係好似以前L先生講既:「乜你唔覺得男仔細過你自己,

會有種好似湊仔咁既感覺架咩?」

我覺啊...我真係覺...~=.=

姐係細過我唔緊要,

但係d行為,性格,思想,說話模式絕對唔可以令我感覺到佢細過我囉...~

我承認自己已經係低低bb,幼幼稚稚咁...

所以我接受唔到一個比我更加幼稚既人~= =

我唔會好易就鍾意人,

但係老老實實...

有時都會對一d幾好既人有d好感~=.=

如果戈個人細過我,

我對佢本身有少少好感,

但係同佢講野佢好似思想好唔成熟,成個小朋友咁..

就算本身對佢有d好感都會即時消失哂..

仲會有唔想同佢講野既感覺...~= =

可能唔係每個細過自己既男仔都係咁~

但係, 識親d細過我既人都係咁...=.=
(除左yw form.6 d同學同埋某幾個fd之外~
你地係唔同的~ )

 

 

雖然咁講好似好hurt某人咁,

但係呢d都係我既心底話...

 

--------------------------------------------

 

最後送上一張"美人"照............

 

呢張野係尋日改既~

尋日用黎做左一陣msn icon,

點知嚇親個net fd~

 

如果我個樣真係咁既樣,

唔知我d fd會唔會離棄我呢?

會唔會比人排斥,

比人笑呢...

係咪永遠都唔會有人鍾意我呢?

 

唔打咁多了,我要溫history...

 

 

今日收到媽媽寄比我既一封信,

不過當然唔係佢親手寫~=.=

因為佢話佢年紀大,眼唔好,所以由我啊妹代寫...

媽媽,其實我真係好想同你講我愛你,

不過你知我份人叫我親口講d咁噁心既野我真係講唔出口..= =

其實我好想可以成日聽到你把聲,

但係老老實實唔知點解你成日打黎我又會覺得你好煩好長氣...

我覺得自己咁樣真係好衰,

但係我真係唔係討厭你,

因為我可以去到外國讀書,

都係多得你同老豆咁辛苦日捱夜捱, 死慳爛慳草番黎既血汗錢,

你信我啦!

我真係唔係不孝架!

但係你知我份人係咁架啦~!

好易就覺得人煩同長氣!又唔鍾意比人管喎...~.~

但係我個心真係有記住你同我講過既野!~_~

我真係好想可以快d出黎做野搵錢,

搵好多好多錢養番你地,

想將來可以成為一個出名既fashion designer,

好想你地比其他人睇得起,

i wish you will proud of me in the future!

 

--------------------------------------------

今日經過一間睇落好high class既boutique,

入面d衫高貴得黎又唔會俗氣,

見到佢個樹窗既擺設好attractive,

睇到戈陣我真係好渴望我將來可以開一間咁既boutique,

做得好戈陣就開第2間,第3間...

開o係Canada, US, China, UK~~

最後開o係法國~!

然後我就會越黎越出名,

識到好多知名既fashion designer~!

然後o係法國開fashion show,

成為第一個可以o係法國開fashion show既澳門人~ !

死喇!我妄想症越黎越西利~!

我又唔係有錢人,

又冇知名既fashion designer欣賞我,真係發夢咩~

點解人既壽命最多得80~90歲,

如果我有200年既壽命我有信心我可以將自己個品牌發揚光大~!

睇下呢個世界幾唔公平...

有錢既人讀完書可以10年內已經可以將自己個品牌宣傳到好出名,

到佢死左之後就繼續流芳百世...

冇錢既人捱到死戈刻都分分鐘冇人知佢既品牌叫乜名..
(我好似已經睇到自己既將來喇~=.=點算...)

however, 我係唔會放棄架~!

就算我將來開唔到自己既品牌,

我都好想可以有機會入到chanel做fashion designer!!!!

我要將歷史改寫!

Karl Lagerfeld做到既,

我將來都一定要做到!!!~.~

等我d英文再流利番d我要去學法文,

雖然好難..= =

但係為左美好既將來幾難都要迫自己學~!

------------

睇到啦,我係一個好好勝好aggressive既人,

我呢d咁既人根本唔適合拍拖,

因為冇男仔會鍾意自己女朋友/老婆事業心咁重~haha~

就算把口上話唔介意,

個心都好難真係會唔介意,

我直頭會諗到將來唔想生bb,

一直等到我事業有成先再考慮~

如果有得比我揀~

放棄愛情可以比我擁有同Karl Lagerfeld一樣既身份同地位,

我真係會願意放棄愛情,

老老實實雖然未拍過拖既我的確係好想試下拍拖係咩感覺~

但係o係e+呢個moment我覺得將來先係最重要~

如果可以做到第2個Coco Chanel,

要我一世子都唔結婚,

最個真正既女強人我都願意~!

--------------

有人話:「你e+未遇到真愛就緊係會咁講啦~

當你遇到你一生中既最愛戈陣你就會願意為佢放棄哂所有野」

將來既事冇人會知~

或者我真係會好似你咁講既~

如果將來我既另一半係我一生中最愛,

但係佢接受唔到自己既女朋友.老婆咁有事業心同埋野心,

我只會覺得佢唔係真心100%地愛我~

既然佢都唔係100%愛我諒解我~

為什麼我要為他放棄我的理想?

那太愚蠢了!

 

我要為自己而活,為自己而努力,

不想為了誰而活!

 

在此聲明,不論男女,

已經愛上我既人好快d放棄..

我唔適合你的,

我比唔到幸福你架~

 

講下笑姐,唔好太認真...

 

 --------------------------------------------

呢牌好多人叫我戴con,

雖然我都好想戴con,

但係我都係覺得粗框係我既標誌~先襯番我~

however今年summer番澳門戈陣我應該會配番副,

不過應該唔會成日戴~

 

 --------------------------------------------

我戈班有個同學唔知點解開左學到e+都3日了,

都冇番學,

手機又冇開,網又冇上,

完全唔知佢發生咩事...~

雖然同佢唔係真係咁熟,

但係都希望佢唔好發生左d咩意外~= =

因為佢係我戈班入面其中一個我認為好有實力既對手,

快d番學啊Raul !!

 

--------------------------------------------

今日我細嫂個啊媽生日,

佢boyfriend(鬼佬黎0.0)請埋我地去一間好貴既日本料理到食野~~

d野食真係正到爆肚!!!

[ 註:因為d野食太好食所以我又食太多了...

食到個肚好似就黎爆咁~=.=

所以又諗到一個新既詞黎形容d野食有幾好食,

就係...正到爆肚! ]

最衰仲未買番部手提~!

唔係我實影哂d野食擺上黎哂命...!

haha...

家姐你究竟幾時帶我去買架....

 

 

番埋聽日學就weekend了~XD

我今個sem一個week淨係番4日,

有一日仲要淨係番半日,

係咪好羨慕...

不過唔該某d人唔好以為我讀fashion design就真係淨係要學design先得架~!

我仲要學埋哂d咩歷史,marketing,電腦,所有布料既屬性同特性等等...

我都有好多科要死讀架囉唔該~!

咩都唔知就唔好o係到講埋哂d有骨既野!

唔該你唔好咁天真啦~!!!

 

唔打了~= =今日篇blog太長...

差唔多訓了...

byebye~~XD

 

 

我一直都以為係1月7號番學架wo!

(時差問題呢邊e+仲係1月4日= =)

但係原來唔係~=.=

算啦~放左成個月假咩都應該放夠了,

好,今個學期我要囉到好成績~!!

聽日開始唔可以再成日上qoos吹水了~=.=

但係我驚我會忍唔住tim~

因為吹水實在太開心了~

咩煩野都唔記得哂~

 

雖然我家姐好煩,但係佢講得岩既...

我係時候要收拾心情,

番番去現實了~=.=

 

-----------------------------------------------------------------

某人睇左我前日o係Qoos開戈個topic~

之後向V小姐告狀~

however,我根本冇講明我講緊邊個,

你自己唔係身有屎,

點會覺得我講緊你?

此地無銀三百兩!

ok~你覺得係因為我幫朋友出頭先針對你黎講既~

冇所謂丫~

你覺得我針對你,我就針對比你睇~

你唔好以為煩住V小姐就咩都拆得掂,

我唔識你~根本唔需要比面你~

V小姐話知道自己今次一定要做衰人,

我陪佢一齊做衰人又有咩所謂~

你唔好以為扮可憐,

周圍同人講你幾hurt,

將自己個"down"樣自拍扮上msn做頭像就可以迫到所有人認同你~

唔好以為比戈飛戈個就可以大條道理覺得自己岩哂~

都係戈句啦~

追人之前就對人地懶係好~

追到人之後當人係草~

hurt完人比人飛左之後先黎馬後炮~

我絕對唔會認同你~

所有令V小姐傷心難過失望流眼淚既人我都絕對唔會認同!

 

仲有,

真正鍾意一個人唔係咁架~!

真正鍾意一個人係唔會特登做+講比對方知自己有幾痛!

真正鍾意一個人係唔會o係對方唔得閒忙緊既時間都係咁煩佢!

真正鍾意一個人係會珍惜同佢一齊戈陣既每分每秒!

真正鍾意一個人係唔會令到對方覺得煩!

真正鍾意一個人係會為左對方既幸福快樂而放手!

真正鍾意一個人唔係得把口!

雖然我未拍過拖,但係我都曾經鍾意過人!

你e+咁,根本就係唔甘心冇左佢~

根本係想擁有,

仲唔係自私,淨係理自己既感受?

人地都講左唔想,

點解你仲要係咁煩人呢?

唔該你清醒d啦..

地球唔係為左你而轉架..!

唔該你諗下對方既感受啦好冇...?

成熟少少啦!~.~

 

真係一講就把幾火....

 

-----------------------------------------------------------------

唔講呢樣喇!= =

呢幾日都狂o係到用illustrator同photoshop畫圖同改圖~= =

如果有睇我xanga既應該會見到我換左background,

同埋多左兩幅黑色圖~XD

background戈幅徙左我好多時間~=.=

因為戈幅本身係一幅相黎,

改極都改唔岩feel咁~= =搞到我reset完又reset,

d線同其他野又畫到我鬥雞咁制~

黑色戈兩幅就真真正正自己design既~XD

同一個theme黎架~

我幾鍾意累黑色戈兩幅~~

 

 -----------------------------------------------------------------

跟住尋日又無無聊聊咁扮神探伽利略~

有睇神探伽利略既就會明戈個手勢架喇~!

(諗番起virgin同kar扮伽利略戈張相...haha~)

(to kar:理得佢左手定右手啦!=.=
做人唔需要太汁著~

原圖--->

畫左幅超比自己--->

再改圖.... ---->用左黎做Qoos既icon~

我覺得幾搞笑,哈哈~~

 

唔打住lu~

聽日要番學,要早d訓~= =

 

唔知呢排做咩..

成日都連唔到呢個blog~= =

跟住又有身在台灣/外國既人同我講佢地連唔到我qooza個blog,

有人又同我講唔知點解我個blog會link左去第2度...

so,

以後打blog只好copy多一次o係xanga了~= =

好似o係到玩弄緊大家既感情咁tim...= =

 

 

 

因為懶所以將今日o係xanga打戈篇blog copy過黎算...= =

 

尋日dl左yw form.6同學錄戈幾版~XD

多謝benson~!

辛苦你喇~!><整得幾好啊~XD

post出黎先~

我最鍾意呢版,因為真係整得好搞野~XD

 

呢版冇我份 !不過型sir個樣好搞笑~

 

benson做乜用人地戈張wo!戈張咁樣衰...=.=
點解唔用我射緊波戈張,戈張型咁多!

 

諗番起你地上年戈個drama就覺得好搞笑~kaka~
最衰我已經走左冇得同你地一齊玩~

 

雖然成日講真係好長氣..

但係我真係想講同你地一齊真係好開心~~!

因為你地都係喪架...haha~~

好期待出年summer番澳門~

到時就可以喪玩~XD

 

 

唔打住lu~

byebye~..= =

 

 

 

 

 

  

Super Happy New Year啊~!

我呢邊兩個鐘前先岩岩踏入2009年~=.=

祝2009年既大家天下無敵~(開玩笑的..)

繼續健健康康~XD(這個來真的..)

我諗到一個新既祝賀語~

如果美麗是一種病毒,

我希望各位都中哂毒...而且要越來越毒~

 

 

我自己剪左頭髮~=.=

不過淨係剪左側面,d陰同埋後面~0.0

剪到好怪~

不過亂亂地咁都ok掛~哈哈~

 

唔知點解剪完好似個樣又細個左咁 ....

 

 

其實都冇咩好打了..

純粹講聲happy new year~

byes~XD

 

等我組織下先...

 

 

姐係我真係好唔明,

點解d人比人拒絕左 / 被另一半提出分手,

下一步就係扮可憐?

你博咩姐e+?

你有冇檢討過自己係咪一個稱職既男朋友?

你問心戈句你真係有攞個心出黎對佢咩?

作為一個best fd既角度,我覺得你根本就唔配做V小姐既男朋友,

你連我呢個best fd比到佢既野你都比唔到佢,

你憑咩唔甘心?

人地花咁多心思徙咁多時間織條頸巾比你,

中午飯都冇食,

你好似一d都唔想收咁,我真係唔知你戈d咩反應囉~

分左手先o係到馬後炮,

講咩:「我唔係唔鍾意份禮物呀,我係覺得自己唔配,唔值得你為我咁做!」

你都幾搞笑架wo~

戈頭o係到講話"自己唔配",呢頭分左手就o係到大吵大鬧~

你講野都幾矛盾架wo~

連我呢個做best fd既,

每逢佢生日or節日,

起碼我都會o係到煩送咩比佢好,

送咩比佢會開心,

點做先比到surprise佢,

諗佢需要d咩...

你自己有冇用心去留意佢想點?佢鍾意d咩?佢需要d咩?

成日做到懶係對佢好咁~

其實根本乜野都係以自己為中心,

完全冇理佢感受~

乜你覺得自己真係對佢好好咩?

一齊之前咪好似係囉~

一齊左之後,請問你當佢係咩?

女朋友係要黎珍惜,唔係要黎敷衍架!

 

仲有~!

真正愛一個人,

係唔會突登講哂出口同對方講你為左佢有幾痛!

分左手o係到講埋哂咩:「你知唔知你真係令到我好痛」

「我未試過咁痛」

「你令到我對你由愛變恨!」

咁就叫愛一個人咩?

我覺得你e+咁係o係到博同情,做到最hurt戈個係自己咁~

然後其他人就會覺得最可憐戈個係你~

覺得提出分手先戈個一定係衰人丫ma~

男仔之中你都算幾識玩心計丫~

一方面又可以令到V小姐真係以為係佢錯~令到佢內疚~

另一方面可以令到個個都企o係你戈邊,以為你先係受害者~

你呢種行為真係好賤格,好自私同好幼稚!!

唔好以為比人飛就大哂啦

有d野自己心照,

你有冇攞個心出黎同人地一齊,

心照啦~

你係咪o係到玩心計,

心照啦!

你唔好見V小姐好溫柔好林bea bea就將所有野推哂佢身上,以為佢好好蝦呀!!

所有令到佢唔開心既人,

我會誠心詛咒你一世~!

直到永遠...亞門

 

 

d死賤仔唔想再講咁多~

雖然我內心仲係好憤怒,

但係我唔可以為d咁既人死太多細胞~

又一個令人失望既例子了,

男仔o係我心目中變得越黎越唔可靠...

我看..不如我去做Tb算了....

講笑~=.=我先唔會咁做~

不過睇完某套日劇之後突然對女扮男裝好有興趣~

有機會我都想試下著到成個男仔咁~XD

唔知變左裝之後我會唔會型仔呢?

因為戈套日劇戈有兩個女仔本身都係唔多靚戈d,

但係一扮男仔之後都幾型~可能我既性質都係咁~

 

 

除左呢套之外仲睇左另一套日劇,

"絕對男友",

仲以為套野係happy ending,

點知又係令到人地咁遺憾!!

真係覺得好傷心,最後男女主角都冇一齊到....

太過份喇!!!

我接受唔到!!!!

還我happy ending!!!!

 

 

不過睇完之後會覺得,

如果有個機械人男友,都好似唔錯~

因為佢一定唔會背叛你,

唔會厄你,

永遠都會對你好好~

如果機械人有埋感情,

一定會好完美~

 

不過呢d都係冇咩可能既事,都係番番去現實算了~

 

唔打喇~XD

byebye~

 

呢幾日,

我由我家姐口中得知左一樣野,

一樣令到我好嬲既野...

 

23條立左法之後講呢d野出黎分分鐘會比人告..~所以我要e+講..

我真係忍唔到..

 

 

我成日都話,

「呢個世界根本就係有錢人玩哂,

我地呢d又冇錢又樣衰既都係收皮啦..」

我成日都覺得自己好唔好彩,

點解我唔係有錢人?

如果我係有錢人我就可以去考英國既St Martins讀fashion design!

我認我唔知足~我認啊!

 

原來我爺爺戈代戈陣,

佢地算係一戶有錢人家~

有屋,有幾塊地~

戈個年代同我地e+岩岩好相反~

e+窮人成日會比人睇唔起~

而戈陣~有錢人反而會比其他人排斥同針對~

戈陣我爺爺既兄弟有d去左美國,有d去左香港...

爺爺因為唔捨得自己既家鄉,

所以佢去左香港一排就番番大陸~

戈陣咁岩毛澤東---->一個d人眼中所謂既英雄上左位~

用埋哂d咩唔接受異類--->我爺爺岩岩由hk番番大陸,

明明係中國人,只不過係去左hk一排,

就屈佢都係異類,

派人收哂佢地d地同財物,連我嫲嫲d手飾同嫁妝都攞走埋...

所以我老豆同佢幾兄弟姊妹,細細個就開始捱,

要搵錢生活,

一直等到鄧小平上左任,

為左安慰番d"異類",

先每人(曾經比人收左財產同地既人~)派番幾千蚊..

爺爺想生活可以好似以前咁,

好似用左戈幾千蚊同佢由細玩到大既好朋友夾錢做生意,

點知d錢比佢戈個由細玩到大既"好朋友"厄哂仲潛左水...

搞到我爺爺好傷心..

冇幾耐之後佢有日o係條馬路到踩單車,

唔知係咪係咁諗野既關係,一唔注意就比架大貨車車死左...

 

就係咁,成個家族從此就過著清貧既生活...

 

我嫲嫲50歲尾60歲到就開始老人痴呆,

成日諗番起以前既事,

仲越黎越嚴重,

對佢黎講一生中最重要既野就係爺爺同埋自己d嫁妝,

所以"毛主席"帶比我啊爺既傷害,

同時間亦都將呢d傷害帶埋比我嫲嫲..

因為老人痴呆既關係,

佢成日不斷講以前d傷心事,

有講爺爺既事,比人厄既事,同埋自己d手飾同嫁妝被沒收哂既事...

而e+所發生既事就成日唔記得,

聽我媽咪講我嫲嫲本身都係出身有錢人家~

初初嫁比我爺爺戈陣係個好幸福既少奶...

聽完我家姐講我先知原來以前發生過d咁唔開心既事...~

e+我嫲嫲已經唔止老人痴呆,冉精神仲好有問題...

佢有時有少少刺激就會自己撞頭埋牆,

又會突登跌低搞到成日仆到傷哂..

(當佢唔聽話,比個仔話佢幾句戈陣就會突登傷害自己..)

今日同我大陸既姑姐傾完計,

佢話嫲嫲呢排又嚴重左...

無啦啦o係屋企到除衫...

唉...

 

我成日覺得,

我地個家族會搞成咁,嫲嫲會痴呆到咁,我爺爺會咁早死,

都係因為毛澤東...

當我知道左以前發生過d咁既事戈陣我真係好想好想講出黎!!

我本來可以係有錢人,你明唔明?

我啊爸本來可以讀埋中學讀埋大學!

本來可以唔使捱到咁辛苦!

本來我啊媽都可以唔使捱!

本來我都唔使擔心自己將來讀完呢科會敗家!

你明唔明!?

好憎佢,真係好憎佢...

不過事實已經變成咁,

已經過左咁多年,

憎佢咁又點?可以點?

 

我唔想認命啊!!

我唔想父母再捱,

我一定要搵好多錢!

放埋呢個假我就會好努力好努力讀書!!

希望我+我家姐+我啊妹,

將來可以成為我地家族入面最有出息既子孫!

好似誇張左少少...

 

 

我唔可以再令屋企人失望了!

不過請容許我悠閒地過埋呢個假期先...=.=

 

唔打喇~byebye~