8/6/2006

今日係第3次改既SWIMMING GALA....

一早就搭輕鐵去元朗,撞到蘇刨...黃世傑同SAM哥,

好無聊咁坐左3個鐘....

then放左,

就同N,Flora,肥gap,LingLing,KK,小君,凱琳一齊去食lunch,

小君終於買到禮物俾佢細妹,

係杯來的。

跟住就見到古仔佢地好多次,

原來古仔唔見左銀包+MP3...

要我地一大班人幫佢諗....幫佢搵,

點知就係佢個圓筒SUPER X袋度搵到....

都唔知佢係咪有病...

咁細個袋都會搵唔到,

跟住佢地班男仔知道原來係佢袋度,

即刻就追住佢,

仲話要圍攻佢....

仲俾商場D人話,好瘀呀...

我地即刻話唔識佢地...真係衰!!

跟住就行去千色影貼紙相....

有D不快...太多人,影唔到...

N,肥gap同我第2次影唔到...好似好阻礙咁,

不過就唔關LingLing你地事...

恕我地跟不上你地吧!!

咁我地就走先...四點幾就返左屯門,

返補習社做數+自修。

4/6/2006

一早起身同老豆去游水....跟住就返屋企...玩左4個鐘電腦...then就努力溫書!!!!

今日整左幾個stuff....

又改SKIN啦.....這是親愛的KARY呀!!!就連歌都轉埋...

估唔到佢會係我第一個用廣東話歌做bg music既人。

都是Kelly Clarkson最可愛....百聽不厭!! CHANGE BG MUSIC:::Kelly Clarkson - Behind These Hazel Eyes

3/6/2006

lee兩日都有玩電腦....下個禮拜就真係唔准玩嫁喇...乖D啦!!!(TALK TO MYSELF...XDD)

今日一早八點起身...返補習...同Andy幾個係度講THE DAVICI CODE...真係冇得頂呀lee套戲~

十一點幾放左...同老豆食brunch...仲同佢去兜風....入左碼頭...又轉番大興....跟住返屋企....玩左一陣電腦....去到三點幾....正式溫書!!! 間中掂掂部腦啦....節制下啦!!!

then去到六點幾...諗住幫呀N burn碟...點知部腦拎唔番隻碟出泥....我就好衝動地重新開機...但我忘記了自己是沒有老豆重新set既password嫁....(我叫老豆set個新pw,係我考試之前都唔可以講俾我知。)跟住就3個鐘冇玩電腦...等我老豆返...佢九點幾先返...我唯有睇野豬...仲睇埋5 takes....終於等到佢返...開電腦俾我...真命苦唷。

又有stuff啦~....今次張wp怪怪地咁....算吧!XDDD

2/6/2006

今日Miss Cheung一入泥就鬧鬼LingLing,LingLing又衰,又係度傻笑....攪到又要冇啦啦俾佢鬧!!

跟住IH.....本來係Jason先,佢冇帶碟...到Star果組先....雖然係有D悶,但我都好留心去聽嫁。

兩堂英文, 悶....英文愈來愈悶啦....Miss Lo唔好遺棄我地呀~

RECESS::: 溫中史....

CHIS....哎呀~又衰寫錯字,今次寫錯左好幾個呀....想死呀!!!!!!!!!

MUSIC....何sir同Miss Dai調左堂....又是IH...到Movie....都OK呀~ Jason同Dennis係度講Sex Movie....嗌交咁....傻傻地....呀sir係度,都講一大堆lee D咁既野。

LUNCH TIME::: 好大雨呀!! 紅雨....落去拎飯都濕曬呀!!! 返泥....仲食緊飯既時候...Jason同古仔佢地係度傾計...傾傾下...古仔好大反應...原來Jason又話古仔仲意N....都話左唔係啦....雖然佢地真係好fd...成日一齊玩...一齊睇戲....但古仔都唔知講左幾多十萬次...佢唔係仲意呀N嫁喇....都仲係要講....古仔then就發脾氣...衝左出班房。

轉堂時....我扮和尚...又扮神父...又同Jonathan講DAVICI....話佢要做D咩宗教儀式...笑爆....佢勁無奈,,,KK就狂笑....阿鍾實在太衰啦....

Science....呀sir唔記得今日測atom....本來好鬼開心....點知佢話星期二再測....大失所望!! then就講Density...都幾易呀....冇難度。

兩堂中文...悶到傻....但都要留心聽....終於講完"想和做",講"有用與無用"...OK吧....又講大道理啦~

放左學...上N屋企同佢地講埋IH present既野...then六點幾就返屋企....今晚係我同老豆兩個食飯...呀媽同家姐返左大陸呀....