3/5/2006

琴晚橫風橫雨,成日都噪醒,都訓得唔係幾好....仲要今日D堂特別悶....唉!!

reading period已經死左...睇睇下書,就訓左o係枱,好彩何sir睇唔到。

第一堂,music....唱Edelweiss...諗起The Sound Of Music,lee套戲真係超正,我都睇過四五次,情節雖然好簡單,但係lee演員真係做得好好,前幾日同Sarah游完水,見到佢果隻電視原聲大碟....我已經流曬口水,依家聽多幾次,真係好想買呀....不過lee排都係冇咩$$嫁喇!!慘慘....

跟住英文堂...D人又係度串Miss Lo,好慘呀佢...你地班死仔成日都蝦Miss Lo,Miss Lo真係超級有耐性,佩服!!

RECESS::: 超支力,訓左一陣....今個recess勁無聊耶~

兩堂成長新動力,今日個topic好悶呀....訓左十分鐘。

LUNCH:::食飯....大家都累到傻左,眼訓到死!! 食完飯...各位好同學都係係度抄抄抄抄考功課。

兩堂IS....一堂就聽呀sir講書,都唔算好悶,冇釣魚。第二堂就係度做IS WB....係咪好無聊呢?!

到最緊張既時刻啦.....調位!!!!!!!!噪到痴線呀D人....Jason竟然同蘇同學坐...笑爆,抵死~呵呵 肥gap就同小君,LingLing,凱琳坐....咆哮團耶~WOO..HOO...  N就自己一個人坐單邊,都唔算好慘姐~ Flora就同高達坐,佢好似好唔開心呀....別傷心吧!! 我呢....我就同YA文坐...估都估唔到,前面就黃世傑,佢旁邊就Simon...我左手邊就Jonathan....左邊一個大聲公,右邊一個頭皮佬,有排受....不過都應該幾好笑~好耐未同過男仔坐呢!!

今日就係咁多....等我post番之前D相出泥先!!

(((((((((((((((                      海洋公園之旅                            )))))))))))))))

↑↑↑↑↑↑↑由左起....N,Flora,Sarah,MM↑↑↑↑↑↑↑↑

↑↑↑↑↑↑                      水母呀!!!! >v<"             ↑↑↑↑↑↑

    ↑↑↑↑跳樓機,過山車.....UlTIMATE HORRIBLE↑↑↑↑

↑↑↑↑↑↑↑↑↑↑↑↑↑↑↑↑↑↑↑↑↑↑↑↑↑↑↑

由上至下,由左至右....

第一行::ME,肥gap)) 

第二行::Sarah,MM,N,凱琳,小君,LingLing))  

第三行::Flora))

↑↑↑↑↑↑↑↑↑↑   學校後門    ↑↑↑↑↑↑↑↑↑↑↑

(((((((((((((                      Made In New Zealand                 ))))))))))))))))))

↑↑↑↑↑↑↑              可愛的馬馬...              ↑↑↑↑↑↑↑

↑↑↑↑↑↑↑        NZ夜景...好美啊!!!            ↑↑↑↑↑↑↑

↑↑↑↑↑↑↑            SKY TOWER                  ↑↑↑↑↑↑↑

2/5/2006

過左兩日假,又要返學,真係想死....琴晚成十一點十二點先訓,今朝六點就要起身....脈訓死唷!!

一返到去,就同佢地堆埋一齊傾計....又俾人問拎功課抄抄抄抄考!!!

今日果個早會勁快完,搭半開始,搭八就完....then Miss Cheung就係度發up風,又講佢班細路...etc。

第一堂,就係神聖既Ms.Miles....真係想死,已經夠眼訓嫁喇...仲要聽佢係都唱催眠曲,釣魚地度過。

跟住中文先開心,同LingLing係度攪破壞,又係度講埋D無聊野...突然間Dennis唔知講咩,爆出一句小露寶,then Miss Cheung又順勢話肥gap係小露寶....笑到呀媽都唔認得....跟住LingLing就話肥gap唔係小露寶,係偉大既小"城"堡...跟住佢地唔知講咩話小露寶可以飛,我就話佢有個直昇機頭,so可以飛,再加多句....小露寶帶左竹蜻蜓....完全九唔搭八。又講一大堆海洋公園之旅既野...我完全係失控!!! 我又誚:「巴斯雞田，一沖即掂。」佢就話:「唔係好順口，不如叫『巴斯雞田，一飛即din。』」又正~ 跟住佢又另過泥望我,我就拎出我手型MP5...射佢,點知俾Miss Cheung發現,攪到佢俾Miss Cheung話佢做咩笑得咁開心....sorry呀LingLing。

RECESS:::又控制唔到,係咁白痴...又誚果D海洋公園既野....講番玩跳樓機D好笑野....又大叫....樣衰曬lor...成為今日全班既焦點,好似做show咁!!

兩堂IH,唔玩得....有時發下夢,有時好專心啦....何sir先好笑...講到duties,佢話好憎D人o係巴士上面食野,佢見到係大人既話,就話有禮貌咁話:「先生/小姐,係知唔知巴士唔食得野?!」; 細路的話就會；「小朋友,你知唔知車廂係唔食得野既呢?!」跟住佢又話有一次見到有個學生o係巴士度咬住個包,咁佢就同佢講:「小朋友,你知唔知巴士唔食得野既呢?!」點知樣爆地,個學生冇理佢,咁呢...佢就再同佢講:「你讀邊間學校,知唔知巴士係唔食得野?!」又拎部相機影得個學生D罪證....超變態....又隨身帶部相機+影人相....有點兒恐怖呢~

LUNCH TIME:::食飯啦...我最仲意就係lunch time嫁喇....又係同LingLing,Flora,N,KK,小君,凱琳食飯,LingLing又再一次攪到我食唔到飯...又唔係講,我話N而已...你又話番我....我真係噴飯!!!  食完飯....就開始Happy Hour呀~ 係咁白痴...同佢一唱一和,超開心....Flora就拎D粉筆畫到我件冷衫度....我就追住佢,佢就拎住我件衫,以為我想打佢,我其實只係想拎番件衫姐~ then我今日發神經地同LingLing係度做show....玩玩下,Cindy又玩突襲,我成個訓左o係地下....笑死!! 同LingLing再玩,就扮oscar頒獎....最住男主角-----肥gap("咆哮團之海洋公園之旅").....最住女主角------CaCa Li ("咆哮團之海洋公園之旅")......最佳男配角------肥gap("椰林閣之吵鬧事件")......最住女配角----LingLing ("咆哮團之海洋公園之旅")......跟住最尾我地兩個一齊叫:「為咆哮團喝采!! WOO~」真係超好玩。

then就係英文media.....同兩堂電腦.....好玩爆既一天。9/10分呀今日!!!!!!!!!!!!!!!!!

我終於忍唔住要轉skin...之前果個實在太樣喇~ 今次都係玩番黑白主意,i luv this skin....beautiful ar~自己讚自己tim?! 希望大家仲意啦。 我仲轉埋bg music.....係Kelly Clarkson - Breakaway

30/4/2006

琴晚訓得非常之好,今日十二點幾先起身....起身冇耐,就同老弄呀媽去左飲茶,見到小學果個周sir,同佢say左個hello!!

跟住返泥既時候,去左租碟,租左"一球成名"....幾好睇呀,好感人...又真實啦,完全做曬D運動只既生活...我俾7/10分!! then就好快訓覺lu~ 我諗聽日將會成為我既溫書日....無聊!!!

29/4/2006

經過咁多個人叫我去,我最終都係去左海洋公園一日遊。

一早七點起身,八點出門口,去市中心一齊食早餐,食完之後就出發!!!!!

初初去果時,o係架車上面,肥gap就講左一大輪鬼故...嚇鬼死Flora,攪到佢有少少對玩跳樓機既信心動搖。

以下文字含有可怖成分,請各位注意!!!!

皆因個故仔係咁既:::就係日本有一個女仔玩跳樓機,D頭髮太長,去到最高果度,kick住左o係個跳樓機度,一跌落泥,成個頭甩左出泥....then坐o係佢旁邊既男朋友就經過lee件事以後,就傻左,入左精神病院,因為個女仔最後一句說話就係:「我都話唔玩嫁喇!!」    (肥gap同N說這個並不是鬼故,是真有其事的。＿│－│O )

我地去到就分兩隊搭吊車,我就同N,S,肥gap,mm一架,一堆友係度嗌交,噪到死左!!

《 動感影院 》

我地一去到都冇方向感,見到就玩啦....$10...OK吧! 有點兒白痴....但D水噴出泥,好攪笑。

《 越礦飛車 》

我地一上到去就衝左去玩越礦飛車....睇佢果樣,仲以為佢好粹料,點知原來咁鬼恐怖....第一次同LingLing玩果時就超級驚呀,果D衝落泥果下,真係勁恐怖!! 第二次同N就好少少,冇咁驚...但係都係成個人硬,定住,嗌到勁大聲,好唔冷靜。第三次同小君就勁咆哮,正係識得嗌,有時嚇親旁邊果D,不過都唔夠我旁邊果個驚,狂擋住,唔敢睇...  我好好笑,就話:「你睇下D風景啦,好靚嫁~」但係太快,又好噪,佢咩都聽唔到。

《 滑浪飛船 》

玩完越礦飛車,就去左旁邊既滑浪飛船玩,幾正呀....Flora一路好似好驚咁...捉住我條腰,我勁驚佢會捉得好大力....一衝落去果下都幾正呀...肥gap幫我地兩個擋曬,佢一個人濕,我地兩個完全冇事。我地落泥等N,佢地濕到呀媽都唔認得...個頭好似岩岩沖完涼咁!!

《 太空摩天輪 》

同LingLing坐埋一架,係咁轉...我地係咁嗌...轉到頭暈眼花,落到泥...就講番一聲:「終於安全著陸!!!」玩完lee個,大家都唔係好掂,休息左一陣。

《 海盜船 》

真係幾好玩呀....第一次玩既時候,我望住小君同凱琳,兩個個樣超好笑,一個正係識得笑,一個正係識得驚....我望住佢地,都只係大笑,then落到泥,小君問我:「好好笑咩?!」跟住我當然話:「唔係啦~」第二次玩...全女班,六個女仔一齊拎起大家隻手去玩,嚇到佢地死下死下....第三次就揀最後果行坐,真係驚D,全部得我一個舉起隻手...無奈中!!!

《 瘋狂過山車 》

初初俾佢個樣嚇到...then玩完先知原來浪得虛名,仲low B過個越礦飛車。第一次就同LingLing玩就有少少怯,咆哮一輪,但一玩完之後先知原來一D都唔驚,仲幾好玩!! 又再去玩,第二次同阿N玩就放開曬手,嗌左幾聲...都唔駛嗌...好快就玩完!! 第三次同Flora玩,我地兩個即情o係上面約定一齊唱"Because You Live",後面Sarah都聽到,我係倒轉果時都照唱,我都冇諗過我會咁大膽...好ko0ol呀~!!

《 飛天千秋 》

玩左一輪刺激少少既野,就玩番D輕鬆既...fing下fing,都OK好玩呀....我地仲o係上面唱"I Believe I Can Fly"...好好笑!!

《 翻天飛鷹 》

lee個初初都冇咩感覺,玩耐左就暈陀陀....真係唔好睇佢外表好似好普通咁!! 玩完落番泥,都要問下自己係邊度。

《 極速之旅 》

一直都想玩好耐既跳樓機,好想挑戰佢...廿層樓就睇佢有幾勁!! 第一次玩就同LingLing,小君一齊...因為我promise左LingLing去到最高果度一人咆哮一聲...跟住鎖好安全帶,小君講一句:「媽咪,我好驚,可唔可以唔玩?!」then我就好型地講一句:「已經太遲啦。」升上去,愈泥愈高,都幾驚...但個view真係唔錯,去到最高,我完全失控,我同LingLing亂嗌一通....不過嗌住又真係冇咁驚。落返泥之後,Flora佢地話聽到我地嗌,正係識笑,都唔識驚。第二次就拉埋阿N泥玩,佢好驚...但我地死話唔驚,叫佢一齊玩...我就話我上到去要唱"Because You Live",我以為講下啦,點知我真係唱曬成個副歌....仲個個都聽到我唱咩~ 上到去時,阿N又捉住我隻手,睇泥佢真係幾驚....SORRY!! 但佢玩完,都冇後悔呀~

《 水母館 》

我地初初第一次經過,超多人排隊...排到出泥...then咪唔睇住lor.....玩曬返轉頭,見到佢咩人都冇,不知幾暢通無阻。OK幾靚呀...不過就太黑同埋又整埋D鏡,我差少少撞左埋去。最後果part先好玩,有個感應定唔知咩野...你一掂個screen上面D水母,佢地就會向上游,都幾得意呀!!

《 海洋館 》

我地去唔到水母館,就去左海洋館...都幾靚呀,又多魚....好正....幾層咁!! 係逼左少少姐....如果唔係就仲好,可能係個個都太熱,入去嘆冷氣。

玩曬之後,我地就坐吊車走啦....又分兩隊,今次就同Flora,凱琳,小君,mm....一班白痴友係度大嗌,同對面車既肥gap佢地玩....LingLing仲爆粗,樣衰曬啦~又兩隊係度鬥背"木蘭辭",幾攪笑!! 大家仲想玩多D野嫁,不過唔夠時間,下次再玩過啦!!

搭車時....大家傾好鬼多野,又講D讀書心得,我講左一大堆廢話,佢地仲話我好準,話我係心理學家....唔會掛,都係個人意見而已。

then八點幾返到泥屯門,大家一齊食飯...行左好多間先有位,去左椰林閣食飯,大家又傾左一大輪計啦,講左好多野...傾到唔捨得走....餐飯食左兩個幾鐘。十點左右返到屋企,同呀媽呀爸講我今日有幾開心,講左成半個鐘....then去沖涼,打xanga....跟住就去見周公,發個好夢!!

Total:::

《 動感影院 》x 1

《 越礦飛車 》x 3

《 滑浪飛船 》x 1

《 太空摩天輪 》x 1

《 海盜船 》x 3

《 瘋狂過山車 》x 3

《 飛天千秋 》x 1

《 翻天飛鷹 》x 1

《 極速之旅 》x 2

p.s. 今日真係好開心,大家一班根本冇可能會一齊玩既同學,一日之間變到好得fd....我一個男仔頭竟然會同咁女仔化既小君,凱琳咁多野傾,咁投契,我又估唔到佢地兩個外表好似好細膽,點知我玩咩,佢地都好似樣樣都有跟泥玩!! 大家根本就唔會想像到會走埋一齊玩...真係好難得。今日我地咆哮完,突然多左個新花名----咆哮團。仲要今日天氣好好,雖然間中有少少好微既雨,但都冇真正咁落雨,證明個天都好錫我地,想我地玩得開心,有一個快樂既假期....多謝大家呀!!!為咆哮團喝采!!!!