22/5/2006

今日我lee個睡火山最終都係爆發左...別嚇到你吧?! LingLing

我是很冷靜!!!>v<"

21/5/2006

今日九點幾就起左身,都唔知痴左邊條線..XDDD 一早就出去,陪老豆買野....租碟+買早餐...返到屋企就玩電腦....勁玩photoshop....整左好多stuff!!! then又打牌,又溫書,又睇VCD....仲訓埋午睡tim....跟住十點幾就訓左...好無聊既weekend呀。

有小池幾個icon&wp....仲有兩個天后既icons
 

今日睇"魔間行者"...正呀....勁多魔鬼...有少少刻突...但係D特技真係好鬼正....加上奇洛李維斯又靚仔....攪到我好仲意lee套戲...滇技又好....有D驅魔場面好好笑....太好睇喇....所以我俾89/100。

20/5/2006

嘩~ 成1am先打xanga....睇Munich,攪到咁夜啦....差唔多成3個鐘...好慘呀...成日都殺人....好多血淋淋既場面....又有少少色情場面....但到左最尾果個鐘....個5個伊士列特工....一個一個咁死....最後得番3個....                      

第一個死於美人計,俾人槍擊.....第二個就係個公園俾人用刀殺死.....第三個就因為自己殺左咁多人,內疚,自己炸死自己....睇到3個人死左...果個男仔D表情又做到鬼咁好....攪到我都喊左兩次....加埋D bg music...真係好感人!!! 有少少悶場,so我俾lee套戲75/100分啦。

今日就八點起身,順便叫LingLing起身....then就玩左陣電腦+食早晨,跟住就返補習....十一點幾補完就落鋪頭....搵到我平日剪開果個哥哥.....就去剪頭髮+焗油(照舊!!XDD)....薄左好多同短左成吋...原來請左好多新人....同我洗頭果個得十五歲...讀書唔成....不過都OK呀....學左幾個星期....算係咁嫁啦....我就係一個唔錯既教學用具!!! :p 哈哈....南官小朋友:::星期一請留意啦~

19/5/2006

幾日冇打日記...俾LingLing鬧左幾廿次...SORRY!!!

lee幾日都冇咩特別野發生....只係前幾日打風,黑仔左少少....落勁大雨,咁放學諗住同佢地去食KFC啦....勁大雨,又大風...我把遮反曬...又俾D風吹住,行都行唔到....真係好樣衰呀....佢地仲係度笑...激死!! 已經夠樣衰嫁啦..仲要電話響....真係想死呀~

今日就好笑吧!!! 特別係ART!!

返到去學校...熱死!! then睇書睇書-------克隆危機,幾正呀lee本書,不過有少少複雜,要諗既書。then Miss Chan突然衝入泥話check鞋....小君真係唔好彩,俾佢捉到....又要買果對新...DON'T BE SAD!

MATHS, 睇書睇書....呀sir講泥講去都依然係SIMILAR...三角形唔算太難呀...應付得泥!!

IH,講香港....講得勁快,吸收得唔係幾好....車~邊駛聽得咁辛苦呀?! 都唔駛考...激死。>v<"

中文...說話訓練....聽佢地講講講...乖乖地坐o係度~

RECESS::: 傾傾講講...同佢地去toilet洗罐,等art堂用....係咪好無聊呢?!

A&D x 2 .....做圖騰...唔難呀...小學做過,貼三四層報紙...舉手之勞。同Stephen係度白痴,佢又係度要人讚佢整得好....收皮啦~二胡佬!!XDDDD 又勁講笑...呀sir正係識得叫我地唔好正係識得講笑,要做野。咁Jason就唔知講咩講到唱薛家燕....LingLing就話唱"熱咖啡"...D人就話要Stephen拉二胡...咁我就話佢地成日去屯門公園同D呀婆爭場.....仲話LingLing係最冇義氣果個,D康文署既人一泥,佢就第一個走左.....跟住D人全部聽完就係度笑.....then佢就反擊,話CaCa要唱Because Of You,咁我就拋個波俾Flora,話Flora咪要唱Because You Live?! 笑爆呀!!!!!!!!!!!!!!!!!

LUNCH TIME::: 今日Flora好奇怪,冇講過野...唔知係咪有心事,問佢就係咪都話tired...都唔知係唔係!! then正番唔係好多人....兩個Henry,古仔,Billy,星星,LingLing,N同我突然係度講細個果D卡通片...講到勁興奮....連我平日最仲意既南官點唱站都冇留意到聽到....哈哈~

PTH...成日要人大叫D組名....累死呀....Jonathan,Simon,Stephen,N名我成日係度傾卡通,佢地係度講數碼暴龍....Simon原來都仲意睇咕嚕咕嚕魔法陣....又係果個呀伯吸引大家...真好笑!!!

ENG....Ms.Miles堂,死左半條命....要聽掛?! =="

放左學就上N度做project....then就返屋企玩電腦訓覺啦~

15/5/2006

今日真係黑到爆....唉~ 頭個5堂都冇咩特別,但一到Lunch time...XDDD

咁食飯啦...一切正常,但Dennis拎住罐coke入泥....一開.....喔噢!!!

噴到我成面到係....Flora個位都型,咩都濕曬...LingLing都濕埋...N就即時彈開....KK就thanks N整到佢跌落地,咁樣佢就冇俾人噴到...可惡!! >v<"

就係咁啦....then佢地話toilet D水好勁...成班拖左我去睇....咁我咪去lor....then我就話D水點解會彈...LingLing就覺得我唔信佢...佢就禁一次俾我睇....then我當然就成條裙濕曬....抹都抹唔切...仲要透曬....激死...

依家係22:58pm掛起左一號風球....希望明天會更好...一天得解脫就是解脫。