今日打左成日波,

我發覺,我越來越鍾意籃球呢個運動。

冇咩特別,打完。

今日同呀樂去交表,跟住去打波,

打打下有對情侶係到鬧交,無奈,

跟住無耐又有對夫妻係到鬧交,

哇!今日咩日子呀,咁多人鬧交,

打到7點閃左,番去食盒飯,

咁住睇8點半同9點半,

笑死人。

今日要去覆診,係醫院等勁耐先到我照x光,照完仲要等拎x光片,

跟住去見e生又等左45分鍾(算快,唔係我同個e生熟起碼等粒半鍾)

緊住e生話個手術做得好好,再約一年後見,唔知要幾耐先唔洗再覆診。

等到7點半約左呀俊去游水,佢都約左好多人,我發覺同呢班友仔游水係好好玩,

同佢地玩到扒係到,最後去左食m記。

今日鬥左好多場波,我今日唔知食左d咩,

d遠射準到呀,我自己都唔信,狂入,哈哈!太爽啦。

7點幾走左,跟住街場d人同我講左句:88啦神射手,

跟住回左句:唔敢當唔敢當。個心係到諗,我真係佩?當然唔係啦,-6姐。

最後去左大快活食豬扒。

4點去左打波打到夜晚7點去左食飯,

跟住呀爸車左呀媽番去,我同呀妹就慢慢行,

行到火車站有個婆婆問我地路,佢仲叫我地帶埋佢去,

我心諗又得閒,斷估個呀婆都唔會係騙子掛,佢仲要係講普通話嫁wo,

咁咪做好心送佢去佢屋企,最後當然係平安送到啦,個婆婆仲叫我地入去飲杯茶,

我地話唔洗啦,跟住就走左,點知落到樓下見到呀斌比佢搶左個波(果陣我渣住個籃球)

唉!做完好事都冇回報既,不過個心情都幾正嫁wo,做多幾次都唔拘啦。