今日飲完茶之後就返左屋企,

玩左一陣就同表姐佢地去佢間新屋,

仲未裝修好,

而且又冇風,

勁熱...

之後表姐既舅父佢地黎左,

由於我同佢地好熟,

so冇咩唔好意思,

但係!!!

舅父佢3歲既女好驚陌生人,

一見到我即係抱住舅父喊,

但係明明新年既時候我仲同過佢玩,

佢唔記得我啦.. 

佢真係喊左好耐,

搞到我企係個露台唔敢入去,

勁尷尬囉...

之後我地就走左lu,

返到屋企拎埋d行李就走lu...

返到hk就直接去左姑媽到,

點知我一到停車場就係咁嘔,

嘔完就好暈, 

一企起身就白色一片,

差小小就暈左係地下,

之後就捱到去姑媽屋企樓下既車場,

又再嘔過,

嘔完又係咁暈,

行2步就好似暈低咁,

有個阿叔行過,

同我爸爸媽咪講左好多野,

我完全唔知佢講緊咩...

終於上到姑媽屋企,

我塊面完全冇血色,

姑媽俾我嚇死,

真係好唔好意思呀姑媽!!

訓左好耐就冇事啦,

即刻同表哥表姐玩,

之後就厄玩wii,

中暑真係好辛苦,

so大家要小心啦!!

飲多d水呀!=]

今朝好早就起左身,

執完野就去左食桂林米粉,

之後就返返屋企抖下,

9:00拎住d行李搭的士走lu,

真係好唔捨得屋企...

去到機場坐左一陣,

因為係包的士既關係,

公公婆婆要走lu,

佢地要返屋企啦,

好唔捨得,

我仲同公公婆婆講我下年有時間一定會返黎!!

之後我地就入左閘,

黎桂林既時候,

因為皮帶同鞋都有金屬,

so部機係咁響,

仲要俾人摸,

勁尷尬...

等入閘既時候我仲買左2本書,

上到飛先知自己個位冇窗,

勁唔開心囉,

咁q貴既飛票都冇個窗俾人,

仲要係得幾個位冇窗,

而我地就係咁岩果幾個位... 

太過份!!

返到去深圳我表姐佢地黎左接我地,

由於我地搭11:50分機,

完全係冇食過野,

so我地一行6個人就去左一間西餐廳食飯,

而呢間西餐廳既名仲好特別,

叫:菜根西餐廳

好搞笑!!

就係咁過左一日,

聽日出返hk... 

今日去左象鼻山,

但係要俾$$先入得去,

以前係免費嫁,

我仲入過去好多次tim,

但係桂林政府太過識搵錢,

唔單止要收錢,

仲要係周圍種左勁多樹,

遮住晒個山...

唔緊要,

我屋企係可以望到,

洗咩俾錢佢!!!!

之後去左買特產,

因為聽日要走lu...

係咁先!