今日真係好熱,

完全唔想出去,

只係去左古南門果邊,

買左一杯凍檸茶,

點知有埋咖啡味係到,

d味真係有d怪... 

之後就去左百貨大樓買野,

都係返到屋企最好!!=]

就係呢間野,

佢地d店員係識得聽同講廣東話,

都幾勁!! 

以下係有獎問答題,

請以悄悄話回答,

答中左或者相似既會有桂林特產送俾你,

請看圖回答:

問題:圖中3個馬字果個字點讀呢??

期待你既答案!!

今日好早起身,

食完早餐就去左跟團去玩,

因為跟團會平好多,

首先係去冠岩,

係一座穿過幾座大山既洞穴,

有好多好靚既風景,

有條高３４米既電梯,

有小火車,

有船,

因為洞入面有泉水,

形成左一個大湖,

搭船真係好驚,

導遊佢話為左增加剌激,

所以係冇燈,

只有電筒俾我地,

真係好黑,

嚇死我...

食完飯之後就去左古東,

古東係一座大森林,

經過開發之後有好多野玩,

包括有攀瀑布，騎馬，坐馬車，溜索，竹排....

我地冇去攀瀑布因為好得人驚,

只有一條鐵鏈俾你扶住上,

雖然有頭盔同草鞋,

但係都好唔安全,

so我地行陸路,

即係行山,

今日氣溫成35度以上,

熱死人,

行高40幾50米高既吊橋,

我一向都驚行吊橋,

今次驚到死,

條吊橋又長,

真係好驚,

之後就行行行...

（以下省略一千字）

就搭車走,

攰死 ...

今日食完早餐就出發去盧寨探舅公,

由於盧寨離桂林市勁遠,

so要搭2個鐘既車去,

去到佢地又係咁傾計,

我同細佬又好悶...

and than去左醫院探我舅婆既細佬,

好得人驚,

佢因為食得太多煙生咽喉癌, 

成塊面係腫晒,

仲見到佢嘔血,

好可怕...

之後去左食飯,

ｄ餸好好味！

食完又去左佢地屋企坐,

６點就搭返２個鐘既車返去,

就係咁啦!