今日有返學,我,yan.maggie都戴左口罩,

個個都問點解我地4姊妹一齊病,

感情好到咁喎...-0-

okok,係我衰,佢地有事都係因為我,

嘉琪,阿希你地病左或者都係因為我,

真係對唔住對唔住對唔住對唔住對唔住.......!!

戴住口罩真係就黎焗死,

第一個小息既時候忍唔住除左....

math堂,無咩野既,都叫跟得上,

Econ勁多人,搞到我要搭枱-.-

都幾鐘意張敏儀教,幾好笑,

中文,肥Kwok教,

仲以為會好惡死tim,

點知佢原來都幾好笑,

會無啦啦講講下書自己係到笑,

糾正懶音,笑死!!

EE因為係晏就,又咁岩食左藥,

搞到我勁想訓教囉...

eng都幾好,邦邦都係一如以往咁好笑!

講返我個病先,

嘔就冇左啦,頭暈仲有少少啦,

喉嚨咳到傷左,d痰係有血@@

好痛囉,幾時先會好返呀?!

其他都ok既,

應該好返會清晒掛!

我突然很懷念從前的3B....

mini happy birthday!!!

祝你愈黎愈靚女xD

今朝起身探熱,37.8^oc

返唔到學,把聲唔同晒,

喉嚨勁痛,

食左小小野就食藥,

又撻落床訓教,

11:30食第2次藥,見到藥都想嘔,

一次過要食8粒....

食完藥過左陣就衝左去廁所嘔,

今次真係嘔白泡,

因為食左胃藥既關係....又嘔到喊....

收到mini電話,

佢地3個早退,阿yan,maggie都發燒,

對唔住呀,係我唔好,

傳染左俾你地,

希望你地快d退燒,唔好好似我咁燒足兩日啦....

真係好內疚,對唔住呀...

之後對左電腦一陣,

又訓過....3:30食藥之前又嘔,

一食野就會嘔,

救命.......

之後又係咁訓訓訓!!!

訓醒抖左陣就on左msn,

同阿win傾左陣計又訓過.....

我完全係訓足兩日囉,

突然間好想返學,

好肚餓囉,嘔足3日,

等於我3日都冇食過野,

因為都嘔晒出黎.....

琴晚仲嘔到冇野嘔,嘔埋黃膽水,

勁苦>~<

我聽日應該會返學嫁啦,

我又抖下先,

bye~

今朝起身仲係好唔舒服,

探熱已經係37.2^oc

死頂去返學,

去禮堂聽埋晒d無聊野,

愈黎愈唔掂,

放學又好死唔死同佢地一齊食飯,

返到屋企勁辛苦,

又忽冷忽熱咁,

探熱先知我發高燒,39.6^oc,

其實我琴日都好似係發緊燒嫁啦,

只不過死都唔肯去探熱.....

訓左2個鐘左右,仲嚴重左,

企都企唔穩,唔好話行,

勁暈,仲係咁嘔,

之後老爸扶我去睇醫生,

因為太多人,要等好耐,

等既時候我真係想死,

真係好辛苦........

醫生話我係流行性感冒,

喉嚨發炎,

如果2日都退唔到燒就要去屯門睇,

我勁驚囉,

等拎藥既時候我頂唔順,

衝左去廁所嘔,

又死頂到返屋企食藥,

食完又訓左好耐,

諗住應該會退燒啦,點知冇,

仲高左@@39.8^oc

之後一食野就即嘔晒出黎,

唉....

大家都要好好小心身體啦,

如果好似我咁就好慘...