今日姑媽同埋表哥佢地黎左,

因為要表哥幫我整電腦xd

成日無啦啦熄機....

飲完茶返左屋企一陣就出左去學oral,

我地一見到大家就係咁講返琴晚,

我同穎研最早到,

我地兩個女仔係咁發姣,

勁話評判好靚仔,

讚到冇得再讚xd

之後人齊,

連阿sir都講埋一份,

阿sir羨慕,大家都讚佢=]

成班發晒姣,

連平時好少出聲既浩彰都講埋一份,

勁開心xd

唔知係咪講得太開心,

成班答阿sir d問題答到唔知似咩,

阿sir問我地做咩會咁,

我同穎研答佢因為好掛住靚仔評判,

勁開心咁就過左一堂,

上埋今個月就唔洗上oral啦,

好似有d唔捨得大家xd

聽日比賽,

多謝ying,抵鍚啦!!=]

希望係靚仔評判啦,

慘,發姣發到咁,死得.....

仲有希望聽日唔好出錯,

因為有一part成日卡住...

仲要唔好唔識路xdd <---呢個係重點!

明天2:15p.m - 5:15p.m

早d訓先xd

注意:本文章明顯地係發姣日誌,如果你會呷醋或其他原因既可以禁上一頁啦,多謝合作!

今日比賽,um...冇咩點驚,

食完早餐就走左去剪頭髮,

都唔知做咩冇啦啦好想剪頭髮,

洗頭15分鐘,吹頭10分鐘,

等Daisy30分鐘,

我就黎等到傻..........

等左n咁耐都先係剪左好少-0-

自己都想暈低....

then回家練琴,

6:30約埋阿琪一齊去屯門比賽,

我地兩個d話題似乎都離唔開琴,

因為佢係我oral班既同學...

我地係咁話:不如叫Gary sir減肥,見到佢好辛苦...

好好笑=]

去到岩岩好7:15,好彩姐,

我第4,阿琪第8,穎研第20,楊雅第24,浩彰小朋友第32,(即最尾..)

oral班個個有份,睇黎有排鬥...

真係一d都唔驚,

最諷刺係講緊話嚴禁飲食,

後台琴行既人居然係咁狂食野,

真係唔知講咩好...

上到台見到評判勁靚仔,

即刻更加比心機彈xd

小小甩左,不過都ok啦,

等埋阿琪彈完兩個即走,

走去食飯xd因為有排等....

一邊食飯一邊話個評判靚仔xd

發晒姣;)

食完返到去岩岩好仲有3個,

浩彰小朋友好得,

俾個good你!=]

到評判講野,

即刻勁留心,佢好有型,

又勁,又高大,把聲又好聽,又搞笑,

哇!!真係近乎完美,外國人的確係唔同d

(拿拿拿..!!!如果你睇緊唔好呷醋呀xd)

第三名,穎研,85分,仲有一個唔識佢...

第二名,唔識佢,更加唔知佢幾多分....

第一名,楊雅,88分!!!我都估到嫁啦,佢咁勁....

哈哈,見到佢地拎獎自己都好開心=]

返到屋企都11:30左右,

後日比賽,

我勁希望係靚仔評判!!!!!!

而家諗起佢個樣都勁開心,,哈哈哈!!!!!!!

今朝訓到8:30先起身,

食完公公煮既早餐就出左去買野,

買咩?當然係去超市買手信啦!!

超市係買手信最好既地方,

一次過有齊晒,

唔洗周圍搵xd

買左勁勁勁多囉,

有d俾屋企人既,

有d俾姊妹既,

有d梗係買俾自己嫁啦xd

咩都買一餐,唔理好醜,

買左先算xd

全部手信加埋買左200幾300左右,

我而家先知我地成家買野係咁豪爽....

買完返屋企放低之後又出去,

今次係去食桂林米粉,

冇錯又係佢,

因為返香港冇得食>~<

食完同阿e係咁傾計,

攪得人地冇得做生意,嘻xd抱歉囉

返到屋企hea左陣,

玩左陣又食飯,

公公婆婆好鍚我地,

好多好餸xd

食完飯call的士去機場,

好唔捨得公公婆婆囉....T^T

去到機場check in,行李托運,

之後就係咁等,

等左2個半鐘-0-

因為飛機delay(落雨既關係....)11:00先上機,

搞左勁耐先飛....

個空姐好搞笑xd

夜機冇咩好睇,最好睇既係閃電!!!!!!!!

係我身邊係咁閃,

好靚xd不過驚驚地....

起飛果時我同媽咪都好想喊,

眼濕濕咁...唔怕,我地下年又返黎!=]

等我呀:)

返到深圳又搭的士,

(個的士司機好似蔡炳....)

過完關又搭的士,

返到屋企2:30am

攰死,聽日仲要返學,

變態!!!!!!!!!!!!!!

今日搭的士總共搭左$380....

第一次搭咁貴.....

唔想返學><

兩隻由細陪到我大既石狗xd(我好愛佢地...)

好有親切感=](亞綸係橙色果個,我影唔到...)

公公用心煮既晚飯,好好味:)

家中某一角.....