今日又跟團去玩啦,

6:30起身,落好大雨...

教大家一個桂林坊言,

朋友--->狗肉 (我都唔知點解...)

提醒一點,"狗肉"係冇男女之分嫁!!

第一站:劉三姐珠寶行

            好明顯想搵錢,賣既全部都係貓眼石!

第二站:大榕樹

             劉三姐同阿牛訂情既地方,

             棵樹好老...唔得左有幾多年....

第三站:廟

             真係唔知點解成日都去廟...

第四站:聚龍潭

             又一個洞,幾靚既,

             真係會搵到好多龍...佢話龍王係到住...

第五站:月亮山,

             真係好靚....

第六站:游漓江,

             坐艇仔,好舒服,睇風景,

             可惜天公不造美,

             返去既時候落勁大雨,

             成身濕晒,不過好爽xd

完成一日行程,

好充實....

明天搭120:30機返黎!=]

聚龍潭入口...

月亮山,我一邊食飯一邊睇月亮xd

游漓江(不便放自己相上黎..xd)

雨中既漓江,別有一番風味,幻真幻假,我個人覺得仲靚=]

 

又係8:30起身,

琴日玩左成日真係攰到唔識起身,

今日去睇橋!

其實都唔係既,

本身諗住去西山公園玩下,睇下野,

搭左5個巴士站左右啦就去到,

會門口都幾靚既,

可惜諗住入去果時個"實Q"攔住我地,唔俾我地入,

原因係有桂林身分證既係免費,

我地講晒桂林話佢都堅持,

我地邊到有姐,何況咁細個公園,

唔會值廿幾三十蚊去睇囉,

so成家係咁睥佢,之後先走xd

冇得去公園就去左睇橋,

um....幾有特色!!!

最後係一路睇一路行返屋企...

夜晚訂左兩枱,請晒公公d朋友親戚,

一齊預祝公公生日!=]

哈哈,

又見返晒你地啦,姐姐你依然係咁好笑xd

紫微又係肥妹仔一個,冇變喎=]

上年仲勁有禮貌既阿嫂(應該係咁叫掛....因為我唔叫佢嫁xd)

搖身一變做左大肚婆,

勁冇禮貌,一坐低人都未齊就叫上菜,

重點係我差d認唔到佢,

因為佢樣衰左勁多xd(細聲d...)

唉....可悲.....

係咁先,冇咩想打;)

西山公園

麗澤橋

凱旋門大橋

唔知叫咩既小橋xd

注意:本文章水蛇春咁長,加上有大量照片,如果你係冇耐性既話可以禁上一頁嫁啦!!!!!

 

6:30全家起晒身,

因為8:00要跟團去玩xd

真係攰到死,一d都郁既衝動冇....

今日個天陰陰地,好似想落雨,

不過無咩所謂,

唔曬仲好xd

我地今日既旅程係:樂滿地+世紀冰川

簡介下呢兩個地方先:

樂滿地:一個迪士尼+Ocean Park既混合版,

             分好多個主題樂園,好多勁得人驚既機動遊戲,

             非去不可!(最中意佢有個潑水節,好玩xd)

世紀冰川:一個天然既山洞,洞入面大部分都係河流,

                 有一個好壯觀既天然大佛同夜明珠,

                真係好靚,非去不可!

首先一去到樂滿地就俾阿哥扯左去玩"驚濤駭浪",

勁驚,佢係不斷轉,轉到半空成個人會倒轉左,

仲倒轉轉返幾個圈先落返地,

救命,真係會腳軟,同埋想嘔....

玩會咁激既就玩海盜船,

好得人驚囉,比Ocean Park仲要驚!

係咁叫,我阿哥同細佬係咁話我xd

then成家人去左玩"空中巴士",

有d似摩天輪,但係佢冇咁高.....

因為一開頭玩得太激,

so跟住要去尋回童真,

去左玩"碰碰車"好好玩xd

玩完就落大雨,

順勢成家人就去左玩急流,

勁爽囉,真係好好玩,

如果唔係咁多人排隊我一定會玩第二次囉!!!

玩完就有個大巡游,

好正!xd

4:00左右就出發去世紀冰川,

一入到去有d涼意,

岩晒夏天!=]

好大好靚,(岩洞我成日都去,但呢個真係永生難忘!)

要搭船仔係洞參觀,

佢有一個勁勁勁勁細個"燶",

要大家緒埋一舊先過到,

因為我抱住左個袋,

冇縮得咁埋,

點知咁就撞左落個岩石到,

勁痛,差d整到頸,

好彩有戴安全帽,

如果唔係我頭都穿!!!!

不過見到d岩石咁靚就算啦.....

今日玩得好開心!=]

[成篇野打左半個鐘先打好(汗....)]

po下相先:

勁白痴既3人!

笨豬JUMP!!得人驚到痴線!

準備玩急流,有雨嬲都係會全身濕....

呢位兄台,你滴汗喎xd

十字軍東征!

同你say hi呀!xd

彈弓腳!

總共有6個呢d姐姐xd

um..3個一d關係都冇既人企埋一齊,怪怪地...

樂滿地正門!

你見唔見到個大佛樣?xd

全世界最大粒既夜明珠!

 

終於打完,哈!=]