第一日(7月18日)：

表嫂兩個細佬：大既(峰)，細既(文)！表哥d同事：(小生)仲有佢老婆！(阿咀)仲有佢老婆，細仔，大女，工人！(阿甜)！(阿宏)仲有佢既老婆！

今日我朝早急尿急醒左，不過都成10點幾！咁我地執齊野落街食野！

落到去，食食下野！表哥去接表嫂兩個細佬！食完之後，我地五個一齊搭的士！我全程聽歌！冇乜點出過聲呀！冇計！

我有ｄ眼訓既感覺！之後到左港外線碼頭，我攞左表嫂既眼鏡黎帶係咪好想打我呢！哈哈！

搭船啦！我好驚會嘔呀！好彩！一直睇風景，冇嘔，yeah！停船既時候，忽然電話響！我個鈴聲係我既錄音，搞到我勁尷尬！無奈．．．．．．

落到船，到左南丫島，行到死死下！一到間屋，完全同想像之中唔同！好唔掂呀！我覺得好污糟！

同我地入去既人有我，表嫂，表哥，峰，文，小生同佢既大肚老婆！佢地幾個大人游乾水(打麻雀)！

我就同峰，文出去打羽球！不過間屋出面有個屋簷，搞到個波成日打左上去！好難打呀！我搞到峰好無奈，因為我好屎，

搞到佢執波既時候整親個頭！真慘！勁唔好意思！終於搵到個好地方打羽毛球！可惜，好多蜜蜂巢！

之後，入番去！睇左陣間電視，再打過！不過我比人串我打波冇力！無奈囉！

我表嫂同峰打得好起勁呀！佢地都打得好大力！夜晚，ＢＢＱ，不過燒到黑哂！表哥Ｄ同事入哂黎！

我同阿咀個女(升二年班)傾左一陣間！同佢個仔(得幾歲)玩pair牌！佢話要我同佢玩先食野！同佢玩左一陣間！

之後沖涼，叫左我表嫂入去陪我，同佢傾左好多野！搞左好耐，訓覺啦！阿咀個女好鍾意同我玩，比佢串我矮！

佢個女：(姐姐你讀幾年班呀????)我：(我升中二)佢個女：(姐姐點解你咁矮既????)我：(係呀！所以你要做多ｄ運動，如果唔係，就會好似姐姐咁矮嫁啦！)

訓唔到呀！又訓下醒下！諗起MTRBOY！喊！

第二日：

我地朝早食完早餐，去左游水！但我冇帶泳衣！本來諗住唔落水！但見佢地玩得咁開心！

我著住Ｔ-shrit，牛仔短褲，落水！玩左一陣間，比峰係咁潑我水！救命呀！佢仲要同阿咀夾攻！

跟住文唔夠我潑！攞個筒落黎，潑我水既時候個茼撞左落我個頭到！我即喊！但我即時鬧佢！佢仲要好囂張咁答我！

如果佢唔係我表嫂個細佬，我一早星佢一把！但我表嫂之後鬧佢！抵死！

我勁憎佢！冇理佢！又比峰潑我！救命呀！

游完之後，去食野！搭船走！我訓左呀！但個姿勢好型呀！之後搭巴士去左我表嫂個阿爸屋企食飯，搭車既時候，見到好大個ＭＴＲ　　ＬＯＧＯ無奈，好掛住佢呀！

終於返屋企啦！搞完Ｄ野，訓覺！

第三日：

今日冇乜野呀！同我表嫂落街打羽毛球！變左我表哥同佢打！

夜晚食完飯，睇左陣間電視，我表嫂整好野，我玩左幾分鍾電腦！佢話玩大富翁！

原本我有錢嫁！比佢罰左一萬，賣左Ｄ地！Ｄ地都未買番哂！我又開始有番錢！又比佢罰一萬！

天呀！但表哥比佢罰一萬幾蚊，賣哂地都唔夠錢！佢破產！冇玩囉！而家想去訓啦！唔講住！８８６！