今朝7點幾起左身！之後就刷牙換衫等等！

去到深水埗已經知道自己早左兩個字到！我約左人地8:40！

啤梨媽打比我！佢話個個人要8:50先黎得接我！我未食野！所以買左個蛋糕同包檸檬茶！

個電話響！我係個搵左袋好耐都搵唔到！原來我擺左係褲袋！我終於等到佢！

之後係鴨寮街等左一陣間先搭車！去到西貢！等左一陣間上船！

一開始我都冇野嫁！之後我好暈！我係車度已經食左一粒暈浪丸！

係船再食多粒！之後我地坐艇仔去到第一個海灘，但浪大！我地唔上灘！

再上船去第二個灘！之後再坐艇仔去第二個灘既時候，我一上船，即嘔！

咁我嘔緊梗係講唔到野嫁啦！個男人一上艇見到嘔，講左句嘩！你唔舒服呀！

之後佢就同佢個仔玩！幫都唔幫我！好彩另一個女仔幫我同人講我嘔！

但我都照去第二個灘！玩左一個鍾到，但我係個灘一落水，勁多石，整到我隻腳勁痛！

返到上船，食野！之後隔左一陣，又暈暈地！即刻係船度落水玩！但我用水泡嫁！

同人地傾左一陣間計！上左水，之後食左少少野！隔左一陣，係隻船度沖沖身！

回程既時候我本來聽緊MP3！但隻船無啦啦播魔法同埋感情線！正到爆呀！

之後去左食飯．．．．！我既今日就係咁啦！聽日要去離島呀！唉！我訓啦！

都唔知聽日會唔會嘔呀！我聽日打唔到日記嫁啦！真係唔好意思呀！

今日係咁先啦！886！