我今日成日都諗緊一個人,係我既朋友都應該知我諗既係地鐵男!我每次諗起佢再聽某d歌就會喊嫁啦!

等我講返呢三日發生既事先啦!我星期五去左我阿姨度!但我遲到呀!我阿姨比左一袋大口仔我呀!

我咁有義氣!點會唔比中中呀!仲有兩個特別版呀!仲有,我個日剪左頭髮,都唔知會唔會比佢地笑我!

個晚睇怪物,一開始以為好恐怖,點知感動到由佢開始做既二十幾分鍾喊到落尾!

套戲話林嘉欣原本到個老公仲有個仔住係木屋區!點知住住下,政府話要收屋!佢老公同政府對抗既時候比火燒死左!

林嘉欣同佢個仔係木屋區度住,有一日,佢個仔好乖見到林嘉欣好唔舒服係張床度,佢個仔話媽咪我出去搵野比你食呀!

點知佢個仔搵到野食既時候,上面既磚跌哂落黎!佢個仔就係咁死左!之後林嘉欣一直冇死!但係佢變到好似隻怪物咁!

......之後到差唔多做完套戲,話林嘉欣見到佢死左既老公同佢講,唔好再留係自己既世界入面,我地既家一早已經冇左!林嘉欣先見到玻璃入面既自己個樣變到幾咁恐怖......

總之就好慘!第二日我地返左大陸!成員有我阿姨,我,我姨丈,我表弟,我阿姨個中學同學,佢老公,佢個女!

佢個女一年班!佢地d大人上到去就按摩!我地三個就坐另一張床到做自己野!我地三個唔算好悶!但我寧願返香港!

跟住去左食飯!佢個女教我跳jazz既其中一個簡單既舞步!淨係用隻手!都幾好玩!

我地返黎香港都好夜,跟住我睇獨家試愛,個結局唔係咁好!但有d位我都好想喊!

之後今日我去左踩單車同打波!睇左黑夜!都幾恐怖!都係唔講啦!我想訓覺呀!