一連8日既考試終於完唒喇~終於有得休息一下囉=]真係好掛住部電腦喔^^"

係考試依幾日，我每日都夜瞓早起，希望自己能夠係朝早好靜既時間等自己溫書個陣專注d，不過開頭個幾日真幾辛苦架咁耐無咁早起身突然又要早返所以起咗幾日之後真係有諗過放棄架。不過.........為咗自己只好死頂喇。

第一日我地就考中文同英聽，以前每次考試之前我都會喊定先而且重會諗好多好負面既野，但今次我就同自己講：「放鬆心情去面對喇」所以今次就算我係擔心但就再無好似以前咁耐，幾好~之後個幾日我地就考其他唔同既科喇。

係今個星期二我考完數之後，老師就走入嚟話我知我數學既分數喇，點知我只係得137分喎，攪到我有dd失望架喇好彩佢話我知我重係第2咋，唔係我一定好唔開心。點知...........可能我既諗法幫唔到我令自己有自信反而重害咗我，因為sir佢出咗去無幾耐突然行返入嚟話我知唔係我而係我個fd。當時我彷如有一種一無所有既感覺。之後我個腦突然諗起瑩瑩上星期六同我講過既一番話，佢話我同佢都係一個完美主義者，怕輸而且唔能夠接受自己既錯既人，但佢同我講就因為咁我就要學識接受自己既錯。一諗到之後我就突然間好想喊因為我覺得自己實在好差，實在接受唔到。不過為咗唔想畀人睇得出自己勁唔開心所以只好忍住喇。當我地放學要走既時候又再見到阿sir佢就同我講其實我都考得唔錯架喇同我fd唔係差太遠，咁我就以笑回應喇。

落到學校地下之後我見到我媽嚟咗，於是我就叫佢帶我返去喇。就係返去既時候我就決定借依個時候發脾氣 ，於是我就係咁跑係咁跑(相信了解我身體既人就會知我咁做係傷害緊自己身體 因會我有心臟病同哮喘照計我係唔應該咁做。) 但由於我當時實在好唔開心但又唔可以發脾氣喎 ，咁我就唯有用咁既方法嚟發洩喇。當現到最後換嚟既就梗係-------我唔舒服個頭勁暈勁痛，不過我就梗係無講出去喇(希望見到依篇野既姑娘同老師唔好事後鬧我呀=[ )

到咗夜晚，有一位姑娘問我數考成點，終於我就忍唔住喊咗出嚟，因為我真係忍得好辛苦扮開心扮得好辛苦，如果佢唔問我或者我真係會忍到夜晚先喊^^"雖然得到如果既安慰，但係無幾耐我又再喊過因為我一諗返依家婆婆身體咁差而且依家屋企又.......唉~總之一諗到自己成績差將會面對好多困難。

雖然已經喊完2日，但我個心重係不斷諗住依件事。依家考試完喇對大定嚟講應該係一件好事，但對我嚟講反而更擔心，算喇唔諗喇。