光陰似箭，日月如梭。話咁快2008年又完結囉~依一年真係喜恕哀樂都有齊唒^^除咗有咁多唔同既情感之外，從中都學到好多，得到好多既~依家就同大家一齊回饋下我依年所發生既事喇~@@
1月:我係上學期既考試週入面由於太早起身既關係，係考試時竟然………瞓著咗，真係咁大個女第1次控制唔到自己.點解會咁既??
2月:係我同佢第1個情人節=]我因為咁…….就係新年既時候問親戚點整朱古力喇~^^”亦因為整既時候發現對自己嚟講都幾困難架，攪到自己喊喔^^”真係傻。因為到最後我又整到喎。=]*除咗係我同佢第1個情人節之外，重有係依個月係我第1次見佢d fd添呀@@
3月:當時既我已經返咗教會一段時間，好穩定。重有一個諗法就係希望身邊既人都可以返到教會，因為咁我就幫d fd申請復康巴,但由於有d問題所以要取消我所申請既車。而我就要面臨差d畀人罰款既結果，好彩身邊有好多人幫我，支持我，最後復康巴呇a亦接受我地既道歉，唔再追究。係依件事入面，我喊咗好多次、驚過、擔心過，但同時我就學到以後做野既時候問埋人地攞意見，咁就可以減少錯既機會又唔會麻煩到人喇。除咗我發生咗大年事之外，香港都有架，就係依個流感喇。因為咁我地就要放一個幾長既假,唔知大家諗返轉頭依個假期放唔放好呢??
4月:太忙囉~由於放咗個長假所以趕書中………………為考試喔=]
5月:【512】，相信大家都記得依日。四川大地震除咗令我地感到好心酸，好唔開心之外，我覺得重可以提醒我地人既生命真係好短暫，所以我地要珍惜時間，珍惜自己生命喔=]依家四川重係維修緊，希望佢地早日有返一個屋企喇~
6月:我地既下學期考試又嚟囉，我又係考試既時候變咗一個睡公主囉~(he~不過係唔靚女既公主)好彩我唔係瞓咗好耐咋，而且每次瞓既時候都係因為唔識做先瞓咗，唔係就死囉。
7月:係依個月真係好特別，好開心，覺得自己好幸福添~^^點解咁講??因為我係第1次無去聯校結業喇，另外就係遲咗一個星期放暑假呀>.<,但係都無影響我既心情喎，因為有好開心既野係依個月發生咗呀!^^首先第1樣令我開心既事就係我攞咗第一名同獎學金，攞到依個咁好既成績總算無白費心機同老師對我既期望。攞完好成績之後，另一樣好心既事就係……..我同佢1週年喇~依段日子真係好漫長，好漫長喔~大家由唔了解，唔明對方心態到一個就算間唔中有dd小問題或我發脾氣都能夠接受。所以我地先可以發展至今~=]*重有就係有老師請咗我同思婷睇<離留記>依套咁有意義既劇當獎勵我地攞第一添~^^
8月:我d fd佢地好好呀，佢地話係我生日前去海洋公園一齊玩同提早慶祝一次先喎~佢地真係有心呀，好感動=]之後我又同另外幾位fd&佢齊度祝我既生日，重有好多禮物添^^諗返起真係超開心喔~
9月:新既學期開始喇!!!話咁快我今個學期開始就讀中三喇~去開始諗下自己既將來喔，小添添^^”另外係9月尾有喜事發生喇,就係我地宿舍有新屋住喇!!都幾令架~不過係個喜事好快就令人好失望囉=[,因為搬到入去一個星期後問題就開始出現喇，爆*渠、無熱水同落雨個陣樓下就會有水災，要姑娘拖地>.<所以大家由好開心轉為對依間咁既宿舍無希望囉T_T不過依個9月可能就係好多香港人唔開心既月份囉，首先有毒奶粉事件，令好多BB都有腎結石，好慘呀>.<BB出事之後，到大人出事喇，金融海肅股市大跌，令好多人既銀包都有好多傷口呀。而好多國家都紛紛派錢出嚟求人求市，又開會希望合力救市喇，但其實依個惡夢個陣重未正式開始，真正既開始依家先出現……………
10月:已經轉咗嚟QOOZA打囉(其實8月已經係)依個月我又有喜事喇~就係我表哥結婚喇，雖然我唔係太鍾意個位表嫂，不過都再次祝呇a長長久久囉，重有快D生返個畀二舅父佢地玩呀^^我地等你地個BB喔~除咗有喜事，重有奇事，因為岑sir依個月日日都出咗去讀書所以有好多唔同既代課老師嚟教我地。而佢地真係各有各特別，各出”奇”招。^^”好彩我地班都算叻頂得住唔同老師既”奇”招姐，唔係我地一定個個死唒。好彩岑sir返之後見到我地未死唒，不過佢返到嚟就真係好趕囉，真係辛苦佢囉~
11月:唔知係咪因為今年我地2個個都好忙既關係，大家溝通少咗，但我又無因為咁諗咗d咩出嚟喎，可能因為太忙無時間諗喇，只係覺得感覺有d怪姐。另外我返咗學已經差唔多就嚟有3個月喇，上到中三唔知點解我既成績突然好似最近既股票咁大跌，好似人地話岩岩上中學咁既成績，好彩未去到唔合格姐。不過對我嚟講已經有影響喇，因為……………我……………已經開始見到自己以前既影子出現咗喇，而且今次重要係比以前更恐怖，可能因為之前成績幾好而導致掛，自己都唔知。
12月:我已經開始好似好多野都好唔如意咁，攪到個人開始崩潰了。自己竟然可以喊到唔識停，太可怕喇。完住唔識控制自己咁。雖然今個月我地中三班又有得去成長營，但當時既我都唔知自己既心情係點，好亂，好似失去咗平日傻傻地既心。另外，我已經無返教會一段時間喇，自己開始無咗返教會既心態，而且想叉都變埋，到依家重未知自己想點。雖然依個月有好多令我唔開心既事但好彩我好快回復返，只係依家既我又唔知變咗做一個唔知咩既人咁，個人好似突然係讀書方面又再次提唔起勁。即使我係依個聖誕有溫書，但每次溫書都好難上心，我究竟係放鬆自己定放棄自己??聽落依個月睇嚟我真係好似一D歡樂都無咁，其實又唔係既，今個聖誕我收到一個好可愛既UNAZUKIN暖水杯(唔識讀，自己上網睇下係咩公仔喇)重有就係第1次食依個好好味但好臭既臭豆腐喇~算係為我依個月帶咗DD開心既事喇~
好快2008年又完結喇，好多唔開心既事都將會離開我地，個D美好既事只好永遠留係心中當回憶。希望大家新一年事事順利，世界和平，人人有工開有飯食。自己就能夠快D變返原來既自己喇~最後祝大家新年快樂!!!Happy 2009~!!!
最後送上一張我覺得既靚既相，唔知大家覺得添呢?? 
此圖片是由萬同學提供既，因為我無辦法影到夜景所以借用佢d相，再次係到唔該佢=]
☆╭┐┌╮☆°．﹒
╭┘└┘└╮∴°☆°
└┐．．┌└──╮∴°
╭ ┴──┤HAPPY ├╮
│2ｏｏ9│NEW │●°
╰┬──╯YEAR │∴°﹒
☆ |ˍ|ˍ/|ˍ|ˍ/∴☆．
|
