上星期一，我行完路返到宿舍之後覺得心口痛。之後我就諗住先坐坐睇下點先喇，點知坐咗一陣都重係覺得有唔舒服，而且重開始頭痛添=[到最後........我就打咗畀爸爸同話埋畀宿舍知喇，爸嚟到之後攪咗一輪，最後就梗係.........叫白車喇(依d野我一早就諗到，所以我一開始就唔講出嚟就係咁解喇)上到白車，我個樣都唔似有事，只係重有頭重重既感覺=[但就攪到咁鬼大件事，真係有d失禮T_T

去到醫院，攪咗一輪，最後竟然係無事=.=都唔知係唔係玩野

其實我覺得最近覺得自己身體真係愈來愈唔舒服，個心臟有D唔識講既唔舒服，攪到我都開始擔心自己身體係咪真係有事，如果個心真係有事.................或者身體其他地方又出現問題既話..................我真係有D接受唔到囉=[我唔希望自己身體再有咩事呀!!

依個星期，由於我好多測驗>.<攪到我要開始控制自己唔好玩咁多電腦，大部分時間都攞咗嚟溫書，但唔知身體又開始有咩問題，一溫書溫得太耐，我個頭就開始唔舒服，頭痛，頭暈。以前我就算溫得耐都唔會咁既，只會眼瞓。究竟我身體有咩事呢??我係咪同我既身體又有另一場仗要打呢??