最近我覺得教我地班既老師突然好似唔知係邊到學咗d好奇怪既教學方式，令到我班2位間唔中無帶功課既同學開始愈來愈有記性囉~^^

上星期五，我地上完家政之後返到課室，正當我地準備開飯既時間，***同學就舉起自己本數學作業，大叫"大件事喇!!"於是，我地個個到望過去睇下咩事喇，發現真係好大大大大大大件事，佢本數學作業畀老師用咗水筆寫野係本作業面到，原因係因為佢經常唔記得改正同寫日期，所以攪到今次依悲劇發生囉。之後我地就幫佢諗計睇下點喇，我地又攞酒精，水..........，重知用咗好多方法幫佢喇，最後我地就用d較利既野去幫佢整，真係好好彩，終於除得到姐^^"點知........幫完一個之後，另一個***同學又係好似佢咁，而且重比佢嚴重添呀，老師用咗原子筆寫，所以最後咪...........無之前個位同學咁幸運囉。攪到我同我個fd都係到笑，笑依家d老師真係好計仔，中文科既老師就話如果邊個唔識答佢問題or無合理理由遲入課室，就要佢地抄書。但如果係老師自己無合理理由遲咗or唔記得野就佢自己罰自己整多張ws畀我地做喎，攪到我地依個個個都開始變得愈來愈乖，我諗係依d方法先可以令我地咁乖咁聽話架咋^^"如果以前d老師一早識咁用既話，唔知會點呢??^^"不過點到好喇，起碼我地依家識驚同識聽話已經好好架喇，希望今年全年都可以咁就好喇~