依幾日真係好慘呀，身痛個陣咁岩又心痛喎T_T好黑仔呀!!

由先講身痛先喇，唔知係咪因為我太耐無行，行得衰咗。再加上我開始重喇，所以隻腳開始頂唔住喇，依幾日隻腳好痛呀，開頭諗住揾咗物理治療師就會好快好返喇，點知........我係星期四終於頂唔住要住輪喇>.<雖然我自己係鍾意懶，但我唔行就會愈來愈肥同愈來愈行得辛苦架喇，所以諗諗下又想快d行返(真係幾矛盾)係我痛既時候，身體同時又有另一個問題囉，就係係同一隻腳又有敏感喎，攪到隻腳又腫又痛喎，真係痛死我喇

正當我覺得自己好辛苦既時候，爸爸又話畀我知媽咪最近又亂用錢，激死我。最近屋企已經好煩架喇，婆婆又轉咗去另一間療養院到照顧喎，我又去唔到睇佢，所以我經常都好擔心佢。依家媽咪又唔乖喎，攪到我又要變到好似一個大人咁去理佢既野。就係今日，我就返到去話下佢，佢又唔鍾意喇，最後由於我見到佢咁好心痛，終於我又喊喇。一邊話佢一邊喊，就係咁就攪咗成個鐘喇，希望我今日無白白浪費自己既時間同眼淚喇。

依家咁睇落去我好似成個星期都無好野咁，但其實都有少少好野既=]就係星期二既科學測驗中我攞到唔錯既成績攞咗36/40，即90分，好開心攞到個對得住自己既分數，令我既自信開始返嚟喇^^而係中默方面我就攞到19/20=]所以我會繼續努力架^^