今日又返麥當勞，勁黑人憎呀。今日做收銀，有個客人(伯伯)想買包，送茶、但公司要人地買滿$10以上的包，先送。明蝦老人家啦~我同個客講，俾個阿姐聽到、佢話我唔幫公司(心諗：唔好傻啦、仲咩要幫個奸商。喱d咪叫奴才囉，禁聽主人話。)佢地服務左社會禁多年，佢地老左都係想一茶一包，去享受果幾小時。

 又好多日記都無打日記，因為好多野做。我都好想找日得閒，不過想下好啦。好快又要開會。聽日又要去郭紹傑的答謝大會。好野，阿明留野食俾我。好好笑星期四果日，志強同阿來去左觀塘做野，一開大聲公。聽到陳方安生把聲：『一票都不能少、一票都不能少』，俾佢玩死。點解唔係阿仁把聲，阿杰話唔要陳太把聲。今日銅鑼灣有阿仁，我地彩虹都好呀，有議員黃伯特。

 好耐無打日記啦、成日返工，放左m記之後返職工盟做野。勁辛苦，但幫到工盟手『好開心』！琴日勁爆開心，麥當勞人事部終於被迫落來同我開會。(其實不是太好，因為佢地唔同工會開)會上強烈要求麥當勞第二餐免費膳食，不但令工人有保障，但佢地只是做個調查，我相信好快大家有第二餐食。我一定力爭大家福利！

 今日係有史以來的最悶的一天、食完又訓、訓完又食。真係無野做，聽日返新工，早上返m記，下午返新工。好開心呀、新工都有好多野做，起碼好過麥當勞。

琴日係ngo大罷工，佢地為咩野罷工呢？係唔係好似政府話佢地唔滿足呢、係唔係佢地唔同低層同舟共濟！好明顯唔係，一筆過之後，佢地好多都轉為合約！令佢地不論年資、薪金，都有一個嚴重問題。佢地資格無左認可，同一樣職位，個個ngo機構都唔同人工。扣成社會服務成生意，佢地服務因此下降！(因：一筆過d錢分為一份份，令好多服務迫於要收錢)阿仁話一筆過撥款係爛，無錯，真係好爛。二千九百幾人都企出來反對，唔係好爛咩！