琴日係ling ling姑娘生日，生日快樂呀！我地午餐去左天外天食泰國野，好味！有喇沙、咖哩羊腩、辣椒膏茄子肉碎…都不錯，又唔油！過埋聽日我要走啦！早上返m記、晚上讀書。我好想報理事課程，唔知得唔得呢！
我琴日返m記見到你身影、我知係你來。你沒有叫我，我又沒有叫你。但我心依然痛，依然喜歡你。一年之後對你依然沒有變過，一樣地！最近好多野發生係我身上、好多唔開心的事一一出現。係時候休息下，加返D油俾自己啦。
今日公告工資保障運動、政府一樣都係可恥。領滙跟本有政府的工資指引、有些公司係未立法一直高過市場，實際在工資保障運動後得益的清潔工及保安員唔多，可見成效不能見章。強烈要求政府盡快立法最低工資、保障工人利益。
2點鍾係油麻地出發，我做旗手！
哈哈，好重嫁。叫下口號先啦！要求立法最低工資，改善貧富懸殊 月薪只得三四千，挋緊褲頭都唔夠 日日做到無停手，住屋衣食仲要愁 低薪剝削紛紛行業，立法保障要全面！
終於出發啦！由油麻地行落尖沙咀碼頭，不停叫口號。不要官商勾結，不理工人死活！
行到佐敦啦，好多人係條街度圍觀。警察叔叔辛苦曬，行埋少少d車要行。
上左船啦，成隻船都係遊行人士，見到長毛、李卓仁，我緊係找佢地影相。
落左船，一路行一路行，終於到左政府總部！
重有兩日係立法最低工資改善貧富懸殊大遊行
艱辛十年，還未盡、串串辛酸，滴滴淚；
十二做完，又十六、時薪不增，還要減！
官商勾結，贈利益、奸商不足，蛇吞象；
七勞八傷，在工人、悲劇人命，不停播！
富裕窮困，差太遠、一餐安樂、是奢侈；
三十工資，救世人、曾生一聲、救萬人！
題：十年辛酸哭啼啼(紫詩)
其實果日都係我同佢分手一周年，我係喱一年都無望記佢。我時時都諗起同佢一齊的日子。果日你同我分手講d野，我都記得。果日落雨，我重大病兩日。你成日我講過d野唔算，其實我有邊次唔算，到最後可能係遲左少少，但真係盡力去做。我只希望你得到永遠的幸福，找到你心愛的人。
今日去油麻地送左件衫俾阿達，落左車之後，跟過廣華醫院附近。見到有印度羊肉串，買左來食。媽媽咪~好辣呀。到左職工盟，禁好彩so in落左來，見到佢。本身佢地開緊會。跟住走左去廟街醫肚，行左一陣，去返平時去開果間，叫左客田螺，一個臘腸滑雞煲仔飯﹏熱嘖嘖！食完行左廟街一陣，跟住回家啦。
2點鍾係油麻地出發，我做旗手！
終於出發啦！由油麻地行落尖沙咀碼頭，不停叫口號。不要官商勾結，不理工人死活！
行到佐敦啦，好多人係條街度圍觀。警察叔叔辛苦曬，行埋少少d車要行。
上左船啦，成隻船都係遊行人士，見到長毛、李卓仁，我緊係找佢地影相。
落左船，一路行一路行，終於到左政府總部！