昨日送左大妹和吱喳妹上巴士之後∼本來去便利店買報紙，但係在巴士站裡面，
我竟然見到乖乖仲未返學．．．我見見到乖乖時佢用雙手按住自己個肚，面青青，
好似好辛苦！當時真係嚇左我一跳（><）我扶乖乖到商場裡面坐之後∼通知雅文；
可是∼雅文無聽我電話！後來，聽乖乖講︰雅文同爸爸媽媽因為婆婆病左返左大陸！
我見乖乖痛得好厲害∼由商場的保安員代叫救護車；而我就通知媽媽大人要陪乖乖到醫院。
好快救護車就嚟到∼救護員初部為乖乖檢查後就送左乖乖到將軍澳醫院．．．
去到醫院我幫乖乖登記和打電話到學校幫乖乖請假，因為乖乖始終唔係我的屋企人，
所以我搵左ＭＩＳＳ ＬＡＭ到醫院∼ＭＩＳＳ ＬＡＭ八時半嚟到醫院，剛好∼
醫生幫乖乖檢查完畢。聽醫生講因為乖乖這個月的經期流量比往時多；而且子宮
收縮比較頻密，導致乖乖出現腹痛。醫生已經幫乖乖打左止痛針，乖乖已經無咁痛。
乖乖在觀察病房時∼一直都捉住我隻手，即使我想去買粥比乖乖食，佢都唔肯（><）
差不多九時半∼醫生幫乖乖檢查血壓和心電圖，一切回復正常後，醫生批准乖乖出院。
因為ＭＩＳＳ ＬＡＭ知道乖乖屋企沒有人想接乖乖到ＭＩＳＳ屋企暫住，照顧乖乖，
但係乖乖唔想去ＭＩＳＳ屋企∼反而想嚟我屋企暫住。於是ＭＩＳＳ打電話問媽媽大人。
媽媽大人答應左∼我就帶乖乖返屋企。在返屋企前∼因為乖乖在我屋企沒有便服、
睡衣和內衣更換，我就陪乖乖返屋企執左小量日用品後再返去我屋企。返到屋企∼
我叫乖乖先換左身上的校服，食粥和食藥後到我間房休息瞓覺。在乖乖瞓左之後∼
我就開始清潔工作∼抺電視機、抺餐椅餐桌、抺雜誌架；用碧麗珠和清水抺梳化、
用消毒藥水和清手抺小芊的玩具、軟墊；跟住再打掃自己和兩個妹妹間房。因為
乖乖在我間房休息∼我只係抺左電腦枱、書櫃；唔想嘈住乖乖休息。最後∼
用一比九十九漂白水抺地。十一時半完成所有清潔工作後，洗頭沖涼和洗左乖乖
換出嚟的校服和底裙。小芊和表姐在十一時九嚟到，呢個小芊見到我真係特別開心！
我同小芊在軟墊玩的時候∼表姐在廚房煮意粉比我餵小芊。因為比小芊食的意粉，
要煮得特別軟身，所以表姐要花多少少時間去煮。小芊終於有得食野喇（^^）
小芊知道有野食就會好乖坐在餐椅上面∼等我餵佢食野。在小芊差不多食飽飽時，
乖乖瞓醒∼小芊見到一個從來未見過的姐姐出現，初時都有Ｄ陌生和驚．．．
後來乖乖同小芊一齊玩玩具∼小芊開始接受了乖乖，而且仲同乖乖玩得好開心！
表姐知道乖乖因為經期唔舒服，所以特別煮左黑糖水比乖乖飲。食過午餐後，
表姐幫小芊沖涼洗頭；而我就睇住乖乖食藥。小芊洗完白白後，就輪到乖乖去沖涼；
我就在房講故事氹小芊瞓覺。乖乖沖完涼，佢話想溫書∼於是我叫乖乖在廳溫書。
而我就去沖涼洗頭和洗左自己、小芊和乖乖換出嚟的衫褲。搞掂晒所有野∼
我在房備課和做練習．．．四時半，大妹和吱喳妹先後放學返嚟。等兩個妹妹沖涼洗頭後，
我幫佢洗校服和底裙∼大妹見到乖乖嚟左，就捉住乖乖和吱喳妹一齊入房做功課和溫書。
小芊靚女在五時半瞓醒，幫佢換左學習褲後，在床上面聽兒歌和學講說話（^^）
七時幾食過晚飯後∼餵小芊食菜心肉片飯仔和蘋果片。食飽飽的小芊同表姐睇電視，
我同兩個妹妹及乖乖一齊玩Ｗｉｉ（^v^）玩到九時幾，兩個妹妹夠鐘備課時，
我就同小芊在軟墊玩玩具。九時半收到雅文電話∼原來雅文聽到我的留言．．．
我同雅文講乖乖而家在我屋企，唔駛擔心！雅文同我講佢明日至會返香港．．．
要麻煩我照顧乖乖！其實∼乖乖都已經咁大個女我都唔需要點照顧佢，只係提佢食藥。
用雅文傾完電話之後∼我就在房繼續做練習和溫書。十時半∼在ＭＳＮ同嘉祺、ＭＡＮＤＹ
、ＴＯＮＹ傾計。十一時半∼安排幾位美少女瞓覺。大妹話今晚同乖乖一齊瞓．．．
而吱喳妹就話想同我一齊瞓覺（><）我見吱喳妹近來都好乖就答應左佢。在床上面∼
同吱喳妹傾左一陣佢就不知不覺瞓著左。在床上面同嘉祺、女女ＷＨＡＴＳＡＰＰ．．．
今朝五時幾起身∼餵龜龜、魚魚食野和清潔龜之家，洗頭沖涼。
兩個妹妹和乖乖在五時半起身∼在佢地三個梳洗時，我在廚房整芝士雞蛋三文治和
橙汁做早餐。大妹和吱喳妹、乖乖換好制服後，幫吱喳妹和乖乖梳頭紮頭髮∼
因為吱喳妹和乖乖今日都要步操所以我將佢地的頭髮紮成馬尾再夾起∼今朝乖乖的面色
比昨日好左好多（^^）食過早餐後∼幫吱喳妹檢查制服裙後，送佢地到巴士站．．．
ＴＯ︰盈盈
又嚟到星期六了∼盈盈今日女童軍，
有無學到甚麼新的知識呢﹖盈盈完左
女童軍的活動後，還有甚麼節目啊﹖
ＴＯ︰婷婷
婷婷∼今日唔駛返學又唔駛補習（^^）
婷婷會唔會留在屋企好好休息﹖還是同
同學或妹妹去逛街﹖唔知婷婷有無買到甚麼呢﹖
ＴＯ︰嘉嘉
星期六∼嘉嘉今日除左要去練舞外，還要返兼職。
唔知嘉嘉今個星期多唔多功課呢﹖有無足夠時間完成﹖
嘉嘉記得做功課唔好做到太夜，女生唔可以經常挨夜！
ＴＯ︰藹盈
星期六是女女最忙最忙的一天∼有很多應酬工作！
希望女女今日應酬完之後∼明日可以好好休息（^^）
我真係好擔心女女會唔夠時間休息∼挨到病左啊！
ＴＯ︰彤彤、美靖
星期六∼彤彤今日有咩節目呢﹖有無外出行街啊﹖
唔知點解我覺得彤彤平時返學是個很斯文的女生∼
不過，在屋企就是個淘氣的妹妹∼是嗎﹖（^^）
靚妹妹∼今日要唔要返學校補課或者參加活動呢﹖
已經有成兩個星期無同靚妹妹傾計ＷＴＳＡＰＰ∼
唔知靚妹妹近來點呢﹖有無曳曳唔聽話啊﹖（^V<）
ＴＯ︰阿妹、琪琪
阿妹∼今日是不是留在屋企做功課呢﹖
開左學已經差不多兩個了∼功課忙嗎﹖
如果我有時間的話∼一定會搵阿妹傾計！
真係好耐無同琪琪傾計喇．．．（.><.）
唔知琪琪係唔係掛住同男朋友拍拖∼
已經唔記得左我呢個朋友呢﹖（好擔心）
ＴＯ︰ｍｏｋ、晴兒、穎穎
唔知ｍｏｋ呢個星期幾時唔駛返兼職呢﹖
ｍｏｋ唔駛返兼職的話∼會唔會留在屋企
休息﹖還是同男朋友去逛街拍拖呢﹖（^^）
晴兒∼今日唔駛返學，可以在屋企休息！
不過，以晴兒的性格一定唔會留在屋企休息，
一定會約男朋友去行街，是嗎﹖（^v^）
穎穎∼今朝要返小學教師弟師妹練波，
之後唔知穎穎會唔會同朋友一齊去食野﹖
還是返學照顧妹妹和做功課及溫書呢﹖ |
