昨日送大妹和吱喳妹返學的時候∼在樓下目到一個變態佬（><）佢不停問著校服的女生︰

「我靚唔靚女﹖」我見到著校服女生∼全部都唔想接觸佢，不過佢真係好過份！

啲同學已經避開佢，但係佢都會追住Ｄ女學生．．．我送兩個妹妹到巴士站後，

剛好遇到兩位警察先生∼我將個變態的事講比警察知道；兩位警察去到樓下，

個變態佬仍然在度∼初時警察叫佢離開，但係佢無理會．．．警察只好拘捕人個變態佬！

返上屋企，媽媽大人已經食緊早餐∼我換好衫後，七時九到巴士站等雅文和嘉祺。

兩位靚姊妹八時嚟到∼我地一齊行去坐港鐵。八時九返到學校，陪雅文去遠書∼

之後返到講室。九點鐘伍教授嚟到（已經有成個星期無伍教授的課了！）伍教授，

先派返我地上一堂做功課∼第一份伍教授的功課我竟然攞到八十幾分（都算唔錯！）

伍教授仲在我份功課寫評語︰「很細心，懂得理解求助者的感受！ＧＯＯＤ！」

睇到伍教授的給我的評語很開心！今日伍教授教我地在處理個案嘗試理解求助者的感受。

伍教授比左一段片段我地睇∼之後要我地用自己的方法和感受去處理個案．．．

食完ＬＵＮＣＨ之後∼同雅文、ＭＡＣＹ、嘉祺去左圖書館搵資料∼我搵左好多

有關青少年及兒童心理的書籍，希望呢Ｄ書籍可以幫我更了青少年及兒童的心理。

下午係ＤＲ　ＬＡＭ課堂∼ＤＲ　ＬＡＭ問我地已經在大學生活了一個多月．．．

ＤＲ　ＬＡＭ想我地用五百至一千的文章∼去講下自己在大學的生活，如果內容豐富的話，

文章有機會刊登在大學周報內面∼講完文章後，ＤＲ　ＬＡＭ繼續講上一堂的內容。

我好用心去聽ＤＲ　ＬＡＭ講書∼三時三放學，在ＣＡＮＴＥＥＮ等嘉祺．．．

之後我地一齊坐港鐵返將軍澳。四時三返到屋企樓下，見到大妹和佢的同學（^^）

返到屋企∼見到吱喳妹已經放左學；在兩個妹妹沖涼的時候，我在房做功課和寫文章。

兩個妹妹沖完涼∼就輪到我沖涼洗頭和洗左小芊、自己和兩個妹換出嚟的衫裙和底裙。

搞掂晒所有野∼靚女小芊瞓醒，幫小芊換左學習褲後；在床上面同小芊玩具∼

七時幾食過晚飯後，餵小芊食白菜肉片飯仔和蘋果片。食飽飽的小芊同表姐、表姐夫

一齊坐在梳化睇電視∼我同兩個妹妹捉飛行。九時幾，兩個妹妹開始溫書時．．．

我同小芊在軟墊玩左一陣。九時半返入房繼續寫文章∼差不多十時終於完成了！

寫完文章後∼在ＭＳＮ同雅文、嘉祺、乖乖、ＭＡＣＹ傾計，我地交換了讀書心得！

十一時九∼睇埋晚間新聞後，在床上同雅文、女女ＷＨＡＴＳＡＰＰ，十二點幾瞓覺！

今朝未夠五時就醒左∼起身的時候發覺自己全身好似比打一身．．．個肚又唔舒服！

餵左龜龜、魚魚食野和清潔龜之家後，洗頭沖涼∼在沖涼時嘔左一次（><）

兩個妹妹在五時半起身∼在佢地梳洗時我在廚房煮牛肉雜菜通心粉和豆奶做早餐。

在吱喳妹換好校服後∼幫吱喳妹梳頭和紮頭髮，今朝幫吱喳妹紮左兩個麵包頭（^^）

食過早餐後∼幫吱喳妹檢查校裙後，七時鐘送兩個妹妹到巴士站．．．

ＴＯ︰盈盈

盈盈∼今日上學的時間有無開心事發生啊﹖

近來好少時間同盈盈傾計．．．好掛住盈盈！

唔知盈盈有無掛住我呢﹖希望有喇∼唔係會好失望！

ＴＯ︰婷婷

婷婷∼妳真是我認識的女生，最特別的一個（^^）

因為．．．（如果婷婷想知的話∼在ＷＨＡＴＳＡＰＰ

講妳知 ^^）希望婷婷知道之後∼唔會唔開心喇（><）

ＴＯ︰嘉嘉

嘉嘉∼今日放學之後唔駛返兼職，是嗎﹖

嘉嘉放學後可以返屋企做功課和休息了！

嘉嘉真係好勁∼是我認識的女生中最勤力！

ＴＯ︰藹盈

女女∼昨晚有無收到女人的ＷＨＡＴＳＡＰＰ﹖

見女女無覆我∼我就知道妳應該瞓左了，是嗎﹖

好耐無同女女傾計了∼真係好好好掛住女女啊！

ＴＯ︰彤彤、美靖

彤彤經常笑∼應該吸引到不少男生，是嗎﹖

唔知彤彤平時在學校是不是都係經常笑呢﹖

彤彤記得要笑多Ｄ，咁至可愛架，知道嗎﹖

靚妹妹近來是不是好多功課和要溫書呢．．．

有時候想搵靚妹妹傾計，但係又怕阻住妹妹∼

因為我怕會騷擾靚妹妹溫書和做功課（><）

ＴＯ︰阿妹、琪琪

阿妹∼有時候唔拍拖都有好多好處架，只係妳未發現！

其實∼阿妹是個很好的女生，唔會無男仔鍾意（^^）

阿妹要耐心等候另一段感情的來臨∼不要心急，知道嗎﹖

琪琪∼昨晚有無收到我在ＬＩＮＥ的訊息啊﹖（^^）

唔知我的訊息有無嘈醒琪琪呢﹖如果有的話∼對唔住！

琪琪，有時間的話，記得在ＬＩＮＥ搵我傾計啊（><）

ＴＯ︰ｍｏｋ、晴兒、穎穎

ｍｏｋ∼近來除左返兼職和返學之外（><）

其餘時間都係留在屋企休息∼ｍｏｋ的生活，

十分充實∼唔知ｍｏｋ有無呢種感覺呢﹖

我知道晴兒好緊張和擔心自己的學業成績，

不過∼晴兒都唔好比太大壓力自己，知道嗎﹖

晴兒∼如果有唔開心的話，可以搵我傾計架！

穎穎∼今日上課的時間有無曳曳唔聽書呢﹖

我相信穎穎唔會曳曳的，是嗎﹖（XDXD）

穎穎如果有時間的話∼要多Ｄ搵我傾計啊！

其實∼昨日同兩個妹妹做運動的時候，真係有Ｄ擔心佢地兩個（><）因為．．．

佢地昨日起身的時候依然有Ｄ面青青，我怕佢地做運動時會暈低！好彩在做完熱身後，

兩個妹妹面上都比之前紅潤∼差不多八時返上屋企，入到屋見到媽媽大人已經煮好早餐，

我同大妹、吱喳妹拿拿淋去沖涼洗頭∼陪媽媽大人一齊食早餐（^^）食過早餐，

大妹約左同學做功課，所以佢食完早餐後換好衫裙就出門口；媽媽大同平時一樣，

坐在梳化睇報紙∼我呢個吱喳妹當然向媽媽大人撒嬌（無佢辦法！）而我就開始清潔工作。

抺電視機櫃、抺書架、抺大門鐵閘∼媽媽大人九時半返工後，吱喳妹終於乖乖溫書，

我就繼續打掃用碧麗珠和清水抺梳化、用消毒藥水抺小芊的玩具和軟墊；之後∼

打掃自己和兩個妹妹間房吸塵、換窗廉布、抺電腦、抺書櫃；最後，用一比九十九的

漂白水抺地；十一時鐘完成所有清潔工作後，洗頭沖涼（^^）在我吹乾頭髮後，

坐在梳化上面休息∼吱喳妹見到我坐在梳化上面，佢當然走過嚟要我抱住佢！

有時候∼我真係好想知道我呢個細細妹幾時至會真正長大呢﹖我抱左吱喳妹半個小時，

表姐、表姐夫和小芊及大妹一齊返嚟∼原來表姐、表姐夫今朝帶左小芊去同嫲嫲

爺爺飲茶（^^）小芊見到我抱住細表姨，已經急不及待行過嚟推開吱喳妹（><）

可是小芊唔夠力∼於是小芊就將個頭仔捐入吱喳妹條裙裡面，吱喳妹終於投降了！

在我同小芊玩的時候∼表姐夫在廚房煮午餐比我地食。表姐夫煮左麵線比我地∼

大家食完ＬＵＮＣＨ之後∼休息一陣；同表姐一齊幫小芊沖涼洗頭（^^）在我幫小芊

著衫和學習褲時，就輪到兩個妹妹去沖涼∼氹完小芊瞓覺後，兩個妹妹幫我睇住小芊，

我就去沖涼洗頭和洗左小芊、自己和兩個妹妹換出嚟的衫裙！搞掂晒所有野之後∼

在房一邊照顧小芊一邊溫書（^^）五時幾，小芊起身幫佢換左學習褲後，在床上面玩

玩具和聽兒歌。七時幾食過晚飯，餵小芊食冬瓜肉片飯仔和密瓜片。食飽飽的小芊，

同表姐、表姐夫一齊坐在梳化睇電視；我同兩個妹妹就繼續玩大富翁∼今晚終於知道

邊個係大富翁－吱喳妹（^^）九時幾，大妹和吱喳妹開始溫書和備課時；本來想同小芊

去玩水，不過近來天氣開始轉涼了∼我唔想玩水時小芊會冷親，所以無同小芊去玩水。

九時半∼在ＭＳＮ同雅文、乖乖、嘉祺傾計，了解三位女生今日的節目（><）

我地傾計傾到十一時幾，刷牙洗面後∼在床上面同女女、雅文ＷＨＡＴＳＡＰＰ．．．

今朝五時鐘未夠醒左∼起身餵龜龜、魚魚食野和清潔龜之家，洗頭沖涼後；

兩個妹妹在五時九起身，在佢地梳洗時，我在廚房整雞蛋芝士三文治和橙汁做早餐。

大妹和吱喳妹換好校服後，幫吱喳妹梳頭和紮頭髮∼今朝好簡單幫吱喳妹紮左條馬尾。

食過早餐後∼檢查吱喳妹的校裙，七時鐘送兩個妹妹到巴士站（^^）

ＴＯ︰盈盈

雖然好耐無同盈盈傾計∼不過，

我絕對無唔記得盈盈架（^^）

只係我怕盈盈已經唔記得我！

ＴＯ︰婷婷

昨晚同婷婷ＷＨＡＴＳＡＰＰ傾計，好開心！

原來婷婷都有．．．唔知婷婷有咩方法令到自己

無咁辛苦呢﹖婷婷可不可以同我分享下啊﹖（><）

ＴＯ︰嘉嘉

好似真係好耐無同嘉嘉ＷＨＡＴＳＡＰＰ傾計了！

唔知嘉嘉近來除了返兼職外，還有甚麼節目呢﹖

有點掛住嘉嘉和好想知道嘉嘉的近況啊∼（^^）

ＴＯ︰藹盈

近來天氣凍左好多∼女女朝早返學記得要著外套。

我知道女女好忙，我唔敢騷擾女女休息的時間．．．

希望女女無咁忙的話，會搵女女ＷＨＡＴＳＡＰＰ傾計。

ＴＯ︰彤彤、美靖

彤彤∼在過去的星期六、日有無同嘉嘉去街街呢﹖

近來彤彤有無曳曳唔聽話﹖如果彤彤曳曳的話∼

一定要誠實講出嚟，唔可以呃我架，知道嗎﹖（^^）

唔知靚妹妹今朝有無因為天氣涼左而唔想起身呢﹖

我相信靚妹妹唔咁懶∼是嗎﹖（^^）靚妹妹有無∼

著外套返學呢﹖妹妹學校幾時轉冬季校服啊﹖（><）

ＴＯ︰阿妹、琪琪

阿妹∼昨晚妳有無收到我的ＷＨＡＴＳＡＰＰ﹖

我見阿妹無覆我，阿妹是不是一早瞓左覺啊﹖

阿妹∼如果有時間的話，就覆我喇！我會等妳！

琪琪∼今朝有無唔知醒起身返學呢﹖（XDXD）

近來琪琪好似好忙∼搞到我唔敢搵琪琪．．．

希望琪琪忙完之後∼會多Ｄ時間搵我傾計喇（^^）

ＴＯ︰ｍｏｋ、晴兒、穎穎

ｍｏｋ∼今日放學之後唔駛返兼職，可以休息！

唔知ｍｏｋ今日唔駛返工∼會唔會留在屋企休息﹖

還是會同男朋友外出拍拖逛街呢﹖（八卦想知道）

晴兒，今日上課時∼有無曳曳唔聽話﹖掛住同人

傾計和ＷＨＡＴＳＡＰＰ呢﹖晴兒唔記話．．．

會有咩後果∼晴兒應該知道架，是嗎﹖（奸笑中）

穎穎∼今日要提早返學校練習排球．．．辛苦嗎﹖

穎穎記得練完波之後∼要多飲水和多休息，知道嗎﹖

我知道我好長氣∼不過，我都係唔想穎穎生病啊！

昨日七時三準備送兩個妹妹返女童軍時∼吱喳妹話要去洗手間（><）

點知吱喳妹入左洗手間唔夠三十秒就聽佢大叫．．．初時我以為吱喳妹見到小強∼

原來佢唔方便的日子來了之餘（吱喳妹妳每個月都嚟有咩咁驚訝呢﹖）唔小心整污槽條裙！

我唔想大妹遲到所以叫左大妹自己一個返女童軍先∼之後我浸左吱喳妹條裙，問吱喳妹︰

妳今日可以繼續返女童軍嗎﹖吱喳妹答「無問題∼！」於是我就送吱喳妹去巴士站．．．

買完報紙後，七時九返上屋企；媽媽大人話一早被吱喳妹嘈醒（><）媽媽大人食過早餐後，

坐在梳化睇報紙∼我就洗碗、抺枱、抺電視機櫃、抺書架．．．媽媽大人九時半返工∼

我幫魚缸換水、洗濾水棉；打掃自己和兩個妹妹間房，吸塵、抺電腦、抺衣櫃、抺房門；

跟住用消毒藥水和清水抺梳化、抺小芊玩具、軟墊；最後用一比九十九漂白水抺地（^^）

十時半完成所有清潔工作後∼沖涼洗頭。沖完涼吹乾頭髮無幾耐就收到吱喳妹的電話．．．

原來佢因為太唔舒服，要我到學校接佢。我拿拿淋換好衫之後，坐的士到吱喳妹學校；

十一時三去到吱喳妹學校∼見到吱喳妹已經面青青和標冷汗，幫吱喳妹簽左早退信後，

同吱喳妹坐的士返尚德（^^）因為今日係星期六，鄧醫生只係上午應診，於是我拿拿淋帶

吱喳妹去睇醫生．．．在診所等到一時，終於可以見到鄧醫生。醫生幫吱喳妹檢查後．．．

發現吱喳妹今個的經期比上個月遲左五天（其實∼我知道）子宮的收縮比之前嚴重（><）

鄧醫生開左止經痛藥、維他命丸和補血丸比吱吱喳妹。同吱喳妹睇完醫生後，在一粥麵買

吱喳妹最愛食的瘦肉粥比佢。一時半返到屋企，見到大妹和表姐食緊ＬＵＮＣＨ；

小芊就自己一個玩緊玩具（^^）等吱喳妹食完粥後，在我餵吱喳妹食藥時∼我發現枱面有

另一包藥．．．細問之下，我才知道大妹同吱喳妹一樣．．．在表姐幫小芊沖涼時，

我就食午餐（^^）兩個妹妹沖涼洗頭後，趕左佢地上床休息；我都在房講故事氹小芊瞓覺。

小芊瞓左後，由表姐幫我睇住小芊∼我去沖涼洗頭和洗左小芊、自己和兩個妹妹的衫裙及

制服裙。搞掂晒所有野∼在房一邊做練習一邊睇住小芊。大妹和吱喳妹瞓到四時幾起身∼

見到兩個妹妹臉色好返好多，我就將剛才在佢地瞓覺時煲的黑糖水比大妹和吱喳妹飲。

（其實∼黑糖水係女女教我煲！）希望幫到兩個妹妹喇（^^）飲完黑糖水後，兩個妹妹

開始溫書．．．靚女小芊在五時三起身，幫小芊換左學習褲後∼在床上面同小芊玩玩具。

七時幾食過晚飯後∼餵小芊食聖瓜肉碎飯仔和西瓜片，食飽飽的小芊同表姐一齊睇電視，

我同兩個妹妹就繼續玩大富翁∼可是大妹食左藥之後，整個人都無晒精神；我見大妹咁攰，

於是我就叫大妹和吱喳妹好好休假∼我抱左小芊去玩水（^^）九時半，在房溫書和備課。

十一時幾∼吱喳妹食完藥之後，佢問我今晚可不可以過嚟同我一齊瞓﹖我見佢唔舒服∼

所以答應左佢！在床上面吱喳妹要我氹佢瞓覺（喂∼吱喳妹妳已經唔細喇！仲要我氹妳∼）

吱喳妹瞓左之後∼在床上面同雅文、女女、乖乖ＷＨＡＴＳＡＰＰ，十二時半至瞓覺（^^）

今朝五時三起身∼餵龜龜、魚魚食野和清潔龜之家；本來我以為大妹和吱喳妹因為經痛，

而唔同我一齊去做運動∼點知兩個妹妹在五時九起身，等佢地梳洗和換衫後∼我地一齊去

運動場附近做熱；之後一齊跑去健明邨。在經過唐明苑時，幫媽媽大人買報紙∼返到平台，

同兩個妹妹休息一陣之後∼一齊打羽毛球和同一班公公婆婆耍太極．．．（^^）

ＴＯ︰盈盈

近來我每日都有留意盈盈的ＱＯＯＺＡ，

可是每一次都有Ｄ失望∼因為唔見盈盈．．．

唔知盈盈最近係唔係好忙呢﹖（好掛住盈盈）

ＴＯ︰婷婷

今日係星期天，婷婷是不是要去補習呢﹖

唔知婷婷今日補習時∼學會甚麼呢﹖（^^）

婷婷∼今日如果有時間的話，搵我傾計！

ＴＯ︰嘉嘉

星期天∼我諗嘉嘉今日應該留在屋企做功課。

近來天氣十分乾燥∼嘉嘉記得要搽潤膚霜啊！

係呢∼嘉嘉今日是不是要去練結他呢﹖（^^）

ＴＯ︰藹盈

女女∼今日是不是留在屋企好好休息﹖無落街﹖

經過昨日的忙碌∼女女應該要好好利用星期天，

多Ｄ休息和做一些自己喜歡的事，知道嗎﹖（^^）

ＴＯ︰彤彤、美靖

近來的天氣十分乾燥∼唔知彤彤有無乾到裂左呢﹖（XD）

講笑∼如果彤彤裂左就大件事喇！彤彤記得要搽潤膚霜。

今日星期天∼彤彤會唔會留在屋企做宅女，溫書做功課﹖

今日係星期日，靚妹妹是不是留在屋企溫書和做功課呢﹖

我同靚妹妹好似好耐無ＷＨＡＴＳＡＰＰ傾計了．．．

靚妹妹有時間的話∼記得要搵女人哥哥傾計，知道嗎﹖

ＴＯ︰阿妹、琪琪

阿妹∼其實我唔係有心唔覆妳架．．．

只係我多數夜晚至有時間ＷＨＡＴＳＡＰＰ，

我怕阻住阿妹休息，所以至無搵阿妹妳（><）

星期天∼琪琪有咩節目﹖是不是留在屋企﹖

近來好少同琪琪在ＬＩＮＥ傾計∼有Ｄ擔心！

唔知琪琪近來有無遇到甚麼唔開心的事呢﹖

ＴＯ︰ｍｏｋ、晴兒、穎穎

ｍｏｋ∼今日雖然要返工；不過ｍｏｋ好開心！

我相信ｍｏｋ同同事的關係一定好好，是嗎﹖（^^）

唔知ｍｏｋ份工作係關於甚麼呢﹖（好奇想知道）

晴兒，今日好乖女∼留在屋企做功課和溫書（^^）

如果晴兒一星期有一天留在屋企溫書的話．．．

我相信晴兒的成績一定會以往好∼我對晴兒有信心！

穎穎∼今日同屋企人飲完茶之後，有咩節目呢﹖

是不是同媽咪一齊去買餸和照顧妹妹啊﹖（^^）

穎穎∼今日唔駛練波，要好好留在屋企休息啊！

昨日朝早送大妹和吱喳妹返學的時候∼在樓下遇到吱喳妹的同學（^^）

送左五個女生上巴士之後，去便利店幫媽媽大人買報紙∼七時半返到屋企。

媽媽大人正準備食早餐，於是我陪媽媽大人一邊食早餐一邊睇《香港早晨》。

媽媽大人食完早餐坐在梳化睇報紙，我就洗碗抺枱∼之後抺電視機櫃、抺書架、

抺大門鐵閘；媽媽大人九時半返工後，我用清水和碧麗珠抺梳化、用清水和消毒

藥水抺小芊的玩具、軟墊和積木；跟住打掃自己和兩個妹妹間房吸塵、抺電腦枱、

抺衣櫃、抺書櫃、抺房門和換床單枕袋睡裙；最後用一比九十九漂白水抺地。

十時九完成所有清潔工作後∼洗頭沖涼。十一時三仍然未見表姐和小芊嚟到，

返入房溫書和做練習．．．十一時半，聽到小芊的笑聲∼我就知道小芊嚟左！

我由房靜靜走出廳∼本來諗住嚇小芊，點知比小芊發現左（><）小芊見到就追住我！

近來我發現小芊行路行得比以前穩陣∼有時候唔需要拖住我地隻手行路（^^）

在梳化同小芊玩玩具和睇書，教小芊書本上的圖畫名字∼小芊而家學會爸爸、

媽媽、街街、魚魚、龜龜、車車等．．．希望在小芊一歲半（即一月）前學會

二十個說話（><）表姐煮好麵線比我餵小芊，小芊知道有野食就會好乖坐定定。

小芊食飽飽麵線後，就輪到我同表姐食ＬＵＮＣＨ。表姐用左雞蛋叉燒炒飯∼

唔知點解表姐每次炒飯都好好食，我試過好多次自己炒飯都唔成功．．．（><）

食完ＬＵＮＣＨ休息一陣後∼幫小芊沖涼洗頭。洗完白白著好衫和學習褲的小芊，

由表姐幫我睇住，我就去沖涼洗頭和洗左自己、小芊換出嚟的衫褲。搞掂晒之後，

抱左小芊入房開冷氣講故事氹小芊瞓覺。小芊瞓左後，我在房一邊睇住小芊∼

一邊做練習．．．四時半，大妹和吱喳妹先後放學返嚟；等兩個妹妹沖涼後，

幫佢洗校裙、底裙和換出嚟的衫褲。小芊呢個曳曳豬在五時半瞓醒∼幫小芊換左學習褲，

在床上面繼續教小芊講說話∼七時幾食過晚飯後，餵小芊食豆腐肉片飯仔和橙肉。

食飽飽的小芊同表姐、表姐夫一齊坐在梳化睇電視，我同兩個妹妹玩大富翁∼

玩到九時幾，我同大妹、吱喳妹仍然未分到高下，唯有明晚繼續（^^）兩個妹妹溫書時，

我同小芊去玩水．．．九時半，在ＭＳＮ同雅文、ＭＡＣＹ、ＫＩＫＩ對答案∼

哈∼哈∼我竟然岩左九成題目（^^）不枉我每晚都抽時間去溫書和備課（^V^）

十時幾，嘉祺氹左乾女瞓覺後，在ＭＳＮ同我地訴苦（><）原來乾女搞到嘉祺想喊！

我同雅文好努力去鼓勵嘉祺∼其實，照顧一個ＢＢ真係好辛苦和花好多精力．．．

特別係好似小芊、乾女而家處於學行之間，我地要無時無刻睇住佢∼怕佢地行唔穩，

會撞倒跌傷（><）我地在ＭＳＮ傾到十一時九至上床，在床上面同雅文、女女、

乖乖ＷＨＡＴＳＡＰＰ∼知道乖乖的問題已經解決了（^^）十二時半至瞓覺∼

今朝五時三起身∼餵龜龜、魚魚食野和清潔龜之家，洗頭沖涼後．．．

兩個妹妹在五時九起身，在兩個妹妹刷牙洗面時，我在廚房煮粟米火腿通心粉和

熱朱古力做早餐∼等大妹和吱喳妹換好制服裙後，幫吱喳妹梳頭和紮頭髮（><）

因為今日吱喳妹要步操練習，所以我將佢的頭髮全部都紮起∼食過早餐後，

幫吱喳妹整理好條制服裙∼七時三送兩個妹妹到巴士站，點知在出門口前．．．

ＴＯ︰盈盈

星期六了∼盈盈今日除左返女童軍外，

會唔會約埋朋友仔一齊外出去逛街呢﹖

盈盈∼如果有時間的話，記得要搵我啊！

ＴＯ︰婷婷

嚟到星期六，婷婷今日唔駛返學和補習∼

婷婷是不是留在屋企休息和同兩個妹妹玩呢﹖

係啊∼婷婷幾時會有時間，我地一齊去打羽毛球﹖

ＴＯ︰嘉嘉

又嚟到星期六了！嘉嘉昨晚返兼職∼攰嗎﹖

今日嘉嘉要去學舞∼唔知學左邊一種舞蹈呢﹖

嘉嘉今晚放工之後∼記得講我知啊（八卦想知）

ＴＯ︰藹盈

星期六∼一向都係女女最忙的日子（=v=）

最近好少同女女傾計∼好掛住女女啊（^^）

好想知道女女開學到而家∼做過甚麼活動！

ＴＯ︰彤彤、美靖

呢幾日∼好似無同彤彤ＷＨＡＴＳＡＰＰ，

唔知彤彤呢個星期做過甚麼﹖有無唔聽話呢﹖

希望彤彤今日有時間的話會搵我ＷＴＳＡＰＰ！

靚妹妹∼今日唔駛返學，是不是留在屋企休息﹖

還是約左朋友一齊外出行街輕鬆一下呢﹖（^^）

係啊∼靚妹妹呢個星期放假多唔多功課啊﹖

ＴＯ︰阿妹、琪琪

今日係星期六∼阿妹唔駛返學，不過要練波；

唔知阿妹的羽毛球技術進步左幾多呢﹖（^^）

阿妹，如果有時間記得要搵我ＷＨＡＴＳＡＰＰ。

星期六∼唔駛返學，琪琪會有咩節目啊﹖（^^）

會唔會留在屋企做功課和溫書﹖還是去逛街﹖

話時話∼琪琪已經好耐無搵我在ＬＩＮＥ傾計！

ＴＯ︰ｍｏｋ、晴兒、穎穎

星期六∼ｍｏｋ要返兼職，今日仲要返十多小時；

好擔心ｍｏｋ會唔會挨到病．．．ｍｏｋ如果唔舒服，

ｍｏｋ一定要比自己好好休息，唔好勉強自己啊！

晴兒∼今日留在屋企，好乖女做功課和溫書（抵錫！）

晴兒就嚟小測了∼妳要努力去溫書，唔好比其他事∼

去影響自己；晴兒，如果成績有進步的話．．．（^^）

週末日∼穎穎要返小學教導師弟師妹練習羽毛球，

穎穎在教完羽毛球後∼是不是同朋友一齊去逛街﹖

唔知穎穎逛街時∼有無買到甚麼特別的物品呢﹖

昨日送大妹和吱喳妹返學的時候∼發現我所住的大廈其中一部（車立）壞左！

朝早返學返工繁忙時間竟然壞（車立）真係好唔方便！好彩我地只係住五樓∼

我同兩個妹妹一齊行樓梯到地下大廈大堂。送左兩個妹妹上巴士之後，

去便利店幫媽媽大人買報紙和幫表姐換購學前雜誌∼因為我唔想等（車立），

所以經四樓平台再行樓梯返屋企∼入到屋，媽媽大人已經食緊早餐了（><）

快快換好衫之後∼經四樓平台再到巴士站；因為我唔想兩個女仔等我．．．

（感覺有Ｄ唔好意思！）去到巴士站時，已經見到兩位姊妹等緊我（真係對唔住！）

我地一齊行去坐港鐵∼八時七返到學校，雅文叫我幫佢睇昨日交流份功課．．．

我睇完雅文的功課後，發現雅文功課內容比我豐富（=.=）雅文透過電郵交功課後，

九時鐘∼ＤＲ　ＬＡＭ準時嚟到講室。ＤＲ　ＬＡＭ將上次有關年青男女拍拖的調查公佈。

是次調查一共訪問了一千零二十八人，年齡由十歲至二十五歲的在學大、中、小學生；

從調查資料顯示，有超過五成半人在十一至十三歲開始拍拖，有近半成人在十一歲前拍拖；

此外，調查發現在受訪年齡中十三至十八歲人士對性的態度比較開放；接受拍拖前有性行為

、同一時間有兩個或以上男、女朋友、甚至有兩個以上的性伴侶；至於，十八至二十五歲

對性觀念就比較保守。在這次調查發現現時香港對兒童及青少年在性教育方面實在太少，

導致青少年對拍拖、對性只係很平常的事，希望香港政府在兒童及青少年性教育方面，

可以增撥更多資源∼聽到ＤＲ　ＬＡＭ的調查結果之後，ＤＲ要我地交一份報告∼簡單

簡介調查的目的和這份報告對社工的啟發！其實∼我睇完份報告結果後，有Ｄ自卑．．．

因為我只拍過一次拖，最後都係失戀收場！我都唔明白點解其他人可以咁輕易同異性拍拖！

正如女女講∼在我身邊有好多好漂亮的女性朋友．．．初初認識佢地都會當我係男仔∼

不過認識半年後，佢地就會慢慢當我係女仔（><）其實，我都唔知點解（有無人可以講我知）

在食ＬＵＮＣＨ的時候∼雅文同我講佢唔知點寫呢份功課（=.=）其實，我都仲諗緊．．．

食完午餐後，同雅文到圖書館做功課∼我將自己所諗到的感受和報告的內容寫出來．．．

本來下午課堂係伍教授，不過伍教授要到另一間大學做交流，故此我地可以提早放學。

因為我同雅文想等埋嘉祺，所以我地又去到圖書館繼續做功課。三時三放學後∼

我同雅文、嘉祺行左一陣又一城坐港鐵返將軍澳。返到屋企，四時半∼兩個妹妹已經放學。

在等大妹和吱喳妹沖涼時，我在房重新睇一次份功課；確定無問題之後透過電郵交功課。

洗完白白後∼洗埋小芊、自己和兩個妹妹的衫裙、校裙及底裙後，入到房小芊岩岩起身。

幫小芊換左學習褲後∼在床上面同小芊玩玩具和教小芊講說話（^^）七時幾食過晚飯後∼

餵小芊食生菜魚肉飯仔和蘋果片。食飽飽的小芊同表姐、表姐夫一齊睇電視，我同兩個妹妹

捉飛行棋（不過∼吱喳妹好衰成日都將我Ｄ棋趕返去起點．．．好想咬佢！ ><）

九時幾∼大妹和吱喳妹開始溫書的時候，我就抱左小芊去玩水（^^）九時半∼在房溫書和

做練習。做到十一時幾，吱喳妹話佢瞓唔著想過嚟同我一齊瞓∼我都未答應佢佢已經上床！

在床上面同吱喳妹傾左一陣，知道佢地在學校遇到的事（原來女校有咁多．．． XDXD）

被吱喳妹非禮完一輪之後∼佢終於肯乖乖瞓覺了！我同雅文、女女ＷＨＡＴＳＡＰＰ∼

今朝五時鐘就醒左∼起身餵龜龜、魚魚食野，幫龜龜沖涼和清潔龜之家；洗頭沖涼。

我沖完涼由洗手間走出嚟時∼已經大妹和吱喳妹坐左在梳化上面（><）在兩個妹妹梳洗時，

我在廚房蒸公仔點心和沖茶包茶做早餐∼吱喳妹換好校服後，幫佢梳頭和紮頭髮．．．

今朝幫吱喳妹紮左兩條孖辮∼食過早餐，幫吱喳妹檢查校服∼七時鐘送兩個妹妹返學。

ＴＯ︰盈盈

又嚟到星期五了∼返埋今日可以放兩日假，

唔知盈盈多唔多功課呢﹖盈盈會今日做完嗎﹖

唉∼近來好少同盈盈傾計，盈盈會唔會．．．

ＴＯ︰婷婷

婷婷∼好似仲未比妳著．．．的相我啊∼

唔知婷婷係唔係已經唔記得左呢﹖（><）

今日係星期五∼婷婷要留在學校補課．．．

ＴＯ︰嘉嘉

呢幾日天氣十分乾燥∼唔知嘉嘉有無喉嚨痛﹖

如果有的話∼記得要多飲暖水或飲蜜糖水（^^）

仲有，嘉嘉記得溫書唔好溫到太夜，知道嗎﹖

ＴＯ︰藹盈

好開心∼女女有時間就會嚟睇我的日誌（^^）

證明女女都無忘記我呢個女人∼實在太開心！

唔知女女近來點呢﹖是不是依然好忙啊（><）

ＴＯ︰彤彤、美靖

彤彤∼妳是不是仍然好夜至瞓覺呢﹖（又唔聽話）

彤彤一定要學習早睡早起，唔准妳太夜瞓覺（><）

如果彤彤唔聽話∼我會叫嘉嘉幫我教訓妳架，知嗎﹖

靚妹妹∼近來是不是仍然好忙﹖有太多功課要做﹖

好想知道靚妹的近況．．．希望靚妹妹有時間的話，

會多Ｄ在ＷＨＡＴＳＡＰＰ搵我傾計．．．（^^）

ＴＯ︰阿妹、琪琪

其實∼阿妹的新電話號碼是不是妳用﹖

我怕有時ＷＨＡＴＳＡＰＰ∼並不是妳！

希望阿妹快Ｄ答我喇∼唔係．．．（><）

又嚟到星期五了∼琪琪今日多唔多功課﹖

星期六、日，琪琪會有咩節目啊﹖會唔會

同男朋友仔去拍拖﹖行街﹖好掛住琪琪！

ＴＯ︰ｍｏｋ、晴兒、穎穎

昨日終於睇到ｍｏｋ在面書上線了（^^）

我仲以為ｍｏｋ以後都好少時間上線．．．

睇完ｍｏｋ的日誌∼知道妳的近況都放心點！

晴兒∼今日放學之後，要去見兼職∼結果怎樣﹖

其實∼晴兒做兼職都係想有工作經驗，不過∼

晴兒千祁唔好求其搵工作∼避免被人利用，知嗎﹖

穎穎∼今日放學之後是不是同朋友去逛街﹖

唔知穎穎有無買到甚麼呢﹖穎穎會唔會．．．

不過∼我相信穎穎都唔會∼因為．．．（><）