昨日送左三小花返學之後∼拿拿淋去便利店買報紙，返到屋企換衫後，帶細表妹返學。
跟住去港鐵站等雅文、嘉祺∼今朝兩位姊妹被風到Ｄ頭髮亂晒（似足．．．）唔講得XD
在港鐵上面，我同雅文不停研究自己昨晚在網上搜集的新聞資料內容。想不到∼
我同雅文搵的新聞有三個相同（><）八時九返到大學∼還書後馬上趕返去講室。
九時鐘∼ＤＲ ＬＡＭ準時嚟到講室；第二學期第一次上ＤＲ ＬＡＭ的課堂。
ＤＲ ＬＡＭ表示︰在第二學期會加強我地對香港法律對保障兒童及青少年的知識。
第一堂ＤＲ ＬＡＭ會講解有關性侵犯兒童及未成年少女的法例（>///<）直至現行法例列明︰在香港，合法性交年齡為十六歲。「與年齡在十六歲以下的女童性交」屬刑事
罪行。很多人稱「與年齡在十六歲以下的女童性交」一罪為"衰十一"，是因為
誤解罪名為「與未成年少女發生性行為」，而這個被誤解的罪行的名稱長達十一
個字。 事實上，香港女性成年之年齡和男性一樣，都是十八歲。
根據香港法律—一九七八年修訂的《刑事罪行條例》：任何年齡的男性—即使問
準當事者或其父母—都不可以和未滿十六歲的女性發生性行為；某些情況下，
若當事女性父母的反對，而把十八歲以下少女帶出及與其發生性行為，可處監
禁七年。
根據香港法例第二零零章《刑事罪行條例》第一二三條：任何男子與一名十三
歲以下的女童非法性交，即屬犯罪，一經循公訴程序定罪，可處終身監禁。除
非該名男子未滿十三歲，因為普通法假定十四歲以下沒有性能力。
根據《刑事罪行條例》第一二四條，任何男子與一名十六歲以下的女童非法性
交，即屬犯罪，一經循公訴程序定罪，可處監禁五年。
根據《刑事罪行條例》第一二七條的「拐帶年齡在十八歲以下的未婚女童為使
她與人性交」條，任何人將一名年齡在十八歲以下的未婚女童，在違反其父母
或監護人的意願的情況下，從其父母或監護人的管有下帶走，意圖使她與多名
或某一名男子非法性交，即屬犯罪，一經循公訴程序定罪，可處監禁七年。
根據一九九一年增補的《刑事罪行條例》第一一八Ｄ條，任何男子與年齡在二
十一歲以下的男童或女童作出肛交，即屬犯罪，一經循公訴程序定罪，可處終
身監禁。
ＤＲ ＬＡＭ補充︰法改會就現時一些偷拍裙底的法例作咨詢及修定，希望進一
步能夠阻嚇偷拍行為。此外，亦會修定現時法例定明十四歲以下男童沒有性能力
的法律定義。聽完一個早上ＤＲ ＬＡＭ講有關法律條文，食ＬＵＮＣＨ的時候，
我個腦仍然諗緊ＤＲ ＬＡＭ講的說話（><）食完ＬＵＮＣＨ之後，同雅文、
嘉祺在ＣＡＦＥ傾計，了解乾女的近況。聽嘉祺講乾女穎嵐而家行路已經好穩陣，
仲識得鬧嘉祺曳曳了（^^）下午上課部份∼ＰＲＯＦＳＳＯＲ ＬＡＭ聽取我地搜集
有關新來港人士的新聞資料∼之後ＰＲＯＦＳＳＯＲ逐一將我地的功課收起．．．
三時三放學∼收到大表妹的電話。在電話裡面∼聽到大表妹好似喊緊（嚇左我一跳）
於是我馬上坐的士趕去大表妹學校。去到學校由校工帶我到醫療室∼原來大表妹．．．
因為Ｍ痛（痛到喊）其實∼我都唔記得左大表妹已經大個女了！接左大表妹放學之後，
我見大表妹痛得好厲害（面青青）於是我同佢坐的士返將軍澳。在車上幫大妹預約時間
睇醫生。返到尚德扶住大表妹去診所∼在診所等左一陣就可以見醫生。鄧醫生幫大表妹
檢查後表示︰大表妹初時嚟經期係比較辛苦和不穩定。只要注意平日唔好飲凍飲和多做∼
運動；日後經期穩定後經痛的情況就會無咁厲害。鄧醫生開左止痛藥、補血藥和維他命
比表妹。四時九返到屋企，見到大妹、吱喳妹、細表妹已經沖好涼做緊功課；在大表妹
沖涼時∼我在房睇住小芊瞓覺。我發現小芊瞓覺時會偷偷笑（^^）沖完涼洗左自己、小芊、
四小花換出嚟的衫裙及底裙後，入到房見到小芊已經起左身∼好彩小芊無企起身（><）
幫小芊換左學習褲後，在床上面同小芊玩玩具∼七時幾食過晚飯後，餵小芊食生菜肉絲飯和
橙肉。食飽飽的小芊同表姐、表姐夫一齊睇電視∼我同四小花一齊玩Ｗｉｉ（^^）九時幾∼
四小花開始溫書時；我同小芊在軟墊上面玩積木。九時九返入房備課做功課。十一時幾．．．
吱喳妹走上我張床瞓覺∼吱喳妹的睡姿實在太斯文了（斯文的相反詞）在床上面同雅文、
嘉祺、乖乖、嘉嘉ＷＨＡＴＳＡＰＰ到十二時幾，差不多一時至瞓覺．．．
今朝五時鐘未夠就醒左∼起身餵龜龜、魚魚食野和清潔龜之家，洗頭沖涼。
四小花在五時九起身∼在佢地梳洗時，我在廚房煮沙爹牛肉通心粉和朱古力奶做早餐。
四小花換好校服後，幫吱喳妹和兩個表妹梳頭和紮頭髮∼今朝幫吱喳妹紮左條馬尾；
至於兩個表妹一個鬢辮一個紮孖辮（^^）食過早餐∼幫吱喳妹和兩個表妹檢查校服，
今朝見到大表妹無再面青青，證明鄧醫生的藥好有效！七時鐘送三小花到巴士站。
ＴＯ︰盈盈
原來盈盈都知道已經好耐無搵我ＳＭＳ了∼
我仲以為盈盈已經唔記得左喇（好傷心 ><）
希望盈盈有時間的話∼會多Ｄ搵我ＳＭＳ！
ＴＯ︰婷婷
婷婷真是個很著緊自己學業成績的女生（^^）
可能婷婷是家中的長女∼要做好榜樣比妹妹，
所以婷婷對自己也特別嚴格，婷婷真係好乖！
ＴＯ︰嘉嘉
唉∼已經好耐無同嘉嘉傾計了．．．
唔知嘉嘉忙緊咩呢﹖好掛住嘉嘉啊！
希望嘉嘉遲Ｄ會有時間搵我傾計（^^）
ＴＯ︰藹盈
我個女∼真是個大忙大（><）唔知女女∼
幾時至會有時間同我呢個女人傾下計呢﹖
我好掛住女女架∼唔知女女有無．．．
ＴＯ︰彤彤、美靖
我同彤彤近來都好少傾計∼彤彤又好少上ＱＯＯＺＡ，
唔知彤彤是不是忙著為嚟緊的考試做準備溫習呢﹖（^^）
希望彤彤考完試後，無咁忙∼會多Ｄ在ＱＯＯＺＡ上線！
靚妹妹∼今日放學之後有無約同學逛一陣街呢﹖
我知道靚妹妹平時都好少會外出∼經常留在屋企溫書，
我覺得靚妹妹真是個很乖、很聽話的女生（^V^）
ＴＯ︰阿妹、琪琪
阿妹∼妳每日補習前有無食野至去補習﹖
因為阿妹要補完習至可以食晚飯；我怕∼
阿妹會餓到暈左（XD）阿妹大個女要照顧自己！
唔知琪琪是否已經轉左冬季校服呢﹖（><）
突然好好奇想睇下琪琪著裙係怎樣（XD）
我相信琪琪著裙應該是個好斯文的女生（^^）
ＴＯ︰ｍｏｋ、晴兒、穎穎
ｍｏｋ∼近來好似少在ＱＯＯＺＡ寫日誌，
唔知ｍｏｋ係唔係因為太忙∼無時間（><）
希望ｍｏｋ有時間的話∼會多Ｄ講下自己的近況。
晴兒∼昨日小測唔及格，是不是晴兒太大意﹖
晴兒下次小測的時候要留意問題∼知道嗎﹖（><）
不過∼晴兒今次小測唔及格，媽媽一定好嬲！
穎穎∼近來為左練習，搞到無時間休息．．．
希望穎穎完左比賽之後∼可以多Ｄ時間休息！
係呢∼穎穎對今次的比賽有無信心啊﹖（^^） |
