昨日準備出門口送兩個妹妹返學時∼吱喳妹突然話肚痛，叫我地等佢去完洗手間至出門口。
等吱喳妹去完洗手間∼七時三出門口（^^）因為時間比較緊迫，所以兩個妹妹都選擇坐的士。
比左錢兩個妹妹，送左佢地上車後；我就去便利店買報紙，返到屋企∼媽媽大人岩岩起身。
陪媽媽大人一邊食早餐一邊睇新聞；在媽媽大人嘆的報紙時，我就開始清潔工作。
洗碗、抺餐枱、抺餐椅、抺電視機櫃、抺雜誌架、抺大門鐵閘；媽媽大人九時半返工後，
用碧麗珠、清水抺梳化；用稀釋的消毒藥水、清水抺小芊的玩具、軟墊和積木。
跟住打掃兩個妹妹和自己間房，抺電腦、抺電腦枱、抺房門、衣櫃；更換床單、
枕袋和睡裙∼最後，用一比九十九漂白水抺地板。十時九完成所有清潔工作（^^）
洗頭沖涼後∼在房溫書和做練習．．．差不多十一時半，小芊行入房攞佢最愛的公仔，
多啦Ａ夢時∼見到我在房，佢好開心和大叫（><）表姐聽到小芊大叫，馬上走嚟看看！
小芊望住表姐指住我同表姐講「父父」∼小芊發現左我在房，佢當然唔會放過我，
捉住我行出廳倍佢在軟墊上面玩玩具（^^）表姐在我同小芊玩的時候，佢就去買食材。
十二時幾∼表姐煮左豬肉水餃比我餵小芊；我將小餃剪成小份餵小芊食（^^）
小芊很最鍾意食水餃、麵食，反而對飯類就無咁鍾意（><）食飽飽的小芊在軟墊上面玩，
我同表姐食午餐∼今日表姐煮左河粉做ＬＵＮＣＨ，食飽飽後休息一陣，幫小芊沖涼。
洗完白白的小芊，著好衫仔和學習褲後；抱左小芊入房講故事氹小芊瞓覺（^^）
小芊瞓著左覺之後∼由表姐睇住小芊我就去沖涼洗頭；洗左自己和小芊換出嚟的衫褲，
吹乾頭髮後∼返入房一邊睇住小芊一邊溫書；表姐就在廳做公司文件（^^）
溫書溫到四時九，聽到兩個妹妹放學返嚟∼等兩個妹妹沖涼洗頭後，洗左佢地
換出嚟的底裙、衫褲和校裙後，小芊岩岩起身。幫小芊換左學習褲後，在床上面，
同小芊聽兒歌和睇書（^^）七時幾食過晚飯，餵小芊食生菜雞肉飯和橙肉。
食飽飽的小芊，同表姐、表姐夫一齊睇電視；我同大妹和吱喳妹捉波子棋．．．
九時幾，兩個妹妹要準備執書包和溫習；我就同小芊在軟墊上面玩玩具。
九時九∼返入房繼續溫書和做練習．．．做到十時半，吱喳妹走入嚟爬上我張床，
佢話今日全日個肚都好唔舒服∼吱喳妹要我幫佢“猜”下佢肚。我見佢唔舒服，
所以就幫佢“猜”下佢個肚（唔知點解覺得有Ｄ唔好意思）點知吱喳妹不經不覺瞓左！
在床上面同雅文、女女ＷＨＡＴＳＡＰＰ∼今次輪到我不知不覺瞓左（對唔住！）
今朝五時鐘起身∼餵龜龜、魚魚食野和清潔龜之家後，洗頭沖涼。
大妹和吱喳妹在六時鐘起身，在佢地刷牙洗面時∼我在廚房整芝士雞蛋三文治和
橙汁做早餐。兩個妹妹換完制服後，幫吱喳妹梳頭和紮頭髮∼因為今日吱喳妹要步操，
所以我將吱喳妹的頭髮全部梳起紮成一個髮髻；食過早餐，檢查吱喳妹的制服裙後，
七時三送兩個妹妹到巴士站返女童軍∼在樓下遇到雅文和乖乖（^^）
ＴＯ︰盈盈
星期六∼唔知盈盈會唔會因為學校考試，
而暫時唔返女童軍的活動呢﹖盈盈∼近來
除左忙溫書外，有無比自己輕鬆休息下﹖
ＴＯ︰婷婷
星期六∼唔知婷婷今日會有咩節目或活動呢﹖
婷婷記得今日要好好休息∼唔好掛住溫書啊！
如果婷婷唔聽話的話∼我會咬妳架，知道嗎﹖
ＴＯ︰嘉嘉
原來嘉嘉咁夜至沖涼．．．真係嚇左我一跳！
其實∼夜晚晚至沖涼，我有一種不安的感覺！
特別係在睇完一Ｄ有關阿飄的電視節目後．．．
我更加唔想去沖涼．．．（其實∼我好細膽！）
ＴＯ︰藹盈
女女∼今日忙嗎﹖女人好想知道妳今日的行程﹖
因為我已經好耐無同女女傾計，想了解妳多Ｄ！
希望女女有空時，會多Ｄ搵女人傾計！唔係我∼
遲早變左一舊『望女石』（XD）望住女女返嚟！
ＴＯ︰彤彤、美靖
彤彤∼妳是個很討人喜歡的女生！真係好想咬妳（XD）
不過，彤彤有時會蝦我的性格，好似吱喳妹一樣（><）
雖然彤彤蝦我∼但係我無嬲到妳！因為．．．（奸笑中）
星期六，靚妹妹∼今日有咩節目呢﹖有無約彤彤行街﹖
靚妹妹近來好似好忙∼好少在ＷＨＡＴＳＡＰＰ上線，
唔知靚妹妹忙緊咩呢﹖有時間要在ＷＴＳＡＰＰ問妳！
ＴＯ︰阿妹、琪琪
星期六∼阿妹今日要唔要返學校練羽毛球呢﹖
近來阿妹好少在ＱＯＯＺＡ寫日誌∼（><）
希望阿妹有時間的話∼會多Ｄ寫日誌喇（^^）
今日係星期六∼唔知琪琪會唔會留在屋企﹖
還是約朋友去逛街呢﹖琪琪近來一定係好忙，
我已經好耐無同琪琪在ＬＩＮＥ傾計了（><）
ＴＯ︰ｍｏｋ、晴兒、穎穎
ｍｏｋ∼今日是不是要返兼職是啊﹖（><）
近來ｍｏｋ又要返工又要返學又要溫書，
ｍｏｋ會唔會唔夠時間休息和睡眠架﹖
今日係星期六∼我都知道晴兒好掛住ＢＦ，
所以晴兒今日一定會搵男朋友去拍拖（^^）
希望晴兒今日甜蜜完之後∼會努力溫習！
穎穎∼今日是不是返小學幫師弟師妹練波﹖
穎穎練習完之後∼有無同朋友去逛街啊﹖
近來好少見到穎穎在ＦＢ上線∼有Ｄ掛住穎穎！ |
