今朝遲左起身，去到琴行遲左５分鐘，學學下同個阿ｓｉｒ吹左陣，跟住我話想買ＫＯＲＧ個音效器，佢問我通利賣幾多錢，跟住我話＄１６８０，佢話唔抵買，叫我唔好買，注意佢係通利既員工。

跟住肥麟打黎，同左佢去食野，食泰式，跟住ｄｏｇｄｏｇ，黎埋，陪左佢去食環球，食完翻到教會玩層層疊，原本得我，肥麟同羊仔，玩玩下嘉嘉同少玉都玩，玩到團契開始，今日團契個氣氛唔係太好，發覺自已都無咩願望同目標。

放左團契諗住去食下午茶但班女仔去食萬利，無咩興趣，陪ｄｏｇｄｏｇ去左睇ｇａｍｅ，跟住ｄｏｇｄｏｇ＋羊仔＋蔡文朗走先，同民仔係大埔行，行行下撞到波特同花花，原來波特下個禮拜六要去澳洲讀書，跟住諗住同民仔＋阿貴去打波，點知阿貴已經翻左屋企，咁民仔都翻埋屋企，自已係大埔廣場到再行多陣，好鍾意自已一個睇野，去左札幌借左幾本火鳳跟住去左海港買飯翻屋企食。