差唔多有一年無打日記……去完camp有好多感受突然間好想打日記，希望我可以keep住打啦。

講翻個camp先，第一日同貴佢地入到去間渡假屋，嘩…我覺得好靚，除左個廚房，去到放低我地既行李就換3去海灘玩lu…玩左一陣就翻黎沖涼，跟住我地4個玩存左陣就等dogdog佢地入黎，11點到，佢地入到黎，我地就食我地既第一餐……打邊爐，無牛肉食…我都係第一次，哈……，食完野，我地就入房傾計了……肥麟你想知，我就係唔話你知，呵呵……，傾左陣我地就訓了……

day2，起身食早餐……早餐係無味既通粉，食完又同佢地去海灘玩…玩欖球同水彈，勁好玩，玩玩下dogdog諗到拎d水彈埋係d沙到，等人踩落去…可能有其他路人會踩中…，玩完就翻翻去lu，沖完涼係度整飯團…好難食呀，好似食隔夜凍飯咁…食完飯我地又入房傾計…好開心同佢地傾到好多野…令我了解到自已同咁多位弟兄，希望e 段關系可以維持落去，傾完我就即刻訓左…好訓眼。

last day，我味起身佢地係度整野食…之後佢地入黎整我起身，方法就唔多提了…好變態的，起左身食早餐，食炒飯…又係無味的，食完早餐靈完修就去左汁野了，汁完野翻大埔，翻到去同wendy飲茶，好耐都無食過好味既野了。camp終於都完左了，感謝神保守住我地…，e 3日天氣都好好。

食完野去左幫薯片開acc，之後同佢地去勝家整電腦，整完電腦翻屋企，翻到屋企hea左一陣就換左3出去同珠仔佢地踩板……無踩一排，ollie 都唔得，我要努力先至得，踩到12點幾，搭車翻屋企，翻到屋企沖涼翻教。

今朝6點9起身，約左肥麟食早餐，係m記撞到b仔、寶wing同阿叔，之後一齊食完早餐就去運動場。

一去到運動場就4團問人拎貼紙，哈哈……，wai社既貼紙好靚，個個社既leader都好落力，但d啦啦仔就唔係好合作，諗住幫下智社佢地管教下d f1仔點知個靚仔講哂粗口，真係唔識死，dogdog諗住扯佢起身，點知整爛左佢件3，結果俾leader們鬧了。

到左10點幾我就去左換3lu，去跑1500，出到去等個時都有小小緊張，到上線準備個時我簡單咁向神祈禱，希望佢保守我可以平安咁跑完全程，跑緊個時聽到好多人為我打氣，都幾開心ga，幾經辛苦我終於都跑完，跑第7，5分37秒，比以前我練個時快左半分鐘，真係感恩，"凡你們所願意的，祈求就給你們成就"

跑完休息左一陣跟住就係去食飯，食完飯去左百佳買喉糖俾健社，跟住坐下，睇下比賽，有時幫下啦啦隊，咁就過左一日，放左同佢食糖水，食完糖水，送埋阿芯翻屋企之後送埋wai慧翻屋企之後再送埋羊仔去撘車，跟住就自已行翻屋企，一翻到屋企第一時間沖涼，沖完涼食dinner，食完dinner就打左陣機，之後就去左訓。

今日起身已經是1點幾lu，一起身第一時間就係開電腦，跟住同dogdog打Warcraft，打到2點幾，再同肥麟打機，lunch都係係電腦前面食==。

打到6點幾落阿婆度食飯，真係太好味啦，同我阿媽整個d野食相比，簡直一個天堂一個地獄==，食完飯上黎繼續不斷地打機，打完就睇動畫，終於都睇完beck啦，真係好好睇，睇完之後就繼續打機。

一日就咁就過左，好浪費下，除左食晚飯之後我都無離開過電腦，e d生活適合我嗎==，轉左background music，首歌歌名叫moon on the water，應該無咩人聽過了吧。

好耐無打日記lu，我諗都有2個月，講翻今日先，今朝8點9就起左身，刷完牙洗完面就翻教會，今日好早翻教會，因為要係小強份生日禮物度寫野，hea下hea下就崇拜lu，今日講道個個講員好正，講得好生動，哈哈……，完左崇拜就去左飲茶，都等左好耐先有位，上到去一坐低，d碗碗碟碟勁污嘈，唉，今時今日既服務態度點得ga，拎野食個時發生左d白痴野，就係係我出去拎野食"給"完印，竟然唔記得左拎翻左單翻黎，超白痴==。

食完野之後就翻教會靈修lu，因為飲茶既關系，所以遲左小小，唔知點解我地個組次次靈修同查經都好似無咩人分享，我都係咁==，同埋今日我get唔到經文入面想講既野，希望下次可以做好d，完左靈修就係送禮物俾小強既時候，希望小強可好好keep住e份禮物啦。

之後就同左小強去大埔廣場，佢就去左睇nds game，而我就去左睇figure，期待左好耐既龍珠z 8既figure，原來仲味出，俾d網友水左==，之後睇左好耐，最後買左套星矢超造型魂，跟住自已再行左陣，睇下game，睇下figure，睇下電腦d野咁就翻屋企lu。

上網dl左幾首葉佩雯既歌黎聽，有d失望，佢把聲ROCK唔起咁~好似怪怪的~係咁E汁下個LOOK嗌2聲就話ROCK...有D"冇肉"左ROCK呢個字==，同埋佢個look勁似一個外國rock既歌手Avril Lavigne，連笑容都可以學埋==，拎住枝guitar出場就叫rock，唉，佢有實力但歌路行錯了，香港既rock唔通就係吳雨霏個d咁既歌手既歌，咁我還是喜歡Avril Lavigne好過==