今朝爆遲起身，因為琴晚無較到鬧鐘，朝早無翻到學，11點先起身係到睇電視，睇到11點9到換3落街lu落街食左個芋頭魚，好好味哦。跟住去左二佬幫佢地買飯，翻到學校打波，龔sir都有打，佢都幾勁==，食完飯打鐘上翻課室，上翻去上數學堂無聽到書係到訓，跟住上中文堂，見到班友仔係度打psp，無去玩繼續訓，訓到放學，都唔知今日翻學黎做咩＝＝，放左學佢地上左我度打機，打到6點零到佢地就翻哂屋企lu

自已又煮野食，前幾日買左d雞翼，今日煮左黎食，不過唔記得左解凍，ｄ肉熟都唔熟＝＝，最終都係食公仔麵。

今朝早左起身，因為前2日都遲到，翻到去頭2堂美術爆悶，hea下hea下就過d時間，跟住上普通話又係好悶，訓足成堂，跟住上數學，數學又係勁悶，吹下水d時間又過了，跟住世史堂聽左陣，lunch去左飲茶，差d遲到==。

lunch完左上音樂，唔知點解音樂堂特別好訓，音樂堂完左上地理又繼續訓，要儲存足力量等上英文堂無咁眼訓=0=，因為英文有校長睇，上英文堂個時真係勁悶，不過海膽完全無鬧人，真係好搞野下，放學去左團契，放左團契去左打波，打到7點半去左買野食翻屋企lu

今朝可能太凍遲左起，翻到學校岩岩遲到-0-，都係怪自已太夜訓，俾楊sir嘈左陣就上翻去上堂lu，頭2堂數學，2堂都無聽書，佢溫習翻之前d野(角柱，圓週個d)勁無聊。

跟住小息走左去溫凌文健玩頭d，小息之後中史又係抄notes，上完中史上bio，杜杜無翻呀，爆正，同人係度玩psp，玩到食lunch，食完lunch睇波，打鐘就上翻課室lu，跟住上電腦，無無聊聊吹下水咁又過左lu，跟住海膽，勁眼訓 ，訓左2堂，訓到流哂口水，哇哇kaka==。

放學去留堂，留完堂去左搵肥麟羊仔民仔，拎左粒籃球出去打左陣，俾羊仔kick一kick，又拉親左腳，而家都幾痛下=0=。

跟住佢地就上左我屋企睇電視加食野，肥麟就幫我溫數，識左都ok多，真係唔該肥麟呀。佢地7點零到走左lu。

拎左前日自已買既唯一正版cd黎聽==，超正，樂隊叫做Oasis，個名幾有意思，沙漠中的綠洲，d歌係結他個阿sir叫我聽下，雖然係十年前既碟但都成二百幾銀，入左隻佢地其中一首歌做背景音樂。

今朝大昏迷中既時候，突然勝打電話黎嘈鬼醒左我==無理佢繼續訓，點知過多5分鐘又打黎，我電話都無聽繼續訓，到9點3先起身換3刷牙洗面，出街個時阿媽俾左$500我買鞋真係好，哈哈....

跟住行翻教會可能太眼訓用左龜速行翻教會，翻到去已經開始左lu，睇到詩班真係覺得嘉俊好似d臭飛==，放左之後去左食大家樂，都ok貴又唔飽，係火車站等dogdog個時賭輸左一支野飲==，

去左7仔買&還埋之前差肥麟一支野飲，買完野飲就去左搭車去睇波lu，去到上水行左陣商場，係walker shop 而家好想買對vans但最終都係無買到，跟住行下行下夠鐘就行去睇波la，行去個時見到有通利好想入去睇下但都係無去==，2點到我地去到等開波，雖然最後都輸左，但無咩所謂la。蔡文朗，人生有起跌呀嘛。

完左就翻翻大埔lu，我好後悔係太和跟左班友仔落車，總之係大埔墟落la，係太和落跟住又係行翻去大中==，真係有病的，終完都去左大埔間walker shop買左鞋，同還左部分既債項俾肥麟，而家總差肥麟$60(知有無記錯)，跟住去左我屋企樓下平台打波+跳繩，跳繩個時拉親左腳腳筋==，玩到8點各自回家lu。

翻左屋企沖涼之後落阿婆到食飯，好耐無落阿婆到食飯，真係勁好味同平時d碟頭飯差好遠，食完飯係阿婆屋企坐左陣就翻翻屋企。

今朝好遲先翻到學校，今日無早會真係好，頭2堂數學，昏迷足2堂==，到左小息先醒，跟住上中史終於去聽書，不過真係好悶，上完中史上bio，做下實驗咁就過左d時間過得真係快，lunch翻左屋企食野，lunch之後上電腦，何美華遲大到，佢黎到個時得翻15分鐘到--，之後上2堂海膽堂，同人係度打psp==。

放學陪人去左買頭D，跟住翻屋企hea，hea到5點零鐘去左探老師，跟住同d小學同學去左食dinner跟住就翻左屋企lu