7點先起身，訓得一陣，好想繼續訓，之後刷牙洗面出去食早餐，食左d通粉同飲左d朱古力既物體，跟住唱詩歌，我要彈結他，但琴晚無準備過所以彈得唔係幾好，之後就係小組，我地睇左一編係營刊既故事，父親的台燈，之後又玩game lu，game名係(尋找人生的故事)，錦盈唔舒服，無玩到，但我地都好落力咁去玩，我地係咁玩機會卡贏到好多印仔同錢，雖然我地得7個人玩，但我地唔係包尾個隊，之後食lunch，俾人發現左我用筷子既方法有問題，哈哈……，由細到大都係咁，食完野當然又係玩game同唱歌既時間，今次玩既game係要跑去中間做一d動作，我地今次都係以7人應戰，又係輸左，不過我地都無任何既抱怨，埋怨，真係好………，之後唱歌，我又走左去彈結他，無參與到跳舞，有d可惜，之後就係free time既時間，流馮拎左部即影即有相機黎，影左好多相，好開心，影完相去左打波，打到成身都係汗，又去左同dogdog沖涼，沖完涼就食飯，食完飯就準備晚會d野，，我同dogdog既白痴事情就係e個時候發生左，我地係出發之前，我地好似將d屬靈出世紙俾左一個人放左係其中一個箱，咁我地就係咁搵，搵左大約30分鐘，我地連垃圾到搵埋，想放棄之際，去左問小強，小強去左pui琪係咪放左係佢度，原來真係放左係佢到-0-"，跟住晚會開始，係個戲中我係有份ga，我係做sunny既伴侶哈哈……，之後就係wendy講道，當中有好多人起左身願意決志信主真係好感恩，好多女仔都喊左出黎，好難忘個個畫面，晚會完左，又係我地傾計既時間，對於kimman企起身承認佢係一個基督徒同鄭力勤話對e個信仰好有興趣，真係好感恩，名組名精彩之後，搵左成班人去沖涼，今次係6個人一齊沖涼，個種感覺簡直係難以形容，實在太正啦，哈哈……，沖完涼同dogdog 4圍搵人影相，影左好多好多相，留下美好既回憶，之後全部人都有野做，我自已一個勁悶，係房度hea左陣頂唔順，訓左。

第一日，6點幾就起左身，前一晚好緊張訓唔著，哈哈……，起左身打機打到9點到肥麟黎左，同佢打左陣機，dogdog都黎埋，跟住就汁野，汁完d野就去食早餐，食完就翻教會點齊d野，唔該哂慧慧翻黎幫我手cut野，整好哂d野就拎翻學校，好重呀d野，拎到出哂汗，翻到學校，我先知道我係咩組，我係泡泡龍組，小強將我掉黎掉去，原本係同barry一組跟住掉左去同我(阿哥)一組，點知我(阿哥)唔想同我一組，唉，最後我係同流馮一組，都幾好呀，去到玩第一個game，我記得係好似要排好d數字，跟住行，我地係除左熱身賽度贏左之後都無贏過，好失敗，之後玩第2個game，玩扮卡通人物聽到首歌，就要扮翻入面既卡通人物，我地既導師要上去做主持人，所以小左個人幫手，雖然我地好落力，但都係依然第5名，不過唔覺得重要，因為仲有好多個game可以追，夕陽會我講左我入黎既目的，我係想令更多人去認識神，之後就幫佢地手整定d野準備下一個game，試玩左一次，game名係(這個城市很古惑)，個game係好好玩，我係咁扮色魔過關成功，但我d組員都係差d黎過到關，得我一個係對面，所以最後我地都係落敗，跟住再玩左個game，係要隻腳唔掂地過對面拎個砌圖過黎，之後組組都係度出古惑，用手墊住腳行過去拎，雖然我地係最快拎哂個砌圖過黎，但我地砌得好慢，所以我地組繼續包底，跟住燒野食，燒燒下竟然落雨，我個組d人走哂，個火都息哂，我唯有過人地到燒，唔知點解我好鍾意燒個過程，但我係唔鍾意食，真係怪，哈哈……，跟住上去汁埋d野就去沖涼，同dogdog，兩條友一齊係同一格到沖，哈哈……e個感覺好正，之後dogdog佢地就訓啦，我一條友無野做勁悶，就去左女仔房玩game，玩7級豬，原來少玉係第一次玩，之後玩完7級豬佢地就轉game，玩killer，我無玩，對e個game已經覺得有d悶，同少玉傾左陣傾，之後俾流馮發現左我係女仔房，無奈地出翻去，之後翻房hea，hea左陣出左去同人地一齊打波，認識到d f.6既人好開心，打左陣就去左睇波，意大利對德國，好悶呀，上下半場都無咩有威脅既射門，之後我諗都係射12碼，翻房諗住訓，但又訓唔著，我諗我到5點幾先訓得著。

今日6點鐘起左身，訓唔翻，出左廳打機，打到7點9先換3翻學，今日翻到學勁悶，上d堂就係聽翻自已個分又唔派卷，堂堂都係聽完個分唔係玩就訓，放學，去左環球食野，食完野民仔同阿貴黎左我屋企打機。

跟住derry問我去唔去小強屋企睇波，考慮左好耐，最後都係決定去，落到街同佢會合左之後諗住去買件阿根廷波衫，但最後都無買到，跟住就急急腳咁去小強屋企，要轉2程車，撘完74x之後坐地鐵，去到坑口都係9點10到，去左大快活買野食然後小強度。

去到佢屋企睇左陣法證先鋒，，跟住就開波德國對阿根廷，上半場好悶，2邊射門加埋都唔夠5球，下半場唔夠5分鐘艾耶拉就頂入左，跟住阿根廷都係守，仲換走左我最愛既列基美，完場前10分鐘仲要俾高路斯頂入，之後加時，都係無咩攻勢，射12碼，阿根廷竟然輸左==，當堂同個人頹左。

之後打機，拎左部ps2去小強到，打到3點開波，意大利對烏克蘭，開波6分鐘森保達就入左，成場意大利都係禁住黎打既東尼跟住仲要入左2球，挨到90分鐘完場，全部都訓哂，訓到7點起身，洗完面，hea到8點幾到，落左大快活食早餐，食完早餐就翻屋企

成１２點先起身，琴晚好夜訓掛住睇波，睇到今朝６點＝＝，一起身聽到收音機講車仔麵，講到好好食，即刻落左去買萬利食，叫左４個送，蘿蔔，牛腩，豬腸同魚蛋，好好味，食完就係屋企彈結他，結他線都俾我彈斷埋，彈左好耐，我諗有２個鐘到，之後打左陣機，完全係屋企到ｈｅａ，見無野做換左ｄ結他線同抹左支結他，洗翻ｄ碗同鑊，琴日因為懶無洗到，所以要洗翻，之後咩野都做哂就去左訓，訓到６點幾到起身打機，今日就係咁渡過左＝＝。

意大利琴日差d輸左俾澳洲，場波雖然唔係好好睇，係睇教練既部署，我諗希丁克係想同意大利打體力戰，拉据到射12碼，但係完場前40秒澳洲就係咁俾托迪一腳踢左出局，其待2年後希丁克執教俄羅斯既比賽，瑞士對烏克蘭個場就真係悶爆，除左舒夫真高個一腳之外成場都係悶戰，虧我睇足成場，而家加納打緊巴西，加納挨打中……，朗拿度而家係世界盃既入球已經有十五球，超過左以前西德既梅拿所保持既十四球紀錄。

而家係６月２８日既１２點３６分，ｄｅｒｒｙ生日快樂！！！

1. 一生人以來第一個偶像： 我阿爸
2. 希望住怎樣的房子： 好似六樓後座咁，可以一班朋友一齊住
3. 天生是腸胃好的人嘛： 一般
4. 覺得自己自私嘛： 自私ｇａ都
5.有邊個人曾經令你希望自己成為佢： ｓａｎｔａｎａ彈結他爆勁－０－”
6. 對香港的感覺： 一個字，細
7. 覺得自己會點死：悶死………
8. 有冇乜野事你好後悔當時做左呢個決定： 好似無試過做完一個決定好後悔
9. 有冇睇過邊套戲令你久久不能平伏： 有，童夢奇緣
10. 你覺得你自己係一個偏向思想正面定負面既人： 正面
11. 現存最「古老」的記憶：幼稚園食茶點，個時好開心
12. 曾經自己一個人做過些甚麼事： 自已一個係街到ｈｅａ左幾個鐘，經常地自已一個食晚飯
13. 有邊個明星你欣賞佢但係佢稱唔上係你「偶像」： 無
14. 有邊個明星稱得上係你偶像但其實你都唔係覺得佢咩太多野值得你欣賞： 無
15. 討厭自己邊D性格： 多口
16. 試過睇咩戲//電視劇睇到喊：無試過ｗｏｏ
17. 喜歡結識新朋友嘛：鍾意ｇａ
18. 一件最近想擁有的奢侈品： 意大利國家隊球衣
19. 希望退休後有甚麼生活： ４圍去旅行
20. 對上一樣令你忍唔住講出一聲「好好味」的食物： 自已燒既雞翼
21. 小時候對世界有過些甚麼誤會： 食西瓜唔吐走ｄ核，個頭會生西瓜同食香口膠吞左既話，會黏腸－－
22. 首個令你有性幻想既明星： 無
23. 對隆胸有咩感想： 多於的
24. 好多人都話你唔應該咁做, 但你冇後悔既事： 我認得羊仔叫我唔好咬手指甲，但我無後悔繼續咬
25. 數得出一堆你願意更加珍惜佢地既朋友嗎： 數得出，太多唔想打
26. 多唔多人你對佢有過好感但後來感到有D後悔： 唔多，小之有小
27. 遺傳了家人的甚麼特質：懶
28. 喜歡的遊戲： 多到爆，ｗｉｎｎｉｎｇ
29. 有冇做過一D令你自豪同回味既決定： ２５分鐘砌完一部電腦
30. 幾時開始清楚自己鍾意男仔定女仔： 小學５６年班
31. 信唔信輪迴轉世： 唔信
32. 愛情, 友情, 親情, 請排序： 友情，愛情，親情
33. 甚麼讓你最恐懼： 海盜船＝＝
34. 有冇堅持使用邊d牌子既產品： 無ｗｏｏ
35. 有冇邊D朋友你覺得//希望可以同佢熟D, 但實際上又未熟得晒//唔熟： 羊仔，杰
36. 幾歲時第一次鍾意異性 (或同性)：我諗係小學個時
37. 對怎麼的生活有過憧憬： 世界個個都就哂我，哈哈……
38. 較喜歡媽媽還是爸爸： 真係唔知，一時時啦，阿爸幫我個時咪
39. 甚麼讓你感到尷尬： 係上堂個時訓完教，起身張木台勁多口水－０－
40. 用十個字眼來描述的近來既生活： 悶，好悶，勁悶，悶到爆
41. 而家諗返轉頭唔明自己點解當事要咁做既事： 永遠讀書個時都係玩，到而家都係
42. 曾經最深愛//敬愛過的三個對象： 無深愛過ｗｏｏ
43. 在網絡上有甚麼財產(eg. 日記, 網頁…)： 有一個日記囉
44. 你有冇一D「特異功能」： ｅ仔識郁囉
45. 有冇一個你以為實現到, 但其實唔可以既「夢想」： 做飛機師
46. 喜歡的品牌： ｆｅｎｄｅｒ
47. 你願意花時間學習些甚麼東西： 結他
48. 最喜歡看異性的哪些部位： 眼睛
49. 你會唔會選擇一腳踏兩船： 唔會，好曾ｅｄ人
50. 有冇懷疑過自己既性取向：無
51. 只可以用一個詞語黎形容你自己既性格, 你會用咩詞語： 口水多多
52. 對上一件由衷感到感動的事： ｄｏｇｄｏｇ係上次團契講既野
53. 曾經約會過不算熟絡的網友出來見面嘛： 沒有
54. 希望死後火化還是怎樣： 火化
55. 最近最煩惱的事是： 考試
56. 有冇一個moment如果你做左另一D決定, 就會大大影響左你既一生, 有的話是甚麼事： 我諗無
57. 承上題, 受到呢件事影響, 你估計你既人生有咩唔同：
58. 愛過的人中有些甚麼不堪的性格： 唔知
59. 希望將來住o係邊： 海邊
60. 有咩事你一遇到就會覺得好噁心： ｄ人係大街大行到挖鼻屎仲要彈，勁噁心
61. 從事過甚麼工作： 沒有
62. 有咩人你好感激佢但唔好意思同佢講：阿爸阿媽
63. 有冇曾經俾人偷過乜野： 錢，筆
64. 經常講大話嘛： 一時時啦，同阿爸阿媽講多
65. 覺得自己傾向是實際還是不設實際的人： 不設實際，最近係度整雨天公仔就知－－
66. 最希望睇到邊兩位藝人結成一對： 吳唱ｋ同欣宜
67. 親友怎樣形容小時候的你： 好動，一ｄ都唔靜
68. 算是怕悶的人嘛： 算，成日都覺得悶
69. 你算是一個吝惜給予別人讚美的人嘛：不算
70. 初次接觸電腦係幾時： ３４年班
71. 由細到大曾經希望過從事咩職業： 飛機師
72. 最有恆心做的一件事：儲錢買結他，２個月都食麵包
73. 曾經想過加入誰的fans club： ｇｒｅｅｎｄａｙ
74. 曾經希望過自己出生於邊D國家： 無
75. 依賴性強嗎： 一般
76. 數得出三個令人有厭惡感的人嘛： 海膽，朱穩富，賴敬豪
77. 有冇同過邊D明星合照： 有，鍾意既球星＝＝
78. 有幾多經常提及的香港地方你是從未去過的： 無咩地方
79. 有冇乜野「古怪」既習慣： 咬手指甲囉
80. 人生當中暫時有邊D稱得上係轉捩點： 翻左教會，信左神
81. 父母曾經為你的甚麼而感到自豪： 岩岩考左個５級樂理試囉，去左食飯
82. 有冇乜野經歷到而家仲成日俾長輩提住：無
83. 有沒有甚麼東西你的朋友都不喜歡, 只有你一個喜歡： 好似無
84. 有沒有甚麼東西你的朋友都喜歡, 只有你一個不喜歡：榴槤
85. 有冇邊個地方你去完聲稱以後都唔想再去：扒聖，成年都無去
86. 發生甚麼特別事第一個搵的朋友：
87. 有冇特別喜歡邊幾個中文字： 無
88. 慣於「明戀」定「暗戀」： 暗
89. 印象較深的電影對白： Keep your friends close, but your enemies closer (The Godfather II)對你既朋友好，對你既敵人要更好
90. 有冇嘗試過訓練自己的非慣用手： 無
91. 想變成另一個性別嘛： 不想
92. 印象最深的小學同學： 李文智，讀書好勁同運動好勁
93. o係icq多數用咩mode： ｏｎｌｉｎｅ
94. 邊D地方令你有愉快既回憶： 教會
95. 邊D地方令你有不快既回憶： 沙田河畔ｒｏｌｌｅｒ場，跌斷左隻手
96. 有咩事你一遇到就會有莫名的厭惡感：
97. 數出十樣最喜歡的東西： 
98 , 第一張擁有的CD： ｏａｓｉｓ既ｃｄ
99 . 曾經迷戀過邊D明星：ｏａｓｉｓ，ｇｒｅｅｎｄａｙ
100. 最近有咩口頭禪： 唔知自已有咩口頭禪＝＝

終於都玩完，原來對自已都唔係好了解