今朝同左阿媽去飲茶，勁早7點30去飲，原本諗住去睇dogdog踢波，但都係陪左阿媽飲茶，考順嘛我-0-，不過太早起身完全唔想食野，咩都無食過，之後去左阿婆到坐。

坐左陣上翻屋企拎野翻琴行，今日要翻埋樂理==，翻到琴行都ok早，10點半翻到12點半，個人就死一樣，跟住翻左教會叫左羊仔黎，等佢黎其間自已去左食環球，自已一個幾舒服，就黎食完個時羊仔黎左，同佢係教會汁翻d歌譜+幫dogdog拎歌。

到左2點9團契開始lu，dogdog領詩+主席，想叫杰幫我彈一首佢又話唔想彈，今日我彈得唔係幾好，希望大家見諒--，今日查經，勁悶真係，係度係咁同人傾閒計。

對唔住呀小強，我都知道小強同我地查經都係想我地既靈命有增長，但我地唔生性，希望可以改la，完左團契去左食下午茶，佢地係度玩明日環，點解成日都見到好多人玩==

食完佢地又想去打邊爐-0-，但又一d都唔肚餓，跟住去左公園坐千秋，整壞左陪mp3傷心--，7點到上左去聚寶打邊爐lu，都食左ok多野，一人87，食到好飽哦，跟住去左m記坐，dogdog係m記訓著左==，之後去左食糖水，其實都唔係好想去食。

食完同民仔＋勝+沛琪翻屋企，去到太和民仔同勝翻屋企先，同左沛琪去左７仔買野飲同做左ｄ　ｏｋ無聊既野，扭公仔，跟住去左佢屋企樓下吹左陣水翻屋企ｌｕ。

今朝起身翻學，今日只係上頭2堂，真係勁唔想翻，頭2堂pe考試，滿分，但我地換緊3個時，西施入黎同我地講話之前考試個分佢唔小心del左==。

放學同羊仔，肥麟，b仔去左食早餐，去大家樂，d野食完全唔飽，跟住佢地就上去我度打機，到左1點到dogdog個d都上埋黎，唉，小強今日無黎到可惜，到左6點到佢地走哂，阿媽翻左黎，佢放左個袋又出左去lu。

唔知係唔係聽日家長日好大壓力，7點半落左去平台跑步，8點5到翻翻上黎沖涼，自已一個跑步d感覺好好，雖然好累，但出完一身汗無咁大煩惱真係好。

今朝訓到7點11，跑到翻去差d夠鐘，上第一堂美術，係度訓，張善意係咁叫我起身，我無理佢繼續訓，跟住佢叫左杜杜上黎，杜杜捉左我落去，打左電話俾我阿媽，扣左我5分==(張紙寫住易建彤上美術堂時睡覺，不尊重老師)，跟住聽杜杜訓話。

講到上第3堂，翻到上去呆下呆下咁就食飯，叫左肥麟幫我買飯，真係唔該肥麟，打鐘上翻去上常上音樂，勁眼訓，跟住上地理借左嘉豪部psp係度玩monster hunter，最後上海膽堂，又係係度打機，班友勁嘈。

放左學去左學生會出面同羊仔+肥麟打波，打到4點半佢地上左我屋企玩炸彈人--，7點到佢地走左，我叫我阿爸幫我買飯

今朝我訓到不醒仕，大昏迷緊既時候突然有人係9點9到打電話黎，原來肥麟打黎問我崇拜有無改，我鬼知咩，緊住收線，諗住繼續昏迷，一訓落床又有電話打黎，今次肥麟又打黎問超平電話，俾完佢之後又走翻上床，過多5分鐘，肥麟又打黎問小強電話，我就係咁俾佢整到成個人醒哂==，訓翻落床訓極都訓唔到，跟住又無野做決定翻崇拜，刷完牙換完3，跟住翻去la，翻到去都係10點半到，今日但以理個班翻哂午堂坐左我地平時坐個度，跟住聽道la，今日個topic唔係好岩我聽。

完左去$10大大碗食，原來加左價$12碗，以後要叫佢做$12大大碗lu，食完都唔係好飽==，跟住諗住同羊仔翻教會，翻到去又無位，跟住4圍行，行到3點半食下午茶翻左屋企，因為今朝俾人整醒左既關係，太累la又去左訓，訓到7點到落左阿婆到食飯。

今朝遲左起身，去到琴行遲左５分鐘，學學下同個阿ｓｉｒ吹左陣，跟住我話想買ＫＯＲＧ個音效器，佢問我通利賣幾多錢，跟住我話＄１６８０，佢話唔抵買，叫我唔好買，注意佢係通利既員工。

跟住肥麟打黎，同左佢去食野，食泰式，跟住ｄｏｇｄｏｇ，黎埋，陪左佢去食環球，食完翻到教會玩層層疊，原本得我，肥麟同羊仔，玩玩下嘉嘉同少玉都玩，玩到團契開始，今日團契個氣氛唔係太好，發覺自已都無咩願望同目標。

放左團契諗住去食下午茶但班女仔去食萬利，無咩興趣，陪ｄｏｇｄｏｇ去左睇ｇａｍｅ，跟住ｄｏｇｄｏｇ＋羊仔＋蔡文朗走先，同民仔係大埔行，行行下撞到波特同花花，原來波特下個禮拜六要去澳洲讀書，跟住諗住同民仔＋阿貴去打波，點知阿貴已經翻左屋企，咁民仔都翻埋屋企，自已係大埔廣場到再行多陣，好鍾意自已一個睇野，去左札幌借左幾本火鳳跟住去左海港買飯翻屋企食。