琴晚3點幾俾個閃電炸醒左，跟住咁就起左身，聽到收音機話黑雨警告，滿心興奮以為應該唔駛翻學，就出左廳打左陣機，4點到俾阿爸見到我打機，叫翻我入房訓，無計韃翻落張床到，點知我記得好似係4點半佢話黑雨已經消左，好失望，早知唔出廳打機。

訓到7點9，完全唔想起身，但無理由話唔翻，翻到去頭2堂chem派卷，個分都ok la，跟住就訓，訓到rest落去3e搵dogdog同阿貴玩數碼暴龍，暴龍獸真係勁==，完左rest翻3b繼續訓，2堂中文1堂數都係度大昏迷，lunch落左su又玩數碼暴龍，同阿貴合左體，哈哈……，lunch食二佬，天氣太熱唔係好想食，食完上左3e度坐，同d人玩左個遊戲，哈哈…，lunch完左上英文，上海膽堂又點會有心情聽書，所以問左人借左部psp黎玩，玩到上hist，hist落去音樂室做工作紙，跟住放學。

放左學佢地上左黎我度玩we10，好難適應呀we10。

又換左背景音樂，依然都係Greenday既歌，wake me up when september ends

今朝10點起左身，換3刷牙洗面，汁定d野翻琴行學結他，11點3上堂上到12點，個阿sir介紹左隊樂隊既歌俾我聽，係Nivana既歌，都ok好聽，12點就行去巴士站搭271去尖咀通利翻樂理。

上到2點又行去搭車，趕翻黎教會，3點1到先翻到黎，sorry呀pui琪，幫唔到你彈-0-，玩左個game，要扯人條報紙裙，都幾好玩，跟住又玩左個game，係要用$10去整個蛋糕袋表我地既生日週，無咩點投入去玩，不過跑左去m記拎茄汁，好辛苦因為好熱==，玩完d game就去食野lu，d唔知咩涼粉，第一次食，都幾好味呀。

放左團契同dogdog、阿貴去左buy電玩數碼暴龍機，個d暴龍機係我二年級個時玩過，放左係個櫃通，過左8年都仲玩到，哈哈…，重拾起我地既童真，跟住去左3樂坐，等羊仔個d拎個波黎玩，玩左好耐閃避球，踢踢下個波生仔==，所以踢左個隔離cpu，去左萬利食野，第一次係萬利食貴個$20，叫左4個送，跟住去左好好食糖水，試左小小羊仔d榴槤，真係接受唔到==，我覺得好難食呀，食完糖水同b仔去左南坑食宵夜，食完陪佢等埋車就翻左屋企，翻到屋企已經1點幾。

轉左首背景音樂，係Green day 既American idiot，係正版cd度轉過黎，好小買正版cd黎聽，Green day E隻係我第3隻既正版cd==

今朝10點半諗住去唱k，落去睇下neway有無房，原來一早已經無哂lu，跟住同肥麟食早餐，食完去佢屋企拎野跟住上我屋企打機，打打下dogdog個d話上黎開會，佢地上黎都無咩點傾咁，到6點零佢地走左。

得翻肥麟，羊仔同我一齊去食飯，係我屋企都打邊爐，肥麟佢翻左屋企拎爐，拎完爐跟住一齊去買野食，買左好多野食，我地放左d魚蛋同腸仔個d落個爐到焗住跟住走左去打機，打左成半個鐘到，睇翻d丸大到咩咁，仲有過粒乒乓波==，d腸仔仲大過司華力腸，11點半佢地都走左lu。

就黎世界盃lu，意大利都唔知入唔入到8強==，保方受左傷，要用老鬼佩雷斯，薩卡度及格羅素d防守真係麻麻，好失望tim-0-。

琴晚去左燒野食，內容我懶到已經唔想打==，今朝搭翻巴士出翻黎，之後去左明星飲茶，5條友100都唔駛，真係平，飲完茶就翻屋企訓，涼都無沖就撻左係張床度，我諗個時用左幾秒就昏迷左。

訓到10點幾樓上裝潢超嘈，嘈到12點幾頂唔順醒左，等到佢地食飯我先有覺好訓==，跟住訓到2點起左身，玩左陣電腦打左陣機落左街買野食，食完野就繼續玩電腦同打機。

今日d時間過得好快呀，覺得過得好唔抵tim，全日都係打機玩電腦+訓覺。我要E個假期每一日都唔浪費!!

琴晚溫到2點半，今朝6點起左身約左海勝&pui琪去m記溫書，去到都唔係溫既，背個2句問答，完全入唔到腦==，浪費左我1個半鐘，翻到去頭2堂數學堂，派卷33分，接受唔到事實，點解會咁低分ga，跟住去溫翻中史，竟然可以好快咁背左2句問答同溫左好耐，上完數學上中史，中史堂可以溫書，跟住測中史，好彩都唔係好難姐，阿朗同蘇卓希被人捉到出貓，真係慘，之後考EPA，死直了，完全唔識==，

放學去左同羊仔游水，游到6點翻左教會hea同食野，跟住就翻左屋企。

終於都測完驗la，之後既就係悠長假期lu!