今朝遲左起身，好趕咁趕翻去，翻到去問左阿茂借漫畫睇，真係大獲，e排迷戀翻上漫畫，頭2堂dt，做完d死人工作紙之後訓教，訓到小息去左買野食，買完上去問人借書個時俾少玉拎左d小小三文治食==，翻到課室撞到杜杜真係赫親，好彩佢睇唔到我拎住d野食，之後上物理，唔知點解上佢堂會勁眼訓，訓足2堂，無聽到書==，之後上經公，曾sir條友講野又係廢，又訓，訓到lunch

lunch無食去左打波，不過都無咩點跑，因為隻腳仲好痛 ，打鐘上翻課室，又上海膽，今次又有得睇電視，真係好好小上海膽堂會開心哇kakaka，之後上中文，吳餵豬講書真係好悶，講講下書講左其他野真係頂佢唔順，最後上數學，黎左個代課阿sir，佢同葉國輝個樣差唔多餅印一樣，班友上佢堂勁嘈，睇黎今個禮拜上既數學堂都係廢的。放學陪左肥麟去換眼鏡&還書，跟住班友又上黎打機，今次打左一陣就走左la。

今朝無較到鬧鐘，所以無起到身翻崇拜==，差唔多12點換3落街搵佢地食lunch，原來楊美靈佢帶左佢表姐翻崇拜今日，我地samuel既人數又會增加多一個lu，跟左佢地去泰式食，食完翻左教會拎拍打羽毛球，去左3樂周打，打打下波拉親隻右腳，之後打籃球，係杰推一推，個人失重心左腳落地==，咬柴 ，之後都無咩點打。

跟住落大雨就去左大中行左陣dogdog話想買袋，去睇左陣袋，之後送左dog同羊仔去搭車，同肥麟去左m記吹左陣，9點先翻屋企食飯，我阿媽煮飯，講真，真係好難食 ，食完飯沖涼見到隻左腳鍾左小小==。

今朝遲左9點10到先起身，約左小白菜10點打波，遲左到搞到小白菜唔開心，真係十萬個sorry，跟住打到11點11先去學結他，去到又再次遲到，12點1先翻到去，去到12點6就完左lu，去左搵翻佢地食野同叫埋肥麟一齊食野，食完野4圍行，到差唔多2點就翻教會，翻教會途中見到鄭力勤係風水踢波，踢左2腳，傳波俾民仔個時唔小心踢中左pui琪sorry呀

翻教會拎詩歌，今日係我主席領詩，真係有d緊張，諗真自已平時過既生活都幾苦悶，但我知道人係一生之中，可能真係有好多困難，但即使再苦，即使幾咁難過，只要努力，便能找到出路，要去學習依靠神。

今日題目係查經，我又好嘈，sorry呀小強，係咁係度講野，我一定要改下(大家記住提醒下我)

放左團契去左食下午茶，跟住佢地成班友上左我度玩+煮飯仔，有好多人男仔女仔加埋有大約13人==，都煮得幾好味，真係唔該肥麟幫我手洗碗，係我屋企玩既途中D女仔有d野好似唔係好開心。

去完我屋企落左街hea，去左三樂周hea左陣，之後同dogdog同阿貴去左太和公園度傾計，見到d女仔咁自已心情都不太好，3個人係公園度祈禱，個時候好感受到神係係身邊，雖然我真係唔係太清楚佢地咩事，都希望可以幫到佢地，就算幫唔到佢地都希望佢地有咩重擔都交俾神，我相信神會指引最好既路俾佢地。

今朝遲左起身，翻到去差d遲到 ，今日上堂d時間改左，頭2堂數學，聽左陣書，訓左陣教==，跟住上中史，又係抄notes，上bio，杜杜好鬼勁，鬧完吳少峰即刻可以變臉，對住我地笑住咁教書 ，上完bio上電腦，何美華成日都好遲先黎，上左陣就落堂

lunch去左搵羊仔同B仔食新可能，食完翻學校去左3E坐左陣同借書，跟住上海膽堂，上2堂訓足2堂， 到口水都流埋，真係好鬼正 哇kakaka，放學無得翻團契 因為要留堂，問阿茂借左幾本漫畫黎睇先無咁悶＆Ｄ時間好快過，留完堂上家政室翻一半既團契，翻完就一大班人去食下午茶，食完翻左教會打乒乓波＆唱詩歌，晚飯同羊仔食，因為羊仔阿媽翻左大陸味翻黎，去左珍珍食，食完佢上黎幫我溫書＋佢自已做功課，１０點半到佢先翻屋企。

今朝起身個人暈暈地，食完藥就翻學lu，頭2堂化學大昏迷=0=完全無聽過書，跟住小息都仲昏迷緊，到上中文先起身，中文堂miss講埋d低能野，教d人護理皮膚，又話用茶葉膚面==，都唔係教書ga，繼續訓，到上數學，做左陣工作紙就lunch，lunch無出食，係學校度食。

lunch之後英文堂，英文堂又訓訓足2堂==，唔知點解成日都好累，上完英文上history，history係我全日唯一有聽書既一堂=0=，放學去3E搵肥麟幫我溫書，去度3E寫左d心意card，跟住就走左lu，肥麟個d黎到都唔係溫書--，係度打機，我去左訓，訓到7點起身，佢地仲打緊==，佢地打到7點3就走哂lu。